ᓴᒧᐃᓕ ᓯᕗᓪᓖᑦ 28:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᑐᒪ ᑭᖑᓂᐊᒍᑦ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᑲᑎᓚᐅᕐᐳᑦ, ᐅᓇᑕᕆᐊᕈᒪᓪᓗᑎᒃ ᐃᓴᕆᐊᓕᒥᐅᓂᒃ, ᐊᑭᔅᓗ ᐅᖃᕐᐳᖅ ᑍᕕᑎᒧᑦ, “ᖃᐅᔨᒪᔪᒃᓴᐅᕗᑎᑦ ᐃᓄᖁᑎᑎᓪᓗ ᐅᕙᓐᓂᒃ ᐅᓇᑕᕆᐊᖃᑎᖃᕐᑐᒃᓴᐅᒐᑦᓯ.”

ᓴᒧᐃᓕ ᓯᕗᓪᓖᑦ 28:1 Iomraidhean Croise

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

ᓴᒧᐃᓕ ᓯᕗᓪᓖᑦ 17:1

ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᕐᐸᓪᓕᐊᓪᓗᑎᒃ; ᑲᑎᕗᑦ ᓄᓇᒥ ᓲᑯᒥ, ᔫᑕᐅᑉ ᓄᓇᖓᓃᑦᑐᒥ; ᑕᖕᒫᕐᐳᓪᓗ ᓲᑰᓪᓗ ᐊᔨᑲᐅᓪᓗ ᐊᑯᓐᓂᖓᓂ, ᐃᐱᔅ-ᑕᒥᒻᒥ.

ᓴᒧᐃᓕ ᓯᕗᓪᓖᑦ 27:12

ᐊᑭᔅᓯᒥᐅᑦ ᑍᕕᑎ ᐅᒃᐱᕆᑦᓯᐊᓚᐅᕐᐹᑦ, ᐃᓱᒪᖃᕐᓗᑎᒃ, “ᐆᒥᒋᔭᐅᓗᐊᕐᒪᑦ ᐃᓄᖁᑎᒥᓄᑦ ᐃᓴᕆᐊᓕᒥᐅᓄᑦ; ᑍᒤᒻᒪᑦ ᐃᓅᓯᓕᒫᒥᓂᒃ ᐅᕙᓐᓂᒃ ᐱᔨᑦᓯᕆᐊᖃᕐᓂᐊᕐᓕᕐᐳᖅ.”

ᓴᒧᐃᓕ ᓯᕗᓪᓖᑦ 31:1

ᐱᓕᔅᑍᓂᒥᐅᑦ ᐅᓇᑕᓚᐅᕐᐳᑦ ᐃᓴᕆᐊᓕᒥᐅᓂᒃ ᖃᖅᑲᒥ ᒋᐅᓪᐳᐊᒥ, ᐃᓴᕆᐊᓕᒥᐅᑦ ᑐᖁᑕᐅᓚᐅᕐᐳᑦ ᐅᓄᕐᑐᐊᓗᐃᑦ, ᐊᖓᔪᖅᑳᕐᔪᐊᕐᓕ ᓴᐅᓕ, ᐃᕐᓂᖏᓪᓗ ᐊᓯᖏᓪᓗ ᕿᒫᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 7:7

ᐱᓕᔅᑍᓂᒥᐅᓪᓕ ᑐᓴᕋᒥᒃ ᐃᓴᕆᐊᓕᒥᐅᑦ ᑲᑎᓐᓂᖏᓐᓂᒃ ᒥᔅᐸᒥ, ᐱᓕᔅᑍᓂᒥᐅᑦ ᐊᖓᔪᖅᑳᖏᑦ ᑕᓪᓕᒪᑦ ᐅᓇᑕᕆᐊᕐᓕᕐᐳᑦ ᐃᓴᕆᐊᓕᒥᓂᒃ. ᐃᓴᕆᐊᓕᒥᐅᓪᓕ ᑕᒪᑐᒥᖓ ᑐᓴᕋᒥᒃ ᑲᑉᐱᐊᓱᓕᕐᐳᑦ ᐱᓕᔅᑍᓂᒥᐅᓂᒃ.