ᓴᒧᐃᓕ ᓯᕗᓪᓖᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓴᒧᐃᓕᓕ ᐱᕈᕐᐸᓪᓕᐊᓚᐅᕐᐳᖅ, ᐊᑕᓂᐅᓪᓗ ᐃᓚᒋᓚᐅᕐᐹ ᓱᓕᑎᖃᑦᑕᓚᐅᕐᐰᓪᓗ ᓴᒧᐃᓕᐅᑉ ᐅᖃᐅᓯᕆᔭᓕᒫᖏᑦ.

ᓴᒧᐃᓕ ᓯᕗᓪᓖᑦ 3:19 Iomraidhean Croise

ᒨᓯᓯ ᓯᕗᓪᓖᑦ 21:22

ᑍᑦᓱᒪᓂᐅᑎᓪᓗᒍ ᐊᐱᒥᓕᑭ ᐱᖃᑎᖃᕐᓗᓂ ᐱᑰᓕᒥᒃ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᓂᒃ, ᐂᑉᕋᕼᐋᒻᒧᑦ ᐅᖃᕐᐳᖅ, “ᒎᑎᐅᑉ ᐃᓚᒋᕚᑎᑦ ᐱᓇᓱᐊᕐᑕᓕᒫᕐᓂ;

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᒨᓯᓯ ᓯᕗᓪᓖᑦ 39:2

ᐊᑕᓂᐅᓪᓕ ᔫᓯᐱ ᐃᓚᒋᕚ, ᐱᓇᓱᐊᕐᑕᒥᓂᒡᓗ ᐱᕙᓪᓕᐊᑦᓯᐊᕐᑎᑉᐹ; ᐊᖓᔪᖅᑳᖓᑕᓗ ᐄᑦᔨᑉᑎᒥᐅᑕᐅᑉ ᐃᒡᓗᖓᓂᒥᐅᑕᐅᓕᕐᐳᖅ.

ᒨᓯᓯ ᓯᕗᓪᓖᑦ 39:3

ᐊᖓᔪᖅᑳᖓᑕᓕ ᖃᐅᔨᕚ ᐊᑕᓂᐅᑉ ᐃᓚᒋᖕᒪᒍ, ᐊᑕᓂᐅᓪᓗ ᖃᓄᐃᓕᐅᕐᑕᓕᒫᖏᑦ ᐱᕙᓪᓕᐊᑦᓯᐊᕐᑎᖃᑦᑕᕐᒪᒋᑦ.

ᐊᑕᓃᑦ ᓯᕗᓪᓖᑦ 8:56

“ᐊᑕᓂᖅ ᓂᕐᑐᕐᑕᐅᓕ, ᐃᓄᖁᑎᒥᓄᑦ ᐃᓕᒪᓱᖏᑦᓯᐊᕐᓂᕐᒥᒃ ᑐᓂᓯᔪᖅ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓪᓗᓂ ᑍᒤᓐᓂᐊᕐᓂᕋᕐᓯᒪᒐᒥ, ᐊᖏᕈᑎᒋᓯᒪᔭᓕᒫᒥᓂᒃ ᑐᓂᓯᓂᐊᕐᓂᕋᕐᓗᓂ ᓱᓕᑎᓯᒪᖕᒪᒋᑦ ᐱᔨᒥᒍᑦ ᒨᓯᓯᒃᑯᑦ.

ᐊᑕᓃᑦ ᐂᑉᐸᖏᑦ 10:10

ᖃᐅᔨᒪᓕᕆᑦᓯ, ᐊᑕᓂᐅᑉ ᐅᖃᐅᓯᕆᓯᒪᔭᓕᒫᖏᑦ ᐂᕼᐊᑉ ᐃᓚᓕᒫᖏᑦ ᐱᓪᓗᒋᑦ ᐊᑕᐅᓯᕐᒥᒡᓘᓐᓃᑦ ᓱᓕᖏᑦᑐᖃᕐᓂᐊᓐᖏᓚᑦ, ᐊᑕᓂᖅ ᐱᓇᓱᐊᕐᓯᒪᕗᖅ ᐅᖃᐅᓯᕆᓚᐅᕐᑕᓕᒫᓂ ᒪᓕᒡᓗᒋᑦ ᐱᔨᒥᒍᑦ ᐃᓔᑦᔭᒃᑯᑦ.”

ᐊᑕᓃᑦ ᐂᑉᐸᖏᑦ 15:12

ᐊᑕᓂᐅᑉ ᐅᖃᐅᓯᕆᓯᒪᔭᖓ ᔨᕼᐆᒧᑦ ᓇᓚᐅᑦᓯᓕᓚᐅᕐᐳᖅ, “ᑭᖑᕚᕕᑦ ᓯᑕᒤᖏᑦ ᑎᑭᓪᓗᒋᑦ ᐃᓴᕆᐊᓕᒥᐅᓄᑦ ᐊᐅᓚᑦᓯᔨᐅᔪᒫᕐᐳᓯ.”

ᐊᑕᓃᑦ ᐂᑉᐸᖏᑦ 22:16

ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓄᓇᒥ ᑕᒫᓂ ᐱᐅᖏᑦᑐᒥᒃ ᐱᑕᖃᕐᑎᑦᓯᔪᒫᕐᐳᖓ ᐃᓄᖏᓐᓄᓪᓗ, ᐊᖓᔪᖅᑳᕐᔪᐊᑉ ᐊᒡᓚᖕᓂᒃ ᐅᖃᓕᒫᖅᑲᐅᔭᖏᓐᓂ ᐅᖃᐅᓯᕆᓯᒪᔭᒃᑲ ᒪᓕᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᓘᑲᓯᐅᑉ ᐊᒡᓚᖏᑦ 1:28

ᐂᖏᓕᐅᑉ ᒥᐊᕆ ᓴᖅᑭᕝᕕᒋᕚ ᐅᖃᐅᑎᓪᓗᒍ, “ᖁᕕᐊᓱᓕᕆᑦ, ᒎᑎᒧᑦ ᖁᕕᐊᒋᔭᐅᒐᕕᑦ, ᐊᑕᓂᐅᑉ ᐃᓚᒋᕚᑎᑦ!”

ᓘᑲᓯᐅᑉ ᐊᒡᓚᖏᑦ 1:80

ᓄᑕᕋᑯᓗᒃ ᐱᕈᕐᐸᓪᓕᐊᓕᕐᐳᖅ ᑎᒥᒥᒍᑦ ᐊᓂᕐᓂᒃᑯᓪᓗ ᓴᓐᖏᔫᓕᕐᓗᓂ, ᐃᓄᖃᖏᑦᑐᒥ ᐃᓂᖃᓚᐅᕐᐳᖅ ᐅᓪᓗᖅ ᐃᓴᕆᐊᓕᒥᐅᓄᑦ ᐱᓇᓱᐊᕐᕕᒋᓂᐊᕐᑕᓂ ᑎᑭᓪᓗᒍ.

ᓘᑲᓯᐅᑉ ᐊᒡᓚᖏᑦ 2:40

ᓄᑕᕋᑯᓗᒃ ᐱᕈᕐᐸᓪᓕᐊᓕᕐᐳᖅ ᓴᓐᖏᔫᓕᕐᓗᓂ, ᓯᓚᑐᔫᓕᕐᓗᓂᓗ; ᒎᑎᐅᑉ ᓮᒻᒪᓂᖓᑕ ᓇᔪᕐᐹ.

ᓘᑲᓯᐅᑉ ᐊᒡᓚᖏᑦ 2:52

ᔩᓱᓯ ᐱᕈᕐᐸᓪᓕᐊᓚᐅᕐᐳᖅ ᑎᒥᒥᒍᑦ ᓯᓚᑐᓕᕐᐸᓪᓕᐊᓪᓗᓂ, ᖁᕕᐊᒋᔭᐅᓪᓗᓂᓗ ᒎᑎᒧᑦ ᐃᓄᖕᓄᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:14

ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.

ᒨᓯᓯ ᑕᓪᓕᒪᖏᑦ 18:22

ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”

ᑎᒧᑎᒧᑦ ᐂᑉᐸᖏᑦ 4:22

ᐊᑕᓂᐅᑉ ᐊᓂᕐᓃᑦ ᐃᓚᒋᓕᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦ.

ᔮᓱᐊᑉ ᐊᒡᓚᖏᑦ 21:45

ᐅᖃᐅᓯᕐᒥᒃ ᐊᑕᐅᓯᕐᒥᒡᓘᓐᓃᑦ ᐊᖏᕈᑕᐅᓯᒪᔪᒥᒃ ᑲᔪᓯᖏᑦᑐᕐᑕᖃᓚᐅᓐᖏᓚᖅ; ᐊᑕᓂᐅᑉ ᐅᖃᐅᓯᕆᓚᐅᕐᑕᓕᒫᓂ ᓇᓚᐅᑦᓯᑎᓚᐅᕐᐰᑦ ᐃᓴᕆᐊᓕᒥᐅᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 13:24

ᐊᕐᓇᕐᓗ ᐃᕐᓂᑖᓚᐅᕐᐳᖅ ᐊᑦᓯᕐᓗᒍᓗ ᓵᒻᓲᓂᒥᒃ, ᓱᕈᓯᕐᓗ ᐱᕈᕐᐸᓪᓕᐊᓚᐅᕐᐳᖅ, ᐊᑕᓂᐅᓪᓗ ᓮᒻᒪᕐᑎᓚᐅᕐᐹ.

ᓴᒧᐃᓕ ᓯᕗᓪᓖᑦ 10:7

ᑕᒪᒃᑯᐊ ᓇᓗᓁᒃᑯᑍᑦ ᐃᓕᖕᓄᑦ ᑎᑭᑉᐸᑕ, ᐱᓇᓱᐊᕈᓐᓇᕐᑕᕐᓂᒃ ᐱᓇᓱᐊᕐᑐᒃᓴᐅᕗᑎᑦ, ᒎᑎᐅᑉ ᐃᓚᒋᓂᐊᕐᒪᑎᑦ.

ᓴᒧᐃᓕ ᓯᕗᓪᓖᑦ 12:2

ᒫᓐᓇᓕ ᑕᑯᒋᑦ, ᑕᕝᕙ ᐊᖓᔪᖅᑳᕐᔪᐊᓯ ᐱᓱᓕᕐᐳᖅ ᓵᑦᓯᓐᓂ; ᐅᕙᖓᓕ ᐃᑦᑑᓕᕋᒪ ᖀᖑᓕᕐᓗᖓᓗ, ᑕᑯᒋᑦ ᐃᕐᓂᒃᑲ ᐃᓕᑦᓯᓐᓃᑉᐳᑦ; ᐃᓕᑦᓯᓐᓂᒃ ᑕᓯᐅᕐᓯᓚᐅᕐᐳᖓ ᐃᓅᓱᒃᑑᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ.

ᓴᒧᐃᓕ ᓯᕗᓪᓖᑦ 16:18

ᐱᔨᖓᑕ ᐃᓚᖓ ᐃᓅᓱᒃᑐᖅ ᑭᐅᕗᖅ, “ᑕᑯᒋᑦ, ᑕᑯᓯᒪᕗᖓ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᖓᓂᒃ, ᓂᑦᔭᐅᓯᔭᑦᓯᐊᕈᓐᓇᕐᑐᒥᒃ, ᓯᕘᕋᖏᑦᑐᖅ ᐅᓇᑕᕈᓐᓇᕐᓗᓂᓗ, ᓯᓚᑐᔪᒥᒃ ᐅᖃᐅᓯᖃᕈᓐᓇᕐᑐᖅ, ᑕᑯᒥᓇᕐᑐᖅ; ᐊᑕᓂᐅᓪᓗ ᑖᓐᓇ ᓇᔪᕐᐹ.”

ᓴᒧᐃᓕ ᓯᕗᓪᓖᑦ 18:12

ᓴᐅᓕᐅᑉ ᑍᕕᑎ ᑲᑉᐱᐊᒋᓕᕐᐹ, ᐊᑕᓂᕐᒧᑦ ᓇᔪᕐᑕᐅᓂᖓᓄᑦ ᐃᒻᒥᓂᒡᓗ ᕿᒪᒃᑕᐅᓯᒪᓕᕐᓂᕐᒥᓄᑦ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 18:14

ᑍᕕᑎᓗ ᐱᔪᓐᓇᑦᓯᐊᖃᑦᑕᓚᐅᕐᐳᖅ ᐱᓇᓱᐊᕐᑕᓕᒫᒥᓂᒃ; ᐊᑕᓂᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 18:5

ᑍᕕᑎᓗ ᐂᖃᑦᑕᓚᐅᕐᐳᖅ ᓴᐅᓕᐅᑉ ᑎᓕᓯᑦᔪᑎᒋᔭᖏᓐᓄᑦ ᓇᒧᑐᐃᓐᓇᖅ ᐱᔪᓐᓇᑦᓯᐊᕐᐸᒡᓗᓂ, ᓯᓚᑐᓂᖃᑦᓯᐊᕐᓗᓂᓗ; ᑍᒤᒻᒪᑦ ᓴᐅᓕᐅᑉ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᖁᑎᒥᓄᑦ. ᓴᐅᓕᐅᓪᓗ ᐃᓄᖁᑎᖏᑕ ᐊᖓᔪᖅᑳᖁᑎᖏᑕᓗ ᑕᒪᓐᓇ ᖁᕕᐊᒋᑦᓯᐊᓚᐅᕐᐹᑦ.

ᓴᒧᐃᓕ ᓯᕗᓪᓖᑦ 2:21

ᐊᑕᓂᐅᑉ ᓮᒻᒪᕐᑎᓚᐅᕐᐹ ᕼᐋᓇ, ᐃᕐᓂᕐᑖᕐᐳᕐᓗ ᐱᖓᓱᓂᒃ ᐸᓂᒃᑖᕐᓗᓂᓗ ᒪᕐᕉᖕᓂᒃ. ᓱᕈᓯᕐᓕ ᓴᒧᐃᓕ ᐱᕈᕐᐸᓪᓕᐊᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ.

ᓴᒧᐃᓕ ᓯᕗᓪᓖᑦ 2:26

ᓱᕈᓯᕐᓕ ᓴᒧᐃᓕ ᑲᔪᓯᓪᓗᓂ ᐱᕈᕐᐸᓪᓕᐊᓚᐅᕐᐳᖅ ᐱᐅᒋᔭᐅᓕᕐᐸᓪᓕᐊᓪᓗᓂᓗ ᐊᑕᓂᕐᒧᑦ ᐃᓄᖕᓄᓪᓗ.

ᓴᒧᐃᓕ ᓯᕗᓪᓖᑦ 9:6

ᐱᔨᖓ ᑭᐅᕗᖅ, “ᑕᑯᒋᑦ, ᑕᕝᕙᓂ ᐃᒡᓗᒐᓴᖕᓂ ᐊᖑᒻᒥᒃ ᒎᑎ ᐃᓄᖁᑎᖃᕐᐳᖅ, ᐃᒃᐱᒋᔭᐅᑦᓯᐊᕐᑐᒥᒃ; ᐅᖃᕐᑕᕕᓂᓕᒫᖏᓪᓗ ᓇᓪᓕᐅᑦᓯᕙᒃᓗᑎᒃ. ᑍᑯᓐᖓᓚᐅᕐᑕ; ᐃᒻᒪᖄ ᐅᖃᐅᑎᔪᓐᓇᕐᐹᑎᒍᑦ ᓇᒧᓐᖓᕐᑐᒃᓴᐅᓂᑦᑎᓐᓂᒃ.”