ᓴᒧᐃᓕ ᓯᕗᓪᓖᑦ 29:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᓕᔅᑍᓂᒥᐅᓪᓕ ᐊᖓᔪᖅᑳᖏᑦ ᐅᖃᕐᐳᑦ, “ᖃᓄᐃᒻᒪᓄᑯᐊ ᐄᑉᕈᐃᑦ ᐃᓚᐅᕚᑦ?” ᐊᑭᔅ ᑭᐅᕗᖅ, “ᐅᓇ ᑍᕕᑎ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ ᓴᐅᓕᐅᑉ ᐱᔨᖓ, ᐅᕙᓐᓃᓕᕐᑐᖅ ᐊᑯᓂᒐᓚᒃ, ᑍᒪᓐᖓᑦ ᐅᕙᑦᑎᓐᓃᓕᕐᑎᓪᓗᒍ ᐸᓯᔭᒃᓴᐅᔪᑎᒃᓴᒥᒃ ᓇᓂᓯᕕᒋᓯᒪᓐᖏᑕᕋ ᐅᓪᓗᒥᒧᑦ ᑎᑭᑦᓱᒍ.”

ᓴᒧᐃᓕ ᓯᕗᓪᓖᑦ 29:3 Iomraidhean Croise

ᒨᓯᓯ ᓯᕗᓪᓖᑦ 14:13

ᐃᓚᖓᓪᓕ ᕿᒪᒃᓯᓪᓗᓂ ᐊᓐᓇᓚᐅᕐᑐᖅ ᑎᑭᑉᐳᖅ, ᑕᒪᓐᓇᓗ ᑕᒪᕐᒥᒃ ᐅᖃᐅᓯᕆᕚ ᐂᑉᕋᒻᒧᑦ ᐄᑉᕉᒧᑦ, ᓄᓇᖃᕐᑐᖅ ᐆᒃᓂᒃ ᓇᐹᕐᑐᖃᕐᑑᑉ ᖃᓂᒋᔮᓂ ᒪᒻᕆᒧᑦ ᐱᖁᑎᒋᔭᐅᔪᓄᑦ ᐊᒧᕅᑎᒧᑦ, ᖃᑕᓐᖑᑎᖏᓪᓗ ᐃᔅᑯᓪ ᐊᓂᕆᓗ; ᑖᒃᑯᐊ ᐂᑉᕋᐅᑉ ᑕᐱᕆᓚᐅᕐᐰᑦ.

ᑯᕉᓂᑲ ᓯᕗᓪᓖᑦ 12:19

ᒫᓇᓯᐅᑉ ᑭᖑᕚᖏᑕ ᐃᓚᖏᑦ ᐃᓚᓕᐅᑎᓚᐅᕐᐳᑦ ᑍᕕᑎᒧᑦ ᐱᓕᔅᑍᓂᒥᐅᓂᒃ ᐃᓚᖃᕐᓗᓂ ᐅᓇᑕᕆᐊᕐᑎᓪᓗᒍ ᓴᐅᓕᒥᒃ. ᑍᕕᑎᐅᓪᓕ ᐃᑲᔪᓚᐅᓐᖏᓔᑦ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᐊᐅᓪᓚᕐᑎᓚᐅᕐᒪᒋᑦ ᐅᖃᖃᑎᒌᒃᓗᑎᒃ ᐅᖃᓚᐅᕐᒪᑕ, “ᐃᓚᓕᐅᑎᑐᐃᓐᓇᕆᐊᖃᕐᒪᑦ ᐊᖓᔪᖅᑳᒥᓄᑦ ᓴᐅᓕᒧᑦ ᐅᕙᑦᑎᓐᓄᑦ ᑲᑉᐱᐊᓇᕐᓯᓗᓂ.”

ᑯᕉᓂᑲ ᓯᕗᓪᓖᑦ 12:20

ᔨᒡᓛᒡᒧᐊᕐᑎᓪᓗᒍ ᒫᓇᓯᐅᑉ ᑭᖑᕚᖏᑦ ᑍᕕᑎᒧ ᐃᓚᓕᐅᑎᓚᐅᕐᑐᑦ ᐅᑯᐊᖑᕗᑦ: ᐋᑦᓇ, ᔫᓴᐸᑦ, ᔨᑎᐊ-ᐃᐅᓪ, ᒤᑯ, ᔫᓴᐸᑦ, ᐃᓕᕼᐅ, ᔨᓕᑍᓗ, ᐊᖓᔪᖅᑳᖑᔪᑦ ᑕᐅᓴᓐᑎᓄᑦ ᒫᓇᓯᒥᓐᖔᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 6:5

ᐊᖑᑎᑦ ᑖᒃᑯᐊ ᐅᖃᖃᑎᒌᓕᓚᐅᕐᐳᑦ, “ᐸᑦᓯᑎᒃᓴᕐᓯᐊᕈᓐᓇᓐᖏᓚᒍᑦ ᑖᓂᐊᓕᒧᑦ ᑐᕌᖓᔪᒥᒃ, ᒎᑎᖓᑕ ᐱᖁᔭᖏᑎᒍᑦ ᑭᓯᐊᓂ ᕿᓂᕈᑦᑕ.”

ᔪᐊᓇᓯᐅᑉ ᐊᒡᓚᖏᑦ 19:6

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑦ ᑕᑯᒐᒥᒃ ᔩᓱᓯᒥᒃ ᕾᒐᓛᓕᕐᐳᑦ, “ᑭᑭᐊᒃᑐᕐᑕᐅᓕ! ᑭᑭᐊᒃᑐᕐᑕᐅᓕ!” ᑕᕝᕙ ᐰᓛᑑᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᐱᓕᕐᓯᐅᒃ, ᑭᑭᐊᒃᑐᕐᓗᒍᓗ, ᐅᕙᖓᓕ ᓱᒋᐊᕐᑕᐅᑦᔪᑎᒃᓴᖓᓂᒃ ᓇᓂᓯᓐᖏᓚᖓ.”

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 14:11

ᑕᕝᕙ ᑕᒪᖏᒃ ᑕᑯᔭᐅᑎᓚᐅᕐᐴᒃ ᐱᓕᔅᑍᓂᒥᐅᓄᑦ; ᐱᓕᔅᑏᓂᒥᐅᓪᓗ ᐅᖃᕐᐳᑦ, “ᑕᑯᒋᑦ! ᐄᑉᕈᐃᑦ ᕾᓕᕐᐳᑦ ᐃᑎᕐᓴᓂᑦ ᐃᔨᕐᓯᒪᕕᖕᒥᖕᓂᑦ!”

ᓴᒧᐃᓕ ᓯᕗᓪᓖᑦ 25:28

ᐃᓱᒪᒋᔪᓐᓁᕐᕕᒋᓐᖓ ᐊᖓᔪᖅᑳᒃ ᐊᔪᕐᑐᓕᓂᓐᓂᒃ; ᐊᑕᓂᐅᑉ ᐊᖓᔪᖅᑳᕋ ᕿᓄᐃᓵᕐᑎᑉᐹ ᐃᒡᓗᒥᐅᖃᑎᖏᓪᓗ, ᐊᖓᔪᖅᑳᕋ ᐅᓇᑕᖃᑦᑕᕐᒪᑦ ᐊᑕᓂᐅᑉ ᐅᓇᑕᕐᓂᖏᓐᓂᒃ; ᐱᐅᖏᑦᑐᒥᒡᓗ ᓇᓂᓯᔪᖃᕐᓂᐊᓐᖏᓚᑦ ᐃᓕᖕᓂ ᐃᓅᓂᓕᒫᕐᓂ.

ᓴᒧᐃᓕ ᓯᕗᓪᓖᑦ 27:1

ᑍᕕᑎᓗ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐅᓪᓗᐃᑦ ᐃᓚᖓᓐᓂ ᓴᐅᓕᐅᑉ ᑐᖁᓛᓕᕋᖓ; ᐱᐅᓂᕐᐸᐅᓕᕐᐳᖅ ᐱᓕᔅᑍᓂᒥᐅᓄᑦ ᕿᒪᒃᓯᓗᖓ; ᓴᐅᓕ ᓴᐱᓕᕋᔭᕐᐳᖅ ᕿᓂᕈᓐᓃᕐᓗᓂ ᐃᓴᕆᐊᓕᒥ, ᓯᕘᕋᓇᕐᑐᒦᑦᓱᓐᓃᕋᔭᕐᐳᖓᓗ.”

ᓴᒧᐃᓕ ᓯᕗᓪᓖᑦ 27:7

ᑍᕕᑎᓗ ᓄᓇᖃᓚᐅᕐᐳᖅ ᐱᓕᔅᑍᓂᒥ ᐊᕐᕌᒍᓕᒫᒥᒃ ᑕᖅᑭᓂᒡᓗ ᓯᑕᒪᓂᒃ.

ᓴᒧᐃᓕ ᓯᕗᓪᓖᑦ 29:6

ᑕᕝᕙ ᐊᑭᔅᓯᐅᑉ ᑍᕕᑎ ᕾᖁᕚ ᐅᖃᐅᑎᓪᓗᒍᓗ, “ᓱᓕᑦᓯᐊᕐᐳᖓ ᐃᓴᕆᐊᓕᒥᐅᑦ ᐊᑕᓂᖓᒍᑦ ᐆᒪᔪᒃᑯᑦ, ᐅᕙᓐᓄᑦ ᐱᑦᓯᐊᕐᓯᒪᒐᕕᑦ; ᖁᕕᐊᓱᒐᔭᕐᐳᖓᓗ ᐅᓇᑕᕆᐊᖃᑎᒋᒍᕕᖓ ᐸᓯᔭᒃᓴᐅᑦᔪᑎᒃᓴᒥᒃ ᓇᓂᓯᓚᐅᕐᓯᒪᓐᖏᓐᓇᒪ ᕾᓚᐅᕐᓯᒪᓂᕐᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ. ᑭᓯᐊᓂᓕ ᐊᖓᔪᖅᑳᖁᑎᓐᓄᑦ ᓈᒻᒪᒋᔭᐅᖏᓐᓇᕕᑦ ᐃᓚᒋᔭᐅᒋᐊᕐᐱᑦ.

ᓴᒧᐃᓕ ᓯᕗᓪᓖᑦ 4:6

ᐱᓕᔅᑍᓂᒥᐅᑦ ᑐᓴᕋᒥᒃ ᕾᒐᓛᕐᑐᓂᒃ ᐅᖃᕐᐳᑦ, “ᕾᒐᓛᕐᑐᓂᒃᑯᐊ ᐄᑉᕈᐃᑦ ᑕᖕᒫᕐᓯᒪᕕᖓᓐᓂᑦ! ᖃᓄᐃᓕᐅᓕᕐᑐᑦ?” ᑐᓴᕋᒥᒡᓗ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᑎᑭᐅᑦᔭᐅᓂᖓᓂᒃ ᐄᑉᕈᐃᑦ ᑕᖕᒫᕐᓯᒪᕕᒋᔭᖓᓄᑦ,