ᓴᒧᐃᓕ ᓯᕗᓪᓖᑦ 31:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᖃᐅᑎᓪᓗᒍ ᐅᓇᑕᕇᕐᓯᒪᓕᕋᒥᒃ ᐱᓕᔅᑍᓂᒥᐅᑦ ᐱᑖᕆᐊᕐᑐᓚᐅᕐᐳᑦ ᑐᖁᖓᔪᓂᑦ ᓴᐅᓕᐅᓪᓗ ᐃᕐᓂᖏᑕᓗ ᑎᒥᖏᑦ ᑕᑯᒐᒥᑦᔪᒃ ᓇᓚᔪᑦ ᒪᓂᖅᑲᒥ ᖃᖅᑲᒥ ᒋᐅᓪᐳᐊᒥ.

ᓴᒧᐃᓕ ᓯᕗᓪᓖᑦ 31:8 Iomraidhean Croise

ᓴᒧᐃᓕ ᐂᑉᐸᖏᑦ 1:20

ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ; ᐱᓕᔅᑍᓂᒥᐅᑦ ᐊᕐᓇᖏᑦ ᖁᕕᐊᓱᒃᑎᑕᐅᖁᓇᒋᑦ; ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.

ᓴᒧᐃᓕ ᐂᑉᐸᖏᑦ 1:21

ᓯᓚᓗᓕᕐᑍᓕᓕ, ᒥᓂᑦᑍᓕᓗᓂᓗ ᒋᐅᓪᐳᐊᑉ ᖃᖅᑲᖏᓐᓂ; ᐱᕈᕐᓰᕕᖏᓪᓗ ᐱᕈᕐᑐᖃᕐᑍᓕᓕᑦ! ᓯᕘᕋᖏᑦᑐᑦ ᓴᐴᓗᑕᖏᑦ ᒪᓂᖅᑲᒦᑉᐳᑦ ᑲᓐᖑᓇᕐᑐᒦᑎᑕᐅᓂᒃᑯᑦ; ᓴᐅᓕᐅᑉ ᓴᐴᓗᑕᖓ ᕿᓪᓕᕐᓴᕐᓯᒪᔫᓐᓃᕐᐳᖅ ᐅᕐᓱᒧᑦ.

ᑯᕉᓂᑲ ᓯᕗᓪᓖᑦ 10:8

ᑲᐅᑎᓪᓗᒍ, ᐱᓕᔅᑍᓂᒥᐅᑉ ᑐᖁᑕᐅᓯᒪᔪᓂᒃ ᐊᓐᓄᕅᔧᔭᕐᑐᕐᐳᑦ, ᓇᓂᓯᕗᓪᓗ ᓴᐅᓕᒥᒃ ᐃᕐᓂᖏᓐᓂᒡᓗ ᑐᖁᖓᔪᓂᒃ ᖃᖅᑲᒥ ᒋᐅᓪᐳᐊᒥ.

ᑯᕉᓂᑲ ᐂᑉᐸᖏᑦ 20:25

ᔨᕼᐆᓴᐸᑦᑯᑦ ᐃᓚᖏᓪᓗ ᑎᑭᓐᓇᒥᒃ ᓇᒡᕚᕐᑕᕆᐊᓕᓚᐅᕐᐳᑦ ᑖᒃᑯᓇᓐᖓᑦ, ᓇᓂᓯᕗᓪᓗ ᐃᒻᒧᒃᓯᐅᒐᕐᓂᒃ ᐅᓄᕐᑐᕐᔪᐊᓂᒃ, ᓂᕿᓂᒃ, ᐊᓐᓄᕌᓂᒡᓗ, ᐱᔪᒥᓇᕐᑐᓂᒡᓗ ᐱᖁᑎᓂᒃ, ᓄᐊᑦᓯᓚᐅᕐᐳᑦ ᐱᑖᕆᓂᐊᕐᑕᒥᖕᓂᒃ ᐅᓄᕐᑐᕐᔪᐊᓂᒃ ᐊᒡᔭᕐᓯᔪᓐᓁᓪᓕᑐᐃᓐᓇᕐᓗᑎᒃ. ᐅᓪᓗᓂᒃ ᐱᖓᓱᓂᒃ ᓇᒡᕚᕐᑕᓚᐅᕐᐳᑦ ᐱᑖᕐᑐᕐᓗᑎᒃ, ᐅᓄᕐᑐᕐᔪᐊᖑᓚᐅᕐᒪᑕ.

ᓴᒧᐃᓕ ᓯᕗᓪᓖᑦ 28:4

ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᑲᑎᓚᐅᕐᐳᑦ ᑕᖕᒫᕐᓗᑎᒡᓗ ᓄᓇᓖᑦ ᓲᓂᒥᐅᑦ ᓴᓂᐊᓄᑦ; ᓴᐅᓕᐅᓪᓗ ᐃᓴᕆᐊᓕᒥᐅᑦ ᑲᑎᖁᓚᐅᕐᐰᑦ, ᑕᖕᒫᕐᓗᑎᒡᓗ ᖃᖅᑲᒥ ᒋᐅᓪᐳᐊᒥ.

ᓴᒧᐃᓕ ᓯᕗᓪᓖᑦ 31:7

ᐃᓴᕆᐊᓕᒥᐅᓪᓕ ᔨᓴᕆᐊᑉ ᓇᕐᓴᖓᑕ ᐊᑭᐊᓃᑦᑐᑦ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᑐᓴᕋᒥᒃ ᐃᓴᕆᐊᓕᒥᐅᑦ ᕿᒫᓂᖏᓐᓂᒃ ᓴᐅᓕᒃᑯᓪᓗ ᐃᕐᓂᕇᑦ ᑐᖁᑕᐅᓂᖏᓐᓂᒃ, ᓄᓇᓕᖕᒥᖕᓂᒃ ᕿᒤᓐᓁᓚᐅᕐᐳᑦ ᕿᒪᒃᓯᓪᓗᑎᒃ; ᐱᓕᔅᑍᓂᒥᐅᓪᓕ ᑕᕝᕗᓐᖓᕋᒥᒃ ᑕᕝᕙᓂ ᓄᓇᑖᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 31:9

ᓴᐅᓕ ᓂᐊᖁᐃᓚᐅᕐᐹᑦ ᓴᐴᓗᑕᖏᓪᓗ ᐲᔭᕐᓗᒋᑦ, ᐅᖃᕆᐊᕐᑐᕐᑎᑦᓯᓚᐅᕐᐳᓪᓗ ᐱᓕᔅᑍᓂᒥᐅᓕᒫᓄᑦ ᐃᓄᖁᑎᒥᖕᓄᑦ ᒎᑎᓐᖑᐊᒥᖕᓄᓪᓗ.