ᓴᒧᐃᓕ ᓯᕗᓪᓖᑦ 5:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑭᓯᐊᓂᓕ ᑕᕝᕗᓐᖓᕐᑕᐅᓯᒪᓕᕐᒪᑦ, ᐊᑕᓂᐅᑉ ᐱᔪᓐᓇᕐᓂᖓᑕ ᓱᒋᐊᕆᕔᑦ ᑕᕝᕙᓂ ᐃᒡᓗᒐᓴᖕᓃᑦᑐᑦ, ᐅᐃᒪᔮᕐᑎᓪᓗᒋᓪᓗ, ᐋᓐᓂᐊᓇᕐᑐᕐᑖᕐᐳᓪᓗ ᐃᒡᓗᒐᓴᖕᓃᑦᑐᓕᒫᑦ, ᐃᓅᓱᒃᑐᑦ ᐃᓄᑐᕾᓪᓗ ᐊᑦᔨᒌᓂᒃ, ᖃᓂᒪᓇᕐᑐᓄᑦ ᑎᑭᑕᐅᔪᐃᓐᓇᐅᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 5:9 Iomraidhean Croise

ᐃᓐᖏᕈᑎᑦ 78:66

ᐊᑭᕋᕐᑐᕐᑎᓂ ᐊᓇᐅᓕᕐᓗᒋᑦ ᐊᑭᓂᐊᓚᐅᕐᐰᑦ; ᑍᒤᓕᖕᒊᓐᓇᕐᓂᐊᓕᕐᑐᒥᒃ ᑲᓐᖑᓇᕐᑐᒦᓕᕐᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 5:19

ᐊᑦᔨᖃᕈᒫᕐᒪᑦ ᐊᖑᒻᒥᒃ ᓛᔭᒥᒃ ᕿᒫᔪᒥᒃ, ᓇᓄᕐᒥᒡᓗ ᐹᕐᓯᔪᒥᒃ! ᐅᕝᕙᓗ ᐊᑦᔨᖃᕈᒫᕆᕗᖅ ᐃᒡᓗᒧᑦ ᐃᑎᕐᑐᒥᒃ, ᐊᑭᓐᓇᒧᑦ ᐊᔭᑉᐸᒃᐸᑦ ᖁᒡᓗᒋᐊᒧᑦ ᑮᔭᐅᔪᑐᑦ!

ᒨᓯᓯ ᑕᓪᓕᒪᖏᑦ 2:15

ᐊᑕᓂᐅᑉ ᓵᓐᖎᓐᓇᓚᐅᕐᐰᑦ ᓄᖑᓚᐅᖅᑳᕋᓂᒋᑦ.

ᓴᒧᐃᓕ ᓯᕗᓪᓖᑦ 12:15

ᑭᓯᐊᓂᓕ ᐊᑕᓂᐅᑉ ᓂᐱᖓᓂᒃ ᓈᓚᖕᓂᐊᖏᒃᑯᑦᓯ, ᐊᑕᓂᐅᓪᓗ ᐱᖁᔭᖏᓐᓂᒃ ᐊᑭᕋᕐᑐᓕᕈᑦᓯ, ᑕᕝᕙ ᐊᑕᓂᐅᑉ ᐊᒡᒐᖏᑦ ᐃᓕᑦᓯᓐᓂᒃ ᐊᖓᔪᖅᑳᕐᔪᐊᑦᓯᓐᓂᒡᓗ ᐊᑭᕋᕐᑐᓕᕈᒫᕐᐳᖅ.

ᓴᒧᐃᓕ ᓯᕗᓪᓖᑦ 5:10

ᑕᕝᕙ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᑯᕋᓂᒧᐊᕈᑎᕚᑦ. ᑍᑯᖓᓗ ᑎᑭᐅᑦᔭᐅᖕᒪᑦ, ᐃᑯᕋᓂᒥᐅᑦ ᐃᓄᖏᑦ ᐅᖃᓕᕐᐳᑦ, “ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒪᐅᓐᖓᕐᑕᐅᕗᖅ ᐅᕙᑦᑎᓐᓂᒃ ᑐᖁᑦᓯᖁᔭᐅᓪᓗᓂ ᐃᓄᖁᑎᑦᑎᓐᓂᒡᓗ!”

ᓴᒧᐃᓕ ᓯᕗᓪᓖᑦ 5:11

ᑍᒤᒻᒪᑦ ᐱᓕᔅᑍᓂᒥᐅᑦ ᐊᖓᔪᖅᑳᓕᒫᖏᓐᓂᒃ ᕾᖁᔨᓚᐅᕐᐳᑦ ᑲᑎᖕᒪᑕᓗ ᐅᖃᐅᑎᕔᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒫᓐᖓᑦ ᐊᐅᓪᓚᕐᑎᑕᐅᓚᐅᕐᓕ ᐃᓂᖓᓄᓪᓗ ᐅᑎᕐᑎᑕᐅᓗᓂ, ᑐᖁᑕᐅᓂᐊᖏᓐᓇᑦᑕ ᐃᓚᕗᓪᓗ.” ᐃᒡᓗᒐᓴᓕᒫᓂᓗ ᑕᕝᕙᓂ ᐅᐃᒪᔮᕐᓂᖃᕐᐳᖅ ᑐᖁᑕᐅᓂᐊᕋᓱᒋᓪᓗᑎᒃ.

ᓴᒧᐃᓕ ᓯᕗᓪᓖᑦ 5:6

ᐊᑕᓂᐅᑉ ᐱᔪᓐᓇᕐᓂᖓᑕ ᐋᔅᑖᑦᒥᐅᑦ ᑲᑉᐱᐊᓱᒃᑎᓚᐅᕐᐰᑦ ᓱᒋᐊᕐᓗᒋᓪᓗ, ᐋᔅᑖᑦᒥᐅᑦ ᖃᓂᒋᔭᖓᓃᑦᑐᓪᓗ ᐋᓐᓂᐊᓇᕐᑐᓄᑦ ᐋᖅᑭᒃᑕᐅᔪᓐᓇᖏᑦᑐᓄᑦ.

ᓴᒧᐃᓕ ᓯᕗᓪᓖᑦ 6:11

ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᑲᓕᒐᕐᒧᐊᕐᐹᑦ, ᐃᒃᓯᕐᕕᖕᒥᒡᓗ ᐃᓗᓕᓕᖕᒥᒃ ᒎᓗᓂᒃ ᓴᓇᓐᖑᐊᕐᓯᒪᔪᓂᒃ ᐊᕕᓐᖓᓐᖑᐊᓂ ᖃᓂᒻᒪᓯᓐᖑᐊᓂᒡᓗ ᓴᓂᐊᓄᐊᕐᓯᓪᓗᑎᒃ.

ᓴᒧᐃᓕ ᓯᕗᓪᓖᑦ 7:13

ᐱᓕᔅᑍᓂᒥᐅᑦ ᓵᓚᐅᓚᐅᕐᐳᑦ ᐃᓴᕆᐊᓕᒥᐅᓪᓗ ᓄᓇᖓᓄᑦ ᐃᑎᒃᑲᓐᓂᓚᐅᕈᓐᓃᕐᓗᑎᒃ. ᐊᑕᓂᐅᓪᓗ ᐱᔪᓐᓇᕐᓂᖓᑕ ᐱᓕᔅᑏᓂᒥᐅᑦ ᓵᓐᖎᓐᓇᓚᐅᕐᐰᖅ ᓴᒧᐃᓕᐅᑉ ᐃᓅᓂᓕᒫᖓᓂ.