ᓴᒧᐃᓕ ᓯᕗᓪᓖᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᓇᑕᕐᑏᓪᓗ ᐅᑎᕐᒪᑕ ᑕᖕᒫᕐᕕᒋᓯᒪᔭᒥᖕᓄᑦ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐅᖃᕐᐳᑦ, “ᓱᖕᒪᑦ ᐊᑕᓂᐅᑉ ᐅᓪᓗᒥ ᐱᓕᔅᑍᓂᒥᐅᑦ ᓵᓚᖃᕐᑎᑉᐰᑦ ᐅᕙᑦᑎᓐᓂᒃ? ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐂᓚᐅᕐᓚᕗᑦ ᓮᓗᐊᒥᑦ, ᐃᓚᒋᓂᐊᕐᒪᑎᒍᑦ ᐱᐅᓕᓗᑕᓗ ᐊᑭᕋᑦᑕ ᐱᔪᓐᓇᕐᓂᖏᓐᓂᑦ.”

ᓴᒧᐃᓕ ᓯᕗᓪᓖᑦ 4:3 Iomraidhean Croise

ᓴᒧᐃᓕ ᐂᑉᐸᖏᑦ 15:25

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ ᔭᑑᒃᒧᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᐅᑎᕐᑎᓚᐅᕈᒃ ᐃᒡᓗᒐᓴᖕᓄᑦ. ᐊᑕᓂᐅᑉ ᖁᕕᐊᒋᒍᓂᖓ, ᐅᓪᓗᐃᑦ ᐃᓚᖓᓐᓂ ᐅᑎᕐᑎᓛᕐᐹᖓ ᑕᑯᒃᑲᓐᓂᕐᓗᒍ ᐃᓂᒋᕙᒃᑕᖓᓂ.

ᑯᕉᓂᑲ ᓯᕗᓪᓖᑦ 17:1

ᑕᒪᑐᒪ ᑭᖑᕐᖓᒍᑦ ᑍᕕᑎ ᐃᒡᓗᖃᓕᕐᓗᓂ ᐊᖓᔪᖅᑳᕐᔪᐊᑉ ᐃᒡᓗᖓᓂ, ᑍᕕᑎ ᐅᖃᕐᐳᖅ ᓁᑕᓂᒧᑦ ᐊᑕᓂᐅᑉ ᐅᖃᕐᑎᖓᓄᑦ, “ᑕᑯᒋᑦ, ᐃᒡᓗᒦᑉᐳᖓ ᓰᑕᕆᓂᒃ ᕿᔪᑦᓯᐊᕚᓗᖕᓂᑦ ᓴᓇᓯᒪᔪᒥ, ᒎᑎᐅᓪᓕ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᑐᐱᕐᒦᑐᐃᓐᓇᕐᑎᓪᓗᒍ!”

ᐃᓐᖏᕈᑎᑦ 74:1

ᒎᑏ, ᓱᖕᒪᑦ ᖁᔭᓈᕐᓯᒪᕕᑎᒍᑦ ᐃᓱᖃᖏᑦᑐᒧᑦ? ᓱᖕᒪᑦ ᓂᓐᖓᐅᒪᓃᑦ ᐳᔫᕐᐸ ᓰᐱᖁᑎᖕᓄᑦ ᓇᑎᕐᓇᒦᑦᑐᓄᑦ?

ᐃᓐᖏᕈᑎᑦ 74:11

ᓱᖕᒪᑦ ᐊᒡᒐᑎᑦ ᐅᕙᑦᑎᓐᓂᒃ ᐃᑲᔪᕐᑍᓕᒪᑎᑉᐱᒋᑦ? ᓱᖕᒪᑦ ᐊᒡᒐᑎᑦ ᑕᓕᕐᐲᑦ ᑐᓄᖕᓃᑎᑉᐱᒋᑦ?

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 59:2

ᐱᐅᖏᑦᑐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᒎᑎᑦᓯᓐᓂᒃ ᐊᕕᑦᑎᓯᒪᒐᑦᓯ, ᐊᔪᕐᓂᑦᓯᓐᓄᑦ ᑮᓇᖓ ᐃᓕᑦᓯᓐᓄᑦ ᑕᕐᕆᓯᒪᓕᕐᒪᑦ ᑍᒫᒃ ᑐᓴᕈᓐᓁᓪᓕᕚᓯ.

ᔨᕆᒤᐊᐅᑉ ᐊᒡᓚᖏᑦ 3:16

ᐅᓪᓗᓂ ᑍᒃᑯᓇᓂ ᐅᓄᕐᓯᕙᓪᓕᐊᓕᕈᑦᓯ ᓄᓇᒋᔭᑦᓯᓐᓂ, ᐊᑕᓂᖅ ᐅᖃᕐᐳᖅ, ᐅᖃᕐᑐᖃᕈᓐᓁᓕᔪᒫᕐᐳᖅ, ‘ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ.’ ᐃᓱᒪᒋᔪᒫᓐᖏᓛᑦ, ᐃᖅᑲᐅᒪᓇᒍᓗ, ᑭᖑᓂᖃᓈᕐᓇᒍᓗ, ᐊᑦᔨᐊᓂᒡᓗ ᓴᓇᔪᖃᕐᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 7:4

ᐅᖃᐅᓯᑦᓯᓐᓄᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᓕᕌᖓᑦᓯ, ‘ᐊᑕᓂᐅᑉ ᐅᓇ ᑐᒃᓯᐊᕐᕕᒃᔪᐊᖁᑎᖓ, ᐊᑕᓂᐅᑉ ᑕᕝᕙ ᑐᒃᓯᐊᕐᕕᒡᔪᐊᖁᑎᖓ, ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓ!’

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᒨᓯᓯ ᓯᑕᒪᖏᑦ 10:35

ᑕᕝᕙ ᑍᒤᓕᓚᐅᕐᐳᖅ, ᐃᒃᓯᕐᕕᒃ ᐊᖏᕈᑎᑕᓕᒃ ᐊᐅᓪᓚᕈᑎᔭᐅᓕᕌᖓᑦ, ᒨᓯᓯ ᐅᖃᕐᐸᓚᐅᕐᐳᖅ: “ᐊᑕᓃᖅ, ᒪᑭᓕᕆᑦ! ᐊᑭᕋᑎᑦ ᐊᕙᒻᒧᑦ ᕿᒫᓕᑦ, ᐃᓕᖕᓂᒡᓗ ᐱᐅᒃᓴᖏᑦᑐᑦ ᓵᖕᓂᑦ ᕿᒪᒃᓯᓕᑦ.”

ᒨᓯᓯ ᓯᑕᒪᖏᑦ 31:6

ᑕᕝᕙ ᒨᓯᓯᐅᑉ ᐅᓇᑕᕆᐊᕐᑎᓚᐅᕐᐰᑦ 1,000ᓂᒃ ᑭᖑᕚᖑᖃᑎᒌᑦ ᐊᑐᓂᑦ; ᐅᓇᑕᕆᐊᕐᑎᑉᐰᑦ ᐃᓚᖃᕐᓗᑎᒃ ᐱᓂᕼᐋᓯᒥᒃ ᐃᓕᓯᕆᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᓂᒃ, ᐃᑦᔪᕐᓁᑦᑐᓂᒃ ᓇᒃᓴᕐᓗᓂ ᑎᑦᑐᓚᐅᑎᒥᒡᓗ ᓇᓗᓁᕐᓯᑦᔪᑎᒥᒃ.

ᒨᓯᓯ ᑕᓪᓕᒪᖏᑦ 29:24

ᑕᕝᕙ ᐃᓅᖃᑎᒌᒡᔪᐊᓕᒫᑦ ᐊᐱᕐᓱᓕᕈᒫᕐᐳᑦ, ‘ᓱᖕᒪᓂᓐᓇ ᐊᑕᓂᖅ ᑖᑦᓱᒧᖓ ᓄᓇᒧᑦ ᑍᒤᓕᐅᕐᐹ? ᓱᓇᒥᒡᓗ ᐱᑦᔪᑎᖃᕐᓗᓂ ᓂᓐᖓᐅᒪᕕᒡᔪᐊᕐᐹ?’

ᒨᓯᓯ ᑕᓪᓕᒪᖏᑦ 31:26

“ᐅᑯᐊ ᐱᖁᔧᑦ ᐊᒡᓚᒃᓯᒪᔪᑦ, ᑎᒍᓗᒋᑦ ᐃᓕᔭᒃᓴᕆᕙᓯ ᐊᑕᓂᐅᑉ ᒎᑎᑦᓯ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᑕ ᓴᓂᐊᓄᑦ, ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ.

ᑎᒧᑎᒧᑦ ᐂᑉᐸᖏᑦ 3:5

ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᔮᓱᐊᑉ ᐊᒡᓚᖏᑦ 4:7

ᑭᐅᔪᒫᕋᑦᓯᐅᒃ ᔪᐊᕐᑕᓂᐅᑉ ᑰᖓ ᑰᒍᓐᓃᓚᐅᕐᓯᒪᓂᖓᓂᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑳᕈᑦᔭᐅᓕᕐᑎᓪᓗᒍ ᑰᖕᒥᒃ ᔪᐊᕐᑕᓂᒥᒃ, ᔪᐊᕐᑕᓂᐅᑉ ᑰᖓ ᓄᖅᑲᖓᑎᑕᐅᓚᐅᕐᒪᑦ. ᑖᒃᑯᐊ ᐅᔭᕅᑦ ᐃᓴᕆᐊᓕᒥᐅᓄᑦ ᖃᓄᖅ ᐱᔪᖃᓚᐅᕐᓯᒪᖕᒪᖔᑦ ᐃᖅᑲᐅᒪᑦᔪᑎᒃᓴᐅᓂᐊᕐᐳᑦ ᐃᓱᖃᖏᑦᑐᒧᑦ.”

ᔮᓱᐊᑉ ᐊᒡᓚᖏᑦ 6:6

ᑕᕝᕙ ᔮᓱᐊᑉ ᓈᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔩᑦ ᕾᖁᕐᓗᒋᑦ ᐅᖃᐅᑎᕔᑦ, “ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᐊᒡᔭᕐᓗᒍ, ᓯᕗᓕᖃᕐᑐᒃᓴᐅᕗᓯ 7ᓂᒃ ᑐᓂᕐᕈᓯᕐᑎᑦᓯᔨᓂᒃ ᑎᑦᑐᓚᐅᓯᔭᕐᑐᓂᒃ.”

ᔮᓱᐊᑉ ᐊᒡᓚᖏᑦ 7:7

ᔮᓱᐊᓗ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ ᒎᑏ! ᓱᖕᒪᑦ ᐃᑳᕐᑎᓚᐅᕐᐱᑎᒎᑦ ᔪᐊᕐᑕᓂᐅᑉ ᑰᖓᓂᒃ? ᐊᒧᕅᑎᒥᐅᓄᑦ ᑐᓂᔪᒪᓪᓗᑖ? ᐊᓯᕈᕈᒪᓪᓗᑕᓘ? ᐱᐅᓂᕐᓴᐅᒐᔭᓚᐅᓐᖏᓛᖅ ᔪᐊᕐᑕᓂᐅᑉ ᑰᖓᑕ ᐊᑭᐊᓃᑐᐃᓐᓇᓚᐅᕈᑦᑕ?

ᔮᓱᐊᑉ ᐊᒡᓚᖏᑦ 7:8

ᖃᓄᕐᓕ ᐅᖃᕐᑐᒃᓴᐅᕗᖓ, ᐊᑕᓃᖅ? ᐃᓴᕆᐊᓕᒥᐅᑦ ᕿᒫᓚᐅᕐᒪᑕ ᐊᑭᕋᒥᖕᓂᑦ!

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᔫᑎᐅᑉ ᐊᒡᓚᖏᑦ 1:5

ᖃᐅᔨᒪᒐᓗᐊᕐᑎᓪᓗᓯ ᐃᖅᑬᑎᑦᓱᒪᕙᑦᓯ, ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᓗᒋᑦ ᐄᑦᔨᑉᑎᒥᑦ, ᑭᖑᕐᖓᒍᑦ ᐅᒃᐱᖏᑦᑐᑦ ᐊᓯᕈᓚᐅᕐᒪᒋᑦ.

ᓴᒧᐃᓕ ᓯᕗᓪᓖᑦ 1:24

ᐃᕐᓂᖓᓗ ᐃᒻᒥᓂᒃ ᐱᔪᓐᓇᕐᓯᖕᒪᑦ, ᓮᓗᐊᒧᑦ ᐂᑦᔪᑎᕚ, ᓇᒃᓴᕐᓗᓂ ᐱᖓᓱᓂᒃ ᐊᕐᕌᒍᓕᖕᒥᒃ ᐃᒻᒧᒃᓯᐅᒊᑦ ᐸᖕᓂᖓᓂᒃ, ᐃᕕᐅᔭᕐᒦᑦᑐᒥᒡᓗ ᓂᐊᖂᔭᒥᒃ, ᕿᓯᖕᒥᒡᓗ ᕔᓂᒥᒃ ᑕᑕᑦᑐᒥᒃ; ᓴᒧᐃᓕᓗ ᒥᑭᔫᒐᓗᐊᕐᑎᓪᓗᒍ; ᐊᑕᓂᐅᑉ ᐃᒡᓗᖓᓄᐊᕈᑎᕚ ᓮᓗᐊᒧᑦ.

ᓴᒧᐃᓕ ᓯᕗᓪᓖᑦ 14:18

ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.

ᓴᒧᐃᓕ ᓯᕗᓪᓖᑦ 4:2

ᑕᕝᕙ ᐱᓕᔅᑍᓂᒥᐅᑦ ᑲᑎᑉᐳᑦ ᐅᓇᑕᕆᐊᕐᓗᑎᒃ ᐃᓴᕆᐊᓕᒥᐅᓂᒃ, ᐅᓇᑕᕕᒃᔪᐊᓕᕋᒥᒡᓗ ᓵᓚᖃᕐᐳᑦ ᐃᓴᕆᐊᓕᒥᐅᓂᒃ, ᑐᖁᑦᓯᓚᐅᕐᐳᓪᓗ ᐊᖑᑎᓂᒃ 4,000ᓂᒃ ᐅᓇᑕᕐᕕᒋᔭᒥᖕᓂ.