ᓴᒧᐃᓕ ᓯᕗᓪᓖᑦ 26:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.

ᓴᒧᐃᓕ ᓯᕗᓪᓖᑦ 26:10 Iomraidhean Croise

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᔫᐱᐅᑉ ᐊᒡᓚᖏᑦ 14:14

ᐃᓄᒃ ᑐᖁᒍᓂ, ᑭᖑᓂᖓᒍᑦ ᐃᓅᓕᒃᑲᓐᓂᕈᓐᓇᕐᐹ? ᐅᑕᖅᑭᔪᒪᖔᕐᐳᖓᓕ ᐅᓪᓗᓂᒃ ᐱᐅᓂᕐᓴᐅᓕᕐᓂᐊᕐᑐᓂᒃ, ᑕᒪᓐᓇ ᐊᓂᒍᕐᓯᐊᕆᓗᒍ.

ᔫᐱᐅᑉ ᐊᒡᓚᖏᑦ 14:5

ᐃᓅᓯᖓᑕ ᑕᑭᓂᒃᓴᖓ ᓯᕗᓂᖓᒍᑦ ᐋᖅᑭᒃᓱᕐᑕᐅᔭᕇᕐᓯᒪᕗᖅ, ᑕᖅᑮᓪᓗ ᐃᓅᕕᒋᓂᐊᕐᑕᖏᑦ ᐃᓕᖕᓃᑉᐳᑦ, ᑕᒪᓐᓇ ᐋᖅᑭᒃᓱᕇᕐᓯᒪᒐᕕᐅᒃ ᑭᓇᒧᓪᓘᓐᓃᑦ ᐊᓯᑦᔨᕐᑕᐅᔪᓐᓇᓐᖏᓚᖅ.

ᔫᐱᐅᑉ ᐊᒡᓚᖏᑦ 7:1

“ᐃᓄᒃ ᐅᓇᑕᕐᑐᒃᓴᑐᑦ ᐊᒃᓱᕈᕐᑎᑕᐅᔪᑎᑐᑦ ᑍᒤᓐᖏᓛᖅ ᓄᓇᒥ, ᐅᓪᓗᖏᓪᓗ ᐱᓇᓱᐊᕐᑎᑕᐅᔪᑎᑐᑦ ᑍᒤᑦᑑᓐᖏᓛᑦ?

ᐃᓐᖏᕈᑎᑦ 37:10

ᐊᑯᓂᐅᖏᑦᑐᖅ ᐱᐅᖏᑦᑐᓕᔪᑦ ᐱᑕᖃᕈᓐᓃᕈᒫᕐᒪᑕ; ᐊᒡᓛᑦ ᐃᓂᒋᓚᐅᕐᑕᖏᓐᓄᑦ ᕿᓂᑦᓯᐊᕋᓗᐊᕈᕕᑦ ᑕᕝᕙᓃᑦᓱᒫᓐᖏᓚᑦ.

ᐃᓐᖏᕈᑎᑦ 37:13

ᐊᑕᓂᐅᓪᓕ ᐃᔪᕆᕔᑦ ᐱᐅᖏᑦᑐᓕᔪᑦ, ᑕᑯᓐᓈᕋᒥ ᐅᓪᓗᒃᓴᖓᓂᒃ ᓇᓪᓕᐅᑎᔪᒫᕐᑐᒥᒃ.

ᐃᓐᖏᕈᑎᑦ 94:23

ᑖᑦᓱᒪ ᐅᑎᕐᕕᒋᔪᒫᕐᐰᑦ ᐱᐅᖏᑦᑐᓕᓂᖏᑦ ᐊᑭᓂᐊᕐᓗᒋᑦ ᐱᐅᖏᑦᑐᓕᓂᐅᔪᑦ ᓄᖑᑦᓯᐊᕈᒫᕐᐰᑦ; ᐊᑕᓂᐅᑉ ᒎᑎᑦᑕ ᓄᖑᑦᓱᒫᕐᐰᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:2

ᓇᓪᓕᐅᓐᓂᖃᕐᐳᖅ ᐃᕐᓂᐊᖑᕕᒃᓴᒥᒃ, ᓇᓪᓕᐅᓐᓂᖃᕆᕗᖅ ᑐᖁᕕᒃᓴᒥᒃ; ᓇᓪᓕᐅᓐᓂᖅᑲᕐᐳᖅ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓂᕐᒥᒃ, ᓇᓪᓕᐅᓐᓂᖃᕆᕗᖅ ᐱᕈᕐᓯᐊᓂᒃ ᓄᓲᕅᓂᕐᒥᒃ;

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᒨᓯᓯ ᑕᓪᓕᒪᖏᑦ 31:14

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᑯᒋᑦ, ᐅᓪᓗᖅ ᐃᓅᔪᓐᓃᕐᕕᒃᓮᑦ ᖃᒡᓕᕗᖅ; ᔮᓱᐊ ᕾᖁᓚᐅᕈᒃ, ᐅᕗᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕐᓗᓯᒃ, ᐱᔭᒃᓴᖏᓐᓂᒃ ᑎᓕᓂᐊᕋᒃᑯ.” ᑕᕝᕙ ᒨᓯᓯᒃᑯᒃ ᔮᓱᐊᒃᑯᒃ ᑐᐱᕐᒧᐊᕐᐴᒃ,

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᐄᑉᕈᐃᓄᑦ 10:30

ᖃᐅᔨᒪᒐᑦᑎᒍᑦ ᑖᓐᓇ ᐅᖃᓚᐅᕐᑐᖅ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ.” ᐊᒻᒪ ᐅᖃᕐᒥᔪᖅ, “ᐊᑕᓂᐅᑉ ᐃᓄᖁᑎᓂ ᐃᖅᑲᕐᑐᕈᒫᕐᐰᑦ.”

ᐄᑉᕈᐃᓄᑦ 9:27

ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:8

ᑍᒤᒻᒪᑦ ᑲᑉᐱᐊᓱᒃᑎᑕᐅᓂᖏᑦ ᐅᓪᓗᒥ ᐊᑕᐅᓯᕐᒥ ᑎᑭᑦᓱᒫᕐᐳᑦ, ᐋᓐᓂᐊᓇᕐᑐᑦ ᕿᒃᓵᖕᓇᕐᑐᑦ ᑳᖕᓇᕐᑐᓪᓗ, ᐃᑯᒪᒧᓪᓗ ᐃᑭᑕᐅᔪᒫᕐᐳᖅ; ᐊᑕᓂᖅ ᒎᑎ ᑖᑦᓱᒪ ᐃᖅᑲᕐᑐᐃᔨᖓ ᐊᔪᒐᖃᖏᑦᑐᕐᔪᐊᖑᖕᒪᑦ.”

ᓴᒧᐃᓕ ᓯᕗᓪᓖᑦ 24:12

ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ.

ᓴᒧᐃᓕ ᓯᕗᓪᓖᑦ 24:15

ᑍᒤᒻᒪᑦ ᐊᑕᓂᖅ ᐃᖅᑲᕐᑐᐃᓕᕐᓕ, ᓇᓗᓁᕐᓯᓗᓂᓗ ᓇᓕᕐᐳᒃ ᐸᓯᔭᒃᓴᐅᖕᒪᖔᑦ, ᑕᑯᓕᕐᓕ ᐱᓂᐊᕐᓂᑦᑎᓐᓂᒃ, ᖃᐅᔨᓴᕐᓗᖓ, ᐱᐅᓕᓗᖓᓗ ᐊᒡᒐᖕᓂᑦ.”

ᓴᒧᐃᓕ ᓯᕗᓪᓖᑦ 25:26

ᒫᓐᓇᓕ ᐊᖓᔪᖅᑳᒃ, ᐊᑕᓂᖅ ᐆᒪᖕᒪ, ᑕᕐᓃᓪᓗ ᐆᒪᑎᓪᓗᒍ, ᐊᑕᓂᐅᑉ ᐃᓂᕐᑎᓚᐅᕐᐹᑎᑦ ᑐᖁᑦᓯᖁᓇᒃ ᐊᑭᒋᐊᖁᓇᒡᓗ ᐊᒡᒐᖕᓄᑦ, ᒫᓐᓇᓕ, ᐊᑭᕋᑎᑦ ᐃᓕᖕᓂᒃ ᓱᕅᓇᓱᐊᕐᑐᑦ ᓁᐳᓪᑎᑐᑦ ᑍᒤᓕᕐᓕᑦ.

ᓴᒧᐃᓕ ᓯᕗᓪᓖᑦ 25:38

ᐅᓪᓗᐃᑦ ᖁᓖᑦ ᐊᓂᒍᕐᒪᑕ ᐊᑕᓂᐅᑉ ᓁᐳᓪ ᐊᓇᐅᕚ, ᑐᖁᓪᓗᓂᓗ.

ᓴᒧᐃᓕ ᓯᕗᓪᓖᑦ 25:39

ᑍᕕᑎᓕ ᑐᓴᕋᒥ ᓁᐳᓕᐅᑉ ᑐᖁᓂᖓᓂᒃ, ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ ᐊᑭᒋᐊᓚᐅᕐᒪᑦ ᓁᐳᓪᒥᒃ, ᐅᕙᓐᓂᒃ ᒥᑕᐅᑎᖃᕐᓂᖓ ᐱᓪᓗᒍ, ᑕᒻᒪᕐᓂᕐᒥᓪᓗ ᓴᐳᑎᓚᐅᕐᒪᖓ; ᐊᑕᓂᐅᑉ ᓱᒋᐊᓚᐅᕐᐹ ᓁᐳᓪ ᐱᐅᖏᑦᑐᒥᒃ ᐱᓂᐊᓚᐅᕐᓂᖓ ᐱᓪᓗᒍ.” ᑍᕕᑎᓗ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᓄᓕᐊᕐᑖᕈᒪᓪᓗᓂ ᐊᐱᒊᓕᒥᒃ.

ᓴᒧᐃᓕ ᓯᕗᓪᓖᑦ 31:4

ᐅᕕᒃᑲᒧᑦ ᐅᖃᕐᐳᖅ ᓱᒋᐅᑎᖏᓐᓂᒃ ᐊᒃᔭᕐᓯᔨᒧᑦ, “ᓴᕕᒡᔪᐊᑦ ᑎᒍᓗᒍ ᑐᖁᓚᐅᓐᖓ, ᒎᑎᖃᖏᑦᑐᑦ ᐱᓕᔅᑍᓂᒥᐅᑦ ᑐᖁᑦᓯᖁᓇᒋᑦ ᐅᕙᓐᓂᒃ ᐱᔪᕆᑦᔪᑕᐅᖁᓇᖓᓗ.” ᐅᕕᒃᑲᕐᓕ ᑍᒤᓕᐅᕈᒪᓚᐅᓐᖏᓚᖅ ᑲᑉᐱᐊᓱᓗᐊᓚᐅᕋᒥ. ᑍᒤᒻᒪᑦ ᓴᐅᓕᐅᑉ ᓴᕕᒡᔪᐊᓂ ᓇᑉᐸᕐᓗᓂᐅᒃ ᒪᓂᖅᑲᒧᑦ ᐃᒻᒥᓂᒃ ᐅᕐᕈᕕᒋᕚ ᑲᐱᓪᓗᓂ.

ᓴᒧᐃᓕ ᓯᕗᓪᓖᑦ 31:6

ᑍᒫᒃ ᑕᕝᕙ ᓴᐅᓕᒃᑯᑦ ᐃᕐᓂᖏᓪᓗ ᐱᖓᓱᑦ ᑐᖁᓚᐅᕐᐳᑦ; ᓴᐅᓕᐅᓪᓗ ᐱᖃᑎᒋᔭᓕᒫᖏᑦ ᑐᖁᓚᐅᕐᐳᑦ ᐅᓪᓗᒥ ᑕᕝᕙᓂᑦᓮᓐᓇᖅ.