ᓴᒧᐃᓕ ᓯᕗᓪᓖᑦ 22:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᖓᔪᖅᑳᕐᔪᐊᕐᓗ ᐅᖃᕐᐳᖅ, “ᑐᖁᔪᒃᓴᐅᕗᑎᑦ, ᐊᕼᐃᒥᓕᒃ, ᐊᑖᑕᕕᓪᓗ ᐃᒡᓗᒥᐅᖃᑎᓕᒫᖏᑦ.”

ᓴᒧᐃᓕ ᓯᕗᓪᓖᑦ 22:16 Iomraidhean Croise

ᐊᑕᓃᑦ ᓯᕗᓪᓖᑦ 18:4

ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐅᐸᑍᐊ ᑎᒍᓯᓚᐅᕐᐳᖅ ᐅᖃᕐᑎᖏᓐᓂᒃ 100ᓂᒃ ᐃᔨᕐᑎᓪᓗᒋᓪᓗ 50ᐅᓈᕐᑎᕐᓗᒋᑦ ᕾᕈᓱᖕᒧᑦ, ᓂᕆᑎᖃᑦᑕᓚᐅᕐᐰᑦ ᓂᐅᖂᔭᒥ ᐃᒥᕐᑎᖃᑦᑕᕐᓗᒋᓪᓗ.)

ᐊᑕᓃᑦ ᓯᕗᓪᓖᑦ 19:2

ᑕᕝᕙ ᔨᔨᐱᐅᓪ ᐅᖃᕆᐊᕐᑐᕐᑎᑦᓯᕗᖅ ᐃᓔᑦᔭᒧᑦ, ᐅᖃᕐᓗᓂ, “ᒎᑎᓄᑦ ᓱᒋᐊᕐᑕᐅᓚᖓ ᑐᖁᑕᐅᓗᖓ ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᐱᓂᐊᕐᕕᒋᓂᐊᖏᒃᑯᒃᑭᑦ ᐅᖃᕐᑎᐅᓚᐅᕐᑐᓂᒃ ᐱᓂᐊᕐᓂᕆᓚᐅᕐᑕᕐᑐᑦ.”

ᐃᔅᑕᐅᑉ ᐊᒡᓚᖏᑦ 3:6

ᖃᐅᔨᓕᕋᒥᓕ ᒧᐊᑎᑬᑉ ᔫᑎᐅᓂᖓᓂᒃ ᑖᓐᓇᑐᐊᖅ ᐱᒋᐊᕈᒪᔪᓐᓁᕐᐹ, ᑐᓴᕐᑎᑕᐅᓚᐅᕋᒥ ᓇᓂᒥᐅᑕᐅᓂᖓᓂᒃ, ᕼᐂᒪᓂᓕ ᐃᓱᒪᖃᓕᕐᐳᖅ ᔫᑎᓕᒫᑦ ᑐᖁᕋᕐᑕᐅᓗᑎᒃ ᓄᖑᑕᐅᑎᑦᓱᒪᓪᓗᒋᑦ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᕕᖓᓃᑦᑐᓕᒫᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15

ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 2:12

ᑕᒪᓐᓇ ᐱᑦᔪᑎᒋᓪᓗᒍ, ᐊᖓᔪᖅᑳᕐᔪᐊᖅ ᓂᓐᖓᒃᐳᖅ ᓂᓐᖓᐅᒪᕕᒡᔪᐊᓕᕐᓗᓂ, ᐹᐱᓘᓂᒥᐅᓪᓗ ᓯᓚᑐᔪᖁᑎᓕᒫᖏᑦ ᑐᖁᕋᕐᑕᐅᖁᕔᑦ.

ᑖᓂᐊᓕᐅᑉ ᐊᒡᓚᖏᑦ 2:5

ᐊᖓᔪᖅᑳᕐᔪᐊᕐᓗ ᓯᓚᑐᔪᓄᑦ ᑭᐅᕗᖅ, “ᐃᒫᒃ ᑕᕝᕙ ᐃᓱᒪᑖᕐᓯᒪᕗᖓ: ᓱᓇᒥᒃ ᓯᓐᓇᑑᒪᓚᐅᕐᒪᖔᕐᒪ ᑐᑭᖓᓂᒡᓗ ᐅᖃᐅᑎᖏᒃᑯᑦᓯᖓ, ᐊᕕᒃᑐᕐᑕᐅᑎᓐᓂᐊᕐᐸᑦᓯ ᒥᑭᔫᑕᐅᓕᕐᓗᓯ, ᐃᒡᓗᓯᓗ ᓯᖁᒥᑕᐅᓗᑎᒃ ᓴᓂᑐᐃᓐᓇᐅᓕᕐᑎᓐᓂᐊᕐᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 12:19

ᐃᕉᑕᓯᐅᓪᓕ ᕿᓂᕐᑕᐅᑎᓕᕐᐹ ᓇᓂᔭᐅᔪᓐᓇᖏᒻᒪᓪᓕ, ᐅᓇᑕᕐᑐᒃᓮᑦ ᑲᒪᔨᐅᔪᑦ ᐊᐱᕐᓱᕐᑕᐅᑎᓕᕐᐰᑦ ᐊᐱᕐᓱᕐᑕᐅᔭᕇᕐᒪᑕ ᑐᖁᑕᐅᔭᕐᑐᖁᓕᕐᐰᑦ. ᑕᒪᑐᒪᓗ ᑭᖑᓂᖓᒍᑦ ᐃᕉᑕᓯ ᔫᑎᐊᒥᑦ ᓯᓴᕆᐊᒧᐊᕐᐳᖅ ᑍᑲᓃᓕᕐᓗᓂ.

ᒨᓯᓯ ᑕᓪᓕᒪᖏᑦ 24:16

“ᐊᑖᑍᑦ ᑐᖁᑕᐅᔪᒃᓴᐅᓐᖏᓚᑦ ᕿᑐᕐᖓᖏᑕ ᐱᐅᖏᑦᑐᓕᓂᖏᓐᓄᑦ, ᕿᑐᕐᖎᓪᓗᑦᑕᐅᖅ ᑐᖁᑕᐅᔪᒃᓴᐅᖏᓐᓂᕗᑦ ᐊᑖᑕᖏᑕ ᐱᐅᖏᑦᑐᓕᓂᖏᓐᓄᑦ; ᐃᓄᒡᓕ ᑐᖁᑕᐅᔪᒃᓴᐅᕗᖅ ᓇᖕᒥᓂᖅ ᑭᓯᐊᓂ ᐱᐅᖏᑦᑐᓕᓯᒪᓂᕐᒥᖕᓄᑦ.

ᓴᒧᐃᓕ ᓯᕗᓪᓖᑦ 14:44

ᓴᐅᓕᓗ ᐅᖃᕐᐳᖅ, “ᒎᑎᐅᑉ ᑍᒫᑦᓮᓐᓇᖅ ᐊᖏᓂᕐᓴᒥᒃ ᐱᓇᓱᐊᕐᕕᒋᓂᐊᕐᐹᖓ; ᐄᓛᒃ ᑐᖁᑕᐅᔪᒃᓴᐅᓕᕐᐳᑎᑦ, ᔫᓇᑕᓃ.”

ᓴᒧᐃᓕ ᓯᕗᓪᓖᑦ 20:31

ᖃᐅᔨᒪᓐᖏᓚᑏᑦ ᔨᓯᐅᑉ ᐃᕐᓂᖓ ᐃᓅᑎᓪᓗᒍ ᓄᓇᕐᔪᐊᕐᒥ, ᐊᖓᔪᖅᑳᕐᔪᐊᓐᖑᕈᓐᓇᑦᔮᖏᓐᓇᕕᑦ, ᐊᖓᔪᖅᑲᐅᕕᖃᑦᔮᓇᒡᓘᓐᓃᑦ? ᑍᒤᒻᒪᑦ ᒫᓐᓇ ᕾᑎᓚᐅᕈᒃ ᐅᕙᓐᓄᑦ, ᑖᓐᓇ ᑐᖁᔪᒃᓴᐅᖕᒪᑦ.”

ᓴᒧᐃᓕ ᓯᕗᓪᓖᑦ 22:15

ᐅᓪᓗᒥ ᐊᑕᓂᖅ ᐊᐱᕆᓕᑍᓐᓇᓐᖏᓚᕋ ᑖᓐᓇ ᐱᓪᓗᒍ, ᐊᖓᔪᖅᑳᕐᔪᐊᖅ ᓱᓇᑐᐃᓐᓇᒥᒃ ᐱᔨᒥᓄᑦ ᐊᑭᕋᕐᑐᓕᕐᑍᓕᓕ ᐊᑖᑕᒪᓘᓐᓃᑦ ᐃᒡᓗᒥᐅᖃᑎᖏᓐᓄᑦ; ᐱᔩᑦ ᖃᐅᔨᒪᓚᐅᖏᒻᒪ ᑕᒪᑐᒥᖓ, ᒥᑭᔪᒥᒃ ᐊᖏᔪᒥᒡᓘᓐᓃᑦ.”

ᓴᒧᐃᓕ ᓯᕗᓪᓖᑦ 22:17

ᐊᖓᔪᖅᑳᕐᔪᐊᕐᓗ ᓴᐳᓐᓂᐊᕐᑎᖁᑎᒥᓄᑦ ᖃᓂᒋᔭᒥᓂ ᓇᖏᕐᑐᓄᑦ ᐅᖃᕐᐳᖅ, “ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᑦ ᑐᖁᓚᐅᕐᓯᐅᒃ, ᐊᒡᒐᖏᑦ ᑍᕕᑎᒥᒃ ᐃᓚᓕᐅᕆᓯᒪᖕᒪᑕ, ᖃᐅᔨᒪᓪᓗᑎᒃ ᕿᒫᓂᖓᓂᒃ ᐅᖃᓚᐅᖏᒻᒪᑕ ᐅᕙᓐᓄᑦ.” ᐊᖓᔪᖅᑲᕐᔪᐊᓪᓕ ᓴᐳᓐᓂᐊᕐᑎᖏᑦ ᑐᖁᑦᓯᔪᒪᓚᐅᓐᖏᓚᑦ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᓐᓂᒃ.