ᓴᒧᐃᓕ ᓯᕗᓪᓖᑦ 27:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑍᕕᑎᐅᓪᓗ ᓄᖑᑦᓯᐊᕐᓗᒋᑦ ᑐᖁᕋᕐᐸᓚᐅᕐᐰᑦ, ᐊᖑᑏᑦ ᐊᕐᓁᓪᓗ, ᐅᑎᕐᑐᖃᖁᓇᒋᑦ ᒑᑎᒧᑦ ᐅᖃᕆᐊᕐᑐᕐᓗᑎᒃ ᑖᒃᑯᐊ ᐱᓂᐊᕐᓂᖏᓐᓂᒃ. ᑍᕕᑎ ᑍᒫᒃ ᐱᓂᐊᕐᓂᕾᓐᓇᓚᐅᕐᐳᖅ ᐱᓕᔅᑍᓂᒦᓐᓂᓕᒫᒥᓂ.

ᓴᒧᐃᓕ ᓯᕗᓪᓖᑦ 27:11 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:19

ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ, ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:25

ᐃᓄᖕᒥᒃ ᓯᕘᕋᔪᖅ ᐊᑦᓱᖏᕐᑕᐅᑎᑉᐳᖅ ᐃᒻᒥᓂᒃ, ᐊᑕᓂᕐᒥᒡᓕ ᑕᑎᖃᕐᑐᖅ ᓴᐳᑎᔭᐅᕗᖅ.

ᔨᕆᒤᐊᐅᑉ ᐊᒡᓚᖏᑦ 41:4

ᖃᐅᑎᓪᓗᒍ ᓱᓕ ᒋᑕᓔᐊᐅᑉ ᑐᖁᑕᐅᓂᕕᓂᖓᓂᒃ ᑐᓴᕐᑐᖃᓚᐅᕐᑎᓐᓇᒍ,

ᓴᒧᐃᓕ ᓯᕗᓪᓖᑦ 22:22

ᑍᕕᑎᓗ ᐅᖃᕐᐳᖅ ᐊᐰᐊᑕᒧᑦ, “ᑍᓐᓇ ᑐᐃᒋ ᐄᑐᒥᒥᐅᑕᖅ ᑕᑯᒐᒃᑯ, ᑍᑦᓱᒪᓂ ᖃᐅᔨᒪᓚᐅᕐᐳᖓ ᓴᐅᓕᒥᒃ ᐅᖃᐅᑦᔨᓛᕐᓂᖓᓂᒃ, ᑍᒤᒻᒪᑦ ᐅᕙᖓ ᐸᓯᔭᒃᓴᐅᕗᖓ ᐊᑖᑕᕕᑦ ᐃᒡᓗᒥᐅᖃᑎᖏᑕ ᑐᖁᕋᕐᑕᐅᓂᖏᓐᓄᑦ.

ᓴᒧᐃᓕ ᓯᕗᓪᓖᑦ 27:10

ᐊᑭᔅᒥᐅᓂᓪᓗ ᐊᐱᕆᔭᐅᒐᒥ, “ᐅᓪᓗᒥ ᓇᑭᑦ ᐊᕐᓵᑎᕆᓚᐅᕐᐲᑦ?” ᑍᕕᑎ ᐅᖃᕐᐸᓚᐅᕐᐳᖅ, “ᔫᑕᐅᑉ ᓯᕿᓂᖓᓂᑦ ᓂᒋᑉᒥᑦ,” ᐅᕝᕙᓗ, “ᔨᕋᒥᐅᓕᒃᑯᑦ ᓄᓇᖓᓂᑦ,” ᐅᕝᕙᓗ, “ᑭᓁᑎᒥᐅᑦ ᓄᓇᖓᓐᓂᑦ.”

ᓴᒧᐃᓕ ᓯᕗᓪᓖᑦ 27:12

ᐊᑭᔅᓯᒥᐅᑦ ᑍᕕᑎ ᐅᒃᐱᕆᑦᓯᐊᓚᐅᕐᐹᑦ, ᐃᓱᒪᖃᕐᓗᑎᒃ, “ᐆᒥᒋᔭᐅᓗᐊᕐᒪᑦ ᐃᓄᖁᑎᒥᓄᑦ ᐃᓴᕆᐊᓕᒥᐅᓄᑦ; ᑍᒤᒻᒪᑦ ᐃᓅᓯᓕᒫᒥᓂᒃ ᐅᕙᓐᓂᒃ ᐱᔨᑦᓯᕆᐊᖃᕐᓂᐊᕐᓕᕐᐳᖅ.”

ᓴᒧᐃᓕ ᓯᕗᓪᓖᑦ 30:2

ᐊᕐᓇᓕᒫᓪᓗ ᑎᒍᔭᐅᓪᓗᑎᒃ; ᐃᓚᓕᒫᖏᓪᓗ ᑍᑲᓃᑦᑐᑦ ᑎᒍᔭᐅᓪᓗᑎᒃ, ᐊᖏᔪᑦ ᒥᑭᔪᓪᓗ; ᓇᓪᓕᐊᓐᓂᒃ ᑐᖁᑦᓯᓐᓂᖏᑦᑑᒐᓗᐊᑦ, ᑭᓯᐊᓂ ᐊᐅᓪᓚᐅᑦᔨᔪᕕᓂᐅᓪᓗᑎᒃ ᐊᐅᓪᓚᓕᕋᒥᒃ.