ᓴᒧᐃᓕ ᓯᕗᓪᓖᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᓕᔅᑍᓂᒥᐅᓪᓗ ᕾᖁᔨᓚᐅᕐᐳᑦ ᑐᓂᕐᕈᓯᕐᑎᑦᓯᔨᓂᒃ ᖃᐅᔨᓇᓱᐊᕐᑎᓂᒡᓗ ᐊᐱᕆᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕕᑖ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ? ᐅᖃᐅᑎᓚᐅᕐᑎᒍᑦ ᐅᑎᕐᑎᓐᓂᐊᕈᑦᑎᒍ ᐃᓂᖓᓄᑦ ᓱᓇᒥᒃ ᐃᓚᖃᕐᓗᓂ ᐊᐅᓪᓚᕐᑎᑕᒃᓴᕆᕙᕗᑦ?”

ᓴᒧᐃᓕ ᓯᕗᓪᓖᑦ 6:2 Iomraidhean Croise

ᒨᓯᓯ ᓯᕗᓪᓖᑦ 41:8

ᐅᓪᓛᖑᓕᕐᑎᓪᓗᒍᓕ ᐃᓱᒪᔮᓕᕐᐳᖅ; ᑎᓕᓯᓪᓗᓂᓗ ᕾᖁᔨᕗᖅ ᐄᑦᔨᑉᑎᒥ ᐊᖓᒃᑯᓕᒫᓂᒃ ᐃᓕᓯᒪᔪᓕᒫᓂᒡᓗ; ᐰᕉᓪᓗ ᓯᓐᓇᒃᑐᒥᓂᒃ ᐅᓂᒃᑲᐅᑎᓕᕐᐰᑦ, ᓇᓪᓕᐊᓐᓂᒡᓘᓐᓃᓪᓕ ᑐᑭᓕᐅᕆᔪᖃᕈᓐᓇᓚᐅᓐᖏᓚᖅ ᐰᕉᒧᑦ.

ᒨᓯᓯ ᐂᑉᐸᖏᑦ 7:11

ᑕᕝᕙ ᐰᕉ ᐃᓕᓯᒪᔪᖁᑎᒥᓂᒃ ᐊᖓᒃᑯᖁᑎᒥᓂᒡᓗ ᐄᑦᔨᑉᑎᒥᐅᓂᒃ ᕾᖁᔨᓚᐅᕐᐳᖅ; ᑖᒃᑯᐊᑦᑕᐅᖅ ᑍᒤᓕᐅᓚᐅᕆᕗᑦ.

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 2:2

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᐊᖓᒃᑯᓂᒃ, ᓇᓚᐅᑦᑍᔨᓂᒡᓗ, ᐱᔪᓐᓇᐅᑎᓕᖕᓂᒡᓗ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᑖᒃᑯᓄᖓ ᐅᖃᐅᑎᔭᐅᔪᒪᓪᓗᓂ ᓱᓇᒥᒃ ᓯᓐᓇᒃᑐᓚᐅᕐᒪᖔᕐᒥ. ᑖᒃᑯᐊᓗ ᕾᒐᒥᒃ ᐊᖓᔪᖅᑳᕐᔪᐊᑉ ᓵᖓᓂ ᓇᖏᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 5:7

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᓇᓚᐅᑦᑍᔨᓂᒃ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᐊᖓᒃᑯᓂᒡᓗ, ᐅᖃᐅᑎᓪᓗᒋᓪᓗ ᐹᐱᓘᓂᒥᐅᑦ ᓯᓚᑐᔪᖁᑎᖏᑦ, “ᓇᓪᓕᐊᑦ ᐅᑯᓂᖓ ᑎᑎᖅᑲᓂᒃ ᐅᖃᓕᒫᕐᑐᖅ, ᖃᓄᐃᓕᖕᒪᖔᑕᓗ ᐅᖃᐅᑎᓗᖓ, ᐊᓐᓄᕌᕐᑎᓐᓂᐊᕐᐸᕋ ᐊᐅᐸᓪᓚᕆᒃᑐᓂᒃ ᒎᓗᒥᒡᓗ ᐅᔭᒥᒃᑎᓪᓗᒍ, ᐊᖓᔪᖅᑲᐅᓂᓐᓂᓗ ᑐᖏᓕᕐᒪ ᐱᖓᔪᒋᓕᕐᓂᐊᐹ.”

ᒫᑎᐅᓯᐅᑉ ᐊᒡᓚᖏᑦ 2:4

ᐃᕉᑕᓯᐅᓪᓕ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓕᒫᖏᑦ ᐱᖁᔭᓂᒡᓗ ᐃᓕᓮᔩᑦ ᕾᖁᓪᓗᒋᑦ ᐊᐱᕐᓱᕐᐰᑦ, “ᓇᓂ ᙭ᔅᑑᓯ ᐃᕐᓂᐊᖑᓂᐊᕐᓂᕋᕐᑕᐅᓯᒪᕙ?”

ᓴᒧᐃᓕ ᓯᕗᓪᓖᑦ 5:8

ᑍᒤᒻᒪᑦ ᐅᖃᕆᐊᕐᑐᕐᑎᑦᓯᕗᑦ ᑲᑎᖃᑎᖃᕐᓗᑎᒡᓗ ᐱᓕᔅᑍᓂᒥᐅᑦ ᐊᖓᔪᖅᑳᖏᓐᓂᒃ ᐊᐱᕆᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕕᑖ ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓᓅ?” ᑖᒃᑯᐊ ᑭᐅᕗᑦ, “ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᒑᑎᒧᐊᕈᑎᓚᐅᕐᓯᐅᒃ,” ᑍᒤᒻᒪᑦ ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᒑᑎᒧᐊᕈᑎᕚᑦ.

ᓴᒧᐃᓕ ᓯᕗᓪᓖᑦ 6:1

ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐱᓕᔅᑍᓂᒦᓚᐅᕐᐳᖅ ᑕᖅᑭᓂᒃ 7ᓂᒃ.