ᓴᒧᐃᓕ ᓯᕗᓪᓖᑦ 26:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᒫᓐᓇ ᑍᒤᒻᒪᑦ ᐊᖓᔪᖅᑳᒃ ᐊᖓᔪᖅᑳᕐᔪᐊᕋ ᓈᓚᓚᐅᕆᑦ ᐅᖃᐅᓯᓐᓂᒃ. ᐊᑕᓂᐅᑉ ᓵᑎᑉᐹᑎᑦ ᐅᕙᓐᓄᑦ, ᑐᓂᕐᕈᓯᕈᕕᑦ ᐃᓱᒪᖓ ᐊᓯᑦᔨᕐᓂᐊᕐᐳᖅ; ᐃᓄᖕᓂᓪᓕ ᑍᒤᑎᑕᐅᒍᕕᑦ, ᐊᑕᓂᐅᑉ ᑍᒃᑯᐊ ᓇᕐᕈᓇᕐᓯᑎᓪᓕᒋᑦ, ᓯᖏᑕᐅᓯᒪᒐᒪ ᐊᑕᓂᐅᑉ ᓄᓇᖁᑖᓂᑦ ᓄᓇᒦᓕᕐᐳᖓ ᒎᑎᓐᖑᐊᓄᑦ ᑭᓯᐊᓂ ᑐᒃᓯᐊᕐᕕᖃᕐᓇᕐᑐᒥ.

ᓴᒧᐃᓕ ᓯᕗᓪᓖᑦ 26:19 Iomraidhean Croise

ᒨᓯᓯ ᓯᕗᓪᓖᑦ 44:18

ᑕᕝᕙ ᔫᑕᐅᑉ ᐅᐸᒃᓗᒍ ᐅᖃᐅᑎᕚ, “ᐊᖓᔪᖅᑳᕋ, ᕿᓄᕕᒋᕙᒋᑦ ᐱᔩᑦ ᓈᓚᒡᓗᒍ ᐅᖃᕈᓐᓇᕐᑎᓚᐅᕈᒃ, ᐱᔩᓪᓗ ᓂᓐᖓᐅᑎᑦᑍᓕᓗᒍ; ᐰᕉᑐᑦ ᐃᓱᒪᓇᕋᕕᑦ.

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᓴᒧᐃᓕ ᐂᑉᐸᖏᑦ 14:16

ᐃᓱᒪᓚᐅᕋᒪ ᓈᓚᒍᓐᓇᕋᓱᒋᓪᓗᑎᑦ ᐱᐅᓕᓯᔪᓐᓇᕋᓱᒋᓪᓗᑎᓪᓗ ᐅᕙᓐᓂᒃ ᐃᕐᓂᓐᓂᒡᓗ ᑐᖁᑦᓯᓇᓱᐊᕐᑐᒥᒃ ᓄᓇᒥᑦ ᐲᕐᓯᓇᓱᐊᕐᑐᒥᑦ ᐅᕙᑦᑎᓐᓂᒃ ᒎᑎᐅᑉ ᑐᓂᓚᐅᕐᑕᖓᓂᒃ ᐃᓄᖁᑎᒥᓄᑦ.

ᓴᒧᐃᓕ ᐂᑉᐸᖏᑦ 16:10

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”

ᓴᒧᐃᓕ ᐂᑉᐸᖏᑦ 16:11

ᑍᕕᑎᓗ ᐅᖃᕐᐳᖅ ᐊᐱᓮᒧᑦ ᐊᖓᔪᖅᑳᖁᑎᖏᓐᓄᓪᓗ, “ᓇᖕᒥᓂᖅ ᐃᕐᓂᕐᒪ ᑐᖁᓐᓇᓱᐊᕐᐹᖓ; ᖃᓄᐃᒻᒪᑦ ᑲᒪᓇᓱᐊᕐᐲᑦ ᑖᑦᓱᒥᖓ ᐱᓐᔭᒥᓂᒃᑯᓐᓂᒥᐅᑕᕐᒥᒃ? ᐊᑕᓂᐅᑉ ᓇᕐᕈᓇᕐᓯᑎᑦᓯᖁᒃᐸᒍ ᑲᒪᒋᔭᐅᔭᕆᐊᖃᓐᖏᓚᖅ.

ᓴᒧᐃᓕ ᐂᑉᐸᖏᑦ 20:19

ᐃᒡᓗᒐᓴᕗᑦ ᐱᐅᔪᐊᓘᕗᖅ, ᓮᓕᑦᓯᐊᕐᓇᕐᓂᕐᐹᖑᕗᖅ ᐱᑦᓯᐊᕐᓂᕐᐹᖑᓪᓗᓂᓗ ᐃᓴᕆᐊᓕᒥᐅᓂ; ᓱᖕᒪᓪᓕ ᐊᓯᕈᕋᓱᐊᕐᐱᐅᒃ? ᓱᒃᑯᐃᔪᒪᕖᑦ ᐊᑕᓂᐅᑉ ᐱᖓᓂᒃ?”

ᓴᒧᐃᓕ ᐂᑉᐸᖏᑦ 21:3

ᑍᒤᒻᒪᑦ ᑍᕕᑎᐅᑉ ᒋᐱᐅᓁᑎᒥᐅᑦ ᑲᑎᖁᓚᐅᕐᐰᑦ ᐅᖃᐅᑎᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕗᖔ ᐃᓕᑦᓯᓐᓄᑦ? ᖃᓄᕐᓗ ᐋᖅᑮᒋᐊᕈᓐᓇᕐᐳᖓ ᐱᑦᓯᐊᕐᑕᐅᖏᓐᓂᕆᓯᒪᔭᑦᓯᓐᓂᒃ, ᐊᑕᓂᐅᑉ ᐃᓄᖁᑎᖏᓐᓂᒃ ᓮᒻᒪᕐᑎᑦᓯᔪᓐᓇᖁᓪᓗᓯ.”

ᓴᒧᐃᓕ ᐂᑉᐸᖏᑦ 24:1

ᐊᑕᓂᖅ ᓂᓐᖓᒃᑎᑕᐅᓚᐅᕆᕗᖅ ᐃᓴᕆᐊᓕᒥᐅᓄᑦ, ᑍᕕᑎᓗ ᖁᕕᐊᓇᖏᑦᑐᒥᒃ ᓴᖅᑭᑎᑦᓯᑎᓚᐅᕐᐹ ᑖᒃᑯᓄᖓ, ᐅᖃᐅᑎᓪᓗᒍ, “ᐂᓕᕆᑦ ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑦ ᓈᓴᕆᐊᕐᑐᒃᑭᑦ.”

ᐊᑕᓃᑦ ᓯᕗᓪᓖᑦ 22:22

ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’ ᐅᖃᐅᑎᕚ, ‘ᐂᔪᒪᕗᖓ ᐊᓂᕐᓂᐅᓗᖓ ᓴᒡᓗᕿᑦᓯᓗᖓ ᐂᕼᐊᐱᐅᑉ ᐅᖃᕐᑎᓕᒫᖏᑕ ᖃᓂᖏᓐᓂ ᐊᑐᕐᓂᐊᕐᐳᖓ.’ ᐊᑕᓂᕐᓗ ᐅᖃᕐᐳᖅ, ‘ᐊᑏ ᓴᒡᓗᕿᑦᓯᔭᕐᑐᓕᕆᑦ, ᓵᓚᖃᕐᓂᐊᕐᐳᑎᑦ; ᐂᓗᑎᑦ ᑍᒤᓕᐅᕆᐊᕐᑐᓕᕆᑦ.’

ᑯᕉᓂᑲ ᓯᕗᓪᓖᑦ 21:1

ᓵᑖᓇᓯ ᐱᓇᓱᐊᓕᕐᐳᖅ ᐃᓴᕆᐊᓕᒥᐅᑦ ᐊᑭᕋᕐᑐᕐᓗᒋᑦ, ᑍᕕᑎᓗ ᑲᔪᖏᕐᓴᕐᐹ ᐃᓴᕆᐊᓕᑎᓂᒃ ᓈᓮᖁᓪᓗᒍ.

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᐃᓐᖏᕈᑎᑦ 20:4

ᑐᓂᓯᕕᒋᓕᑎᓪᓗ ᐆᒻᒪᑎᕕᑦ ᐱᔪᒪᔭᖏᓐᓂᒃ ᖃᓄᐃᓕᐅᕈᒪᔭᑎᓪᓗ ᑲᔪᓯᑎᑦᓯᐊᕐᓕᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:10

ᐱᔨ ᓴᒡᓗᑦᔪᑎᒋᑦᑍᓕᒍᒃ ᐊᖓᔪᖅᑳᖓᓄᑦ, ᑖᑦᓱᒧᖓ ᐅᖃᕐᓂᕐᓘᑦᔭᐅᓕᕈᕕᑦ, ᐸᓯᔭᒃᓴᓐᖑᕐᑎᑕᐅᖁᓇᒃ.

ᐂᓮᐊᓯᐅᑉ ᐊᒡᓚᖏᑦ 60:5

ᑕᕝᕙ ᖃᐅᔨᓕᕈᒫᕐᐳᓯ ᑕᑯᒥᓇᕐᑐᒥᒃ ᖃᐅᒪᓂᖃᕐᓂᑦᓯᓐᓂᒃ, ᐆᒻᒪᑎᓯᓗ ᑕᑕᑦᓱᒫᕐᐳᑦ ᖁᕕᐊᓱᖕᓂᕐᒥᒃ, ᐃᒪᕐᔪᐊᑦ ᐊᔪᕐᓴᖏᑦᔪᑎᖏᑦ ᐃᓕᑦᓯᓐᓄᑦ ᑐᓂᔭᐅᔪᒫᕐᒪᑕ, ᐃᓅᖃᑎᒌᒡᔪᐊᑦ ᐊᒃᓗᐃᑦᔪᑎᖏᓐᓂᒃ ᕾᑦᓯᕕᐅᔪᒫᕋᑦᓯ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒨᓯᓯ ᓯᑕᒪᖏᑦ 36:7

ᐃᓴᕆᐊᓕᒥᐅᑦ ᓄᓇᖃᑎᖏᑦ ᑭᖑᕚᖑᖃᑎᖏᑕ ᐊᓯᖏᓐᓄᑦ ᐱᔭᐅᖃᑦᑕᖁᓇᒋᑦ, ᐃᓄᐃᑦ ᐊᑐᓂᑦ ᓯᕗᓕᕕᓂᕐᒥᒍᑦ ᓄᓇᖁᑎᑖᕆᓯᒪᔭᒥᖕᓂᒃ ᐱᓯᒤᓐᓇᖁᓪᓗᒋᑦ.

ᒨᓯᓯ ᓯᑕᒪᖏᑦ 36:9

ᓄᓇᖁᑎᑖᖑᓯᒪᔪᑦ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᖏᑕ ᐊᓯᖏᓐᓄᑦ ᐱᔭᐅᖃᑦᑕᖁᓇᒋᑦ, ᐃᓴᕆᐊᓕᒥᐅᓂ ᑭᖑᕚᖑᖃᑎᒌᑦ ᐊᑐᓂᑦ ᓄᓇᖁᑎᑖᕆᓯᒪᔭᒥᖕᓂᒃ ᐱᓯᒤᓐᓇᖁᓪᓗᒋᑦ.”

ᕉᒪᒥᐅᓄᑦ 14:15

ᐅᒃᐱᕐᑑᖃᑏᓪᓕ ᓂᕆᔭᕐᓄᑦ ᖁᕕᐊᓱᒍᓐᓃᕐᑎᒃᑯᕕᐅᒃ, ᑕᕝᕙ ᓇᒡᓕᖕᓂᒃᑰᖏᑦᑐᒥᒃ ᐱᓂᐊᕐᓂᖃᓕᕐᐳᑎᑦ. ᓂᕆᓂᕐᓄᑦ ᐅᒃᐱᕐᑑᖃᑏᑦ ᐊᓯᕈᕐᑎᓐᓂᐊᕐᓇᒍ ᙭ᔅᑑᓯᐅᑉ ᑐᖁᑦᔪᑎᒋᓯᒪᔭᖓ.

ᒐᓔᑎᐊᒥᐅᓄᑦ 5:12

ᐱᐅᒃᓴᕐᓂᕐᓴᐅᒐᔭᕐᐳᖓ ᐃᓕᑦᓯᓐᓂᒃ ᑭᐱᔭᐅᖁᔨᖃᑦᑕᕐᑐᑦ ᐃᒻᒥᖕᓂᒃ ᐃᒡᔪᐃᔭᑦᑎᐊᒻᒪᕆᒃᐸᑕ!

ᒨᓯᓯ ᑕᓪᓕᒪᖏᑦ 13:3

ᑍᒤᑦᑐᑦ ᑕᒪᒃᑯᐊ ᓈᓚᒐᒃᓴᕆᓐᖏᓚᓯ ᐅᖃᐅᓯᕆᔭᖏᑦ. ᐊᑕᓂᐅᑉ ᒎᑎᑦᓯ ᐊᑐᑐᐃᓐᓇᕐᒪᒋᑦ ᐆᒃᑐᕐᑕᐅᖁᓪᓗᓯ, ᐊᑕᓂᕐᒥᒃ ᒎᑎᑦᓯᓐᓂᒃ ᐱᓐᓈᕆᔭᖃᓪᓚᕆᖕᒪᖔᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ.

ᑎᒧᑎᒧᑦ ᐂᑉᐸᖏᑦ 4:14

ᐊᓕᒃᓵᓐᑐᕆᐅᓪᓗ ᑲᓐᓄᔭᒃᓴᓂᒃ ᓴᓇᕙᒃᑑᑉ ᓈᒻᒪᖏᑦᑐᐊᓗᖕᒥᒃ ᐱᓂᐊᕐᕕᒋᓯᒪᕚᖓ; ᐊᑕᓂᐅᓪᓕ ᐱᓂᐊᕐᕕᒋᔪᒫᕐᐹ ᐱᓂᐊᕐᓯᒪᔭᖏᑦ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 18:10

ᖃᐅᑎᓪᓗᒍ ᐊᓂᕐᓂᕐᓗᖕᒧᑦ ᒎᑎᒥᑦ ᐱᔪᒥᑦ ᓴᐅᓕ ᐊᐅᓚᑕᐅᓕᕐᐳᖅ, ᐃᒡᓗᒥᓂᓗ ᐱᓇᓱᐊᓕᕐᐳᖅ ᑐᑭᖃᑦᓯᐊᖏᑦᑐᑎᑐᑦ, ᑍᕕᑎ ᑯᑭᑦᑕᐹᓚᐅᕐᐳᖅ ᕼᐊᕐᐱᒧᑦ ᑍᒤᑉᐸᒃᑲᒥ ᖃᐅᑕᒫᑦ. ᓴᐅᓕᓕ ᑎᒍᒥᐊᓚᐅᕐᐳᖅ ᖃᓗᒋᐊᒥᓂᒃ;

ᓴᒧᐃᓕ ᓯᕗᓪᓖᑦ 24:9

ᑍᕕᑎᐅᓪᓗ ᓴᐅᓕ ᐅᖃᐅᑎᕚ, “ᖃᓄᐃᒻᒪᑦ ᐃᓄᐃᑦ ᐅᖃᐅᓯᖏᓐᓂᒃ ᓈᓚᖃᑦᑕᕐᐲᑦ ᐅᖃᕐᑐᓂᒃ, ‘ᐃᓛ ᑍᕕᑎᐅᑉ ᕿᓂᕐᐹᑎᑦ ᑐᖁᑦᓱᒪᓪᓗᑎᑦ?’

ᓴᒧᐃᓕ ᓯᕗᓪᓖᑦ 25:24

ᐃᑎᒐᖏᓐᓄᑦ ᐹᒻᒪᒃᓗᓂ ᐅᖃᕐᐳᖅ, “ᐅᕙᓐᓄᑐᐊᖅ ᐊᖓᔪᖅᑳᖅ, ᐅᕙᓐᓄᑦ ᑕᒪᓐᓇ ᐸᓯᔭᒃᓴᐅᓂᖅ ᐃᓕᖓᓕ; ᑐᒃᓯᐊᕐᐳᖓ ᐱᔩᑦ ᐃᓕᖕᓄᑦ ᐅᖃᕈᓐᓇᕐᑎᓚᐅᕈᒃ, ᐅᖃᐅᓯᖏᓪᓗ ᑐᓴᕐᓗᒋᑦ.

ᓴᒧᐃᓕ ᓯᕗᓪᓖᑦ 27:1

ᑍᕕᑎᓗ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐅᓪᓗᐃᑦ ᐃᓚᖓᓐᓂ ᓴᐅᓕᐅᑉ ᑐᖁᓛᓕᕋᖓ; ᐱᐅᓂᕐᐸᐅᓕᕐᐳᖅ ᐱᓕᔅᑍᓂᒥᐅᓄᑦ ᕿᒪᒃᓯᓗᖓ; ᓴᐅᓕ ᓴᐱᓕᕋᔭᕐᐳᖅ ᕿᓂᕈᓐᓃᕐᓗᓂ ᐃᓴᕆᐊᓕᒥ, ᓯᕘᕋᓇᕐᑐᒦᑦᓱᓐᓃᕋᔭᕐᐳᖓᓗ.”