ᓴᒧᐃᓕ ᓯᕗᓪᓖᑦ 30:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᕕᑎᓕ ᑭᐅᕗᖅ, “ᖃᑕᓐᖑᑎᒃᑳ ᑍᒤᓕᐅᕈᑎᖃᕐᑐᒃᓴᐅᓐᖏᓚᓯ ᐊᑕᓂᐅᑉ ᑐᓂᕐᕈᑎᒋᔭᖏᓐᓂᒃ ᐅᕙᑦᑎᓐᓄᑦ; ᐊᑕᓂᐅᑉ ᓴᐳᑎᓚᐅᕐᐹᑎᒍᑦ ᓵᓚᖃᕐᑎᓪᓗᑕᓗ ᐋᑎᕆᔨᓂᒃ.

ᓴᒧᐃᓕ ᓯᕗᓪᓖᑦ 30:23 Iomraidhean Croise

ᒨᓯᓯ ᓯᕗᓪᓖᑦ 19:7

ᐅᖃᕐᓗᓂᓗ, “ᐃᓚᓐᓇᕆᔭᒃᑲ, ᕿᓄᕕᒋᕙᑦᓯ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᓂᐊᕋᓯ!

ᕼᐊᐸᑲᐅᑉ ᐊᒡᓚᖏᑦ 1:16

ᑍᒤᒻᒪᑦ ᓄᓗᐊᒥᖕᓄᑦ ᑐᓂᕐᕈᓯᖃᑦᑕᕐᐳᑦ, ᐃᒪᒃᑯᑦ ᐅᓂᐊᖃᑦᑕᕐᑕᒥᖕᓄᑦ ᐃᓯᕐᓗᐊᕐᓂᕐᑎᑦᓯᕙᒃᐳᑦ; ᑖᒃᑯᓄᖓ ᐃᓅᑦᔪᑎᒃᓴᒥᖕᓂᒃ ᐊᒥᒐᕐᓯᑎᑕᐅᖏᓐᓇᒥᒃ, ᓂᕿᒃᓴᒥᖕᓂᒡᓗ ᐊᒥᒐᕐᓯᓇᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 22:1

“ᐃᓅᖃᑎᒌᖑᔪᓯ ᐊᖓᔪᒃᖠᐅᔪᓯᓗ, ᐅᕙᓐᓂᒃ ᑐᑭᓯᔭᐅᑎᓐᓇᓱᐊᕐᑎᓪᓗᖓ, ᓈᓚᓚᐅᕐᓯᓐᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:2

ᓯᑎᐹᓇᓯᐅᑉ ᐅᖃᐅᑎᕚ, “ᐃᓅᖃᑎᒃᑲ ᐊᖓᔪᖅᑳᖑᔪᓯᓗ, ᓈᓚᒃᓯᓐᖓ. ᒎᑎ ᓂᕐᑐᕐᓇᕐᑐᕐᔪᐊᖑᓪᓗᓂ ᓴᖅᑭᓚᐅᕐᐳᖅ ᐂᑉᕋᕼᐋᒻᒧᑦ ᐊᑖᑕᑦᑎᓐᓄᑦ, ᒥᓱᐳᑍᒥᐊᒦᑎᓪᓗᒍ ᕼᐊᕋᓐᒥ ᓄᓇᖃᓚᐅᕐᑎᓐᓇᒍ ᓱᓕ,

ᒨᓯᓯ ᑕᓪᓕᒪᖏᑦ 8:10

ᑕᕝᕙᓂ ᓂᕆᔪᒪᓲᓕᒫᑦᓯᓐᓂᒃ ᓂᕆᔪᓐᓇᕐᓂᐊᕐᐳᓯ, ᐊᑕᓂᕐᓗ ᒎᑎᓯ ᑕᒪᒃᑯᓄᖓ ᖁᔭᒋᓂᐊᕐᐸᓯ ᓱᓇᑐᐃᓐᓇᖃᑦᓯᐊᕐᑐᒥᒃ ᓄᓇᒥᒃ ᐃᓕᑦᓯᓐᓄᑦ ᑐᓂᓯᓯᒪᓂᖓ ᐱᑦᔪᑎᒋᓗᒍ.”

ᒨᓯᓯ ᑕᓪᓕᒪᖏᑦ 8:17

ᑍᒤᒻᒪᑦ ᐃᓱᒪᔪᒃᓴᐅᓐᖏᓚᑎᑦ ᐃᓕᖕᓂᒃ ᓇᖕᒥᓂᖅ ᐊᔪᕐᓴᕈᓐᓁᕐᑎᓯᒪᓇᓱᒋᓗᑎᑦ ᐱᔪᓐᓇᕐᓂᕐᓄᑦ ᓴᓐᖏᓂᕐᓄᓪᓗ.

ᒨᓯᓯ ᑕᓪᓕᒪᖏᑦ 8:18

ᐃᖅᑲᐅᒪᔪᒃᓴᐅᕗᑎᑦ ᐊᑕᓂᐅᑉ ᒎᑎᕕᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚᑎᑦ ᐊᔪᕐᓴᕈᓐᓃᖁᓪᓗᑎᑦ. ᑍᒤᓕᐅᕐᐳᕐᓕ ᐅᓪᓗᒥ ᓱᓕ ᓯᕗᓕᕆᓚᐅᕐᑕᑦᓯᓐᓄᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓯᒪᓂᕐᒥᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 19:23

ᑖᓐᓇᓕ ᐊᖑᑦ ᐃᑦᑐᖅ ᐃᒡᓗᖃᕐᑐᖅ ᐊᓂᕗᖅ ᐅᖃᐅᑎᓪᓗᒋᓪᓗ, “ᑍᒤᓕᐅᕋᓯ, ᖃᑕᓐᖑᑎᒃᑳ! ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕋᓯ, ᑖᓐᓇ ᐊᖑᑦ ᐃᒡᓗᒥᐅᑕᕆᒐᒃᑯ.

ᓴᒧᐃᓕ ᓯᕗᓪᓖᑦ 2:7

ᐊᑕᓂᐅᑉ ᐊᒃᓗᔪᑦ ᐊᒃᓗᐃᑦᑐᕈᕐᑎᑉᐰᑦ; ᐃᓚᖏᑦ ᒥᑭᒡᓕᑎᑉᐰᑦ, ᐊᓯᖏᓪᓗ ᐊᖏᔪᕈᕐᑎᓪᓗᒋᑦ.

ᓴᒧᐃᓕ ᓯᕗᓪᓖᑦ 30:22

ᐃᓱᒪᑦᓯᐊᖏᑦᑐᓪᓕ ᑐᑭᖃᑦᓯᐊᖏᑦᑐᓪᓗ ᐊᖑᑏᑦ ᐃᓚᖏᑦ ᑍᕕᑎᒧᑦ ᐃᓚᐅᓚᐅᕐᑐᒃ ᐅᖃᕐᐳᑦ, “ᐅᕙᑦᑎᓐᓂᖑᑯᐊ ᐃᓚᐅᓚᐅᖏᑦᑐᑦ, ᐱᑖᑦᑎᓐᓂᒃ ᐱᑖᕐᑐᒃᓴᐅᖏᑦᑐᑦ, ᓄᓕᐊᑎᒃ ᕿᑐᕐᖓᑎᒡᓗ ᐱᑐᐃᓐᓇᕐᓗᒋᑦ, ᐊᐅᓪᓚᕐᑐᒃᓴᐅᕗᑦ.”

ᓴᒧᐃᓕ ᓯᕗᓪᓖᑦ 30:24

ᐊᖏᖃᑎᒋᔭᐅᔪᓐᓇᓐᖏᓚᓰ ᑭᓇᒧᓪᓘᓐᓃᑦ? ᐃᓘᓐᓇᑎᒃ ᐊᕕᖃᑎᒌᒃᑐᒃᓴᐅᕗᑦ, ᓇᓪᓕᐊᑦ ᕿᒪᒃᑕᐅᓯᒪᓚᐅᕐᑐᖅ ᑍᒫᓪᓗᐊᖅ ᐱᖃᑕᐅᔪᒃᓴᐅᕗᖅ ᐅᓇᑕᕆᐊᓚᐅᕐᑐᑎᑐᑦ.”

ᓴᒧᐃᓕ ᓯᕗᓪᓖᑦ 30:8

ᑍᕕᑎᐅᓪᓗ ᐊᑕᓂᖅ ᐊᐱᕆᕚ, “ᒪᓕᒃᓴᕈᓐᓇᕐᐸᒃᑳ ᐅᓇᑕᕆᐊᓚᐅᕐᑐᑦ? ᐊᓐᖑᑎᔪᓐᓇᕐᐳᖔ?” ᐊᑕᓂᐅᑉ ᑭᐅᕚ, “ᒪᓕᒃᓴᓕᕆᑦ; ᐊᓐᖑᑎᓂᐊᕐᐳᑎᑦ ᑎᒍᔭᐅᓚᐅᕐᑐᓪᓗ ᐅᑎᕐᑎᓐᓂᐊᕐᐸᑎᑦ.”