ᓴᒧᐃᓕ ᓯᕗᓪᓖᑦ 25:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᐱᒊᓕᐅᓪᓕ ᑍᕕᑎ ᑕᑯᒐᒥᐅᒃ, ᑐᐊᕕᕐᓗᓂ ᓂᐅᕗᖅ ᓯᐅᑎᖅᑯᕐᑐᔪᒥᑦ, ᐹᒻᒪᒃᑎᕐᓗᓂᓗ ᑍᕕᑎᐅᑉ ᓵᖓᓄᑦ, ᐅᑯᓪᓗᓂᓗ ᓄᓇᒧᑦ.

ᓴᒧᐃᓕ ᓯᕗᓪᓖᑦ 25:23 Iomraidhean Croise

ᓴᒧᐃᓕ ᐂᑉᐸᖏᑦ 1:2

ᐅᓪᓗᐃᑦ ᐱᖓᔪᖓᓐᓂ ᐅᕕᒃᑲᒧᑦ ᑎᑭᑕᐅᕗᖅ ᓴᐅᓕᐅᑉ ᑕᖕᒫᕐᓯᒪᕕᖓᓂᑦ ᐱᔪᒧᑦ. ᕿᒃᓵᖕᓂᓂ ᓴᖅᑭᔮᖁᓪᓗᒍ, ᐊᓐᓄᕌᓂ ᐊᓕᒃᑐᕐᓯᒪᓚᐅᕐᐰᑦ ᓂᐊᖁᓂᓗ ᐊᕐᔭᓕᓂᓕᕐᓯᒪᓪᓗᒍ. ᑖᓐᓇ ᑍᕕᑎᒧᐊᕋᒥ, ᐹᒻᒪᒃᑎᕐᐳᖅ ᒪᓂᖅᑲᒧᑦ ᐅᐱᒍᓱᖕᓂᕐᒧᑦ.

ᓴᒧᐃᓕ ᐂᑉᐸᖏᑦ 14:4

ᑕᕝᕙ ᐊᕐᓇᖅ ᑎᑯᐊᒥᐅᑕᖅ ᐊᖓᔪᖅᑳᕐᔪᐊᕐᒧᐊᕐᐳᖅ, ᒪᓂᖅᑲᒧᓪᓗ ᐅᑯᕗᖅ ᐃᒃᐱᒍᓱᑦᓯᐊᕐᓂᕐᒧᑦ, ᐅᖃᕐᓗᓂᓗ, “ᐊᖓᔪᖅᑳᕐᔪᐊᖅ, ᐃᑲᔪᓚᐅᓐᖓ.”

ᓴᒧᐃᓕ ᐂᑉᐸᖏᑦ 18:28

ᐊᕼᐂᒫᔅ ᐊᖓᔪᖅᑳᕐᔪᐊᕐᒧᑦ ᓂᓪᓕᐅᓯᕐᒥᒃ ᓂᓪᓕᕐᐳᖅ, ᐹᒻᒪᒡᓗᓂᓗ ᒪᓂᖅᑲᒧᑦ ᑖᑦᓱᒪ ᓵᖓᓄᑦ, ᐅᖃᕐᓗᓂᓗ, “ᐊᑕᓂᖅ ᒎᑏᑦ ᓂᕐᑐᕐᑕᐅᓕ, ᓵᓚᖃᕐᑎᒻᒪᑎᑦ ᐃᓄᖕᓂᑦ ᐊᑭᕋᕐᑐᕐᑐᓂᒃ ᐊᖓᔪᖅᑳᕐᔪᐊᖅ!”

ᓴᒧᐃᓕ ᐂᑉᐸᖏᑦ 9:6

ᒥᐱᐳᓴᑎᓕ ᔫᓇᑕᓂᐅᑉ ᐃᕐᓂᖓ, ᓴᐅᓕᐅᑉ ᐃᕐᖑᑕᖓ, ᕾᒐᒥ ᐹᒻᒪᒃᐳᖅ ᑍᕕᑎᐅᑉ ᓵᖓᓄᑦ ᐃᒃᐱᒍᓱᑦᓯᐊᕐᓂᕐᒧᑦ. ᑍᕕᑎᓗ ᐅᖃᕐᐳᖅ, “ᒥᐱᐳᓴᑏ!” ᑖᓐᓇ ᑭᐅᕗᖅ, “ᐱᔨᒋᕙᕐᒪ ᐊᖓᔪᖅᑳᒃ.”

ᑯᕉᓂᑲ ᓯᕗᓪᓖᑦ 21:21

ᑍᕕᑎᓕ ᐅᐊᕐᓇᓐᒧᑦ ᑎᑭᓕᕐᑎᓪᓗᒍ, ᐊᕋᐅᓇ ᑕᑯᓴᕋᒥ ᑕᑯᕗᖅ ᑍᕕᑎᒥᒃ ᐃᕖᔧᕕᐅᓪᓗ ᓇᑎᖓᓂᑦ ᐊᓂᓪᓗᓂ, ᐅᐱᒍᓱᖕᓂᕐᒧᑦ ᑍᕕᑎᐅᑉ ᓵᖓᓄᑦ ᐹᒻᒪᒃᐳᖅ ᒪᓂᖅᑲᒧᑦ ᐳᓪᓗᓂ.

ᔮᓱᐊᑉ ᐊᒡᓚᖏᑦ 15:18

ᑲᑎᑎᑕᐅᕕᖓᑕ ᐅᓪᓗᖓᓂ ᐅᓯᓂ-ᐅᑉ ᓄᓕᐊᕐᑖᓂ ᐊᑖᑕᒥᓄᑦ ᐱᕈᕐᓰᕕᒃᑖᕈᒪᖁᓚᐅᕐᐹ; ᓯᐅᑎᖅᑯᕐᑐᔪᒥᒃ ᐃᑭᒪᕕᖕᒥᓂᑦ ᐊᖅᑲᕐᒪᑦ, ᑬᓚᐱᐅᑉ ᐊᐱᕆᕚ, “ᓱᓇᒥᒃ ᐱᑖᕐᑎᑕᐅᔪᒪᕖᑦ?”

ᐃᓗᐊᕐᓮᔩᑦ ᐊᒡᓚᖏᑦ 1:14

ᑲᑎᑎᑕᐅᕕᐊᑕᓗ ᐅᓪᓗᖓᓂ ᐊᕐᓇᐅᑉ ᐊᖑᑦ ᕿᓄᖁᓕᕐᐹ ᐊᑖᑕᒥᓂᑦ ᐱᕈᕐᓰᕕᖕᒥᒃ ᑐᒃᓯᕋᖁᓪᓗᒍ. ᑎᑭᓐᓇᒥᓕ ᐊᕐᓇᖅ ᓯᐅᑎᖅᑯᕐᑐᔪᒥᑦ ᐊᖅᑲᕐᒪᑦ, ᑬᓚᐱᐅᑉ ᐊᐱᕆᕚ ᓱᓇᒥᒃ ᐱᔪᒪᔭᖃᕐᒪᖔᑦ.

ᕉᑎᐅᑉ ᐅᓂᒃᑲᐅᓯᓂᖓ 2:10

ᕉᑎᓗ ᓰᖅᑯᕐᓗᓂ ᐅᑯᕗᖅ ᓄᓇ ᐊᒃᑐᕐᓗᓂᐅᒃ ᖃᐅᕐᒥᓄᑦ, ᐅᖃᕐᓗᓂᓗ, “ᖃᓄᐃᒻᒪᑦ ᐱᑦᓯᐊᕋᓱᐊᕐᐱᖔ? ᐃᒃᐱᒋᔭᒃᓴᐅᒐᒫ? ᑕᑯᒋᑦ ᓄᓇᖃᑎᒋᔭᐅᖏᑦᑐᖓ.”

ᓴᒧᐃᓕ ᓯᕗᓪᓖᑦ 20:41

ᓄᑲᑉᐱᐊᕐᓗ ᕿᒪᕉᑎᑐᐊᕐᒪᑦ, ᑍᕕᑎ ᓂᑯᕕᑉᐳᖅ ᐃᔨᕐᓯᒪᕕᒋᔭᒥᓂᑦ ᐅᔭᕋᓱᒡᔪᐃᑦ ᖃᓕᕇᑦ ᐊᑯᓐᓂᖓᓂᑦ, ᒪᓂᖅᑲᒧᓪᓗ ᐅᑯᕗᖅ, ᐱᖓᓱᐃᕐᑐᕐᓗᓂᓗ ᐅᑯᖃᑦᑕᓚᐅᕐᐳᖅ; ᐃᕿᓪᓗᑎᒡᓗ ᑯᓂᖃᑦᑕᐅᑎᕘᒃ; ᕿᐊᖃᑎᒌᒃᓗᑎᒡᓗ, ᑍᕕᑎ ᐱᓂᕐᓴᐅᓪᓗᓂ ᔫᓇᑕᓂᒥᑦ.

ᓴᒧᐃᓕ ᓯᕗᓪᓖᑦ 24:8

ᑍᕕᑎᐅᓪᓗ ᒪᑭᓐᓇᒥ ᒪᓕᒃᓴᕐᐹ ᕾᕈᓱᖕᒥᑦ ᐊᓂᓪᓗᓂ ᓴᐅᓕ ᐅᖃᐅᑎᕚ, “ᐊᑕᓃᖅ ᐊᖓᔪᖅᑳᕋ!” ᓴᐅᓕᓗ ᑭᖑᒧᑦ ᑕᑯᓴᕐᐳᖅ, ᑍᕕᑎ ᐹᒻᒪᒃᐳᖅ ᓄᓇᒧᑦ ᒪᓂᖅᑲᒧᑦ, ᐅᑯᓪᓗᓂᓗ.

ᓴᒧᐃᓕ ᓯᕗᓪᓖᑦ 25:24

ᐃᑎᒐᖏᓐᓄᑦ ᐹᒻᒪᒃᓗᓂ ᐅᖃᕐᐳᖅ, “ᐅᕙᓐᓄᑐᐊᖅ ᐊᖓᔪᖅᑳᖅ, ᐅᕙᓐᓄᑦ ᑕᒪᓐᓇ ᐸᓯᔭᒃᓴᐅᓂᖅ ᐃᓕᖓᓕ; ᑐᒃᓯᐊᕐᐳᖓ ᐱᔩᑦ ᐃᓕᖕᓄᑦ ᐅᖃᕈᓐᓇᕐᑎᓚᐅᕈᒃ, ᐅᖃᐅᓯᖏᓪᓗ ᑐᓴᕐᓗᒋᑦ.

ᓴᒧᐃᓕ ᓯᕗᓪᓖᑦ 25:41

ᐊᐱᒊᓕᓕ ᐹᒻᒪᒃᑎᕐᐳᖅ ᒪᓂᖅᑲᒧᑦ ᐅᖃᕐᓗᓂᓗ, “ᑕᑯᒋᑦ, ᑖᑦᓱᒧᖓ ᐱᔨᒋᔭᐅᕗᖓ ᐊᑐᐃᓐᓇᐅᕗᖓ ᐊᖓᔪᖅᑳᒪ ᐱᔨᖏᑕ ᐃᑎᒐᖏᓐᓂᒃ ᐅᐊᓴᖃᑦᑕᕈᓐᓇᖁᓪᓗᖓ.”