ᓴᒧᐃᓕ ᓯᕗᓪᓖᑦ 28:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙ ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓱᖕᒫᑦ ᐸᒃᕕᓵᕐᐱᖔ ᕾᖁᓪᓗᖓ ᒪᑭᑎᓐᓇᕕᖓ?” ᓴᐅᓕ ᑭᐅᕗᖅ, “ᐅᖁᒤᒃᓴᓗᐊᓕᕋᒪ; ᐱᓕᔅᑍᓂᒥᐅᑦ ᐅᓇᑕᕆᐊᕋᓱᓕᕐᒪᑕ ᐅᕙᓐᓂᒃ, ᒎᑎᐅᑉ ᕿᒪᒃᓯᒪᓕᕐᒪᖓ ᑭᐅᔪᓐᓁᓪᓕᓪᓗᓂᖓᓗ, ᐅᖃᕐᑎᒥᒍᑦ ᓯᓐᓇᒃᑑᒪᒃᑯᓪᓘᓐᓃᑦ; ᑍᒤᒻᒪᑦ ᕾᖁᓚᐅᕐᐸᒋᑦ ᐅᖃᐅᑦᔭᐅᔪᒪᓪᓗᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ.”

ᓴᒧᐃᓕ ᓯᕗᓪᓖᑦ 28:15 Iomraidhean Croise

ᐃᓐᖏᕈᑎᑦ 51:11

ᐊᓂᑎᓐᓂᐊᕐᓇᖓ ᓇᔪᒐᕐᓂᑦ, ᐊᕐᓵᕐᑍᓕᓐᖓᓗ ᐊᓂᕐᓂᕐᓂᒃ ᐃᑦᔪᕐᓁᑦᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:14

ᐱᐅᖏᑦᑐᒥᒃ ᐃᓱᒪᓕᒃ ᐱᐅᓯᕆᔭᒥᓄᑦ ᐊᐅᓚᑕᐅᓕᕐᓂᐊᕐᐳᖅ, ᐃᓱᐊᕐᑐᕐᓕ ᓈᒻᒪᒃᓯᑎᑕᐅᓂᐊᕐᐳᖅ ᐱᐅᓯᕆᔭᒥᓄᑦ.

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᐃᓗᐊᕐᓮᔩᑦ ᐊᒡᓚᖏᑦ 16:20

ᐊᕐᓇᐅᑉ ᐅᖃᐅᑎᕚ, “ᐱᓕᔅᑍᓂᒥᐅᑦ ᑎᑭᑉᐹᑎᑦ, ᓵᒻᓲᓂ!” ᓯᓂᖕᓂᕐᒥᓂᑦ ᒪᑭᓐᓇᒥ ᐅᖃᕐᐳᖅ, “ᑍᒤᑉᐸᓚᐅᕋᒪ ᑍᒤᓐᓂᐊᕆᕗᖓ, ᐊᑦᓱᖏᐅᑎᑦ ᓱᕋᖕᓂᐊᕐᐸᒃᑲ!” ᑭᓯᐊᓂᓕ ᖃᐅᔨᒪᓚᐅᓐᖏᓚᖅ ᐊᑕᓂᐅᑉ ᕿᒪᖕᒪᒍ.

ᓴᒧᐃᓕ ᓯᕗᓪᓖᑦ 18:12

ᓴᐅᓕᐅᑉ ᑍᕕᑎ ᑲᑉᐱᐊᒋᓕᕐᐹ, ᐊᑕᓂᕐᒧᑦ ᓇᔪᕐᑕᐅᓂᖓᓄᑦ ᐃᒻᒥᓂᒡᓗ ᕿᒪᒃᑕᐅᓯᒪᓕᕐᓂᕐᒥᓄᑦ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 23:2

ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”

ᓴᒧᐃᓕ ᓯᕗᓪᓖᑦ 23:4

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᒃᑲᓐᓂᕐᐹ. ᐊᑕᓂᐅᓪᓗ ᐅᖃᐅᑎᕙ, “ᒪᑭᓪᓗᑎᑦ ᑮᓚᒧᐊᓕᕆᑦ; ᐱᓕᔅᑍᓂᒥᐅᑦ ᐃᓕᖕᓄᑦ ᑐᓂᓂᐊᕐᐸᒃᑲ.”

ᓴᒧᐃᓕ ᓯᕗᓪᓖᑦ 28:11

ᑕᕝᕙ ᐊᕐᓇᐅᑉ ᐅᖃᐅᑎᕚ, “ᑭᓇᒦᒃ ᕾᖁᔨᕖᑦ?” ᑭᐅᕗᖅ, “ᓴᒧᐃᓕ ᕾᖁᓚᐅᕈᒃ.”

ᓴᒧᐃᓕ ᓯᕗᓪᓖᑦ 28:16

ᓴᒧᐃᓕᓗ ᐅᖃᕐᐳᖅ, “ᓱᖕᒪᓪᓕ ᐊᐱᕆᕕᖔ, ᐊᑕᓂᕐᒧᑦ ᕿᒪᒃᑕᐅᓯᒪᓕᕋᕕᑦ ᐊᑭᕋᕆᓕᕋᕕᐅᒡᓗ?

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.

ᓴᒧᐃᓕ ᓯᕗᓪᓖᑦ 28:8

ᑕᕝᕙ ᓴᐅᓕ ᐃᒻᒥᓂᒃ ᐃᓕᑕᕐᓇᕈᓐᓃᕐᑎᓚᐅᕐᐳᖅ, ᐊᓐᓄᕌᓂᒡᓗ ᐊᓯᖏᓐᓂᒃ ᐊᑎᓪᓗᓂ, ᑖᕐᓯᖕᒪᓪᓗ ᒪᕐᕉᖕᓂᒃ ᐂᑉᐸᖃᕐᓗᓂ ᐊᕐᓇᒧᑦ ᐂᕗᑦ, ᐅᖃᐅᑎᕚᓗ, “ᐊᓂᕐᓃᑦ ᐊᐱᕐᓱᓚᐅᒃᑭᑦ ᐱᑦᔪᑎᒋᓗᖓ, ᕾᖁᔨᓗᑎᓪᓗ ᐊᖑᑎᐅᑉ ᐊᑎᖓᓂᒃ ᓇᓪᓕᐊᓐᓂᑐᐃᓐᓇᖅ ᑍᔭᓐᓂᒃ.”

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.