ᓴᒧᐃᓕ ᓯᕗᓪᓖᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᕝᕙ ᑲᓕᒐᖅ ᑎᑭᐅᑎᕗᖅ ᐱᕈᕐᓰᕕᖕᒧᑦ ᐱᒋᔭᐅᔪᒧᑦ ᔮᓱᐊᒧᑦ ᐱᑦ-ᓯᒥᔅᒦᑦᑐᒧᑦ, ᑕᕝᕗᓐᖓᕋᒥᓗ ᓄᖅᑲᕐᐳᖅ. ᐅᔭᕋᒡᔪᐊᑉ ᓴᓂᐊᓄᑦ; ᐃᓄᐃᓪᓗ ᑲᓕᒐᖅ ᓱᕋᒃᑎᕐᓗᒍ ᑭᔪᒃᓴᓕᐊᕆᕚᑦ ᐃᒻᒧᒃᓯᐅᒑᒡᓗ ᑐᖁᓪᓗᒋᒃ ᐃᑯᐊᓪᓚᒃᐰᑦ ᑐᓂᕐᕈᑎᒋᓪᓗᒋᒃ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 6:14 Iomraidhean Croise

ᓴᒧᐃᓕ ᐂᑉᐸᖏᑦ 24:18

ᑍᑦᓱᒪᓂᑦᓮᓐᓇᖅ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᒪᔪᕋᓚᐅᕆᑦ, ᐊᕋᐅᓇᐅᑉ ᐃᕖᔧᕕᖓᓄᑦ ᔨᐳᓮᑎᒦᑦᑐᒧᑦ, ᑍᑲᓂ ᑐᓂᕐᕈᓯᕐᕕᓕᐅᓕᕆᑦ ᐊᑕᓂᕐᒧᑦ.”

ᓴᒧᐃᓕ ᐂᑉᐸᖏᑦ 24:22

ᑕᕝᕙ ᐊᕋᐅᓇ ᑍᕕᑎᒧᑦ ᐅᖃᕐᐳᖅ, “ᐱᒋᓕᕈᖅ ᐊᖓᔪᖅᑳᒃ, ᐃᓱᒪᕐᓱᑎᒋᓗᒍ ᐊᑕᓂᕐᒧᑦ ᑐᓂᕐᕈᓯᓕᕆᑦ ᐃᓱᐊᕐᑑᔪᕆᔭᕐᓂᒃ; ᐅᑯᐊ ᑕᕝᕙ ᐆᒪᔪᐃᑦ ᐃᒻᒧᒃᓯᐅᒊᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ; ᐅᑯᐊᓗ ᑕᕝᕙ ᓇᖕᒪᐅᑕᖏᑦ ᓯᖃᓕᑦᓯᕕᐅᓪᓗ ᕿᔪᒃᓴᖏᑦ ᐃᑯᐊᓪᓚᖅᑯᑎᒃᓮᑦ.”

ᓴᒧᐃᓕ ᐂᑉᐸᖏᑦ 24:25

ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᓴᓇᕗᖅ, ᑐᓂᕐᕈᓯᕐᓗᓂᓗ ᐃᑯᐊᓪᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᐃᓚᒌᑦᓯᐊᓕᕐᓂᕐᒧᓪᓗ ᑐᓂᕐᕈᑎᒥᒃ. ᐊᑕᓂᐅᓪᓗ ᑐᓂᕐᕈᓯᕈᑎᐅᔪᑦ ᓄᓇ ᐱᓪᓗᒍ ᐃᓚᓕᐅᓚᐅᕐᐰᑦ, ᖃᓂᒻᒪᓯᕐᓗ ᐃᓴᕆᐊᓕᒥᐅᓂ ᓄᖅᑲᕐᑎᓚᐅᕐᐹ.

ᐊᑕᓃᑦ ᓯᕗᓪᓖᑦ 19:21

ᐃᓔᓴ ᐅᑎᕋᒥ, ᐃᒻᒧᒃᓯᐅᒐᖁᑎᓂ ᒪᕐᕉᓈᕐᑎᕐᓯᒪᓪᓗᑎᒃ ᐅᓂᐊᓲᑦ ᑐᖁᑉᐰᑦ ᐆᔪᓕᐅᕐᓗᒋᓪᓗ, ᑲᓕᒐᖏᑦ ᐃᑯᐊᓪᓚᖅᑯᑎᒋᓪᓗᒋᑦ, ᐃᓄᖕᓄᓪᓗ ᑐᓂᕔᑦ, ᑖᒃᑯᐊᓗ ᓂᕆᕗᑦ. ᒪᑭᓐᓇᒥᓗ ᐃᓔᑦᔭᒥᒃ ᒪᓕᒃᓴᕐᐳᖅ, ᐃᑲᔪᕐᑎᒋᓕᕐᐹᓗ.

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᐃᓗᐊᕐᓮᔩᑦ ᐊᒡᓚᖏᑦ 21:4

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐃᓄᒋᐊᒃᑐᕐᔪᐊᑦ ᒪᑭᑉᐳᑦ, ᑐᓂᕐᕈᓯᕐᕕᓕᐅᕐᓗᑎᒃ, ᑐᓂᕐᕈᓯᕐᓗᑎᒡᓗ ᐃᑯᐊᓚᑎᑦᓯᓂᒃᑯᑦ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:26

ᑐᓂᕐᕈᓯᕐᕕᖕᒥᒡᓗ ᓴᓇᒋᑦ ᐊᑕᓂᕐᒧᑦ ᒎᑎᖕᓄᑦ ᕿᒫᕕᐅᑉ ᖄᖓᓂ, ᐅᔭᕅᑦ ᐋᖅᑭᒃᓱᕐᓗᒋᑦ ᐋᖅᑭᒃᑎᒪᒋᐊᖃᕐᓂᖏᑦ ᒪᓕᑦᓯᐊᕐᓗᒋᑦ; ᐊᖑᓴᓪᓘᓪᓗ ᐂᑉᐸᖓ ᑎᒍᓗᒍ ᑐᓂᕐᕈᑎᒋᒍᒃ ᕿᔪᖃᕐᓗᑎᑦ ᓇᑲᓚᐅᕐᑕᕐᓂᒃ ᒎᑎᓐᖑᐊᑉ ᐊᓯᕋᐅᑉ ᓇᓗᓁᒃᑯᑕᖓᓂᑦ.”

ᓴᒧᐃᓕ ᓯᕗᓪᓖᑦ 11:5

ᓴᐅᓕᓕ ᐱᕈᕐᓰᕕᖁᑎᒥᓂᓐᖔᕐᓗᓂ ᑎᑭᑉᐳᖅ ᐃᒻᒧᒃᓯᐅᒐᖁᑎᒥᒍᑦ; ᐅᖃᕐᓗᓂᓗ, “ᓱᕕᓰ? ᓱᖕᒪᑦ ᐃᓄᐃᑦ ᕿᐊᕙᑦ?” ᑕᕝᕙ ᐅᖃᐅᑦᔭᐅᕗᖅ ᔭᐲᓯᒥᑦ ᐅᖃᕆᐊᕐᑐᓚᐅᕐᑑᑉ ᐅᖃᐅᓯᖏᓐᓂᒃ.

ᓴᒧᐃᓕ ᓯᕗᓪᓖᑦ 20:29

ᐅᖃᓚᐅᕐᒪᑦ, ‘ᐊᐅᓪᓚᕈᓐᓇᕐᑎᓚᐅᓐᖓ; ᐃᓚᒃᑲ ᓇᓪᓕᐅᓐᓂᕐᓯᐅᕐᓂᐊᕐᒪᑕ ᑐᓂᕐᕈᓯᕐᓗᑎᒃ ᓂᕆᖃᑎᒌᓪᓗᑎᒡᓗ ᑍᑲᓂ, ᐊᖓᔪᒪᓗ ᕾᖁᓚᐅᕐᒪᖓ ᑍᑲᓃᖁᓪᓗᖓ. ᖁᕕᐊᒋᒍᕕᖓ, ᐱᔪᓐᓇᕐᑎᓚᐅᓐᖓ ᐃᓚᓐᓂᒃ ᑕᑯᔪᓐᓇᖁᓪᓗᖓ.’ ᑍᒤᒻᒪᑦ ᑕᕝᕙ ᐃᓂᒥᓃᓐᖏᓚᖅ ᐊᖓᔪᖅᑳᕐᔪᐊᑉ ᓵᖓᓂ.”

ᓴᒧᐃᓕ ᓯᕗᓪᓖᑦ 6:13

ᐱᑦ-ᓯᒥᔅᒥᐅᓪᓕ ᐃᓄᖏᑦ ᓂᐊᖂᔭᒃᓴᓕᕆᓚᐅᕐᐳᑦ ᓄᕗᖏᓐᓂᒃ ᐱᔧᓪᓗᑎ ᓇᕐᓴᒥ; ᑕᑯᓴᕋᒥᒡᓗ ᑕᑯᕗᑦ ᐊᖏᕈᑎᐅᑉ ᐃᒃᓯᕐᕕᖁᑎᖓᓂᒃ, ᖁᕕᐊᓱᒻᒪᕆᓚᐅᕐᐳᓪᓗ ᑕᑯᒐᒥᑦᔪᒃ.

ᓴᒧᐃᓕ ᓯᕗᓪᓖᑦ 6:18

ᑐᓂᓯᓚᐅᕆᕗᓪᓗ ᒎᓗᓂᒃ ᐊᕕᓐᖓᓐᖑᐊᓂᒃ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᐊᐅᓚᑕᖏᓐᓂᑦ, ᐃᒡᓗᒐᓴᖕᓂᑦ ᓴᐴᓗᑕᓕᖕᓂᑦ ᓴᐴᓗᑕᖃᖏᑦᑐᓂᓪᓗ ᓄᓇᓕᖕᓂᒃ ᑐᑭᖃᕐᑎᓪᓗᒋᑦ. ᐅᔭᕋᒡᔪᐊᖅ ᔮᓱᐊᑉ ᐱᕈᕐᓰᕕᖁᑎᖓᓃᓚᐅᕐᑐᖅ ᐱᑦ-ᓯᒥᔅᒥ, ᖄᖓᓄᓪᓗ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᓕᓚᐅᕐᐹᑦ, ᑖᓐᓇ ᐅᔭᕋᒃᔪᐊᖅ ᑍᑲᓃᖏᓐᓇᕐᐳᖅ ᓱᓕ ᐅᓪᓗᒥᒧᑦ ᐱᓂᐊᕐᓂᐅᓚᐅᕐᑐᖅ ᓇᓗᓁᕐᑕᐅᓯᒪᖁᓪᓗᒍ.