ᓴᒧᐃᓕ ᓯᕗᓪᓖᑦ 4:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐊᒃᓱᕈᕐᓗᑎᒃ, ᐃᓴᕆᐊᓕᒥᐅᓪᓗ ᓵᓚᒋᓚᐅᕐᐰᑦ, ᑖᒃᑯᐊᓗ ᕿᒫᕗᑦ, ᐅᓪᓚᒡᓗᑎᒃ ᐊᖏᕐᕋᒥᖕᓄᑦ; ᑐᖁᕋᕐᑕᐅᓂᕐᔪᐊᕐᑕᖃᓚᐅᕐᐳᕐᓗ: ᐃᓴᕆᐊᓕᒥᐅᑦ 30,000 ᐅᓇᑕᕐᑏᑦ ᑕᕝᕙᓂ ᑐᖁᑕᐅᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 4:10 Iomraidhean Croise

ᓴᒧᐃᓕ ᐂᑉᐸᖏᑦ 18:17

ᐋᑉᓴᓚᐅᓪᓗ ᑎᒥᖓ ᑎᒍᕚᑦ, ᐃᒋᓪᓗᒍᓗ ᐃᑎᕐᓵᓗᖕᒧᑦ ᓇᐹᕐᑐᓕᖕᓃᑦᑐᒧᑦ, ᕿᖕᓂᕚᓪᓗ ᐅᔭᕋᒡᔪᐊᓄᑦ; ᐃᓴᕆᐊᓕᒥᐅᓕᒫᓪᓗ ᕿᒪᒃᓯᕗᑦ ᐊᖏᕐᕋᒥᖕᓄᑦ.

ᓴᒧᐃᓕ ᐂᑉᐸᖏᑦ 18:7

ᐃᓴᕆᐊᓕᒥᐅᑦ ᓵᓚᐅᓚᐅᕐᐳᖅ ᑍᕕᑎᐅᑉ ᐅᓇᑕᕐᑐᒃᓴᖏᓐᓄᑦ, ᑐᖁᑕᐅᔪᓪᓗ ᐅᓄᕐᑐᐊᓘᓚᐅᕐᐳᑦ 20,000ᓮᑦ ᐅᓪᓗᒥ ᑍᑦᓱᒪᓂ.

ᓴᒧᐃᓕ ᐂᑉᐸᖏᑦ 19:8

ᑕᕝᕙ ᐊᖓᔪᖅᑳᕐᔪᐊᖅ ᒪᑭᑉᐳᖅ, ᐂᓪᓗᓂᓗ ᐃᖏᑉᐳᖅ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓴᓂᐊᓄᑦ. ᐃᓄᖁᑎᖏᑕᓕ ᑍᑲᓃᓐᓂᖓ ᑐᓴᕋᒥᑦᔪᒃ, ᑕᒪᕐᒥᒃ ᑍᑯᖓ ᐂᕗᑦ ᑖᑦᓱᒧᖓ. ᑍᒤᓕᐅᕐᑎᓪᓗᒋᓪᓕ ᐃᓴᕆᐊᓕᒥᐅᓕᒫᑦ ᕿᒫᓚᐅᕐᐳᑦ ᓄᓇᒥᖕᓄᑦ.

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᐊᑕᓃᑦ ᓯᕗᓪᓖᑦ 12:16

ᐃᓄᐃᑦ ᖃᐅᔨᒐᒥᒃ ᐊᖓᔪᖅᑳᕐᔪᐊᕐᒧᑦ ᓈᓚᒃᑕᐅᖏᓐᓂᕐᒥᖕᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᖃᓄᖅ ᐱᕙᓪᓕᕐᑎᑕᐅᕕᒃᓴᖃᕐᐱᑖ ᑍᕕᑎᒃᑯᓐᓂᑦ? ᔨᓯᐅᑉ ᑭᖑᕚᖏᓐᓂᑦ ᑭᖑᕐᖑᑎᔭᒃᓴᖃᕈᓐᓃᕐᐳᒍᑦ, ᐊᑏ ᐃᓴᕆᐊᓕᒥᐅᖑᔪᓯ ᐊᖏᕐᕋᑐᐃᓐᓇᓕᕐᑕ! ᑍᕕᑎᐅᑉ ᑭᖑᕚᖏᑦ ᐃᒻᒥᖕᓂᒃ ᑲᒪᒋᓂᐊᓕᕐᒪᑕ.” ᑕᕝᕙ ᐃᓴᕆᐊᓕᒥᐅᑦ ᐊᖏᕐᕋᓕᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 22:36

ᓯᕿᓂᖅ ᓂᐱᓕᕐᑎᓪᓗᒍ, ᕾᒐᓛᕐᑐᖃᕐᐳᖅ ᐅᓇᑕᕐᑐᒃᓴᓂᑦ, ᐅᖃᕐᓗᓂ, “ᐊᑕᖏᕐᓗᓯ ᐃᒡᓗᒐᓴᑦᓯᓐᓄᐊᓕᕆᑦᓯ, ᓄᓇᓕᑦᓯᓐᓄᐊᕐᓗᓯᓗ!”

ᐊᑕᓃᑦ ᐂᑉᐸᖏᑦ 14:12

ᔫᑕᒃᑯᑦ ᐅᓇᑕᕐᑎᖁᑎᖏᑦ ᓵᓚᐅᓕᕋᒥᒃ, ᕿᒪᒃᓯᐅᖅᑲᓚᐅᕐᐳᑦ ᐊᑐᓂᑦ ᐊᖏᕐᕋᕆᔭᒥᖕᓄᑦ ᐅᑎᕐᓗᑎᒃ.

ᑯᕉᓂᑲ ᐂᑉᐸᖏᑦ 13:17

ᐊᐰᔭᒃᑯᑦ ᐅᓇᑕᕐᑐᒃᓴᖏᑕᓗ ᐃᓴᕆᐊᓕᒥᐅᑦ ᑐᖁᕋᕐᐰᑦ ᑐᖁᕅᕐᔪᐊᕐᓗᑎᒃ; ᑍᑦᓱᒪᓂ 500,000ᓮᑦ ᐅᓇᑕᕐᑐᒃᓮᑦ ᓂᕈᐊᕐᑕᐅᓯᒪᔪᑦ ᑐᖁᑕᐅᕗᑦ.

ᑯᕉᓂᑲ ᐂᑉᐸᖏᑦ 25:22

ᔫᑕᒥᐅᓪᓗ ᓵᓚᐅᕗᑦ ᐃᓴᕆᐊᓕᒥᐅᓄᑦ, ᐊᖑᑎᓕᒫᓪᓗ ᕿᒪᒃᓯᕗᑦ ᐊᖏᕐᕋᒥᖕᓄᑦ.

ᐃᓐᖏᕈᑎᑦ 78:9

ᐃᕗᕅᒥᐅᑉ ᕿᑐᕐᖓᖏᑦ, ᓱᒋᐅᑎᓕᔭᕐᒪᑕ ᐱᑎᒃᓯᓂᒃ ᑎᒍᒥᐊᕐᓗᑎᒃ, ᐅᑎᕆᐊᓕᕆᑦᓯ ᐅᓪᓗᒥ ᐅᓇᑕᕆᐊᕐᓯᒪᕝᕕᒋᔭᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 7:12

ᐂᓕᕆᑦ ᓮᓗᐊᒦᑦᑐᒧᑦ ᑐᒃᓯᐊᕐᕕᐅᒋᐊᕐᖓᓚᐅᕐᑐᒧᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ, ᑕᑯᓗᑎᓪᓗ ᖃᓄᐃᓕᓐᓂᕐᒪᖔᒃᑯ ᐃᓄᖁᑎᒪ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 28:15

“ᐊᑕᓂᐅᓪᓕ ᒎᑎᑦᓯ ᓂᐱᖓ ᓈᓚᖕᓂᐊᖏᒃᑯᑦᓯᐅᒃ ᑖᑦᓱᒪᓗ ᐊᑐᕐᑕᐅᖁᓯᒪᔭᖏᑦ ᐱᖁᔭᓕᒫᖏᓪᓗ ᑲᒪᒋᑦᓯᐊᕐᓂᐊᖏᒃᑯᑦᓯᐅᒃ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᒪᑯᐊ ᑕᕝᕙ ᓯᕗᓂᑦᓯᐊᖃᕐᓇᖏᑦᑐᑦ ᐃᓕᑦᓯᓐᓄᑦ ᑎᑭᓐᓂᐊᕐᐳᑦ ᓵᓚᒋᓗᓯᓗ:

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᓴᒧᐃᓕ ᓯᕗᓪᓖᑦ 3:11

ᑕᕝᕙ ᐊᑕᓂᐅᑉ ᓴᒧᐃᓕ ᐅᖃᐅᑎᕚ, “ᑕᑯᒋᑦ, ᐱᓇᓱᐊᕈᒪᓕᕐᐳᖓ ᐃᓴᕆᐊᓕᒥᐅᓄᑦ, ᓯᐅᑎᓖᓪᓗ ᓇᓪᓕᐊᑦ ᑐᓴᕐᑐᑦ ᖁᐊᕐᓵᕈᒫᕐᐳᑦ.

ᓴᒧᐃᓕ ᓯᕗᓪᓖᑦ 4:2

ᑕᕝᕙ ᐱᓕᔅᑍᓂᒥᐅᑦ ᑲᑎᑉᐳᑦ ᐅᓇᑕᕆᐊᕐᓗᑎᒃ ᐃᓴᕆᐊᓕᒥᐅᓂᒃ, ᐅᓇᑕᕕᒃᔪᐊᓕᕋᒥᒡᓗ ᓵᓚᖃᕐᐳᑦ ᐃᓴᕆᐊᓕᒥᐅᓂᒃ, ᑐᖁᑦᓯᓚᐅᕐᐳᓪᓗ ᐊᖑᑎᓂᒃ 4,000ᓂᒃ ᐅᓇᑕᕐᕕᒋᔭᒥᖕᓂ.