ᓴᒧᐃᓕ ᓯᕗᓪᓖᑦ 30:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᓇᑕᕆᐊᓚᐅᕐᐳᒍᑦ ᓯᕆᑍᑎᓄᑦ ᔫᑕᐅᑉ ᓯᕿᓂᖓᓃᑦᑐᒧᑦ ᓂᒋᑉᒧᑦ ᑬᓚᐱᐅᓪᓗ ᓄᓇᖁᑎᖓᓄᑦ, ᔨᒡᓛᒡᒥᐅᓪᓗ ᐃᑯᐊᓪᓚᓚᐅᕐᐸᕗᑦ.”

ᓴᒧᐃᓕ ᓯᕗᓪᓖᑦ 30:14 Iomraidhean Croise

ᓴᒧᐃᓕ ᐂᑉᐸᖏᑦ 8:18

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᑲᒪᔨᐅᓚᐅᕐᐳᖅ ᓴᐳᓐᓂᐊᕐᑎᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 1:38

ᑖᒃᑯᐊ ᔭᑑᒃ ᑐᓂᕐᕈᓯᕐᑎᑦᓯᔨ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥ ᐅᖃᕐᑎᖓ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᓲᓗᒨᓂ ᐊᖓᔪᖅᑳᕐᔪᐊᑉ ᑍᕕᑎᐅᑉ ᓯᐅᑎᖅᑯᕐᑐᔪᖁᑎᖓᓄᑦ ᐃᑭᑎᑉᐹᑦ, ᒋᕼᐅᓂᒧᐊᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 1:44

ᑎᓕᓯᖕᒪᑦ ᔭᑑᒡᒥᒃ ᑐᓂᕐᕈᓯᕐᑎᑦᓯᔨᒥᒃ, ᓁᑕᓂᒥᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ, ᐱᓁᐊᒥᒡᓗ ᔨᕼᐅᐃᐊᑕᐅᑉ ᐃᕐᓂᖓᓂᒃ, ᓯᕆᐅᓪᓗ ᑭᖑᕚᖏᑦ ᐱᓕᐅᓪᓗ ᑭᖑᕚᖏᑦ ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᓐᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᐃᑭᒪᑎᑦᓱᒍᓗ ᐊᖓᔪᖅᑳᕐᔪᐊᑉ ᓯᐅᑎᖅᑯᕐᑐᔪᖁᑎᖓᓂ,

ᑯᕉᓂᑲ ᓯᕗᓪᓖᑦ 18:17

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᕗᖅ ᓴᐳᓐᓂᐊᕐᑎᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᕗᑦ ᐊᖓᔪᖅᑳᖁᑎᒋᔭᐅᔪᓄᑦ ᐊᖓᔪᖅᑳᕐᔪᐊᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 25:16

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑕᑯᒋᑦ, ᐱᓕᔅᑍᓂᒥᐅᑦ ᓱᒋᐊᕈᒫᕐᐸᒃᑲ, ᓯᕆᑍᑎᓪᓗ ᓄᖑᓪᓗᒋᑦ, ᐊᒥᐊᒃᑯᖏᓪᓗ ᑕᕆᐅᑉ ᓯᓈᓃᑦᑐᑦ ᓄᖑᑦᓱᒫᕐᐸᒃᑲ.

ᔨᐸᓁᐊᐅᑉ ᐊᒡᓚᖏᑦ 2:5

ᑲᑉᐱᐊᓐᓇᒦᖑᔪᓯ ᑕᕆᐅᑉ ᓯᓈᓂ ᓄᓇᖃᕐᑐᓯ, ᐃᓅᖃᑎᒌᖑᔪᓯᓗ ᓯᕆᑍᑎᓄᑦ ᐊᑕᓂᐅᑉ ᐅᖃᐅᓯᖓᑕ ᐊᑭᕋᕐᑐᕐᒪᓯ, ᑬᓇᓁᒥᐅᖑᔪᓯ ᐱᓕᔅᑍᓂᒦᑦᑐᓯ; ᐊᓯᕈᕈᒪᕙᑦᓯ ᓄᓇᖃᕐᑐᓕᒫᑦ ᐊᒥᐊᒃᑯᖏᓪᓗᒋᑦ.

ᔮᓱᐊᑉ ᐊᒡᓚᖏᑦ 14:13

ᑕᕝᕙ ᔮᓱᐊᑉ ᓮᒻᒪᕐᑎᑉᐹ ᑬᓚᐱ ᔨᐳᓂᐊᐅᑉ ᐃᕐᓂᖓ; ᑐᓂᕚᓗ ᐃᒡᓗᒐᓴᖕᓂᒃ ᕼᐃᐸᕋᓐᒥᒃ ᓄᓇᑖᖁᓪᓗᒍ ᑭᖑᕐᖑᑎᓕᕐᓗᒍᓗ.

ᔮᓱᐊᑉ ᐊᒡᓚᖏᑦ 15:13

ᐊᑕᓂᐅᑉ ᔮᓱᐊᒥᒃ ᐱᖁᔨᓂᖓ ᒪᓕᒡᓗᒍ, ᔫᑕᐅᑉ ᓄᓇᖁᑎᖓᑕ ᐃᓚᖓ ᑐᓂᔭᐅᕗᖅ ᑬᓚᐱᒧᑦ ᔨᐳᓂᐊᐅᑉ ᐃᕐᓂᖓᓄᑦ, ᑭᕆᐊᑦ-ᐊᕋᐸᒥᒃ ᑖᓐᓇ ᕼᐃᐸᕋᓐᖑᕗᖅ, (ᑖᓐᓇ ᐋᕐᐸ ᐊᓇᑭᒃᑯᑦ ᐊᑖᑕᒋᓚᐅᕐᐹᑦ).

ᔮᓱᐊᑉ ᐊᒡᓚᖏᑦ 21:12

ᐃᒡᓗᒐᓮᓪᓕ ᐱᕈᕐᓰᕕᖏᑦ ᑕᕝᕙᓃᑦᑐᖅ ᓄᓇᓖᓪᓗ ᑐᓂᔭᐅᔭᕇᕐᓯᒪᕗᑦ ᑬᓚᐱᐅᑉ ᐃᕐᓂᖓᓄᑦ ᔨᐳᓂᐊᒧᑦ ᐱᖁᑎᒋᔭᐅᓪᓗᑎᒃ.

ᓴᒧᐃᓕ ᓯᕗᓪᓖᑦ 25:3

ᑖᓐᓇ ᐊᖑᑦ ᐊᑎᖃᕐᐳᖅ ᓁᐳᓪᒥᒃ, ᓄᓕᐊᖓᓗ ᐊᐱᒊᓕᒥᒃ ᐊᑎᖃᕐᓗᓂ. ᑖᓐᓇ ᐊᕐᓇᖅ ᑲᒪᑦᓯᐊᕐᑑᕗᖅ ᐃᓂᖁᓇᕐᑑᓪᓗᓂᓗ, ᐊᖑᓪᓕ ᐃᓕᕋᓇᕐᑑᓚᐅᕐᐳᖅ ᐱᐅᖏᑦᑐᓂᒡᓗ ᐱᓂᐊᕐᓂᖃᕐᓗᓂ; ᑖᓐᓇᓗ ᑬᓚᐱᐅᑉ ᑭᖑᕚᕆᕚ.

ᓴᒧᐃᓕ ᓯᕗᓪᓖᑦ 30:1

ᐅᓪᓗᐃᑦ ᐱᖓᓱᑦ ᐊᓂᒍᕐᑎᓪᓗᒋᑦ ᑍᕕᑎᒃᑯᑦ ᐃᓚᖏᓪᓗ ᑎᑭᑉᐳᑦ ᔨᒡᓛᒡᒧᑦ, ᑕᑯᓪᓗᑎᒡᓗ ᐊᒪᓕᑬᑎᒥᐅᑦ ᐅᓇᑕᕆᐊᕐᓯᒪᓂᕕᓂᖏᓐᓂᒃ ᔫᑕᐅᑉ ᓯᕿᓂᖓᓃᑦᑐᒧᑦ ᓂᒋᑉᒧᑦ ᔨᒡᓛᒡᒧᓪᓗ. ᓵᓚᒋᒐᒥᐅᒡᓗ ᓄᓇᓕᖓᑦ ᐃᑯᐊᓪᓚᒃᑕᐅᓐᓂᕐᓱᓂ,

ᓴᒧᐃᓕ ᓯᕗᓪᓖᑦ 30:13

ᑕᕝᕙ ᑍᕕᑎᐅᑉ ᐊᐱᕆᕚ, “ᑭᓇᒦᒃ ᐊᖓᔪᖅᑳᖃᕐᐲᑦ, ᓇᓂᒥᐅᑕᐅᕕᓪᓘ?” ᑭᐅᕗᖅ, “ᐄᑦᔨᑉᑎᒥᐅᑕᐅᕗᖓ, ᐊᒪᓕᑬᑎᒥᐅᓄᑦ ᐱᔨᑲᑖᕆᔭᔪᑦ ᐃᓚᖓᑦ; ᐊᖓᔪᖅᑳᒪ ᕿᒪᓚᐅᕐᐹᖓ ᐅᓪᓗᐃᑦ ᐱᖓᔪᐊᓐᓂ ᖃᓂᒻᒪᓚᐅᕋᒪ.

ᓴᒧᐃᓕ ᓯᕗᓪᓖᑦ 30:15

ᑍᕕᑎᐅᑉ ᐊᐱᕆᕚ, “ᑍᒃᑯᓄᓐᖓᐅᑎᔪᓐᓇᕐᐱᖔ ᐅᓇᑕᕆᐊᓚᐅᕐᑐᓄᑦ?” ᑖᓐᓇ ᑭᐅᕗᖅ, “ᐱᔪᓐᓇᕐᐳᖓ ᐊᖏᕐᕕᒋᓂᐊᑐᐊᕈᕕᖓ ᒎᑎᐅᑉ ᐊᑎᖓᓂ, ᑐᖁᓐᓂᐊᓐᖏᓐᓂᕋᕐᓗᖓ ᐅᕝᕙᓗ ᐊᖓᔪᖅᑳᓐᓄᑦ ᐂᑦᑑᑎᒋᓂᐊᓐᖏᑐᐊᕈᕕᖓ.”

ᓴᒧᐃᓕ ᓯᕗᓪᓖᑦ 30:16

ᑕᕝᕙ ᑕᓯᐅᓚᐅᕐᐰᑦ ᑍᕕᑎᒃᑯᑦ ᑍᒃᑯᓄᖓ. ᐅᓇᑕᕆᐊᕐᓯᒪᓚᐅᕐᑐᑦ ᓯᐊᒻᒪᖓᓚᐅᕐᐳᑦ ᓇᒧᑐᐃᓐᓇᖅ, ᓂᕆᓪᓗᑎᒃ ᐃᒥᕐᓗᑎᒡᓗ, ᖁᕕᐊᓱᒍᑎᖃᑦᓱᑎᒃ ᑎᒍᔭᕕᓂᕐᒥᖕᓂᒃ ᐱᓕᔅᑍᓂᐅᒥᐅᓂᑦ ᔫᑕᒥᐅᓂᓪᓗ.