ᓴᒧᐃᓕ ᓯᕗᓪᓖᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒎᑎᐅᑉ ᓇᓂᕈᐊᖁᑎᖓ ᐃᑯᒪᑎᓪᓗᒍ ᓱᓕ, ᓴᒧᐃᓕ ᓇᓪᓚᖓᓪᓗᓂ ᓯᓂᒐᓱᓕᕐᑎᓪᓗᒍ ᐊᑕᓂᐅᑉ ᑐᐱᖓᓂ, ᑕᕝᕙᓂ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓇᔪᕐᑕᖓᓂ.

ᓴᒧᐃᓕ ᓯᕗᓪᓖᑦ 3:3 Iomraidhean Croise

ᑯᕉᓂᑲ ᐂᑉᐸᖏᑦ 13:11

ᐃᑯᐊᓪᓔᖃᑦᑕᕐᐳᑦ ᐊᑕᓂᕐᒧᑦ ᐅᓪᓛᑕᒫᑦ ᐅᓐᓄᑕᒫᓪᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕐᐳᑦ ᑎᐱᑦᓯᐊᕆᒃᓴᐅᑎᓂᒡᓗ ᐳᔫᕐᑎᑦᓯᓪᓗᑎᒃ. ᓂᐊᖂᔧᓪᓗ ᐃᓕᖃᑦᑕᕐᐰᑦ ᓵᒧᑦ ᒎᓗᓪᓚᕆᖕᒧᑦ, ᓇᓂᕈᐊᓪᓗ ᐃᓂᖏᑦ ᒎᓗᐃᑦ ᓴᓇᓯᒪᔪᑦ ᓇᓂᕈᐊᖏᓪᓗ ᐃᑯᐊᓚᖃᑦᑕᕐᐳᑦ ᐅᓐᓄᑕᒫᑦ; ᐊᑕᓂᐅᑉ ᒎᑎᑦᑕ ᐱᖁᔭᖏᑦ ᒪᓕᒃᐸᕗᑦ, ᐃᓕᑦᓯᓕ ᕿᒪᓚᐅᕐᐸᓯ.

ᐃᓐᖏᕈᑎᑦ 27:4

ᐊᑕᐅᓯᖅ ᕿᓄᐊᕆᕙᕋ ᐊᑕᓂᕐᒥᑦ, ᕿᓂᕐᓗᒍᓗ ᓇᓂᔪᒪᓪᓗᒍ; ᐊᑕᓂᐅᑉ ᐃᒡᓗᖓᓂ ᐃᓂᖃᕈᒪᓪᓗᖓ, ᐃᓅᓯᕐᒪ ᐅᓪᓗᖃᕐᓂᖓᓂ.

ᐃᓐᖏᕈᑎᑦ 29:9

ᐊᑕᓂᐅᑉ ᓂᐱᖓᑕ ᓇᐹᕐᑐᑦ ᓯᑕᒃᑍᑦ ᕿᐱᑎᑉᐰᑦ, ᓇᐹᕐᑐᒐᓮᓪᓗ ᑲᑎᓐᖓᔪᑦ ᓱᓁᕈᑎᓪᓗᒋᑦ; ᑐᒃᓯᐊᕐᕕᒡᔪᐊᖁᑎᖓᓂᓗ ᑕᒪᕐᒥᒃ ᓂᓪᓕᕐᐳᑦ, “ᓂᕐᑐᕐᓇᕐᐳᖅ!”

ᐃᓐᖏᕈᑎᑦ 5:7

ᐅᕙᖓᓕ, ᐃᒡᓗᖕᓄᑦ ᐃᑎᕈᒪᕗᖓ, ᓇᒡᓕᒍᓱᖕᓂᕐᔪᐊᑦ ᐊᒥᒐᖏᑦᑐᑦ ᐱᔪᓐᓇᐅᑎᒋᓗᒍ; ᐃᓕᖕᓂᒃ ᓯᕘᕋᓂᕐᒧᑦ, ᑐᒃᓯᐊᕐᓂᕐᒧᑦ ᐱᔨᑦᓯᕈᒪᕙᒋᑦ, ᑐᒃᓯᐊᕐᕕᒡᔪᐊᖁᑎᕕᑦ ᐃᑦᔪᕐᓁᑦᑑᑉ ᓇᓛᓄᑦ ᓵᓐᖓᓗᖓ.

ᒨᓯᓯ ᐂᑉᐸᖏᑦ 25:31

“ᓴᓇᔪᒃᓴᐅᕗᑎᑦ ᓇᓂᕈᐊᑉ ᓇᐸᕕᖓᓂᒃ ᒎᓗᐃᓐᓇᐅᓗᒍ. ᐊᓪᓕᕋᖓᓕ ᓇᐸᔪᖓᓗ ᒎᓘᔪᒃᓴᐅᕗᖅ ᑲᐅᒐᕐᓯᒪᓗᓂᓗ ᓴᓇᔭᐅᓯᒪᔪᒃᓴᐅᕗᖅ; ᓇᓂᕈᐊᖃᕐᕕᖓ, ᑕᑯᒥᓇᕐᓴᐅᑎᖏᓪᓗ ᐱᕈᕐᓯᐊᖑᐊᑦ, ᐱᕈᕐᕕᓐᖑᐊᖏᓪᓗ ᐊᑕᐅᓯᕐᒥ ᐃᓗᐃᑦᑑᓗᑎᒃ ᓴᓇᓯᒪᔪᒃᓴᐅᕗᑦ;

ᓴᒧᐃᓕ ᓯᕗᓪᓖᑦ 1:6

ᐱᓃᓇᓗ, ᑖᑦᓱᒧᖓ ᐸᒡᕕᓵᖃᑕᐅᕙᓚᐅᕐᐳᖅ ᑲᓐᖑᓱᒃᑎᓪᓗᒍᓗ, ᐊᑕᓂᕐᒧᑦ ᐃᒡᓕᐊᖓ ᒪᑐᔭᐅᓯᒪᓂᖓ ᐱᑦᔪᑎᒋᓪᓗᒍ.

ᓴᒧᐃᓕ ᓯᕗᓪᓖᑦ 1:9

ᓂᕆᔭᕇᕋᒥᒃ ᐃᒥᕇᕋᒥᒡᓗ ᐊᑕᓂᐅᑉ ᐃᒡᓗᖓᓂ ᓮᓗᐊᒥ, ᕼᐋᓇ ᒪᑭᑉᐳᖅ. ᐃᓔᓕ ᑐᓂᕐᕈᓯᕐᑎᑦᓯᔨ ᐃᒃᓯᕙᓚᐅᕐᐳᖅ ᐃᒃᓯᕙᐅᑕᕐᒥ ᐊᑕᓂᐅᑉ ᑐᐱᖓᑕ ᐃᑎᕐᑕᕐᕕᖓᑕ ᓴᓂᐊᓂ.