1 ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐱᓕᔅᑍᓂᒦᓚᐅᕐᐳᖅ ᑕᖅᑭᓂᒃ 7ᓂᒃ.
ᓴᓐᖏᓂᕐᒥᓄᑦ ᑎᒍᔭᐅᓯᒪᕕᖕᒧᑦ ᐊᐅᓪᓚᕈᑦᔭᐅᑎᓚᐅᕐᐰᑦ, ᐱᓐᓇᕐᓇᕐᓂᖓᑕᓗ ᓇᓗᓁᒃᑯᑕᖓ ᐊᑭᕋᖏᓐᓄᐊᕐᑕᐅᑎᓪᓗᒍ.
ᐱᓕᔅᑍᓂᒥᐅᑦ ᑎᒍᓯᒐᒥᒃ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ, ᐊᒡᔭᕐᐹ ᐃᐱᓂᓯᕆᒥᑦ ᐃᒡᓗᒐᓴᖁᑎᒥᓄᑦ ᐋᔅᑖᑦᒧᑦ;
ᑍᒃᑯᐊᓗ ᑐᖁᖏᑦᑑᒐᓗᐊᑦ ᐋᓐᓂᐊᓇᕐᑐᕐᑖᓚᐅᕐᐳᑦ ᐋᖅᑭᒃᑕᐅᔪᓐᓇᖏᑦᑐᓂᒃ, ᐃᓄᐃᓪᓗ ᐃᒡᓗᒐᓴᓃᑦᑐᑦ ᐃᓗᖏᕐᓱᕐᓗᑎᒃ ᓂᓪᓕᐊᓂᖏᑦ ᕿᓚᖕᒧᑦ ᑎᑭᐅᒪᓕᓚᐅᕐᐳᑦ.
ᐅᓪᓛᒻᒪᕆᒃᑯᒃ ᖃᐅᑎᓪᓗᒍ ᐋᔅᑖᑦᒥᐅᑦ ᐃᓄᖏᑦ ᒪᑭᓐᓇᒥᒃ, ᑕᑯᕗᑦ ᒎᑎᓐᖑᐊᖓ ᑍᒐᓐ ᐅᕐᕈᖓᔪᖅ ᐹᒻᒪᖓᓪᓗᓂ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓯᕗᕌᓂ. ᑕᕝᕙ ᑎᒍᕚᑦ ᐅᑎᕐᑎᓪᓗᒍᓗ ᐃᓂᖓᓄᑦ.
ᐱᓕᔅᑍᓂᒥᐅᓪᓗ ᕾᖁᔨᓚᐅᕐᐳᑦ ᑐᓂᕐᕈᓯᕐᑎᑦᓯᔨᓂᒃ ᖃᐅᔨᓇᓱᐊᕐᑎᓂᒡᓗ ᐊᐱᕆᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕕᑖ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ? ᐅᖃᐅᑎᓚᐅᕐᑎᒍᑦ ᐅᑎᕐᑎᓐᓂᐊᕈᑦᑎᒍ ᐃᓂᖓᓄᑦ ᓱᓇᒥᒃ ᐃᓚᖃᕐᓗᓂ ᐊᐅᓪᓚᕐᑎᑕᒃᓴᕆᕙᕗᑦ?”
