ᓴᒧᐃᓕ ᓯᕗᓪᓖᑦ 30:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.

ᓴᒧᐃᓕ ᓯᕗᓪᓖᑦ 30:6 Iomraidhean Croise

ᒨᓯᓯ ᓯᕗᓪᓖᑦ 32:7

ᔧᑯᓕ ᑲᑉᐱᐊᓱᒃᑐᐊᓘᓕᕐᐳᖅ ᐃᓱᒪᔮᓕᕐᓗᓂᓗ; ᐃᓚᒋᔭᓕᒫᓂᓗ ᐊᕕᒃᐰᑦ, ᓰᐱᖁᑎᓂᓗ, ᒎᑦᓰᓪᓗ, ᐃᒻᒧᒃᓯᐅᒊᓪᓗ, ᑳᒥᓖᓪᓗᑦᑕᐅᖅ.

ᓴᒧᐃᓕ ᐂᑉᐸᖏᑦ 17:8

ᕼᐅᓮᓗ ᐅᖃᒃᑲᓐᓂᕐᐳᖅ, “ᖃᐅᔨᒪᕗᑎᑦ ᐊᑖᑍᑦ ᑍᕕᑎ ᐃᓚᒋᔭᖏᓪᓗ ᐅᓇᑕᒃᑲᒻᒪᕆᐊᓘᖕᒪᑕ, ᐃᕐᓯᓇᕐᑑᕗᓪᓗ ᓇᓄᕐᑐᑦ ᐊᕐᓵᕐᑕᐅᕋᑖᕐᑐᑐᑦ ᐱᐊᕋᕐᒥᓂᒃ, ᐊᑖᑍᓪᓗ ᖃᐅᔨᒪᔪᒻᒪᕆᐅᓪᓗᓂ ᐅᓇᑕᕐᓂᕐᒥᒃ; ᐅᓐᓄᒃᑯᓪᓗ ᐃᓅᖃᑎᒥᓃᖃᑦᑕᕋᓂ.

ᐊᑕᓃᑦ ᐂᑉᐸᖏᑦ 4:27

ᒎᑎᐅᑉ ᐃᓄᖁᑎᖓ ᑎᑭᓐᓇᒥᐅᒃ ᖃᖅᑲᐅᑉ ᖄᖓᓂ ᐅᑯᓪᓗᓂ ᐃᑎᒐᖏᑦ ᑎᒍᕔᑦ, ᒋᕼᐋᓯᐅᑉ ᐅᐸᒡᓗᒍ ᐲᕐᑎᒋᐊᕋᓗᐊᕐᒪᒍ. ᒎᑎᐅᑉ ᐃᓄᖁᑎᖓᑕ ᐅᖃᐅᑎᕚ, “ᑲᒪᒋᖏᓪᓗᒍ, ᖁᕕᐊᓱᖏᑦᑐᖅ ᐅᒡᒍᐊᕐᕙᓗᖕᒪᑦ, ᐊᑕᓂᐅᑉ ᖃᐅᔨᑎᖏᒻᒪᖓ ᓱᖕᒪᖔᑦ.”

ᔫᐱᐅᑉ ᐊᒡᓚᖏᑦ 13:15

ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.

ᐃᓐᖏᕈᑎᑦ 116:10

ᐅᒃᐱᕋᒪ, ᑕᕝᕙ ᐅᖃᓚᐅᕐᐳᖓ, “ᐊᖏᔪᒥᒃ ᐋᓐᓂᐊᑎᑕᐅᕗᖓ.”

ᐃᓐᖏᕈᑎᑦ 138:3

ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ.

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐃᓐᖏᕈᑎᑦ 18:6

ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.

ᐃᓐᖏᕈᑎᑦ 25:17

ᐆᒻᒪᑎᒪ ᐅᖁᒤᓪᓕᐅᕐᓂᖏᑦ ᐅᓄᕐᑑᕗᑦ; ᓴᐱᓕᕈᑎᒃᑲᓗ ᐲᔭᓚᐅᒃᑭᑦ!

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᐃᓐᖏᕈᑎᑦ 31:24

ᓴᐱᖏᓪᓗᓯ, ᐆᒻᒪᑎᓯ ᓴᓐᖏᓂᕐᒥᒃ ᑐᓂᓂᐊᕐᐰᑦ, ᐃᓕᑦᓯ ᑕᒪᑦᓯ ᐊᑕᓂᕐᒥᑦ ᓂᕆᐅᒃᕕᖃᕐᑐᓯ.

ᐃᓐᖏᕈᑎᑦ 42:11

ᑕᕐᓃᒃ, ᓱᖕᒪᑦ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᑮᓇᕐᒪ ᐃᑲᔪᕐᑎᒋᖕᒪᒍ ᒎᑎᒋᓪᓗᒍᓗ.

ᐃᓐᖏᕈᑎᑦ 42:5

ᑕᕐᓃᒃ, ᓱᖕᒪᑦ ᖁᕕᐊᓱᓐᖏᓚᑎᑦ? ᓱᖕᒪᓪᓗ ᐃᓗᓐᓂ ᐃᓱᒪᔮᕐᐱᑦ? ᒎᑏ ᓂᕆᐅᒡᕕᒋᒐᒃᑯ, ᓱᓕ ᓂᕐᑐᒃᑲᓐᓂᕈᒪᒐᒃᑯ, ᑮᓇᕐᒥᓄᑦ ᐃᑲᔪᕐᓂᐊᕐᒪᖓ.

ᐃᓐᖏᕈᑎᑦ 42:7

ᐃᑎᔪᖅ ᓂᓪᓕᐊᕗᖅ ᐃᑎᔪᒧᑦ, ᖁᕐᓗᕐᓂᖁᑎᕕᑦ ᓂᐱᕐᔪᐊᖓᓄᑦ; ᒪᓕᒡᔪᐊᑦ ᐃᖏᐅᓕᒡᔪᐊᓪᓗ ᐅᓕᒃᓯᒪᕚᖓ.

ᐃᓐᖏᕈᑎᑦ 56:11

ᒎᑎᒥᒃ ᑕᑎᖃᕋᒪ ᓱᓇᒥᒃ ᐃᕐᓯᓂᐊᓐᖏᓚᖓ. ᐃᓅᑉ ᖃᓄᖅ ᐱᓂᐊᕐᕕᒋᔪᓐᓇᕐᐹᖓ?

ᐃᓐᖏᕈᑎᑦ 62:1

ᑕᕐᓂᕋ ᓂᐱᖃᕋᓂ ᐅᑕᖅᑭᕗᖅ ᒎᑎᑐᐊᒥᒃ; ᐱᐅᓕᔭᐅᓂᕋ ᑖᑦᓱᒪᓐᖓᑦ ᐱᖕᒪᑦ.

ᐃᓐᖏᕈᑎᑦ 62:5

ᑕᕐᓂᕋ ᒎᑎᒥᒃ ᑖᑦᓱᒥᖓᑐᐊᖅ ᐅᑕᖅᑭᕗᖅ ᕿᓄᐃᓵᕐᓗᓂ, ᑖᑦᓱᒪᓐᖓᑦ ᓂᕆᐅᒋᔭᖃᕋᒪ.

ᐃᓐᖏᕈᑎᑦ 71:4

ᒎᑎᒐ, ᐊᓐᓇᐅᑎᓚᐅᓐᖓ, ᐱᐅᖏᑦᑐᓕᔪᑦ ᐊᒡᒐᖏᓐᓂᑦ, ᐃᓱᐊᖏᑦᑐᓕᔪᑦ ᐊᒡᒐᖏᓐᓂᑦ ᓂᑲᒍᓱᖏᑦᑐᓂᓪᓗ.

ᐃᓐᖏᕈᑎᑦ 71:5

ᓂᕆᐅᒋᔭᖃᐅᑎᒋᒐᒃᑭᑦ, ᐃᕝᕕᑦ ᐊᑕᓃᖅ, ᑕᑎᒋᕚᒋᑦ ᐊᑕᓃᖅ, ᑍᒪᓐᖓᑦ ᐃᓅᓱᒃᑑᓂᓐᓂᑦ.

ᒨᓯᓯ ᐂᑉᐸᖏᑦ 17:4

ᒨᓯᓯᓗ ᐃᓗᖏᕐᑐᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᐅᖃᕐᓗᓂᓗ, “ᖃᓄᕐᓕᐅᑯᐊ ᐃᓄᐃᑦ ᐱᓇᓱᐊᕐᕕᒋᓂᐊᓕᕐᑕᒃᑲ? ᑖᒃᑯᓄᖓᑦ ᒥᓪᓗᕐᑕᐅᑐᐃᓐᓇᕆᐊᖃᓕᕋᒪ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:10

ᐊᑕᓂᐅᑉ ᐊᑎᖓ ᓇᐸᔪᕐᔪᐊᑎᑑᕐᐳᖅ ᐊᑕᕐᓇᕐᓂᖃᖏᑦᑐᖅ, ᐃᓱᐊᕐᑐᑦ ᕿᒫᕕᒋᕙᒃᐹᑦ ᐱᔭᐅᓇᕐᑐᖃᖏᒻᒪᑦ.

ᐂᓮᐊᓯᐅᑉ ᐊᒡᓚᖏᑦ 25:4

ᐊᒃᓱᔪᑦ ᕿᒫᕕᒋᕚᑎᑦ, ᐃᑲᔪᕐᑎᒃᓴᖃᖏᑦᑐᓪᓗ ᐃᓕᖕᓂᒃ ᕿᒫᕕᖃᖃᑦᑕᕐᓯᒪᕗᑦ ᐃᑲᔪᕐᑕᐅᔭᕆᐊᖃᕐᓂᕐᒥᖕᓂᑦ. ᐊᖅᑯᓇᕐᓯᐅᕐᑐᑎᑐᓪᓗ ᐅᖅᑯᐃᕝᕕᒃᓴᐅᓪᓗᑎᑦ, ᑭᐊᒡᔪᐊᕐᒥᓗ ᑕᕐᕋᓕᓂᕐᒦᕝᕕᒃᓴᐅᓪᓗᑎᑦ, ᐃᓄᐃᑦ ᓂᑲᒋᔭᖃᖏᑦᑐᑦ ᐅᑭᐅᒥ ᐊᓄᕆᕐᔪᐊᕐᑐᑎᑐᑦ ᐱᓇᓱᐊᕐᓂᖏᑦ ᓄᖅᑲᕈᓐᓇᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔫᓇᐅᑉ ᐊᒡᓚᖏᑦ 2:2

“ᐊᑕᓂᖅ ᑐᒃᓯᐊᕐᕕᒋᕙᕋ ᐅᖁᒤᒃᓴᕐᓂᓐᓂᑦ, ᑭᐅᕚᖓᓗ; ᑐᖁᖓᔪᑦ ᐃᓂᖓᓐᓂᑦ ᑐᒃᓯᐊᕐᐳᖓ, ᓂᐱᓐᓂᒡᓗ ᑐᓴᕐᐳᖅ.

ᒨᓯᓯ ᓯᑕᒪᖏᑦ 14:10

ᐃᓄᒐᓴᒡᔪᐊᓪᓕ ᐅᖃᕐᐳᑦ ᑖᒃᑯᐊᒃ ᐅᔭᖅᑲᓄᑦ ᒥᓪᓗᕐᑕᐅᖁᓪᓗᒋᑦ. ᐊᑕᓂᐅᓪᓕ ᐱᓐᓇᕐᓇᕐᓂᖓ ᓴᖅᑭᑉᐳᖅ ᑐᐱᕐᔪᐊᒥ ᑲᑎᒪᕕᖕᒥ ᐃᓴᕆᐊᓕᒥᐅᓕᒫᑦ ᓵᖓᓂ.

ᒫᑎᐅᓯᐅᑉ ᐊᒡᓚᖏᑦ 21:9

ᐃᓄᒐᓴᒡᔪᐊᑦ ᔩᓱᓯᐅᑉ ᓯᕗᓂᖓᓂ ᐱᓱᒃᑐᑦ, ᑭᖑᓂᖓᓃᑦᑐᓪᓗ ᕾᒐᓛᓕᕐᐳᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ ᓂᕐᑐᕐᑕᐅᓕ, ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕼᐆᓵᓇ ᓂᕐᑐᕐᑕᐅᓕ ᖁᑦᓯᖕᓂᕐᐹᖅ!”

ᒫᑎᐅᓯᐅᑉ ᐊᒡᓚᖏᑦ 27:22

ᐰᓛᑑᓯᐅᑉ ᐅᖃᐅᑎᕔᑦ, “ᐅᓇᓕ ᖃᓄᖅ ᐱᓂᐊᕐᕕᒋᓂᐊᕐᑕᕋ ᔩᓱᓯ ᙭ᔅᑑᓯᒥᒃ ᑍᔭᐅᔪᖅ?” ᐃᓄᒋᐊᕐᑐᕐᔪᐊᑦ ᑭᐅᕗᑦ, “ᑭᑭᐊᒃᑐᕐᑕᐅᓕ!”

ᔪᐊᓇᓯᐅᑉ ᐊᒡᓚᖏᑦ 8:59

ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᕐᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᒥᑦ.

ᕉᒪᒥᐅᓄᑦ 4:18

ᓂᕆᐅᖕᓂᖃᓚᐅᕐᐳᖅ ᐅᒃᐱᕐᓂᒃᑯᑦ ᓂᕆᐅᒋᔭᒃᓴᑕᖃᕐᑎᓐᓇᒍ, ᐊᑖᑕᒋᔭᐅᔪᒫᕐᓂᕐᒥᓂᒃ ᐃᓅᖃᑎᒌᒡᔪᐊᓄᑦ ᐊᒥᓱᓄᑦ; ᐅᖃᐅᑦᔭᐅᓚᐅᕋᒥ, “ᑍᒫᒃᑕᐅᖅ ᑭᖑᕚᑎᑦ ᐅᓄᕐᑐᕐᔪᐊᖑᔪᒫᕐᐳᑦ.”

ᕉᒪᒥᐅᓄᑦ 4:20

ᐅᒃᐱᕈᓱᑎᐊᖏᓐᓂᕐᒥᒃ ᓴᖑᑦᔪᑎᖃᓚᐅᓐᖏᓚᖅ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ, ᐅᒃᐱᕐᓂᒥᒍᑦ ᓴᓐᖏᔫᓕᕐᐸᓪᓕᐊᓚᐅᕐᐳᖅ ᒎᑎᒥᒃ ᓂᕐᑐᕐᓇᕐᑎᑦᓯᓂᕐᒥᓄᑦ,

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:6

ᐋᓐᓂᐊᑎᑕᐅᒍᑦᑕ, ᑍᒤᑕᐅᕗᒍᑦ ᐃᑲᔪᕐᑕᐅᖁᓪᓗᓯ ᐱᐅᓕᔭᐅᕕᒃᓴᖃᖁᓪᓗᓯᓗ; ᐃᑲᔪᕐᑕᐅᒍᑦᑕᓕ, ᐃᑲᔪᕐᑕᐅᒋᕗᓯ ᐱᔪᓐᓇᐅᑎᑖᖁᓪᓗᓯᓗ ᕿᓄᐃᓵᕐᓂᕐᒥᒃ ᐊᑐᕈᓐᓇᕐᓯᖁᓪᓗᓯ, ᐋᓐᓂᐊᑎᑕᐅᑎᓪᓗᑕ ᐊᓂᒍᐃᑦᔪᑎᒋᖃᑦᑕᕐᑕᑦᑎᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:8

ᖃᓄᑐᐃᓐᓇᖅ ᐅᑯᒤᒃᓴᕐᑎᑕᐅᕗᒍᑦ, ᐊᔪᓕᕐᑎᑕᐅᓇᑕᓕ; ᖁᓚᕐᓇᕐᑐᒦᑎᑕᐅᕗᒍᑦ, ᓴᐱᓕᕐᑎᑕᐅᓇᑕᓕ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:5

ᒫᓯᑑᓂᐊᒧᓪᓕ ᑎᑭᓐᓇᑦᑕ, ᑎᒥᕗᑦ ᐃᓂᓪᓚᖓᔪᓐᓇᓚᐅᓐᖏᓚᖅ, ᐅᖁᒤᒃᓴᕐᓇᕐᑐᓄᑦ ᐊᕙᓗᔭᐅᓯᒪᓚᐅᕋᑦᑕ ᓯᓚᑎᑦᑎᒍᑦ, ᐂᕙᔭᕆᐊᖃᖃᑦᑕᕐᓗᑕ ᐃᓗᑦᑎᒍᑦ ᓯᕘᕋᓂᖃᕐᓗᑕ.

ᐄᑉᕈᐃᓄᑦ 13:6

ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”

ᐃᓗᐊᕐᓮᔩᑦ ᐊᒡᓚᖏᑦ 18:25

ᑖᓐ ᑭᖑᕚᖏᑕ ᐅᖃᐅᑎᕚᑦ, “ᐅᕙᑦᑎᓐᓄᑦ ᑐᓵᔭᐅᓂᐊᕐᓇᒃ, ᐊᖑᑎᓄᑦ ᓂᓐᖓᐅᒪᔪᓄᑦ ᐅᐸᒃᑕᐅᓪᓚᕐᓂᐊᕋᕕᑦ, ᑐᖁᑕᐅᓗᑎᑦ ᐃᒡᓗᒥᐅᖃᑎᑎᑦ ᐃᓚᒋᓗᒋᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:22

ᐃᓄᒋᐊᒃᑐᕐᔪᐊᓪᓕ ᐊᖑᑎᑦ ᐃᓴᕆᐊᓕᒥᐅᑦ, ᓯᕘᕋᓇᑎᒃ ᓱᓕ ᐅᓇᑕᕐᓂᕐᒧᑦ ᓴᓂᓕᕇᓕᓚᐅᕆᕗᑦ ᑕᒫᓂᑦᓮᓐᓇᖅ ᓴᓂᓕᕇᒡᕕᒋᓚᐅᕐᑕᒥᖕᓂ ᐅᓪᓗᐃᑦ ᓯᕗᓪᓕᕐᐹᖓᓂ.

ᓴᒧᐃᓕ ᓯᕗᓪᓖᑦ 1:10

ᕼᐋᓇ ᐅᖁᒤᒃᓴᒻᒪᕆᒃᓗᓂ ᑐᒃᓯᐊᕐᐳᖅ ᐊᑕᓂᕐᒧᑦ, ᕿᐊᓪᓗᓂᓗ.

ᓴᒧᐃᓕ ᓯᕗᓪᓖᑦ 23:16

ᔫᓇᑕᓂᓗ ᓴᐅᓕᐅᑉ ᐃᕐᓂᖓ, ᒪᑭᑉᐳᖅ ᑍᕕᑎᒧᓪᓗ ᐂᕗᖅ ᕼᐅᕆᔅᒧᑦ, ᓲᖑᓯᑎᒋᐊᓪᓚᒃᐹᓗ ᒎᑎᒥ.

ᓴᒧᐃᓕ ᓯᕗᓪᓖᑦ 28:15

ᑕᕝᕙ ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓱᖕᒫᑦ ᐸᒃᕕᓵᕐᐱᖔ ᕾᖁᓪᓗᖓ ᒪᑭᑎᓐᓇᕕᖓ?” ᓴᐅᓕ ᑭᐅᕗᖅ, “ᐅᖁᒤᒃᓴᓗᐊᓕᕋᒪ; ᐱᓕᔅᑍᓂᒥᐅᑦ ᐅᓇᑕᕆᐊᕋᓱᓕᕐᒪᑕ ᐅᕙᓐᓂᒃ, ᒎᑎᐅᑉ ᕿᒪᒃᓯᒪᓕᕐᒪᖓ ᑭᐅᔪᓐᓁᓪᓕᓪᓗᓂᖓᓗ, ᐅᖃᕐᑎᒥᒍᑦ ᓯᓐᓇᒃᑑᒪᒃᑯᓪᓘᓐᓃᑦ; ᑍᒤᒻᒪᑦ ᕾᖁᓚᐅᕐᐸᒋᑦ ᐅᖃᐅᑦᔭᐅᔪᒪᓪᓗᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ.”