ᓴᒧᐃᓕ ᓯᕗᓪᓖᑦ 23:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᐰᐊᑕᓕ ᐊᕼᐃᒥᓕᐅᑉ ᐃᕐᓂᖓ ᑍᑦᓱᒪᓂ ᕿᒫᒐᒥ ᑍᕕᑎᒧᑦ ᑮᓚᒦᑎᓪᓗᒍ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖓᓂᒃ ᑎᒍᒥᐊᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 23:6 Iomraidhean Croise

ᐊᑕᓃᑦ ᓯᕗᓪᓖᑦ 2:26

ᐊᖓᔪᖅᑳᕐᔪᐊᖅ ᓲᓗᒨᓂ ᐅᖃᕐᐳᖅ ᐊᐰᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ, “ᐊᖏᕐᕋᖁᕙᒋᑦ ᓄᓇᒋᔭᕐᓄᑦ ᐊᓇᑑᑎᒧᑦ. ᑐᖁᔪᒃᓴᑐᐃᓐᓇᐅᓕᕋᕕᑦ; ᒫᓐᓇᓕ ᑐᖁᑕᐅᑎᑦᔮᓐᖏᓚᒋᑦ. ᐊᒡᔭᕐᓯᔨᐅᖃᑕᐅᖃᑦᑕᓚᐅᕋᕕᑦ ᐊᑕᓂᐅᑉ ᒎᑎᐅᑉ ᐃᒃᓯᕐᕕᖓᓂᒃ ᐊᑖᑕᒪ ᑍᕕᑎᐅᑉ ᓯᕗᓂᖓᓂ, ᐊᑖᑕᒐᓗ ᐅᖁᒤᑦᑐᒦᖃᑎᒋᕙᓚᐅᕋᕕᐅᒃ.”

ᒨᓯᓯ ᐂᑉᐸᖏᑦ 28:6

“ᑭᐊᑎᒥᒃ ᐊᓐᓄᕌᓕᐅᕐᑐᒃᓴᐅᕗᑦ ᑍᔭᐅᔪᒥᒃ ᐃᐹᑦᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᒎᓗᒥᒃ ᐃᕙᓗᖃᕐᓗᑎᒃ, ᓵᑦᑐᒥᒃ ᖃᓪᓗᓈᕐᑕᒥᒃ ᐊᑐᕐᓗᑎᒃ, ᑕᕐᓯᕐᑐᕐᓯᒪᓗᑎᒡᓗ ᓴᓇᓐᖑᐊᕐᓯᒪᔪᓂᒃ.

ᓴᒧᐃᓕ ᓯᕗᓪᓖᑦ 14:18

ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.

ᓴᒧᐃᓕ ᓯᕗᓪᓖᑦ 14:3

ᑐᓂᕐᕈᓯᕐᑎᑦᓯᔨ ᑍᑦᓱᒪᓂ ᓴᒡᕕᖕᒥᐅᑕᕐᒥᒃ ᐊᑐᕐᑐᖅ ᐊᕼᐂᔭᐅᓚᐅᕐᐳᖅ, ᐊᕼᐃᑑᑉ ᐃᕐᓂᖓ ᐃᑲᐸᑦ ᖃᑕᓐᖑᑖ, ᑖᓐᓇ ᐊᕼᐃᑐ ᐃᕐᓂᕆᔭᐅᕗᖅ ᐱᓂᕼᐋᔅᒧᑦ, ᐃᓔᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᓯᔨᐅᔪᒧᑦ ᐊᑕᓂᕐᒧᑦ ᓮᓗᐊᒥ, ᐃᓄᐃᓪᓕ ᖃᐅᔨᒪᓚᐅᓐᖏᓚᑦ ᔫᓇᑕᓂᐅᑉ ᐊᐅᓪᓚᕐᓂᖓᓂᒃ.

ᓴᒧᐃᓕ ᓯᕗᓪᓖᑦ 22:20

ᐊᕼᐃᒥᓕᐅᓪᓕ ᐃᕐᓂᖏᑕ ᐃᓚᖓᑦ ᐊᕼᐃᑑᑉ ᐃᕐᓂᖓᑕ, ᐊᐰᐊᑕᒥᒃ ᐊᑎᓕᒃ ᕿᒪᒃᓯᕗᖅ, ᑍᕕᑎᒧᐊᕐᓗᓂᓗ ᐃᓚᓕᐅᑎᕗᖅ.

ᓴᒧᐃᓕ ᓯᕗᓪᓖᑦ 23:2

ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”

ᓴᒧᐃᓕ ᓯᕗᓪᓖᑦ 23:5

ᑕᕝᕙ ᑍᕕᑎᓗ ᐃᓄᖁᑎᖏᓪᓗ ᑮᓚᒧᐊᕐᐳᑦ, ᐅᓇᑕᕐᓗᑎᒡᓗ ᐱᓕᔅᑍᓂᒥᐅᓂᒃ; ᐅᓄᕐᑐᓂᒡᓗ ᑐᖁᕅᕗᑦ ᐆᒪᔪᖁᑎᖏᓪᓗ ᑎᒍᕔᑦ. ᑕᕝᕙ ᑍᕕᑎᐅᑉ ᑮᓚᒥ ᓄᓇᓖᑦ ᐱᐅᓕᓚᐅᕐᐰᑦ.

ᓴᒧᐃᓕ ᓯᕗᓪᓖᑦ 23:7

ᑕᕝᕙ ᓴᐅᓕ ᐅᖃᐅᑦᔭᐅᕗᖅ ᑍᕕᑎᐅᑉ ᑮᓚᒦᓐᓂᖓᓂᒃ. ᓴᐅᓕᓗ ᐅᖃᕐᐳᖅ, “ᒎᑎᐅᑉ ᐅᕙᓐᓄᑦ ᑐᓂᕚ; ᑍᕕᑎ ᐃᒻᒥᓂᒃ ᐊᓂᕕᒃᓮᕈᑎᑎᑉᐳᖅ ᓄᓇᓕᖕᒧᑦ ᐊᕙᓗᓕᖕᒧᐊᕐᓂᕐᒥᓄᑦ ᐃᑎᕐᑕᕕᓕᖕᒧᑦ ᓴᐴᓗᑕᓕᖕᒧᓪᓗ.”

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”

ᓴᒧᐃᓕ ᓯᕗᓪᓖᑦ 30:7

ᑍᕕᑎᐅᓪᓗ ᐊᐰᐊᑕ ᐊᕼᐃᒥᓕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨ ᐅᖃᐅᑎᕚ, “ᓴᒡᕕᖕᒥᐅᑕᖅ ᕾᓚᐅᕈᒃ,” ᐊᐰᐊᑕᐅᓪᓗ ᑐᓂᕚ ᑍᕕᑎᒧᑦ.