ᓴᒧᐃᓕ ᓯᕗᓪᓖᑦ 7:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓴᒧᐃᓕᓕ ᐃᑯᐊᓚᑦᓯᓪᓗᓂ ᑐᓂᓯᑎᓪᓗᒍ ᑐᓂᕐᕈᑎᒥᓂᒃ, ᐱᓕᔅᑍᓂᒥᐅᑦ ᖃᒡᓕᕗᑦ ᐅᓇᑕᕆᐊᓕᕐᓗᑎᒃ ᐃᓴᕆᐊᓕᒥᐅᓄᑦ; ᐊᑕᓂᕐᓕ ᑲᓪᓕᓕᕐᑎᑦᓯᕗᖅ ᓂᐱᖅᑯᕐᑐᔪᕐᔪᐊᕐᒥᒃ ᐱᓕᔅᑍᓂᒥᐅᑦ ᐱᓪᓗᒋᑦ ᑖᒃᑯᐊᓗ ᐅᐃᒻᒪᑦᓯᐊᓚᐅᕐᐳ ᓇᓗᓕᕐᓗᑎᒡᓗ; ᕿᒪᒃᓯᓪᓗᑎᒡᓗ ᐃᓴᕆᐊᓕᒥᐅᓂᒃ.

ᓴᒧᐃᓕ ᓯᕗᓪᓖᑦ 7:10 Iomraidhean Croise

ᐃᓐᖏᕈᑎᑦ 18:15

ᐃᒪᕐᔪᐊᓪᓗ ᐃᖏᕐᕋᓂᖏᑕ ᐊᖅᑯᑎᖏᑦ ᑕᑯᒃᓴᐅᓚᐅᕐᐳᑦ, ᓄᓇᕐᔪᐊᓪᓗ ᑐᓐᖓᕕᖏᑦ ᓴᖅᑭᑎᓚᐅᕐᐰᑦ, ᐊᑕᓃᖅ ᓱᐊᖕᓂᕐᓄᑦ, ᓱᕐᓗᒃᐱᓪᓗ ᐊᓂᕐᓂᖓᑕ ᓱᐱᓂᖏᖕᓄᑦ.

ᐃᓐᖏᕈᑎᑦ 29:3

ᐊᑕᓂᐅᑉ ᓂᐱᖓ ᐃᒪᕐᔪᐊᑦ ᖁᓛᓃᑉᐳᖅ; ᒎᑎᐅᑉ ᓂᕐᑐᕐᓇᕐᓂᖓ ᐃᒃᑐᑑᕐᐳᖅ; ᐊᑕᓂᖅ ᐃᒪᕐᔪᐊᑦ ᐅᓄᕐᑐᑦ ᖁᓛᓃᑉᐳᖅ.

ᐃᓐᖏᕈᑎᑦ 29:4

ᐊᑕᓂᐅᑉ ᓂᐱᖓ ᐱᔪᓐᓇᕐᓂᕐᔪᐊᖃᕐᐳᖅ; ᐊᑕᓂᐅᑉ ᓂᐱᖓ ᑕᑕᑉᐳᖅ ᐊᖓᔪᖅᑳᕐᔪᐊᖑᓂᖓᑕ ᐅᐱᓐᓇᕐᓂᖓᓂᒃ.

ᐃᓐᖏᕈᑎᑦ 78:66

ᐊᑭᕋᕐᑐᕐᑎᓂ ᐊᓇᐅᓕᕐᓗᒋᑦ ᐊᑭᓂᐊᓚᐅᕐᐰᑦ; ᑍᒤᓕᖕᒊᓐᓇᕐᓂᐊᓕᕐᑐᒥᒃ ᑲᓐᖑᓇᕐᑐᒦᓕᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 28:7

“ᐊᑕᓂᐅᑉ ᐊᑭᕋᕐᑐᕐᑎᓯ ᐃᓕᑦᓯᓐᓂᒃ ᐅᓇᑕᕋᓱᓕᕐᐸᑕ ᓵᓚᒋᖃᑦᑕᕐᓂᐊᕐᐰᑦ ᓵᑦᓯᓐᓂ; ᐃᓕᑦᓯᓐᓄᑦ ᐅᓇᑕᕆᐊᕋᔭᕐᐳᑦ ᐊᑕᐅᓯᕐᒥᓐᖔᕐᓗᑎᒃ, ᐃᓕᑦᓯᓐᓂᓪᓕ ᕿᒫᓕᕋᔭᕐᐳᑦ ᓵᓐᖓᔭᑐᐃᓐᓇᕐᒥᖕᓄᑦ ᕿᒫᓕᕐᓗᑎᒃ.

ᔮᓱᐊᑉ ᐊᒡᓚᖏᑦ 10:10

ᐊᑕᓂᐅᓪᓗ ᐊᒧᕅᑎᒥᐅᑦ ᐅᐃᒪᔮᕐᑎᓚᐅᕐᐰᑦ ᑕᑯᑐᐊᕐᒪᑕ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᓐᓂᒃ, ᐃᓴᕆᐊᓕᒥᐅᓂᑦ ᒋᐱᐅᓂᒥ ᐅᓄᕐᑐᐊᓗᐃᑦ ᑐᖁᕋᕐᑕᐅᓚᐅᕐᐳᑦ, ᒪᓕᒃᑕᐅᓪᓗᑎᒡᓗ ᐊᖅᑯᑎᒃᑯᑦ ᖃᖅᑲᒥᑦ ᐱᑦ-ᕼᐅᕋᓐᒧᑦ ᑐᕌᕐᑐᒃᑯᑦ, ᐅᓇᑍᓐᓇᓚᐅᕐᐰᓪᓗ ᐊᔨᑲᒧᑦ ᒪᑮᑕᒧᓪᓗ ᑎᑭᓪᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 4:15

ᐊᑕᓂᐅᑉ ᓴᖑᑎᓚᐅᕐᐹ ᓯᓰᕋ ᐊᒃᓴᓗᐊᓕᓕᒫᖏᓪᓗ ᐅᓇᑕᕐᑐᒃᓴᖁᑎᖏᓪᓗ ᐸᕌᒃᒧᑦ ᑖᑦᓱᒪᓗ ᓵᓚᒋᓚᐅᕐᐰᑦ ᓴᕕᒡᔪᐊᒧᑦ; ᓯᓰᕋ ᐊᒃᓴᓗᐊᓕᖕᒥᓂᑦ ᓂᐅᓪᓗᓂ ᕿᒫᓚᐅᕐᐳᖅ ᐊᕐᐸᖏᕐᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 5:20

ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ, ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.

ᐃᓗᐊᕐᓮᔩᑦ ᐊᒡᓚᖏᑦ 5:8

ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ, ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ 40,000ᓂ ᐃᓴᕆᐊᓕᑎᓂ?

ᓴᒧᐃᓕ ᓯᕗᓪᓖᑦ 12:17

ᐅᓪᓗᒥ ᓂᐊᖂᔭᒃᓴᓂᒃ ᑲᑎᕐᓱᐃᕕᐅᓐᖏᓛᖅ? ᐊᑕᓂᖅ ᑐᒃᓯᐊᕐᕕᒋᓂᐊᕐᐸᕋ, ᑲᓪᓕᕐᑎᑦᓯᖁᓪᓗᒍ ᓯᓚᓗᒃᑎᑦᓯᖁᓪᓗᒍᓗ; ᑕᒪᓐᓇ ᑲᔪᓯᒃᐸᑦ, ᑕᑯᓗᓯᓗ ᖃᐅᔨᔪᒫᕐᐳᓯ ᐊᖏᔪᒥᒃ ᐊᔪᕐᑐᓕᓯᒪᓂᑦᓯᓐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᐊᑕᓂᐅᑉ ᓵᖓᓂ, ᐊᖓᔪᖅᑳᕐᔪᐊᕐᑖᕈᒪᓪᓗᓯ ᑐᒃᓯᐊᓚᐅᕋᑦᓯ.”

ᓴᒧᐃᓕ ᓯᕗᓪᓖᑦ 14:15

ᑕᕝᕙ ᐱᓕᔅᑍᓂᒥᐅᑦ ᑕᕝᕙᓃᑦᑐᑦ ᑲᑉᐱᐊᓱᖕᓂᕐᒧᑦ ᐅᐃᒻᒪᒃᐳᑦ; ᐱᕈᕐᓰᕕᖕᒦᑦᑐᑦ, ᐃᓄᓕᒫᑦ; ᐅᓇᑕᕐᑐᒃᓮᓪᓗ ᑕᖕᒫᕐᓯᒪᕕᖕᒦᑦᑐᑦ ᑎᒡᓕᒐᕐᑏᓪᓗ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᓄᓇᓗ ᓴᔪᒃᐱᓪᓚᒃᐳᖅ; ᐊᑕᖏᑦᓯᐊᕐᓗᑎᒡᓗ ᑐᑮᕈᑎᑦᓯᐊᕐᐳᑦ.

ᓴᒧᐃᓕ ᓯᕗᓪᓖᑦ 2:10

ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”

ᓴᒧᐃᓕ ᓯᕗᓪᓖᑦ 7:11

ᐃᓴᕆᐊᓕᒥᐅᓪᓕ ᒥᔅᐸᒥᑦ ᐊᐅᓪᓚᕋᒥᒃ ᒪᓕᒃᓴᕐᐳᑦ ᐱᓕᔅᑍᓂᒥᐅᓂᒃ, ᑐᖁᕅᓚᐅᕐᐳᑦ, ᐱᑦ-ᑳᕐᒧᑦ ᐊᒡᓛᑦ ᑎᑭᓗᑎᒃ.