ᓴᒧᐃᓕ ᓯᕗᓪᓖᑦ 22:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᕕᑎᓗ ᑕᕝᕙᓐᖓᑦ ᐊᐅᓪᓚᕋᒥ ᒥᔅᐱᒧᐊᕐᐳᖅ ᒧᐊᐱᒦᑦᑐᒧᑦ; ᒧᐊᐱᐅᓪᓗ ᐊᖓᔪᖅᑳᔪᐊᖓᓄᑦ ᐅᖃᕐᐳᖅ, “ᐊᑖᑕᒐ ᐊᓈᓇᒐᓗ ᐃᓕᖕᓃᑬᓐᓇᓚᐅᕐᓕᑦ, ᖃᐅᔨᓚᐅᖏᓐᓂᓐᓂ ᒎᑎᐅᑉ ᐅᕙᓐᓄᑦ ᐱᖁᔭᖓᓂᒃ.”

ᓴᒧᐃᓕ ᓯᕗᓪᓖᑦ 22:3 Iomraidhean Croise

ᒨᓯᓯ ᓯᕗᓪᓖᑦ 47:11

ᑕᕝᕙ ᔫᓯᐱᐅᑉ ᐊᑖᑕᓂ ᐊᖓᔪᓂᓗ, ᓄᓇᑖᕈᓐᓇᕐᑎᑉᐰᑦ ᐄᑦᔨᑉᑎᐅᑉ ᓄᓇᖓᓂ; ᓄᓇᐅᑉ ᐱᐅᓂᕐᐹᖓᓂ, ᓄᓇᒥ ᕌᒥᓯᓯᒥ, ᑍᒫᒃ ᐰᕉᑉ ᐱᖁᓚᐅᕐᒪᒍ.

ᓴᒧᐃᓕ ᐂᑉᐸᖏᑦ 8:2

ᒧᐊᐱᒥᐅᓪᓗ ᓵᓚᒋᒋᕔᑦ, ᑎᒍᔭᓂᓗ ᒪᓂᖅᑲᒧᑦ ᓇᓪᓚᕐᑎᑉᐰᑦ; ᐊᒃᓱᓈᒧᑦ ᐆᒃᑐᕋᐅᑎᖃᕐᓗᓂ ᐊᒃᓱᓈᑉ ᐃᓗᐊᓃᑦᑐᑦ ᒪᕐᕈᐃᕐᑕᕐᓗᒋᑦ ᑖᒃᑯᐊ ᑐᖁᑕᐅᑎᑉᐰᑦ, ᐆᒃᑐᕋᕐᑕᖏᑕ ᐱᖓᔪᖏᓐᓃᑦᑐᑦ ᑐᖁᑕᐅᕙᒐᑎᒃ. ᑍᒤᒻᒪᑦ ᒧᐊᐱᒥᐅᑦ ᑍᕕᑎᐅᑉ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᒃᓰᕈᑎᒥᖕᓂᒃ ᑖᑦᓱᒧᖓ.

ᒨᓯᓯ ᐂᑉᐸᖏᑦ 20:12

“ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᑎᒧᑎᒧᑦ ᓯᕗᓪᓖᑦ 5:4

ᐅᐃᒡᒐᕐᓂᕐᓕ ᕿᑐᕐᖓᖃᕐᐸᑦ ᐃᕐᖑᑕᖃᕐᐸᓪᓘᓐᓃᑦ, ᑖᒃᑯᐊ ᐃᓕᓐᓂᐊᖅᑳᕐᓕᑦ ᐅᒃᐱᕐᓂᒃᑯᑦ ᐱᓇᓱᐊᕆᐊᖃᕐᑕᒥᖕᓂᒃ ᐊᖓᔪᖅᑳᒥᖕᓄᑦ; ᑍᒤᒃᑯᑎᒃ ᐊᖓᔪᖅᑳᒥᖕᓄᑦ ᐱᔭᕆᐊᓕᖕᒥᖕᓂᒃ ᐊᑭᓖᔪᒫᕐᐳᑦ; ᑕᒪᓐᓇ ᖁᕕᐊᒋᔭᐅᖕᒪᑦ ᒎᑎᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 11:29

ᐊᑕᓂᐅᓪᓕ ᐊᓂᕐᓂᖓᑕ ᑎᑭᑉᐹ ᔨᑉᑕ. ᐂᕗᕐᓗ ᒋᓕᐊᑎᒧᑦ ᒫᓇᓯᒧᓪᓗ ᑲᔪᓯᓪᓗᓂ ᒥᔅᐱᒧᑦ ᒋᓕᐊᑎᒦᑦᑐᒧᑦ ᑕᕝᕙᓐᖓᓪᓗ ᑲᔪᓯᓪᓗᓂᓗ ᐊᒧᓁᑎᓄᑦ.

ᕉᑎᐅᑉ ᐅᓂᒃᑲᐅᓯᓂᖓ 4:10

ᐊᒻᒪᓗ, ᕉᑎ ᐱᖃᓯᐅᑎᓪᓗᒍ ᒧᐊᐱᒥᐅᑕᖅ ᒪᕼᐊᓚᓂᐅᑉ ᓄᓕᐊᕆᓚᐅᕐᑕᖓ ᓄᓕᐊᕐᑖᕆᔭᕆᐊᖃᓕᕋᒃᑯ, ᑍᒤᑐᐊᕐᐸᑦ ᑖᓐᓇ ᐱᕈᕐᓰᕕᒃ ᑍᒃᑯᓄᖓ ᐃᓚᒋᓚᐅᕐᑕᑦᑎᓐᓄᑦ ᑐᕌᖎᓐᓇᕐᓂᐊᕐᒪᑦ, ᐊᑎᖓᑕᓗ ᐃᓚᒌᖕᓂᖏᑕ ᑭᖑᕚᕇᖕᓂᖓᓂ ᑲᔪᓰᓐᓇᕈᓐᓇᕐᓂᐊᕐᒪᑦ ᓄᓇᑐᖃᖏᓪᓗ. ᑕᒪᑐᒥᖓ ᐃᓕᑦᓯ ᐅᓪᓗᒥ ᖃᐅᔨᒪᑦᔪᑕᐅᓂᐊᕐᐳᓯ.”

ᕉᑎᐅᑉ ᐅᓂᒃᑲᐅᓯᓂᖓ 4:17

ᐊᕐᓇᐅᖃᑎᖏᓐᓂᓪᓗ ᐊᑎᕐᑖᕐᑎᑕᐅᕗᖅ ᐅᐱᑎᒥᒃ, ᐅᖃᐅᑦᔨᓕᕐᓗᑎᒡᓗ, “ᓁᐅᒥ ᐊᖑᑎᑯᓗᖕᒥᒃ ᐃᕐᖑᑕᖃᓕᕐᒪᑦ.” ᑖᓐᓇ ᐅᐱᑎ ᐃᕐᓂᕐᑖᓚᐅᕐᐳᖅ ᔨᓯᒥᒃ, ᑍᕕᑎᐅᑉ ᐊᑖᑕᒋᓚᐅᕐᑕᖓᓂᒃ.

ᓴᒧᐃᓕ ᓯᕗᓪᓖᑦ 14:47

ᓴᐅᓕᐅᓪᓕ ᐊᖓᔪᖅᑲᐅᓂᖓ ᐃᓴᕆᐊᓕᒥᐅᓄᑦ ᐱᒋᐊᕐᓯᒪᓕᕐᑎᓪᓗᒍ, ᐅᓇᑕᖃᑦᑕᓚᐅᕐᐳᖅ ᐊᑭᕋᓕᒫᒥᓂᒃ ᓇᓂᑐᐃᓐᓈᕐᑐᓂᒃ ᐊᕙᑎᒥᖕᓂ, ᐃᓅᖃᑎᒌᓂᒃ ᒧᐊᐱᒥᐅᓂᒃ, ᐊᒧᓁᑎᒥᐅᓂᒃ, ᐄᑐᒥᒥᐅᓂᒃ, ᔫᐸᒥᐅᑦ ᐊᖓᔪᖅᑳᕐᔪᐊᖓᓂᒃ, ᐱᓕᔅᑍᓂᒥᐅᓂᒡᓗ; ᓇᓪᓕᐊᓐᓄᑐᐃᓐᓇᖅ ᐱᒋᐊᕌᖓᒥ ᓵᓚᒋᖃᑦᑕᓚᐅᕐᐰᑦ.

ᓴᒧᐃᓕ ᓯᕗᓪᓖᑦ 22:2

ᐃᓄᐃᓪᓗ ᕿᒃᓵᒃᑐᑦ ᐃᓱᒫᓘᑎᓖᓪᓗ, ᐊᑭᓕᒃᓴᓖᓪᓘᓐᓃᑦ, ᖁᕕᐊᓱᖏᑦᑐᓪᓗ ᐊᒃᓱᕈᕐᑐᓪᓗ ᑕᕝᕗᖓ ᐃᓚᓕᐅᑎᕗᑦ, ᐊᖓᔪᖅᑲᐅᓕᕐᓗᓂᓗ ᑖᒃᑯᓄᖓ. ᐊᖑᑏᓪᓗ 400ᖏᓐᓃᑦᑐᑦ ᐃᓚᓕᐅᑎᓚᐅᕐᐳᑦ ᑖᑦᓱᒧᖓ.

ᓴᒧᐃᓕ ᓯᕗᓪᓖᑦ 22:4

ᑍᕕᑎᐅᓪᓗ ᐊᖓᔪᖅᑳᓂ ᕿᒪᒃᐰᑦ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓄᑦ, ᑍᑲᓃᖏᓐᓇᓚᐅᕐᐳᓪᓗ ᑍᕕᑎ ᐃᔨᕐᓯᒪᖃᑦᑕᕐᑎᓪᓗᒍ ᕾᕈᓱᖕᒥ.

ᓴᒧᐃᓕ ᓯᕗᓪᓖᑦ 3:18

ᑍᒤᒻᒪᑦ ᓴᒧᐃᓕᐅᑉ ᐅᖃᐅᑎᓚᐅᕐᐹ ᐅᖃᐅᑎᔭᐅᑦᔪᑎᓕᒫᒥᓂᒃ ᓇᓪᓕᐊᓐᓂᒡᓘᓐᓃᑦ ᐅᖃᕐᑍᓕᒪᓇᓂ. ᐃᓔᓗ ᐅᖃᕐᐳᖅ, “ᐊᑕᓂᐅᕗᖅ; ᑖᑦᓱᒪ ᐱᐅᓂᕐᐹᖑᔪᕆᔭᓂ ᐊᑐᕐᓂᐊᕐᐹ.”