ᓴᒧᐃᓕ ᓯᕗᓪᓖᑦ 22:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᖓᔪᖅᑳᕐᔪᐊᕐᓗ ᓴᐳᓐᓂᐊᕐᑎᖁᑎᒥᓄᑦ ᖃᓂᒋᔭᒥᓂ ᓇᖏᕐᑐᓄᑦ ᐅᖃᕐᐳᖅ, “ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᑦ ᑐᖁᓚᐅᕐᓯᐅᒃ, ᐊᒡᒐᖏᑦ ᑍᕕᑎᒥᒃ ᐃᓚᓕᐅᕆᓯᒪᖕᒪᑕ, ᖃᐅᔨᒪᓪᓗᑎᒃ ᕿᒫᓂᖓᓂᒃ ᐅᖃᓚᐅᖏᒻᒪᑕ ᐅᕙᓐᓄᑦ.” ᐊᖓᔪᖅᑲᕐᔪᐊᓪᓕ ᓴᐳᓐᓂᐊᕐᑎᖏᑦ ᑐᖁᑦᓯᔪᒪᓚᐅᓐᖏᓚᑦ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᓐᓂᒃ.

ᓴᒧᐃᓕ ᓯᕗᓪᓖᑦ 22:17 Iomraidhean Croise

ᓴᒧᐃᓕ ᐂᑉᐸᖏᑦ 15:1

ᑕᒪᑐᒪ ᑭᖑᓂᐊᒍᑦ, ᐋᑉᓴᓚᒻ ᐃᒻᒥᓂᒃ ᕿᒧᒃᓯᐅᑎᒥᒃ ᐊᒃᓴᓗᐊᓕᒃᑖᓚᐅᕐᐳᖅ ᕿᒻᒥᕐᔪᐊᓂᒡᓗ, ᒪᓕᒃᑎᑖᕐᓗᓂᓗ ᐊᖑᑎᓂᒃ 50ᓂᒃ.

ᐊᑕᓃᑦ ᓯᕗᓪᓖᑦ 1:5

ᑕᕝᕙ ᐊᑐᓁᔭ ᕼᐊᒋᑎᐅᑉ ᐃᕐᓂᖓ ᐃᒻᒥᓂᒃ ᐊᖏᔪᕈᕐᑎᓐᓇᓱᐊᓚᐅᕐᐳᖅ, ᐅᖃᕐᓗᓂ, “ᐊᖓᔪᖅᑳᕐᔪᐊᓐᖑᕐᓂᐊᕐᐳᖓ”; ᓇᖕᒥᓂᕐᓗ ᕿᒧᒃᓯᐅᑎᑖᓚᐅᕐᐳᖅ ᐊᒃᓴᓗᐊᓕᖕᒥᒃ ᕿᒻᒥᔪᐊᓂᓗ ᐃᑭᒪᔪᒃᓴᓂᒃ, 50ᓂᒡᓗ ᐊᖑᑎᓂᒃ ᓯᕗᓂᕐᒥᓂ ᐅᓪᓚᒃᑐᒃᓴᓂᒃ ᐋᖅᑮᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 14:27

ᐊᖓᔪᖅᑳᕐᔪᐊᑉ ᕆᕼᐅᐳᐊᒻ ᓴᓇᔭᐅᑎᑦᓯᓪᓗᓂ ᑭᖑᕝᕕᓚᐅᕐᐰᑦ ᑲᓐᓄᔭᓂᒃ ᓴᐴᓗᑕᕐᓂᒃ, ᓴᐳᓐᓂᐊᕐᑏᓪᓗ ᐊᖓᔪᖅᑳᖏᓐᓄᑦ ᑐᓂᓪᓗᒋᑦ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓂᒃ ᑲᒪᔨᐅᔪᓄᑦ.

ᐊᑕᓃᑦ ᓯᕗᓪᓖᑦ 18:4

ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐅᐸᑍᐊ ᑎᒍᓯᓚᐅᕐᐳᖅ ᐅᖃᕐᑎᖏᓐᓂᒃ 100ᓂᒃ ᐃᔨᕐᑎᓪᓗᒋᓪᓗ 50ᐅᓈᕐᑎᕐᓗᒋᑦ ᕾᕈᓱᖕᒧᑦ, ᓂᕆᑎᖃᑦᑕᓚᐅᕐᐰᑦ ᓂᐅᖂᔭᒥ ᐃᒥᕐᑎᖃᑦᑕᕐᓗᒋᓪᓗ.)

ᐊᑕᓃᑦ ᐂᑉᐸᖏᑦ 10:25

ᔨᕼᐆᓕ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᑐᓂᓯᔭᕇᕋᒥ, ᐅᓇᑕᕐᑐᒃᓴᓄᑦ ᐊᖓᔪᖅᑳᖏᓐᓄᓪᓗ ᐅᖃᕐᐳᖅ, “ᐃᑎᕐᓗᓯ ᑐᖁᕋᕐᑍᓐᓇᕆᓕᕐᓯᒋᒃ; ᓇᓪᓕᐊᓐᓂᒡᓘᓐᓃᑦ ᐊᓂᔪᖃᕐᑍᓕᓕ!” ᑖᒃᑯᐊ ᐃᑎᕋᒥᒃ ᓴᕕᒡᔪᐊᒧᑦ ᑐᖁᕋᕐᐰᑦ; ᑎᒥᖏᓪᓗ ᓯᓚᒧᑦ ᐊᓂᑕᐅᕗᑦ. ᑕᕝᕙ ᐃᒡᓗᒐᓴᖕᓄᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓄᐊᕐᐳᑦ,

ᒨᓯᓯ ᐂᑉᐸᖏᑦ 1:17

ᑖᒃᑯᐊᒡᓕ ᐃᕐᓂᓱᒃᓰᔩᒃ ᒎᑎᒥᒃ ᓯᕘᕋᒐᒥᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒃ ᓈᓚᓚᐅᓐᖏᓛᒃ. ᕿᑐᕐᖓᕐᑖᖑᔪᑦ ᐊᖑᑕᐅᒐᓗᐊᕌᖓᑕ ᐆᒪᑎᑦᓯᖃᑦᑕᓚᐅᕐᐴᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:19

ᐲᑦᑐᕉᓯᐅᑉ ᔪᐊᓇᓯᐅᓪᓗ ᑭᐅᕔᑦ, “ᐃᓱᒪᒃᓴᕐᓯᐅᓕᕆᑦᓯ, ᓈᒻᒪᖕᒪᖔᑦ ᒎᑎᐅᑉ ᓵᖓᓂ ᐃᓕᑦᓯᓐᓂᒃ ᓈᓚᒃᑯᑦᑕ, ᐅᕝᕙᓘᓐᓃᑦ ᒎᑎᒥᒃ;

ᓴᒧᐃᓕ ᓯᕗᓪᓖᑦ 14:45

ᑕᕝᕙ ᐃᓄᐃᑦ ᐅᖃᕐᐳᑦ ᓴᐅᓕᒧᑦ, “ᔫᓇᑕᓂ ᑐᖁᔪᒃᓴᐅᕚ ᐊᖏᔪᕐᔪᐊᒥᒃ ᓵᓚᖃᕐᓂᕐᒥᒃ ᐱᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ? ᑍᒤᑦᑐᒃᓴᐅᓐᖏᓚᖅ! ᐊᑕᓂᖅ ᐆᒪᖕᒪᑦ, ᑖᑦᓱᒪ ᓵᖓᓂ ᔫᓇᑕᓂᐅᑉ ᓄᔭᖓ ᐊᑕᐅᓯᕐᓘᓐᓃᑦ ᓂᐊᖁᖓᓂᑦ ᑲᑕᖕᓂᐊᓐᖏᓚᖅ ᓄᓇᒧᑦ; ᐅᓪᓗᒥ ᐱᓂᐊᕐᓂᖓ ᒎᑎᐅᑉ ᐃᑲᔪᕐᓂᖓᓂᑦ ᐱᓯᒪᖕᒪᑦ.” ᑕᕝᕙ ᐃᓄᐃᑦ ᓴᐳᑦᔨᓚᐅᕐᐳᑦ ᔫᓇᑕᓂᒥᒃ, ᔫᓇᑕᓂᓗ ᑐᖁᑕᐅᓚᐅᓐᖏᓚᖅ.

ᓴᒧᐃᓕ ᓯᕗᓪᓖᑦ 2:31

ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐱᔪᓐᓇᕐᓃᑦ ᓇᑲᑦᓱᒫᕐᐸᕋ ᓯᕗᓕᕕᓪᓗ ᐃᒡᓗᖓᑕ ᐱᔪᓐᓇᕐᓂᖏᑦ, ᐃᓚᖕᓂ ᐃᓄᑐᖃᕐᑕᖃᓛᕈᓐᓃᕐᐳᖅ.

ᓴᒧᐃᓕ ᓯᕗᓪᓖᑦ 20:33

ᑍᒤᓕᖕᒪᑦ, ᓴᐅᓕᐅᑉ ᔫᓇᑕᓂ ᑲᐱᒋᐊᕐᐹ ᖃᓗᒋᐊᒥᓄᑦ ᑐᖁᒋᐊᕐᓗᒍ; ᔫᓇᑕᓂ ᑕᕝᕙ ᖃᐅᔨᓚᐅᕐᐳᖅ ᐊᑖᑕᖓ ᑐᖁᑦᓯᔪᒪᓪᓚᕆᖕᓂᖓᓂᒃ ᑍᕕᑎᒥᒃ.

ᓴᒧᐃᓕ ᓯᕗᓪᓖᑦ 22:13

ᓴᐅᓕᐅᓪᓗ ᐅᖃᐅᑎᕚ, “ᓱᖕᒪᑦ ᐅᕙᓐᓂᒃ ᐊᑭᕋᕐᑐᓕᕐᐲᑦ, ᐃᓕᑦᓯᒃ ᔨᓯᐅᓪᓗ ᐃᕐᓂᖓ, ᑖᓐᓇ ᑐᓂᓚᐅᕋᕕᐅᒃ ᓂᕿᒃᓴᒥᒃ ᓴᕕᒡᔪᐊᒥᒡᓗ, ᒎᑎᓗ ᓱᖕᒪᑦ ᐊᐱᕆᓚᐅᕐᐱᐅᒃ ᑖᓐᓇ ᐱᓪᓗᒍ, ᑖᓐᓇ ᒪᑭᖁᓪᓗᒍ ᐅᕙᓐᓂᒃ ᐊᑭᕋᕐᑐᓕᕐᓗᓂ, ᐅᑕᖅᑭᓕᕐᓗᓂᓗ ᑐᖁᑦᓯᖁᓪᓗᒍ ᐅᕙᓐᓂᒃ, ᐅᓪᓗᒥᒧᑦ ᑎᑭᓪᓗᒍ?”

ᓴᒧᐃᓕ ᓯᕗᓪᓖᑦ 22:16

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ, “ᑐᖁᔪᒃᓴᐅᕗᑎᑦ, ᐊᕼᐃᒥᓕᒃ, ᐊᑖᑕᕕᓪᓗ ᐃᒡᓗᒥᐅᖃᑎᓕᒫᖏᑦ.”

ᓴᒧᐃᓕ ᓯᕗᓪᓖᑦ 25:17

ᑍᒤᒻᒪᑦ ᑕᒪᓐᓇ ᖃᐅᔨᒪᓕᕈᒃ ᐃᓱᒪᒃᓴᕐᓯᐅᕐᓗᑎᓪᓗ ᖃᓄᐃᓕᐅᕐᓂᐊᕐᒪᖔᕐᐱᑦ; ᑕᒪᓐᓇ ᐊᖓᔪᖅᑳᑦᑎᓐᓄᑦ ᐱᐅᖏᑦᑐᒧᑦ ᑐᕌᖓᓕᕐᒪᑦ ᐃᒡᓗᒥᐅᖃᑎᖏᓐᓄᓪᓗ, ᐃᓱᒪᓗᒃᑐᐊᓘᖕᒪᑦ ᓇᓪᓕᐊᓐᓂᒡᓘᓐᓃᑦ ᓈᓚᒍᓐᓇᕋᓂ.”

ᓴᒧᐃᓕ ᓯᕗᓪᓖᑦ 8:11

ᓴᒧᐃᓕᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑦᓯ ᐊᐅᓚᑦᓯᓕᕈᓂ ᐃᒫᒃ ᐱᐅᓯᖃᕐᕕᒋᔪᒫᕐᐹᓯ: ᐃᕐᓂᓯ ᐅᓇᑕᕐᑐᒃᓴᓐᖑᕐᑎᑦᓱᒫᕐᐰᑦ ᐃᓚᖏᓪᓗ ᐅᓇᑕᕐᑎᒋᓗᓂᒋᑦ ᕿᒧᒃᓯᐅᑎᓄᑦ ᐊᒃᓴᓗᐊᓕᖕᓄᑦ, ᐃᓚᖏᓪᓗ ᕿᒻᒥᕐᔪᐊᒃᑯᑦ ᐅᓇᑕᕐᑎᒋᓗᓂᒋᑦ, ᐃᓚᖏᓪᓗ ᐅᓪᓚᒃᑎᐅᓗᑎᒃ ᕿᒧᒃᓯᐅᑏᑦ ᐊᒃᓴᓗᐊᓖᑦ ᓯᕗᕌᓂ;