ᓴᒧᐃᓕ ᓯᕗᓪᓖᑦ 30:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᕕᑎᐅᓪᓗ ᐊᐰᐊᑕ ᐊᕼᐃᒥᓕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨ ᐅᖃᐅᑎᕚ, “ᓴᒡᕕᖕᒥᐅᑕᖅ ᕾᓚᐅᕈᒃ,” ᐊᐰᐊᑕᐅᓪᓗ ᑐᓂᕚ ᑍᕕᑎᒧᑦ.

ᓴᒧᐃᓕ ᓯᕗᓪᓖᑦ 30:7 Iomraidhean Croise

ᐊᑕᓃᑦ ᓯᕗᓪᓖᑦ 2:26

ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᐊᐰᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ, “ᐊᖏᕐᕋᖁᕙᒋᑦ ᓄᓇᒋᔭᕐᓄᑦ ᐊᓇᑑᑎᒧᑦ. ᑐᖁᔪᒃᓴᑐᐃᓐᓇᐅᓕᕋᕕᑦ; ᒫᓐᓇᓕ ᑐᖁᑕᐅᑎᑦᔮᓐᖏᓚᒋᑦ. ᐊᒡᔭᕐᓯᔨᐅᖃᑕᐅᖃᑦᑕᓚᐅᕋᕕᑦ ᐊᑕᓂᐅᑉ ᒎᑎᐅᑉ ᐃᒃᓯᕐᕕᖓᓂᒃ ᐊᑖᑕᒪ ᑍᕕᑎᐅᑉ ᓯᕗᓂᖓᓂ, ᐊᑖᑕᒐᓗ ᐅᖁᒤᑦᑐᒦᖃᑎᒋᕙᓚᐅᕋᕕᐅᒃ.”

ᒨᓯᓯ ᐂᑉᐸᖏᑦ 28:6

“ᑭᐊᑎᒥᒃ ᐊᓐᓄᕌᓕᐅᕐᑐᒃᓴᐅᕗᑦ ᑍᔭᐅᔪᒥᒃ ᐃᐹᑦᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᒎᓗᒥᒃ ᐃᕙᓗᖃᕐᓗᑎᒃ, ᓵᑦᑐᒥᒃ ᖃᓪᓗᓈᕐᑕᒥᒃ ᐊᑐᕐᓗᑎᒃ, ᑕᕐᓯᕐᑐᕐᓯᒪᓗᑎᒡᓗ ᓴᓇᓐᖑᐊᕐᓯᒪᔪᓂᒃ.

ᒫᑯᓯᐅᑉ ᐊᒡᓚᖏᑦ 2:26

ᑍᕕᑎ ᒎᑎᐅᑉ ᐃᒡᓗᖓᓄᐊᓚᐅᕐᐳᖅ, ᓂᕆᓪᓗᓂ ᓂᐊᖂᔭᓂᒃ ᒎᑎᒧᑦ ᑐᓂᕐᕈᑎᒋᔭᐅᓯᒪᔪᓂᒃ, ᐊᐰᐊᑕ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᑎᓪᓗᒍ, ᐱᖁᔧᑦ ᒪᓕᒡᓗᒋᑦ ᓂᐊᖂᔧᑦ ᑐᓂᕐᕈᓯᕐᑎᑦᓯᔨᓄᑦ ᑭᓯᐊᓂ ᓂᕆᔭᐅᔭᕆᐊᖃᕐᑎᓪᓗᒋᑦ, ᑍᕕᑎᓕ ᓂᕆᓚᐅᕐᐳᖅ ᐃᓚᒥᓄᑦ ᐊᒡᓛᑦ ᑐᓂᓯᓪᓗᓂ.”

ᓴᒧᐃᓕ ᓯᕗᓪᓖᑦ 10:22

ᑍᒤᒻᒪᑦ ᐊᑕᓂᕐᒥᒃ ᖃᐅᔨᒋᐊᓕᕆᕗᑦ, “ᑖᓐᓇ ᐊᖑᑦ ᑕᒫᓃᑉᐹ?” ᐊᑕᓂᖅ ᑭᐅᕗᖅ, “ᑕᑯᒋᑦ, ᐱᖁᑏᑦ ᐊᑯᕐᖓᓐᓂ ᐃᔨᕐᓯᒪᕗᖅ.”

ᓴᒧᐃᓕ ᓯᕗᓪᓖᑦ 14:18

ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.

ᓴᒧᐃᓕ ᓯᕗᓪᓖᑦ 14:19

ᓴᐅᓕᓕ ᐅᖃᓪᓚᒃᑎᓪᓗᒍ ᓱᓕ ᑐᓂᕐᕈᓯᕐᑎᑦᓯᔨᒧᑦ, ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᓂᐱᕐᔪᐊᖃᓕᕐᐸᓪᓕᐊᕗᖅ; ᑍᒤᒻᒪᑦ ᓴᐅᓕ ᐅᖃᓕᕐᐳᖅ ᑐᓂᕐᕈᓯᕐᑎᑦᓯᔨᒧᑦ, “ᑕᕝᕙᓐᖓᑦ ᐊᒡᒐᑎᑦ ᐲᓕᒃᑭᑦ.”