ᓴᒧᐃᓕ ᓯᕗᓪᓖᑦ 27:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᑦᓱᒪᓂᐅᑎᓪᓗᒍ ᑍᕕᑎᒃᑯᑦ ᐃᓚᖏᓪᓗ ᐅᓇᑕᕆᐊᖃᑦᑕᓚᐅᕐᐳᑦ ᒋᓱᕅᒥᐅᓂᒃ, ᒋᕆᔧᒥᐅᓂᒃ, ᐊᒪᓕᑬᑎᒥᐅᓂᒡᓗ; ᐊᑯᓂᐊᓗᒃ ᑕᒫᓂ ᓄᓇᖃᓚᐅᕐᑐᓂᒃ, ᓄᓇᖏᓐᓂᒡᓗ ᐊᕐᓵᓚᐅᕐᐰᑦ, ᓲᕆᒥᐅᑦ ᐱᒋᐊᕐᓗᒋᑦ, ᓄᓇᓖᑦ ᑕᐅᓄᖓ ᐄᑦᔨᑉᑎᒥᐅᓄᑦ ᑎᑭᓪᓗᒋᑦ.

ᓴᒧᐃᓕ ᓯᕗᓪᓖᑦ 27:8 Iomraidhean Croise

ᓴᒧᐃᓕ ᐂᑉᐸᖏᑦ 14:23

ᔪᐊᐱᓗ ᒪᑭᓪᓗᓂ ᒋᓱᕅᒧᑦ ᐂᕗᖅ, ᐋᑉᓴᓚᒻᓗ ᐅᑎᐅᑎᓚᐅᕐᐹ ᔨᕉᓴᓕᒧᑦ.

ᓴᒧᐃᓕ ᐂᑉᐸᖏᑦ 14:32

ᐋᑉᓴᓚᒻ ᔪᐊᐱᒧᑦ ᑭᐅᕗᖅ, “ᕾᖁᔨᑎᓪᓗᖓ ᕾᔪᒪᓚᐅᖏᓐᓇᕕᑦ, ᐊᖓᔪᖅᑳᕐᔪᐊᒧᐊᖁᓚᐅᕋᒃᑭᑦ ᐊᐱᕆᖁᓪᓗᑎᑦ, ‘ᓱᖕᒪᑦ ᒋᓱᕅᒥᒃ ᕿᒤᓚᐅᕐᐳᖔ ᐅᕙᓐᓄᑦ ᐱᐅᓂᕐᓴᐅᒐᔭᓚᐅᕐᐳᖅ ᑍᑲᓃᖏᓐᓇᓚᐅᕈᒪ.’” ᐋᑉᓴᓚᒻ ᐅᖃᕆᐊᓪᓚᒃᐳᖅ, “ᑍᒤᒻᒪᑦ ᐋᖅᑭᒃᓱᐃᖁᕙᒋᑦ ᐊᖓᔪᖅᑳᕐᔪᐊᕐᒥᒃ ᑕᑯᔪᓐᓇᕐᓯᖁᓗᖓ, ᐸᓯᔭᒃᓴᐅᒍᒪᓗ ᐊᑏ ᑖᑦᓱᒪ ᑐᖁᓚᐅᕐᓛᖓ.”

ᓴᒧᐃᓕ ᐂᑉᐸᖏᑦ 15:8

ᒋᓱᕅᒦᑎᓪᓗᖓ ᓯᕆᐊᒥ, ᐊᑕᓂᕐᒧᑦ ᐊᖏᓚᐅᕋᒪ ᐅᑎᕐᑎᑐᐊᕐᐸᖓ ᔨᕉᓴᓕᒧᑦ, ᑐᒃᓯᐊᕐᕕᒋᓛᕐᓂᐊᕐᓂᕋᕐᓗᒍ ᕼᐃᐸᕋᓐᒥ.”

ᓴᒧᐃᓕ ᐂᑉᐸᖏᑦ 3:22

ᑕᕝᕙ ᑭᖑᓂᑦᓯᐊᖓᒍᑦ ᔪᐊᐱ ᑍᕕᑎᐅᓪᓗ ᐊᖓᔪᖅᑳᖁᑎᒋᑦ ᑎᑭᑉᐳᑦ, ᓵᓚᖃᐅᓯᐊᒥᖕᓂᒃ ᐊᖏᔪᓂᒃ ᓇᒃᓴᕐᓗᑎᒃ. ᐋᑉᓄᓕ ᑕᕝᕙᓃᑦᓱᓐᓁᓚᐅᕐᐳᖅ ᕼᐃᐸᕋᓐᒥ ᑍᕕᑎᐅᑉ ᓇᔪᕐᑕᖓᓂ, ᑍᕕᑎᐅᑉ ᐊᐅᓪᓚᕐᑎᓚᐅᕐᒪᒍ ᐃᓱᒫᓗᖏᑦᓯᐊᖁᓪᓗᓂᐅᒃ.

ᓴᒧᐃᓕ ᐂᑉᐸᖏᑦ 3:3

ᑐᖓᓕᖃᕐᓗᓂ ᓯᓕᐊᑉᒥᒃ, ᐊᓈᓇᖃᕐᑐᖅ ᐊᐱᒊᓕᒥᒃ, ᓁᐳᓕᐅᑉ ᓄᓕᐊᕕᓂᖓᓂᒃ ᑳᕐᒥᐅᓪᒥᐅᑕᕐᒥᒃ; ᐱᖓᔪᖓᑦ ᐋᑉᓴᓚᒻ, ᐊᓈᓇᖃᕐᑐᖅ ᒫᑲᒥᒃ ᐊᖓᔪᖅᑳᕐᔪᐊᑉ ᑕᓪᒤᑉ ᒋᓱᕅᒥᐅᑕᐅᑉ ᐸᓂᖓᓂᒃ;

ᓴᒧᐃᓕ ᐂᑉᐸᖏᑦ 8:12

ᐄᑐᒥᒥᑦ, ᒧᐊᐱᒥᑦ, ᐊᒧᓁᑎᒥᑦ, ᐱᓕᔅᑍᓂᒥᑦ, ᐊᒪᓕᒃᒥᓪᓗ, ᐃᓚᖃᕐᓗᑎᒃ ᑎᒍᓚᐅᕐᑕᒥᓂᒃ ᕼᐊᑕᑎᔨᕆᒥᑦ ᕅᕼᐊᑉ ᐃᕐᓂᖓᓂᑦ, ᔫᐸᐅᑉ ᐊᖓᔪᖅᑳᕐᔪᐊᖓᓂᑦ.

ᑯᕉᓂᑲ ᓯᕗᓪᓖᑦ 2:23

ᒋᓱᕅᐊ ᐊᕌᒥᓗ ᐊᕐᓵᕐᐰᑦ ᓄᓇᓕᖕᓂᒃ ᕼᐊᐅᑎ-ᔧᕆᒦᑦᑐᓂᒃ, ᑭᓇᑎᒃᑯᑦ ᓄᓇᓕᖁᑎᖏᓪᓗ, ᓄᓇᓖᑦ 60. ᑖᒃᑯᐊᓕᒪᑦ ᒪᑬᕆᐅᑉ ᐃᕐᓂᖏᑕ ᑭᖑᕚᕆᓚᐅᕐᐰᑦ, ᒋᓕᐊᑎᒥᐅᑦ ᐊᑖᑕᖓᑕ.

ᒨᓯᓯ ᐂᑉᐸᖏᑦ 15:22

ᑕᕝᕙ ᒨᓯᓯᐅᑉ ᐃᓴᕆᐊᓕᒥᐅᑦ ᓯᕗᓕᓕᕐᐰᑦ ᐃᒪᕐᒥᑦ ᐊᐅᐸᓗᒃᑕᒥᑦ ᐃᖏᕐᕋᓯᓪᓗᑎᒃ, ᑕᒫᓐᖓᑦ ᐱᓪᓗᑎᒃ ᐃᓄᖃᖏᑦᑐᒃᑰᓚᐅᕐᐳᑦ ᐊᑎᖃᕐᑐᒃᑯᑦ ᓲᕆᒥᒃ; ᑕᒪᐅᓈᕐᑎᓪᓗᒋᑦ ᐃᓄᖃᖏᑦᑐᒃᑯᑦ ᐃᓐᖏᕐᕋᓚᐅᕐᐳᑦ ᐅᓪᓗᓂᒃ ᐱᖓᓱᓂᒃ ᐃᒪᕐᓯᐊᓚᐅᕐᓯᒪᓇᑎᒃ.

ᒨᓯᓯ ᐂᑉᐸᖏᑦ 17:8

ᐊᒪᓕᖕᒥᐅᓪᓕ ᐃᓴᕆᐊᓕᒥᐅᓄᑦ ᑎᑭᓐᓇᒥᒃ ᐅᓇᑕᓕᕐᐳᑦ ᑖᒃᑯᓄᖓ ᓄᓇᒥ ᕆᐱᑎᒥ.

ᒨᓯᓯ ᓯᑕᒪᖏᑦ 13:29

ᐊᒪᓕᑬᑎᑦ ᓄᓇᖃᕐᐳᑦ ᓯᕿᓂᐅᑉ ᓇᓛᓂ ᓂᒋᑉᒥ; ᕼᐃᑍᑎᑦ, ᔨᐳᓮᑎᑦ, ᐊᒧᕅᑎᓪᓗ ᓄᓇᖃᕐᐳᑦ ᖃᖅᑲᓂ; ᑬᓇᓂᒥᐅᑦ ᓄᓇᖃᕐᐳᑦ ᐃᒪᐅᑉ ᓯᓈᓂ ᑰᓪᓗ ᔪᐊᕐᑕᓂᐅᑉ ᓯᓈᓂ.”

ᒨᓯᓯ ᓯᑕᒪᖏᑦ 14:45

ᐊᒪᓕᑬᑎᓪᓕ ᑬᓇᓂᒥᐅᓪᓗ ᖃᖅᑲᒥ ᐃᓂᖃᕐᑐᑦ ᐊᖅᑲᕐᑎᓕᕐᐳᑦ ᐅᓇᑕᕆᐊᓕᕐᓗᑎᒃ ᑖᒃᑯᓂᖓ, ᕿᒫᑎᓪᓗᒋᓪᓗ ᖃᖅᑲᖅ ᕼᐅᕐᒪ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 12:5

ᐊᐅᓚᑦᓯᓚᐅᕆᕗᖅ ᐅᑯᓂᖓ ᖃᖅᑲᒥᒃ ᕼᐊᕐᒪᓐᒥᒃ ᓴᓕᑲᒥᒡᓗ ᐹᓴᓂᒥᐅᓕᒫᓪᓗ ᒋᓱᕅᒥᐅᓪᓗ ᒫᑲᑍᑎᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓪᓗᒍ, ᒋᓕᐊᑎᐅᓪᓗ ᕿᑎᖅᑲᖓ ᐊᖓᔪᖅᑳᕐᔪᐊᓪᓗ ᓮᕼᐆᓂ ᕼᐃᓴᐸᓂᒥᐅᑕᐅᑉ ᓄᓇᖁᑎᖓ ᑭᒡᓕᖓ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:13

ᐃᓴᕆᐊᓕᒥᐅᓪᓕ ᓯᖏᑦᓯᓚᐅᓐᖏᓚᑦ ᒋᓱᕅᒥᐅᓂᒃ ᒫᑲᑍᑎᒥᐅᓂᒡᓗ; ᑖᒃᑯᐊᓕ ᐃᓴᕆᐊᓕᒥᐅᓂ ᓱᓕ ᓄᓇᖃᖃᑕᐅᖏᓐᓇᕐᐳᑦ ᐅᓪᓗᒥᒧᑦ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:2

ᓄᓁᑦ ᓱᓕ ᐅᑯᐊ ᐱᔭᐅᔭᕆᐊᖃᕐᐳᑦ: ᐱᓕᔅᑍᒥᐅᑦ ᓄᓇᖁᑎᓕᒫᖏᑦ, ᒌᓱᕅᒥᐅᓪᓗ ᓄᓇᖁᑎᓕᒫᖏᑦ,

ᔮᓱᐊᑉ ᐊᒡᓚᖏᑦ 16:10

ᑬᓇᓂᒥᐅᓂᒡᓕ ᓯᖏᑦᓯᓚᐅᓐᖏᓚᑦ ᓄᓇᖃᕐᑐᓂᒃ ᒋᔨᕆᒥ; ᑍᒤᒻᒪᑦ ᑬᓇᓂᒥᐅᑦ ᓄᓇᖃᖃᑕᐅᕗᑦ ᐃᕗᕅᑎᒥᐅᓄᑦ ᓱᓕ ᐅᓪᓗᒥᒧᑦ, ᓯᐊᓛᖑᓕᓚᐅᕐᐳᓪᓕ ᐃᖅᑲᓁᔭᕐᑎᑕᐅᓪᓗᑎᒃ ᐊᑭᓕᕐᓱᕐᑕᐅᓇᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 1:29

ᐃᕗᕅᒥᐅᑦ ᑭᖑᕚᖏᑕ ᕿᒫᑎᓪᓗᒋᑦ ᐊᐅᓪᓚᕐᑎᓚᐅᓐᖏᑕᖏᑦ ᑬᓇᓂᒥᐅᑦ ᓄᓇᓖᑦ ᐃᒡᓗᒐᓴᖕᓂ ᒋᔨᕆᒥ, ᑬᓇᓁᒥᐅᓪᓕ ᓄᓇᖃᖃᑕᐅᓚᐅᕐᐳᑦ ᑖᒃᑯᓇᓂ.

ᓴᒧᐃᓕ ᓯᕗᓪᓖᑦ 29:6

ᑕᕝᕙ ᐊᑭᔅᓯᐅᑉ ᑍᕕᑎ ᕾᖁᕚ ᐅᖃᐅᑎᓪᓗᒍᓗ, “ᓱᓕᑦᓯᐊᕐᐳᖓ ᐃᓴᕆᐊᓕᒥᐅᑦ ᐊᑕᓂᖓᒍᑦ ᐆᒪᔪᒃᑯᑦ, ᐅᕙᓐᓄᑦ ᐱᑦᓯᐊᕐᓯᒪᒐᕕᑦ; ᖁᕕᐊᓱᒐᔭᕐᐳᖓᓗ ᐅᓇᑕᕆᐊᖃᑎᒋᒍᕕᖓ ᐸᓯᔭᒃᓴᐅᑦᔪᑎᒃᓴᒥᒃ ᓇᓂᓯᓚᐅᕐᓯᒪᓐᖏᓐᓇᒪ ᕾᓚᐅᕐᓯᒪᓂᕐᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ. ᑭᓯᐊᓂᓕ ᐊᖓᔪᖅᑳᖁᑎᓐᓄᑦ ᓈᒻᒪᒋᔭᐅᖏᓐᓇᕕᑦ ᐃᓚᒋᔭᐅᒋᐊᕐᐱᑦ.

ᓴᒧᐃᓕ ᓯᕗᓪᓖᑦ 30:1

ᐅᓪᓗᐃᑦ ᐱᖓᓱᑦ ᐊᓂᒍᕐᑎᓪᓗᒋᑦ ᑍᕕᑎᒃᑯᑦ ᐃᓚᖏᓪᓗ ᑎᑭᑉᐳᑦ ᔨᒡᓛᒡᒧᑦ, ᑕᑯᓪᓗᑎᒡᓗ ᐊᒪᓕᑬᑎᒥᐅᑦ ᐅᓇᑕᕆᐊᕐᓯᒪᓂᕕᓂᖏᓐᓂᒃ ᔫᑕᐅᑉ ᓯᕿᓂᖓᓃᑦᑐᒧᑦ ᓂᒋᑉᒧᑦ ᔨᒡᓛᒡᒧᓪᓗ. ᓵᓚᒋᒐᒥᐅᒡᓗ ᓄᓇᓕᖓᑦ ᐃᑯᐊᓪᓚᒃᑕᐅᓐᓂᕐᓱᓂ,