ᓴᒧᐃᓕ ᓯᕗᓪᓖᑦ 26:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᑕᓂᐅᑉ ᐊᑭᓕᑦᓯᐊᖃᑦᑕᕐᐰᑦ ᓇᓛᒍᑦ ᐱᓇᓱᐊᕐᑐᑦ ᐃᓱᐊᕐᑐᓪᓗ; ᐅᓪᓗᒥ ᐊᑕᓂᐅᑉ ᐅᕙᓐᓄᑦ ᑐᓂᓚᐅᕐᐹᑎᑦ, ᑭᓯᐊᓂᓕ ᐱᒋᐊᓚᐅᓐᖏᓚᒋᑦ ᐊᑕᓂᐅᑉ ᐊᖓᔪᖅᑳᕐᔪᐊᕈᕐᑎᓚᐅᕐᒪᑎᑦ.

ᓴᒧᐃᓕ ᓯᕗᓪᓖᑦ 26:23 Iomraidhean Croise

ᓴᒧᐃᓕ ᐂᑉᐸᖏᑦ 22:21

ᐊᑕᓂᐅᑉ ᐊᑭᓕᓚᐅᕐᐹᖓ ᓱᓕᔪᒥᒃ ᐱᓇᓱᐊᕐᓂᕋ ᐱᓪᓗᒍ; ᓮᒻᒪᕐᑎᑉᐹᖓ ᐱᓂᐊᕐᓂᒃᑯᑦ ᐸᓯᔭᒃᓴᐅᖏᓐᓂᕋ ᐱᓪᓗᒍ.

ᓴᒧᐃᓕ ᐂᑉᐸᖏᑦ 22:25

ᑍᒤᒻᒪᑦ ᐊᑭᓕᕐᐹᖓ ᐱᑦᓯᐊᕐᓂᕋ ᒪᓕᒡᓗᒍ, ᖃᐅᔨᒪᒐᒥ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ.

ᐊᑕᓃᑦ ᓯᕗᓪᓖᑦ 8:32

ᕿᓚᖕᒥᑦ ᑐᓴᓚᐅᕆᑦ, ᐱᓇᓱᐊᕐᓗᑎᓪᓗ, ᐋᖅᑭᒃᓱᕐᓗᒋᓪᓗ ᐱᔨᑎᑦ, ᐸᓯᔭᒃᓴᐅᔪᑦ ᓱᒋᐊᕐᓗᒋᑦ ᐱᓂᐊᕐᓂᕆᓯᒪᔭᖏᓐᓄᑦ, ᐸᓯᔭᒃᓴᐅᔪᓐᓁᕐᑎᓪᓗᒋᓪᓗ ᐃᓱᐊᕐᑐᒥᒃ ᐃᓅᔪᑦ ᐊᑭᓕᕐᓗᒋᑦ ᐸᓯᔭᒃᓴᐅᖏᓐᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 13:14

ᒎᑎᒐ ᐃᖅᑲᐅᒪᓐᖓ, ᑕᒪᒃᑯᐊ ᐱᑦᔪᑎᒋᓗᒋᑦ, ᐱᓇᓱᐊᑦᓯᐊᕐᓂᕆᓚᐅᕐᑕᒃᑲᓗ ᒎᑎᒪ ᐃᒡᓗᖓᓄᑦ ᐳᐃᒍᕐᑍᓕᒃᑭᑦ ᑖᑦᓱᒪᓗ ᐱᓇᓱᐊᕐᑕᐅᖁᓯᒪᔭᖏᓐᓂᒃ ᐱᓇᓱᐊᕐᓯᒪᔭᒃᑲ.

ᔫᐱᐅᑉ ᐊᒡᓚᖏᑦ 34:11

ᑖᑦᓱᒪ ᐃᓄᒃ ᐱᓂᐊᕐᓂᖓ ᒪᓕᒡᓗᒍ ᐊᑭᓕᖃᑦᑕᕐᐹ, ᐱᓇᓱᐊᕐᕕᒋᖃᑦᑕᕐᐹᓗ ᐃᓅᓯᖓ ᒪᓕᒡᓗᒍ.

ᐃᓐᖏᕈᑎᑦ 62:12

ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 24:11

ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ.

ᓴᒧᐃᓕ ᓯᕗᓪᓖᑦ 24:12

ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ.

ᓴᒧᐃᓕ ᓯᕗᓪᓖᑦ 24:18

ᐅᓪᓗᒥ ᓇᓗᓁᕐᓯᕗᑎᑦ ᐅᕙᓐᓄᑦ ᐱᓂᐊᑦᓯᐊᕐᓂᕐᓂᒃ, ᐊᑕᓂᐅᑉ ᐊᒡᒐᖕᓄᑦ ᑐᓂᒐᓗᐊᕐᒪᖓ ᑐᖁᓚᐅᖏᓐᓇᕕᓐᖓ.

ᓴᒧᐃᓕ ᓯᕗᓪᓖᑦ 24:19

ᐊᖑᑎᐅᑉ ᐊᑭᕋᓂᒃ ᓇᓂᒍᓂᐅᒃ, ᐊᐅᓪᓚᕐᑎᒃᑲᔭᕐᐸᐅᒃ ᖃᓄᐃᓕᖏᓪᓗᓂᐅᒃ? ᐊᑕᓂᐅᑉ ᐊᑭᓕᕐᓕᑎᑦ ᐅᓪᓗᒥ ᐅᕙᓐᓄᑦ ᐱᑦᓯᐊᕐᓂᕆᔧᑦ ᐱᓪᓗᒍ!

ᓴᒧᐃᓕ ᓯᕗᓪᓖᑦ 26:11

ᐊᑕᓂᐅᑉ ᑍᒤᑎᑦᑍᓕᓛᖓ ᐊᓯᕈᐃᓂᕐᒥᒃ ᓂᕈᐊᕐᓯᒪᔭᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ; ᖃᓗᒋᐊᖓ ᐃᒥᐅᑎᖓᓗ ᑎᒍᓚᐅᕐᓚᕗᒃ ᓂᐊᖁᐊᑕ ᓴᓂᐊᓃᑦᑐᑦ, ᑕᒫᓃᑦᓱᓐᓃᕐᓗᒃ.”

ᓴᒧᐃᓕ ᓯᕗᓪᓖᑦ 26:22

ᑍᕕᑎᓗ ᑭᐅᕗᖅ ᐅᖃᕐᓗᓂ, “ᐅᕝᕙ ᖃᓗᒋᐊᑦ, ᐊᖓᔪᖅᑳᕐᔪᐊᖅ! ᐃᓄᖁᑎᕕᑦ ᐃᓚᖓᓐᓄᑦ ᐂᔭᐅᓕᕐᓕ.

ᓴᒧᐃᓕ ᓯᕗᓪᓖᑦ 26:9

ᑍᕕᑎᓕ ᐊᐱᓮᒧᑦ ᑭᐅᕗᖅ, “ᑐᖁᑦᑍᓕᒍᒃ; ᐊᑕᓂᐅᑉ ᓂᕈᐊᕐᓯᒪᔭᖓᓂᒃ ᑐᖁᑦᓯᔪᖃᕈᓐᓇᕐᐹ, ᐸᓯᔭᒃᓴᐅᓕᖏᓪᓗᓂ?”