ᓴᒧᐃᓕ ᓯᕗᓪᓖᑦ 22:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓴᐅᓕᐅᓪᓗ ᐱᔨᓂ ᐊᕙᑎᒥᓂ ᓇᖏᕐᑐᑦ ᐅᖃᐅᑎᕔᑦ, “ᓈᓚᒋᑦᓯ ᐱᓐᔭᒥᓂᐅᑉ ᑭᖑᕚᖏᑦ; ᔨᓯᐅᑉ ᐃᕐᓂᖓ ᐃᓘᓐᓇᑦᓯᓐᓂᒃ ᑐᓂᓯᓂᐊᕐᑐᒋᕕᓯᐅᒃ ᐱᕈᕐᓰᕕᖕᓂᒃ ᕔᓂᓕᐅᕐᕕᒃᓴᓂᒡᓘᓐᓃᑦ, ᐅᓇᑕᕐᑐᒃᓴᖁᑎᒥᓄᓪᓗ 1,000ᓄᑦ 100ᓄᓪᓗ ᐊᖓᔪᖅᑳᓐᖑᕐᑎᓪᓗᓂᓰ?

ᓴᒧᐃᓕ ᓯᕗᓪᓖᑦ 22:7 Iomraidhean Croise

ᓴᒧᐃᓕ ᐂᑉᐸᖏᑦ 18:1

ᐊᖓᔪᖅᑳᕐᔪᐊᑉ ᑍᕕᑎᐅᑉ ᐃᓄᖁᑎᓕᒫᓂ ᑲᑎᖁᓚᐅᕐᐰᑦ, ᐊᕕᒃᑐᓚᐅᕐᐰᓪᓗ 1,000ᓄᑦ ᐊᖓᔪᖅᑳᖑᓂᐊᕐᑐᑦ, 100ᓄᓪᓗ.

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᐊᑕᓃᑦ ᓯᕗᓪᓖᑦ 12:16

ᐃᓄᐃᑦ ᖃᐅᔨᒐᒥᒃ ᐊᖓᔪᖅᑳᕐᔪᐊᕐᒧᑦ ᓈᓚᒃᑕᐅᖏᓐᓂᕐᒥᖕᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᖃᓄᖅ ᐱᕙᓪᓕᕐᑎᑕᐅᕕᒃᓴᖃᕐᐱᑖ ᑍᕕᑎᒃᑯᓐᓂᑦ? ᔨᓯᐅᑉ ᑭᖑᕚᖏᓐᓂᑦ ᑭᖑᕐᖑᑎᔭᒃᓴᖃᕈᓐᓃᕐᐳᒍᑦ, ᐊᑏ ᐃᓴᕆᐊᓕᒥᐅᖑᔪᓯ ᐊᖏᕐᕋᑐᐃᓐᓇᓕᕐᑕ! ᑍᕕᑎᐅᑉ ᑭᖑᕚᖏᑦ ᐃᒻᒥᖕᓂᒃ ᑲᒪᒋᓂᐊᓕᕐᒪᑕ.” ᑕᕝᕙ ᐃᓴᕆᐊᓕᒥᐅᑦ ᐊᖏᕐᕋᓕᓚᐅᕐᐳᑦ.

ᑯᕉᓂᑲ ᓯᕗᓪᓖᑦ 12:16

ᐱᓐᔭᒥᓂᒃᑯᑦ ᔫᑕᒃᑯᓪᓗ ᐃᓚᖏᑦ ᐅᐸᒍᑎᓚᐅᕐᐳᑦ ᑍᕕᑎᒧᑦ ᐱᔭᐅᑦᑍᓕᕕᖓᓃᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 11:1

ᐱᕈᓕᕐᑐᖃᕈᒫᕐᐳᖅ ᔨᓯᐅᑉ ᓇᐹᕐᑐᕕᓂᖓᑕ ᑭᐱᔭᐅᓂᖓᓂᑦ, ᐊᕙᓚᖓᔪᒥᒃ ᐱᕈᕐᑐᖃᕈᒫᕐᐳᖅ ᐊᒫᖓᓂᑦ ᓴᖅᑭᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᓴᒧᐃᓕ ᓯᕗᓪᓖᑦ 18:14

ᑍᕕᑎᓗ ᐱᔪᓐᓇᑦᓯᐊᖃᑦᑕᓚᐅᕐᐳᖅ ᐱᓇᓱᐊᕐᑕᓕᒫᒥᓂᒃ; ᐊᑕᓂᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 20:27

ᖃᐅᑎᓪᓗᒍᓕ, ᐅᓪᓘᑉ ᐂᑉᐸᖓᓂ ᑕᖅᑭᓂᕋᑖᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑍᕕᑎᐅᑉ ᐃᓂᖓ ᓱᓕ ᐃᓄᖃᖏᒻᒪᑦ, ᓴᐅᓕ ᐊᐱᕆᓕᕐᐳᖅ ᔫᓇᑕᓂᒧᑦ, “ᓱᖕᒪᓂᓐᓇ ᔨᓯᐅᑉ ᐃᕐᓂᖓ ᓂᕆᔭᕐᑐᓚᐅᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ?”

ᓴᒧᐃᓕ ᓯᕗᓪᓖᑦ 20:30

ᑕᕝᕙ ᓴᐅᓕ ᓂᓐᖓᒻᒪᕆᒃᐳᖅ ᔫᓇᑕᓂᒧᑦ, ᐅᖃᐅᑎᓪᓗᒍᓗ, “ᐱᐅᖏᑦᑐᐊᓗᖕᒧᑦ ᐊᑭᕋᕐᑐᕐᑎᐊᓗᖕᒧᓪᓗ ᐊᕐᓇᒧᑦ ᐃᕐᓂᕆᔭᐅᕗᑎᑦ! ᒫᓐᓇ ᖃᐅᔨᕗᖓ ᔨᓯᐅᑉ ᐃᕐᓂᖓ ᐃᓚᓕᐅᕇᕋᕕᐅᒃ ᐃᓕᖕᓂᒃ ᐊᓈᓇᖕᓂᒡᓗ ᓇᕐᕈᓇᕐᑎᓕᕐᐳᑎᑦ!

ᓴᒧᐃᓕ ᓯᕗᓪᓖᑦ 22:13

ᓴᐅᓕᐅᓪᓗ ᐅᖃᐅᑎᕚ, “ᓱᖕᒪᑦ ᐅᕙᓐᓂᒃ ᐊᑭᕋᕐᑐᓕᕐᐲᑦ, ᐃᓕᑦᓯᒃ ᔨᓯᐅᓪᓗ ᐃᕐᓂᖓ, ᑖᓐᓇ ᑐᓂᓚᐅᕋᕕᐅᒃ ᓂᕿᒃᓴᒥᒃ ᓴᕕᒡᔪᐊᒥᒡᓗ, ᒎᑎᓗ ᓱᖕᒪᑦ ᐊᐱᕆᓚᐅᕐᐱᐅᒃ ᑖᓐᓇ ᐱᓪᓗᒍ, ᑖᓐᓇ ᒪᑭᖁᓪᓗᒍ ᐅᕙᓐᓂᒃ ᐊᑭᕋᕐᑐᓕᕐᓗᓂ, ᐅᑕᖅᑭᓕᕐᓗᓂᓗ ᑐᖁᑦᓯᖁᓪᓗᒍ ᐅᕙᓐᓂᒃ, ᐅᓪᓗᒥᒧᑦ ᑎᑭᓪᓗᒍ?”

ᓴᒧᐃᓕ ᓯᕗᓪᓖᑦ 22:9

ᑕᕝᕙ ᑐᐃᒋ ᑭᐅᕗᖅ ᐄᑐᒥᒥᐅᑕᖅ, ᓴᐅᓕᐅᑉ ᐱᔨᖏᓐᓄᑦ ᓂᑯᕕᖓᖃᑕᐅᔪᖅ, ᐅᖃᕐᓗᓂ, “ᔨᓯᐅᑉ ᐃᕐᓂᖓ ᑕᑯᓚᐅᕐᐸᕋ ᐂᑎᓪᓗᒍ ᓅᐱᒧᑦ, ᐊᕼᐃᒥᓕᒃᒧᑦ ᐊᕼᐃᑑᑉ ᐃᕐᓂᖓᓄᑦ,

ᓴᒧᐃᓕ ᓯᕗᓪᓖᑦ 25:10

ᓁᐳᓕ ᑭᐅᕗᖅ ᑍᕕᑎᐅᑉ ᐱᔨᖏᓐᓄᑦ ᐅᖃᕐᓗᓂ, “ᑍᕕᑏᓐᓇ ᑭᓇ? ᔨᓯᐅᑉ ᐃᕐᓂᖓ ᖃᓄᐃᑦᑑᕙ? ᐅᓄᕐᑐᐊᓗᐃ ᐅᓪᓗᒥ ᕿᒤᕙᓕᕐᒪᑕ ᐊᖓᔪᖅᑳᒥᖕᓂᒃ.