ᓴᒧᐃᓕ ᓯᕗᓪᓖᑦ 29:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᕕᑎ ᐊᑭᔅᒧᑦ ᑭᐅᕗᖅ, “ᓱᓇᒦᒃ ᑕᒻᒪᓚᐅᕐᐳᖓ, ᐊᖓᔪᖅᑳᒃ? ᐅᖃᐅᓰᑦ ᒪᓕᒡᓗᒍ ᐸᑦᓯᑎᒃᓴᒥᒃ ᓇᓂᓯᓚᐅᖏᒃᑯᕕᑦ ᑍᑲᓐᖓᑦ ᐅᓪᓗᒥᑦ ᐃᓕᖕᓂᒃ ᐱᔨᑦᓯᓕᓚᐅᕐᓂᓐᓂᑦ ᐱᒋᐊᕐᓗᑎᑦ, ᖃᓄᐃᒪᓪᓕ ᐃᓕᖕᓂᒃ ᒪᓕᒍᓐᓇᓐᖏᓚᖓ, ᐊᖓᔪᖅᑳᒃ ᐊᑭᕋᑎᑦ ᐅᓇᑕᕐᓗᒋᑦ?”

ᓴᒧᐃᓕ ᓯᕗᓪᓖᑦ 29:8 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”

ᓴᒧᐃᓕ ᓯᕗᓪᓖᑦ 17:29

ᑍᕕᑎᓕ ᐅᖃᕐᐳᖅ, “ᖃᓄᐃᓕᐅᕋᒫ? ᐊᐱᕆᑐᐃᓐᓇᓚᐅᓐᖏᓚᖔ?”

ᓴᒧᐃᓕ ᓯᕗᓪᓖᑦ 20:8

ᑍᒤᒻᒪᑦ ᑕᒪᓐᓇ ᐱᑦᓯᐊᕐᓗᑎᑦ ᐱᓇᓱᐊᕈᒃ ᐱᑦᔪᑎᒋᓗᖓ, ᐱᔩᑦ ᐊᖏᕈᑎᒋᓯᒪᒐᕕᐅᒃ ᐊᑕᓂᕐᒧᑦ. ᐸᓯᔭᒃᓴᐅᒍᒪᓕ, ᐃᕝᕕᑦ ᓇᖕᒥᓂᖅ ᑐᖁᑕᒃᓴᕆᕙᕐᒪ; ᓱᖕᒪᑦ ᐊᑖᑕᖕᓄᐊᕈᑎᔭᒃᓴᕆᕕᖓ ᑐᖁᑕᐅᔭᕐᑐᕐᑎᓪᓗᖓ?”

ᓴᒧᐃᓕ ᓯᕗᓪᓖᑦ 26:18

ᐅᖃᕆᐊᓪᓚᒡᓗᓂᓗ, “ᓱᖕᒪᑦ ᐊᖓᔪᖅᑳᒃ, ᐅᕙᓐᓂᒃ ᓱᓕ ᕿᓂᕐᐲᑦ ᐱᔨᖕᓂᒃ? ᖃᓄᐃᓕᐅᕐᓯᒪᒐᒫ? ᓱᓇᒦᒃ ᐸᓯᔭᒃᓴᐅᑦᔪᑎᖃᕋᒫ?

ᓴᒧᐃᓕ ᓯᕗᓪᓖᑦ 27:10

ᐊᑭᔅᒥᐅᓂᓪᓗ ᐊᐱᕆᔭᐅᒐᒥ, “ᐅᓪᓗᒥ ᓇᑭᑦ ᐊᕐᓵᑎᕆᓚᐅᕐᐲᑦ?” ᑍᕕᑎ ᐅᖃᕐᐸᓚᐅᕐᐳᖅ, “ᔫᑕᐅᑉ ᓯᕿᓂᖓᓂᑦ ᓂᒋᑉᒥᑦ,” ᐅᕝᕙᓗ, “ᔨᕋᒥᐅᓕᒃᑯᑦ ᓄᓇᖓᓂᑦ,” ᐅᕝᕙᓗ, “ᑭᓁᑎᒥᐅᑦ ᓄᓇᖓᓐᓂᑦ.”

ᓴᒧᐃᓕ ᓯᕗᓪᓖᑦ 28:2

ᑍᕕᑎ ᑭᐅᕗᖅ, “ᐃᓛᒃ ᐱᔨᒋᕙᕐᒪ, ᖃᐅᔨᓂᐊᕐᐳᑎᑦ ᐱᔩᑦ ᖃᓄᐃᓕᐅᕈᓐᓇᕐᓂᖓᓂᒃ.” ᐊᑭᔅᓗ ᐅᖃᕐᐳᖅ, “ᐱᐅᕗᖅ, ᓴᐳᓐᓂᐊᕐᑎᒋᓂᐊᓕᕐᐸᒋᑦ ᑍᒪᓐᖓᓕᒫᖅ.”

ᓴᒧᐃᓕ ᓯᕗᓪᓖᑦ 29:7

ᑍᒤᒻᒪᑦ ᒫᓐᓇ ᐅᑎᓕᕆᑦ; ᐃᓱᒫᓗᖏᑦᓯᐊᕐᓗᑎᑦ, ᐱᓕᔅᑍᓂᒥᐅᑦ ᐊᖓᔪᖅᑳᖁᑎᖏᓐᓄᑦ ᖁᕕᐊᒋᔭᐅᖏᑦᑐᒥᒃ ᐱᓇᓱᐊᖁᓇᒃ.”