ᓴᒧᐃᓕ ᓯᕗᓪᓖᑦ 23:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”

ᓴᒧᐃᓕ ᓯᕗᓪᓖᑦ 23:2 Iomraidhean Croise

ᓴᒧᐃᓕ ᐂᑉᐸᖏᑦ 2:1

ᑕᒪᑐᒪ ᑭᖑᕐᖓᓂ ᑍᕕᑎᐅᑉ ᐊᑕᓂᖅ ᐊᐱᕆᕚ, “ᔫᑕᐅᑉ ᓄᓇᓕᖁᑎᖏᓐᓄᑦ ᐂᔪᒃᓴᐅᕗᖔ ᐊᐅᓚᒋᐊᕐᑐᓕᕐᓗᒋᑦ?” ᐊᑕᓂᖅ ᑭᐅᕗᖅ, “ᐂᔪᓐᓇᕐᐳᑎᑦ.” ᑍᕕᑎ ᐊᐱᕆᕗᖅ, “ᓇᓪᓕᐊᓐᓄᑦ ᓄᓇᓕᖕᓄᑦ?” ᐊᑕᓂᖅ ᐅᖃᕐᐳᖅ, “ᕼᐃᐸᕋᓐᒧᑦ.”

ᓴᒧᐃᓕ ᐂᑉᐸᖏᑦ 5:19

ᑍᕕᑎᓗ ᐊᑕᓂᕐᒥᒃ ᐊᐱᕐᓱᓚᐅᕐᐳᖅ, “ᐅᓇᑕᕆᐊᕈᓐᓇᕐᐳᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᖅ ᑭᐅᕗᖅ, “ᐊᑏ ᐅᓇᑕᕆᐊᓕᕆᑦ; ᓵᓚᖃᕐᑎᓐᓂᐊᕐᐸᒋᑦ ᐱᓕᔅᑍᓂᒥᐅᓂᒃ.”

ᓴᒧᐃᓕ ᐂᑉᐸᖏᑦ 5:23

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᕚ, ᑭᐅᕚᓗ, “ᐅᓇᑕᕆᐊᕐᑍᓕᒃᑭᑦ ᑕᒫᓐᖓᑦ; ᑐᓄᐊᓂᓪᓕ ᐅᐸᓕᒃᑭᑦ, ᐅᓇᑕᕆᐊᕐᓗᓯᐅᒃ ᓇᐹᕐᑐᐃᑦ ᐸᐅᕐᖓᓖᑦ ᖃᓂᒋᔮᓂᑦ.

ᑯᕉᓂᑲ ᓯᕗᓪᓖᑦ 14:10

ᑍᕕᑎᐅᑉ ᒎᑎ ᐊᐱᕆᕚ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᐅᓪᓗ ᐅᖃᐅᑎᕚ, “ᒪᔪᐊᓕᕆᑦ ᐅᓇᑕᕆᐊᕐᓗᑎᑦ, ᓵᓚᖃᕐᑎᓐᓂᐊᕐᐸᒋᑦ!”

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 10:23

ᐊᑕᓃᖅ ᖃᐅᔨᒪᒐᓗᐊᕐᐳᖓ, ᐃᓄᒃ ᓇᖕᒥᓂᖃᖏᒻᒪᑦ ᐃᓅᓯᕐᒥᓂᒃ, ᐊᑐᕐᓂᐊᕐᑕᓕᒫᓂ ᐊᐅᓚᑍᓐᓇᕆᔪᓐᓇᖏᒻᒪᒋᑦ.

ᒨᓯᓯ ᓯᑕᒪᖏᑦ 27:21

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᔮᓱᐊᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐊᖏᖃᑎᖃᓚᐅᕐᐳᑦ ᑖᒃᑯᓂᖓ ᓂᕿᖏᓐᓂᒡᓗ ᐱᓪᓗᑎᒃ, ᑭᓯᐊᓂᓕ ᐊᑕᓂᕐᒥᒃ ᖃᐅᔨᒋᐊᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᓴᒧᐃᓕ ᓯᕗᓪᓖᑦ 10:22

ᑍᒤᒻᒪᑦ ᐊᑕᓂᕐᒥᒃ ᖃᐅᔨᒋᐊᓕᕆᕗᑦ, “ᑖᓐᓇ ᐊᖑᑦ ᑕᒫᓃᑉᐹ?” ᐊᑕᓂᖅ ᑭᐅᕗᖅ, “ᑕᑯᒋᑦ, ᐱᖁᑏᑦ ᐊᑯᕐᖓᓐᓂ ᐃᔨᕐᓯᒪᕗᖅ.”

ᓴᒧᐃᓕ ᓯᕗᓪᓖᑦ 14:37

ᑍᒤᒻᒪᑦ ᓴᐅᓕ ᐊᐱᕐᓱᕐᐳᖅ ᒎᑎᒧᑦ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᓵᓚᖃᕐᑎᓐᓂᐊᕐᐱᑎᒎᑦ ᑐᓂᓗᒋᑦ ᐃᓴᕆᐊᓕᒥᐅᑦ ᐱᔪᓐᓇᕐᓂᖏᓐᓅᑦ?” ᐊᑕᓂᕐᓕ ᑭᐅᓚᐅᓐᖏᓚᖅ ᐅᓪᓗᒥ ᑍᑦᓱᒪᓂ.

ᓴᒧᐃᓕ ᓯᕗᓪᓖᑦ 23:3

ᑍᕕᑎᐅᓪᓕ ᐃᓄᖁᑎᖏᑕ ᐅᖃᐅᑎᕚᑦ, “ᑕᑯᒋᑦ, ᑲᑉᐱᐊᓱᒃᐳᒍᑦ ᐅᕙᓂ ᔫᑕᒥ; ᐱᐅᖏᓐᓂᕐᓴᐅᓐᖏᓛᖅ ᑮᓚᒧᐊᕐᓗᑕ ᐅᓇᑕᕆᐊᕆᐊᓕᕈᑦᑕ ᐱᓕᔅᑍᓂᒥᐅᓂᒃ?”

ᓴᒧᐃᓕ ᓯᕗᓪᓖᑦ 23:4

ᑕᕝᕙ ᑍᕕᑎᐅᑉ ᐊᑕᓂᖅ ᐊᐱᕆᒃᑲᓐᓂᕐᐹ. ᐊᑕᓂᐅᓪᓗ ᐅᖃᐅᑎᕙ, “ᒪᑭᓪᓗᑎᑦ ᑮᓚᒧᐊᓕᕆᑦ; ᐱᓕᔅᑍᓂᒥᐅᑦ ᐃᓕᖕᓄᑦ ᑐᓂᓂᐊᕐᐸᒃᑲ.”

ᓴᒧᐃᓕ ᓯᕗᓪᓖᑦ 23:6

ᐊᐰᐊᑕᓕ ᐊᕼᐃᒥᓕᐅᑉ ᐃᕐᓂᖓ ᑍᑦᓱᒪᓂ ᕿᒫᒐᒥ ᑍᕕᑎᒧᑦ ᑮᓚᒦᑎᓪᓗᒍ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖓᓂᒃ ᑎᒍᒥᐊᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 30:8

ᑍᕕᑎᐅᓪᓗ ᐊᑕᓂᖅ ᐊᐱᕆᕚ, “ᒪᓕᒃᓴᕈᓐᓇᕐᐸᒃᑳ ᐅᓇᑕᕆᐊᓚᐅᕐᑐᑦ? ᐊᓐᖑᑎᔪᓐᓇᕐᐳᖔ?” ᐊᑕᓂᐅᑉ ᑭᐅᕚ, “ᒪᓕᒃᓴᓕᕆᑦ; ᐊᓐᖑᑎᓂᐊᕐᐳᑎᑦ ᑎᒍᔭᐅᓚᐅᕐᑐᓪᓗ ᐅᑎᕐᑎᓐᓂᐊᕐᐸᑎᑦ.”