ᓴᒧᐃᓕ ᓯᕗᓪᓖᑦ 3:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᖃᐅᑎᓚᐅᕐᐸᕋ ᐃᓚᖏᑦ ᓱᒋᐊᕐᓂᐊᕐᓂᕋᓕᕐᓗᒋᑦ ᐃᓱᖃᖏᑦᑐᒧᑦ, ᐃᓔᑉ ᖃᐅᔨᒪᓚᐅᕐᐰᖅ ᐱᐅᖏᑦᑐᓕᓂᖏᑦ, ᐃᕐᓂᖏᑦ ᐅᖃᕐᓂᕐᓘᑦᔨᓚᐅᕐᒪᑕ ᒎᑎᒥᒃ, ᐃᓂᕐᑎᓚᐅᓐᖏᓔᓪᓕ.

ᓴᒧᐃᓕ ᓯᕗᓪᓖᑦ 3:13 Iomraidhean Croise

ᐊᑕᓃᑦ ᓯᕗᓪᓖᑦ 1:6

ᐊᑖᑕᖓᑕᓗ ᐃᓂᕐᑎᓚᐅᓐᖏᓛ ᐅᖃᐅᑎᓚᐅᕋᓂᐅᒡᓗ, “ᓱᖕᒪᑦ ᑍᒤᓕᐅᕐᐱᑦ?” ᑖᓐᓇᓗ ᐊᖑᑎᑦᓯᐊᕙᐅᓚᐅᕐᐳᖅ; ᐋᑉᓴᓚᐅᑉ ᓄᑲᖓ ᑐᖓᓕᕆᓪᓗᓂᐅᒃ.

ᐊᑕᓃᑦ ᓯᕗᓪᓖᑦ 2:44

ᐊᖓᔪᖅᑳᕐᔪᐊᕐᓗ ᐅᖃᕆᕗᖅ ᓯᒥᐂᒧᑦ, “ᐆᒻᒪᑎᖕᓂ ᖃᐅᔨᒪᑦᓯᐊᕐᐳᑎᑦ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓚᐅᕐᓯᒪᓂᕐᓂᒃ ᐊᑖᑕᓐᓄᑦ ᑍᕕᑎᒧᑦ; ᐊᑕᓂᐅᑉ ᓱᒋᐊᕐᓂᐊᕐᐹᑎᑦ ᑕᒪᓐᓇ ᐱᓪᓗᒍ.

ᑯᕉᓂᑲ ᐂᑉᐸᖏᑦ 20:12

ᒎᑎᕗᑦ, ᐃᖅᑲᕐᑐᕈᓐᓇᕐᐱᒌᑦ? ᐱᔪᓐᓇᕐᓂᖃᖏᓐᓇᑦᑕ ᐃᓄᒋᐊᒃᑐᕐᔪᐊᑦ ᐅᕙᑦᑎᓐᓄᑦ ᐅᓇᑕᕆᐊᕐᓂᖏᓐᓄᑦ. ᖃᓄᐃᓕᐅᕐᑐᒃᓴᐅᖕᒪᖔᑦᑕᓗ ᖃᐅᔨᒪᓇᑕ, ᐃᔨᑦᑎᓐᓄᓪᓕ ᐃᓕᖕᓄᑦ ᑕᑯᓴᕐᐳᒍᑦ ᐅᑕᖅᑭᓪᓗᑕ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:18

ᐃᕐᓃᑦ ᐋᖅᑭᒋᐊᕈᒃ ᐱᕕᖃᕐᓂᖓᓂ, ᐃᓅᓯᕐᓗᓕᕐᓇᕐᑐᒧᑦ ᑎᑭᐅᑎᑎᑦᓱᒫᕋᕕᐅᒃ ᐃᓱᒪᒋᕙᖕᓂᖏᒃᑯᕕᐅᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:15

ᐊᓇᐅᑕᐅᑉ ᐋᖅᑭᒃᓯᒋᐊᕐᓂᖓ ᓯᓚᑐᓂᕐᒥᒃ ᑐᓂᓯᕗᖅ, ᓄᑕᕋᕐᓕ ᑲᒪᒋᔭᐅᖏᑦᑐᖅ ᐊᓈᓇᒥᓂᒃ ᑲᓐᖑᓱᒃᑎᑦᓯᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:22

ᐅᓄᕐᑐᐃᕐᓱᕐᓗᑎᑦᑕᐅᖅ ᐆᒻᒪᑎᖕᓂ ᖃᐅᔨᒪᒐᕕᑦ, ᓇᖕᒥᓂᖅ ᐊᒡᓛᑦ ᐊᓯᖕᓂᒃ ᓇᕐᕈᓇᕐᓯᑎᑦᓯᖃᑦᑕᕐᓯᒪᒐᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 18:30

“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᐃᓯᑭᐊᓕᐅᑉ ᐊᒡᓚᖏᑦ 7:3

“ᒫᓐᓇ ᐃᓱᐊᓄᑦ ᑎᑭᑉᐳᓯ, ᓂᓐᖓᐅᓯᓐᓄᑦ ᕿᓚᕈᑦᔮᕐᕕᒋᓕᕐᐸᑦᓯ, ᐱᓂᐊᕐᓂᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᓕᕐᐸᑦᓯ; ᓱᒋᐊᕐᓂᐊᕐᐸᑦᓯᓗ ᓇᕐᕈᓇᕐᑐᓕᓯᒪᓂᓯ ᒪᓕᒡᓗᒋᑦ.

ᔪᐃᓕᐅᑉ ᐊᒡᓚᖏᑦ 3:12

ᐃᓅᖃᑎᒌᒡᔪᐊᑦ ᐸᕐᓇᓕᕐᓕᑦ ᕾᓗᑎᒡᓗ, ᔨᕼᐆᓴᐸᐅᑉ ᓇᕐᓴᖓᓄᑦ. ᑍᑲᓂ ᐃᓅᖃᑎᒋᒡᔪᐊᑦ ᐊᕙᑖᓃᑦᑐᑦ ᐃᖅᑲᕐᑐᕈᒫᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒨᓯᓯ ᑕᓪᓕᒪᖏᑦ 17:12

ᓇᓪᓕᐊᓪᓕ ᓈᓚᖏᑦᑐᖅ ᒪᓕᖏᓪᓗᓂ ᐋᖅᑭᒃᓱᐃᔨᒥᒃ ᑐᓂᕐᕈᓯᕐᑎᑦᓯᔨᒥᒡᓘᓐᓃᑦ ᐱᓇᓱᐊᕆᐊᖃᕐᑕᒥᓂᒃ ᐱᓇᓱᐊᕐᑐᒥᒃ ᑖᓐᓇ ᑐᖁᑕᐅᔪᒃᓴᐅᕗᖅ; ᑍᒫᒃ ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᐲᕐᑎᒐᔭᕐᐸᓯ ᐃᓴᕆᐊᓕᒥᑦ.

ᒨᓯᓯ ᑕᓪᓕᒪᖏᑦ 21:18

“ᐊᖑᓪᓕ ᐃᕐᓂᖃᕐᐸᑦ ᐊᖏᕈᓐᓇᖏᑦᑐᒥᒃ ᓈᓚᒍᓐᓇᖏᑦᑐᒥᒡᓗ, ᐃᕐᓂᖅ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓈᓚᒍᒪᖃᑦᑕᖏᑉᐸᑦ, ᐋᖅᑭᒋᐊᕐᑕᐅᕙᒃᑲᓗᐊᕐᓗᓂ ᑖᒃᑯᓂᖓ ᓈᓚᒍᒪᖏᑦᐸᑦ,

ᔪᐊᓇᓯ ᓯᕗᓪᓖᑦ 3:20

ᐆᒻᒪᑎᑦᑎᒍᑦ ᐸᓯᔭᐅᒍᑦᑕ, ᒎᑎ ᐊᖏᓂᕐᓴᐅᕗᖅ ᐆᒻᒪᑎᑦᑎᓐᓂᑦ, ᑕᒤᓐᓂᑎᐊᕐᓗ ᖃᐅᔨᒪᕗᖅ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.

ᓴᒧᐃᓕ ᓯᕗᓪᓖᑦ 2:17

ᐃᓔᑉ ᐃᕐᓂᖏᑕ ᐊᔪᕐᑐᓕᓂᖏᑦ ᐱᐅᖏᑦᑐᒻᒪᕆᐅᓚᐅᕐᐳᑦ ᐊᑕᓂᐅᑉ ᓵᖓᓂ; ᑐᓂᕐᕈᑎᒋᔭᐅᔪᓂᒃ ᐊᑕᓂᕐᒧᑦ ᐃᒃᐱᒍᓱᑦᓯᐊᖏᓂᖏᑦ ᐱᑦᔪᑎᒋᓪᓗᒋᑦ.