ᓴᒧᐃᓕ ᓯᕗᓪᓖᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓔᓪᓗ ᐊᐱᕆᕚ, “ᖃᓄᖅ ᐊᑕᓂᐅᑉ ᐅᖃᐅᑎᓚᐅᕐᐹᑎᑦ? ᐃᔨᕐᓯᒪᕕᒋᑦᑍᓕᓐᖓ. ᒎᑎᐅᑉ ᓱᒋᐊᕈᒫᕐᐹᑎᑦ ᐅᕙᓐᓄᑦ ᐅᖃᖏᒃᑯᕕᑦ ᐅᖃᐅᓯᕆᓚᐅᕐᑕᓕᒫᖏᓐᓂᒃ.”

ᓴᒧᐃᓕ ᓯᕗᓪᓖᑦ 3:17 Iomraidhean Croise

ᓴᒧᐃᓕ ᐂᑉᐸᖏᑦ 14:18

ᑕᕝᕙ ᐊᖓᔪᖅᑳᕐᔪᐊᑉ ᐊᕐᓇᖅ ᑭᐅᕚ, “ᐊᐱᕆᓂᐊᕋᒃᑭᑦ, ᓱᓕᑦᓯᐊᕐᑐᒥᒃ ᐅᖃᕐᑐᒃᓴᐅᕗᑎᑦ.” ᐊᕐᓇᖅ ᑭᐅᕗᖅ, “ᓱᓇᑐᐃᓐᓇᕐᒥᒃ ᐊᐱᕆᓚᐅᓐᖓ, ᐊᑕᓂᕋ ᐊᖓᔪᖅᑳᕐᔪᐊᕋ.”

ᓴᒧᐃᓕ ᐂᑉᐸᖏᑦ 19:13

ᑍᕕᑎᐅᑉ ᐅᖃᖁᓚᐅᕆᕔᑦ ᐊᒪᓴᒧᑦ, “ᑎᒥᒃᑯᑦ ᐃᓚᒋᕙᒋᑦ ᒫᓐᓇᒥᑦ ᑲᒪᔨᐅᑎᓐᓂᐊᕐᐸᒋᑦ ᐅᓇᑕᕐᑐᒃᓴᓂᒃ ᔪᐊᐱ ᑭᖑᕝᕕᕐᓗᒍ, ᒎᑎᐅᑉ ᓱᒋᐊᕐᓂᐊᕐᐹᖓ ᑍᒤᑎᑦᓯᓂᐊᓐᖏᑐᐊᕈᒪ!”

ᓴᒧᐃᓕ ᐂᑉᐸᖏᑦ 3:35

ᑕᕝᕙ ᐃᓄᖕᓂᑦ ᑍᕕᑎ ᐅᓪᓗᓕᒫᖅ ᓂᕆᑎᑕᐅᓇᓱᓚᐅᕋᓗᐊᕐᐳᖅ, ᐊᖏᕈᑎᖃᒻᒪᕆᓚᐅᕐᐳᕐᓕ ᐃᒫᒃ, “ᒎᑎᐅᑉ ᓱᒋᐊᕐᓂᐊᕐᐹᖓ ᓯᕿᓂᖅ ᓂᐱᓚᐅᕐᑎᓐᓇᒍ ᓂᕆᑐᐊᕈᒪ!”

ᓴᒧᐃᓕ ᐂᑉᐸᖏᑦ 3:9

ᒎᑎᐅᑉ ᐋᑉᓄ ᓱᒋᐊᕐᓕᐅᒃ ᑕᒪᓐᓇ ᓱᓕᑎᖏᒃᑯᒃᑯ, ᐊᑕᓂᐅᑉ ᐊᖏᕈᑎᒋᓚᐅᕐᒪᒍ ᑍᕕᑎ ᐃᓇᖐᓂᐊᕐᓂᕋᕐᓗᒍ ᓴᐅᓕᐅᑉ ᐊᖓᔪᖅᑲᐅᕕᖓᓂᒃ,

ᐊᑕᓃᑦ ᓯᕗᓪᓖᑦ 22:16

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᑖᑦᓱᒧᖓ, “ᖃᑦᓯᐊᕐᑎᕐᓗᖓ ᐊᖏᕐᑎᑕᒃᓴᕆᕙᒌᑦ ᐅᕙᓐᓄᑦ ᓱᓕᔪᒥᒃ ᐅᖃᖁᓗᑎᑦ ᐊᑕᓂᐅᑉ ᐊᑎᖓᓂ?”

ᐊᑕᓃᑦ ᐂᑉᐸᖏᑦ 6:31

ᐅᖃᕐᓗᓂᓗ, “ᒎᑎᐅᑉ ᓱᒋᐊᕐᓕᖓ, ᐊᑦᑕᕆᖏᓪᓗᓂᖓ ᐃᓔᓴᐅᑉ ᓴᕚᑎᐅᑉ ᐃᕐᓂᖓᑕ ᓂᐊᖁᐊ ᓱᓕ ᐅᓪᓗᒥ ᑎᒥᖓᓄᑦ ᐊᑕᓂᐊᕐᐸᑦ!”

ᐃᓐᖏᕈᑎᑦ 141:5

ᐃᓱᐊᕐᑐᓕᔪᒧᑦ ᐊᓇᐅᔭᐅᑎᓚᐅᓐᖓ ᐱᑦᓯᐊᕐᓂᐅᒐᔭᕐᒪᑦ ᓱᐊᒃᑕᐅᓗᖓᓘᓐᓃᑦ ᑕᒪᓐᓇ ᐅᕐᓱᑦᓯᐊᕚᓘᖕᒪᑦ; ᐱᐅᖏᑦᑐᓄᓪᓕ ᓂᐊᖁᕋ ᐅᕐᓱᕐᑎᕐᑕᐅᑎᓚᐅᕐᓯᒪᓐᓂᐊᕐᓇᒍ; ᓱᓕ ᑐᒃᓯᐊᕐᐳᖓ ᐱᐅᖏᑦᑐᑦ ᐱᓂᐊᕐᓂᖏᑦ ᐊᑭᕋᕐᑐᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 38:14

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᔨᕆᒤᐊ ᐂᔭᐅᑎᑉᐹ, ᐅᖃᐅᑎᓪᓗᒍᓗ, “ᐊᐱᕆᔪᒪᒐᒃᑭᑦ ᓱᓕᔪᒥᒃ ᐅᖃᐅᑎᓂᐊᕐᐸᕐᒪ ᐃᔨᕐᓯᒪᑎᑦᓯᑦᑍᓕᒋᑦ.”

ᔨᕆᒤᐊᐅᑉ ᐊᒡᓚᖏᑦ 42:4

ᔨᕆᒤᐊᐅᑉ ᑭᐅᕔᑦ, “ᑐᓴᐅᒪᕙᒋᑦ ᑕᑯᒋᑦ, ᑐᒃᓯᐊᕐᓂᐊᕐᐳᖓ ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑦᔭᐅᔪᒪᓂᓯ ᒪᓕᒡᓗᒍ, ᖃᓄᑐᐃᓐᓇᖅ ᐊᑕᓂᖅ ᑭᐅᒃᐸᑦ ᐅᖃᐅᑎᓂᐊᕐᐸᒋᑦ, ᐅᖃᐅᓯᖃᕐᑍᓕᓂᐊᓐᖏᓚᖓ ᐃᓕᑦᓯᓐᓄᑦ.”

ᑖᓂᐊᓕᐅᑉ ᐊᒡᓚᖏᑦ 4:19

ᑕᕝᕙ ᑖᓂᐊᓕ ᐱᐊᓪᓴᔮᕆᒥᒃ ᑍᔭᐅᔪᖅ, ᐊᑯᓂ ᑕᑕᒥᓐᓂᐊᓚᐅᕐᐳᖅ ᐃᓱᒪᖓᑕᓗ ᑲᑉᐱᐊᓱᒃᑎᓚᐅᕐᐹ, ᑍᒤᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐱᐊᓪᓴᓵᕆ, ᓯᓐᓇᒃᑑᑉ ᑕᒪᑐᒪ ᑐᑭᖓᑕᓘᓐᓃᑦ ᐃᓱᒪᔮᕐᑎᑦᑍᓕᓕᑎᑦ.” ᐱᐊᓪᓴᓵᕆᐅᑉ ᑭᐅᕚ, “ᐊᖓᔪᖅᑳᒃ, ᑕᒪᓐᓇ ᓯᓐᓇᒃᑐᖅ ᐃᕝᕕᑦ ᐊᑭᕋᖏᓐᓄᑦ ᑐᕌᖓᔪᓐᓇᖁᔪᒥᓇᖅ, ᑐᑭᖓᓗ ᐊᑭᕋᕐᑐᕐᑎᖕᓄᑦ ᑐᕌᖓᖁᔪᒥᓇᖅ!

ᒤᑲᐅᑉ ᐊᒡᓚᖏᑦ 2:7

ᔧᑯᒧᑦ ᑭᖑᕚᖑᔪᓯ: ᐊᑕᓂᐅᑉ ᐊᓂᕐᓂᖓ ᓂᓐᖓᐅᒪᕚ? ᑕᒪᒃᑯᐊ ᐱᓂᐊᕐᓂᕆᕔᑦ? ᐅᖃᐅᓯᒃᑲ ᐱᐅᔪᒥᒃ ᐱᓇᓱᐊᕐᑎᑦᓯᓐᖏᓛᑦ ᐃᓅᑦᓯᐊᕐᑐᓅᑦ?

ᒨᓯᓯ ᓯᑕᒪᖏᑦ 23:17

ᑕᕝᕙ ᐅᑎᕐᕕᒋᕚ ᑕᕝᕙᓃᓚᐅᕐᐳᖅ, ᑐᓂᕐᕈᑎᒥ ᓴᓂᐊᓂ ᓇᖏᕐᑐᖅ, ᒧᐊᐱᒥᐅᑦ ᐊᖓᔪᖅᑳᖁᑎᖏᑦ ᐃᓚᒋᓪᓗᒋᑦ. ᐰᓚᑭᐅᑉ ᐊᐱᕆᕚ, “ᖃᓄᖅ ᐊᑕᓂᖅ ᐅᖃᕐᐸ?”

ᒫᑎᐅᓯᐅᑉ ᐊᒡᓚᖏᑦ 26:63

ᔩᓱᓯᓕ ᓂᓪᓕᓐᖏᓚᖅ. ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓᑦᑕ ᐅᖃᕐᕕᒋᒃᑲᓐᓂᕐᐹ, “ᒎᑎᐅᑉ ᑐᖁᓱᐃᑦᑑᑉ ᐊᑎᖓᓂ ᐅᖃᖁᓪᓚᕆᓕᕐᐸᒋᑦ, ᐅᖃᐅᑎᓚᐅᕐᑎᒍᑦ ᙭ᔅᑑᓯᐅᖕᒪᖔᕐᐱᑦ, ᒎᑎᐅᑉ ᐃᕐᓂᖓ.”

ᕉᑎᐅᑉ ᐅᓂᒃᑲᐅᓯᓂᖓ 1:17

ᑐᖁᕕᒋᔭᕐᓂ ᑐᖁᓂᐊᕐᐳᖓ, ᑕᕝᕙᓂᓗ ᐃᓗᕕᕐᑕᐅᓗᖓ, ᓱᓕᖏᒃᑯᒪ ᐊᑕᓂᐅᑉ ᓱᒋᐊᓛᕐᐹᖓ ᑐᖁᒨᖏᑦᑐᖅ ᓇᔪᕈᓐᓃᕐᓂᕈᒃᑭᑦ.”

ᓴᒧᐃᓕ ᓯᕗᓪᓖᑦ 14:44

ᓴᐅᓕᓗ ᐅᖃᕐᐳᖅ, “ᒎᑎᐅᑉ ᑍᒫᑦᓮᓐᓇᖅ ᐊᖏᓂᕐᓴᒥᒃ ᐱᓇᓱᐊᕐᕕᒋᓂᐊᕐᐹᖓ; ᐄᓛᒃ ᑐᖁᑕᐅᔪᒃᓴᐅᓕᕐᐳᑎᑦ, ᔫᓇᑕᓃ.”

ᓴᒧᐃᓕ ᓯᕗᓪᓖᑦ 20:13

ᐊᑕᓂᐅᓪᓕ ᔫᓇᑕᓂ ᐊᖏᓂᕐᓴᒥᒃ ᓱᒋᐊᕐᑕᒃᓴᕆᕚ, ᐊᑖᑕᒪ ᐱᐅᖏᑦᑐᒥᒃ ᐱᓂᐊᕐᕕᒋᔪᒪᑐᐊᕐᐸᑎᑦ, ᑕᕝᕙ ᐅᖃᐅᑎᔪᒫᕐᐸᒋᑦ ᐊᐅᓪᓚᕐᑎᓪᓗᒋᓪᓗ, ᐊᑦᑕᕐᓇᕐᑐᒦᖁᓇᑎᑦ. ᐊᑕᓂᐅᑉ ᐃᓚᒋᓕᑎᑦ, ᑍᒫᑦᓮᓐᓇᖅ ᐊᑖᑕᓐᓃᓚᐅᕐᒪᑦ.

ᓴᒧᐃᓕ ᓯᕗᓪᓖᑦ 25:22

ᒎᑎᐅᑉ ᑍᕕᑎ ᓱᒋᐊᕐᓂᐊᕐᐹ ᑐᖁᓪᓗᓂᐅᒡᓗ, ᐅᓪᓛᓐᖑᓕᕐᑎᓪᓗᒍ ᐊᑕᐅᓯᕐᒥᒡᓘᓐᓃᑦ ᐊᖑᒻᒥᒃ ᐃᓅᔪᖃᑐᐊᕐᐸᑦ ᑖᑦᓱᒪ ᐃᓄᖁᑎᖓᓂᒃ.”

ᓴᒧᐃᓕ ᓯᕗᓪᓖᑦ 3:16

ᐃᓔᓪᓕ ᕾᖁᕚ ᐅᖃᐅᑎᓪᓗᒍᓗ, “ᓴᒧᐃᓖ, ᐃᕐᓃᒃ!” ᓴᒧᐃᓕ ᑭᐅᕗᖅ, “ᑕᒫᓃᑉᐳᖓ.”