ᓴᒧᐃᓕ ᓯᕗᓪᓖᑦ 31:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᕕᒃᑲᒧᑦ ᐅᖃᕐᐳᖅ ᓱᒋᐅᑎᖏᓐᓂᒃ ᐊᒃᔭᕐᓯᔨᒧᑦ, “ᓴᕕᒡᔪᐊᑦ ᑎᒍᓗᒍ ᑐᖁᓚᐅᓐᖓ, ᒎᑎᖃᖏᑦᑐᑦ ᐱᓕᔅᑍᓂᒥᐅᑦ ᑐᖁᑦᓯᖁᓇᒋᑦ ᐅᕙᓐᓂᒃ ᐱᔪᕆᑦᔪᑕᐅᖁᓇᖓᓗ.” ᐅᕕᒃᑲᕐᓕ ᑍᒤᓕᐅᕈᒪᓚᐅᓐᖏᓚᖅ ᑲᑉᐱᐊᓱᓗᐊᓚᐅᕋᒥ. ᑍᒤᒻᒪᑦ ᓴᐅᓕᐅᑉ ᓴᕕᒡᔪᐊᓂ ᓇᑉᐸᕐᓗᓂᐅᒃ ᒪᓂᖅᑲᒧᑦ ᐃᒻᒥᓂᒃ ᐅᕐᕈᕕᒋᕚ ᑲᐱᓪᓗᓂ.

ᓴᒧᐃᓕ ᓯᕗᓪᓖᑦ 31:4 Iomraidhean Croise

ᓴᒧᐃᓕ ᐂᑉᐸᖏᑦ 1:1

ᓴᐅᓕᐅᑉ ᑐᖁᓂᖓᑕ ᑭᖑᓂᐊᒍᑦ, ᑍᕕᑎ ᐅᑎᓚᐅᕐᐳᖅ ᓵᓚᖃᕇᕋᒥ ᐊᒪᓕᑬᒥᐅᓂᒃ, ᓄᖅᑲᖓᓚᐅᕐᐳᕐᓗ ᔨᒡᓛᒡᒥ ᐅᓪᓘᖕᓂᒃ ᒪᕐᕉᖕᓂᒃ.

ᓴᒧᐃᓕ ᐂᑉᐸᖏᑦ 1:14

ᑍᕕᑎᐅᑉ ᐅᖃᐅᑎᕚ, “ᖃᓄᐊᓗᒃ ᑲᑉᐱᐊᓱᖏᑦᓱᑎᑦ ᑐᖁᑦᓯᔪᓐᓇᕐᐲᑦ ᐊᖓᔪᖅᑳᕐᔪᐊᒥᒃ ᐊᑕᓂᐅᑉ ᓂᕈᐊᕐᓯᒪᔭᖓᓂᒃ?”

ᓴᒧᐃᓕ ᐂᑉᐸᖏᑦ 1:20

ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ; ᐱᓕᔅᑍᓂᒥᐅᑦ ᐊᕐᓇᖏᑦ ᖁᕕᐊᓱᒃᑎᑕᐅᖁᓇᒋᑦ; ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.

ᓴᒧᐃᓕ ᐂᑉᐸᖏᑦ 1:6

ᑭᐅᕗᖅ, “ᖃᖅᑲᐅᑉ ᒋᐅᓪᐳᐊᑉ ᖄᖓᓃᓪᓗᐊᓚᐅᕋᒪ; ᑕᑯᓚᐅᕐᐳᖓ ᓴᐅᓕ ᖃᓗᒋᐊᒥᓄᑦ ᐄᒐᖓᑎᓪᓗᒍ ᐊᑭᕋᖏᑦ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᒃ ᕿᒻᒥᕐᔪᐊᒃᑯᓪᓗ ᑖᑦᓱᒧᖓ ᖃᒡᓕᕙᓪᓕᐊᓕᕐᑎᓪᓗᒋᑦ.

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᓴᒧᐃᓕ ᐂᑉᐸᖏᑦ 21:12

ᑍᕕᑎ ᑕᕝᕗᓐᖓᕐᐳᖅ ᓴᐅᓕᐅᓪᓗ ᐃᕐᓂᖓᑕᓗ ᔫᓇᑕᓂᐅᑉ ᓴᐅᓂᖏᑦ ᐂᓪᓗᒋᑦ ᔭᐲᓯ-ᒋᓖᑎᒦᑦᑐᒥᑦ. (ᑖᒃᑯᓇᓐᖓᑦ ᑎᒡᓕᒃᑕᐅᓯᒪᔪᑦ ᐃᓄᒋᐊᑐᒃᑯᕕᖕᒥᑦ ᐱᑦ-ᓵᓂᒥᑦ, ᐱᓕᔅᑍᓂᒥᐅᓂᑦ ᓂᕕᓐᖓᕐᑕᐅᓚᐅᕐᓯᒪᔪᑦ ᑍᑦᓱᒪᓂ ᐅᓪᓗᒥ ᓴᐅᓕᑯᒃ ᑐᖁᑕᐅᑎᓪᓗᒋᒃ ᖃᖅᑲᒥ ᒋᐅᓪᐳᐊᒥ.)

ᐊᑕᓃᑦ ᓯᕗᓪᓖᑦ 16:18

ᔨᒻᕆ ᖃᐅᔨᒐᒥ ᐃᒡᓗᒐᓮᑦ ᓵᓚᐅᓂᖓᓂᒃ, ᐊᖓᔪᖅᑳᕐᔪᐊᑉ ᐃᒡᓗᖓᓄᐊᕐᐳᖅ ᐊᖓᔪᖅᑳᕐᔪᐊᒃᑯᕕᖕᒧᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓ ᐃᑯᐊᓪᓚᒃᐹ ᐃᓗᐊᓃᓪᓗᓂ, ᑐᖁᓪᓗᓂᓗ.

ᐊᑕᓃᑦ ᓯᕗᓪᓖᑦ 16:27

ᐅᒻᕆᐅᓪᓕ ᐱᓂᐊᕐᓂᕕᓂᖏᑦ ᐱᔪᓐᓇᕐᓂᖓᑕᓗ ᑕᑯᒃᓴᐅᓂᖓ, ᑎᑎᕋᕐᑕᐅᓯᒪᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑕ ᐅᓂᒃᑲᐅᓯᐅᓂᖏᓐᓂ.

ᑯᕉᓂᑲ ᓯᕗᓪᓖᑦ 10:4

ᐅᓇᑕᐅᑎᒥᓂᒡᓗ ᐊᒃᔭᕐᓯᔨᒥᓄᑦ ᐅᖃᕐᐳᖅ, “ᓴᕕᒡᔪᐊᑦ ᐊᒧᓗᒍ, ᑖᑦᓱᒧᖓ ᑲᐱᓚᐅᓐᖓ, ᑭᐱᓯᒪᖏᑦᑐᑦ ᐱᓕᔅᑎᐊᒥᐅᑦ ᕾᓗᑎᒃ ᐱᓐᖑᐊᕆᓗᖓ ᐅᕙᓐᓂᒃ ᑐᖁᑦᓯᖁᓇᒋᑦ.” ᐅᓇᑕᐅᑎᓂᒡᓕ ᐊᒡᔭᕐᓯᔨᖓ ᑍᒤᓕᐅᕈᒪᓐᖏᓚᖅ; ᑲᑉᐱᐊᓱᒻᒪᕆᒃᑲᒥ. ᑍᒤᒻᒪᑦ ᓴᐅᓕ ᓴᕕᒡᔪᐊᓂ ᐊᒧᓪᓗᓂᐅᒃ, ᐹᒻᒪᒡᕕᒋᕚ.

ᐃᓗᐊᕐᓮᔩᑦ ᐊᒡᓚᖏᑦ 14:3

ᐊᑖᑕᖓᑕᓗ ᐊᓈᓇᖓᑕᓗ ᐊᐱᕆᕚ, “ᓇᓂᓯᓐᖏᓚᑏᑦ ᐊᕐᓇᒥᒃ ᐃᓚᕕᑦ ᐸᓂᖏᓐᓂᑦ, ᐃᓅᖃᑎᑦᑎᓐᓂᒡᓘᓐᓃᑦ ᓇᓪᓕᐊᓐᓂᑦ? ᑍᒫᒃ ᑭᐱᓯᒪᖏᑦᑐᓂᑦ ᐱᓕᔅᑍᓂᒥᐅᑕᕐᓂᑦ ᓄᓕᐊᓂᒋᐊᖃᕐᐲᑦ?” ᓵᒻᓲᓂᐅᓪᓕ ᐊᑖᑕᓂ ᐅᖃᐅᑎᕚ, “ᑍᓐᓇ ᐊᕐᓇᖅ ᐂᓚᐅᕈᒃ ᐱᐅᒋᒐᒃᑯ.”

ᐃᓗᐊᕐᓮᔩᑦ ᐊᒡᓚᖏᑦ 9:54

ᑐᐊᕕᕐᓗᓂ ᐃᓅᓱᒃᑐᖅ ᐅᓇᑕᐅᑎᖏᓐᓂᒃ ᐊᒡᔭᕐᓯᔪᖅ ᕾᖁᕚ, ᐅᖃᐅᑎᓪᓗᒍᓗ, “ᓴᕕᒡᔪᐊᑦ ᐊᒧᓗᒍ ᑐᖁᓚᐅᓐᖓ, ᐅᖃᐅᓯᐅᖃᑦᑕᕈᒪᖏᓐᓇᒪ ᐊᕐᓇᒧᑦ ᑐᖁᑕᐅᓂᕋᕐᑕᐅᓗᖓ.” ᐊᓱᐃᓛᒃ ᐃᓅᓱᒃᑑᑉ ᑲᐱᕚ ᑐᖁᓪᓗᓂᓗ.

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.

ᓴᒧᐃᓕ ᓯᕗᓪᓖᑦ 31:5

ᐅᕕᒃᑲᐅᓪᓕ ᓴᐅᓕ ᑕᑯᒐᒥᐅᒃ ᑐᖁᔪᖅ, ᐃᒻᒥᓂᒃᑕᐅᖅ ᓴᕕᒡᔪᐊᒥᓂᒃ ᖃᓚᓯᓪᓗᓂ ᑐᖁᓚᐅᕆᕗᖅ, ᓴᐅᓕ ᑐᖁᖃᑎᒋᓪᓗᒍ.