ᓴᒧᐃᓕ ᓯᕗᓪᓖᑦ 21:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑐᓂᕐᕈᓯᕐᑎᑦᓯᔨᐅᑉ ᑍᕕᑎ ᑭᐅᕚ, “ᓂᐊᖂᔭᑐᐃᓐᓇᒥᒃ ᒫᓐᓇ ᐱᓯᒪᓐᖏᓚᖓ, ᐃᑦᔪᕐᓁᑎᑕᐅᓯᒪᔪᓂᑦ ᑭᓯᐊᓂ ᓂᐊᖂᔭᓂᒃ ᓇᔪᕐᑎᖃᕐᐳᖓ; ᐱᔪᓐᓇᕐᑕᑎᑦ ᐊᖑᑏᑦ ᐃᓅᓱᒃᑐᑦ ᐊᕐᓇᒥᒃ ᐱᖃᑎᖃᓚᐅᓐᖏᑐᐊᕐᐸᑕ.”

ᓴᒧᐃᓕ ᓯᕗᓪᓖᑦ 21:4 Iomraidhean Croise

ᒨᓯᓯ ᐂᑉᐸᖏᑦ 19:15

ᐃᓄᖕᓄᓪᓗ ᐅᖃᕐᐳᖅ, “ᐅᓪᓗᑦ ᐱᖓᔪᐊᓐᓂ ᐊᑐᐃᓐᓇᐅᔪᒃᓴᐅᕗᓯ; ᒫᓐᓇᒥᑦ ᐱᒋᐊᕐᓗᒍ ᐊᕐᓇᒥᒃ ᐊᒃᑐᐃᔪᒃᓴᐅᓐᖏᓚᓯ.”

ᒨᓯᓯ ᐂᑉᐸᖏᑦ 25:30

ᑖᓐᓇᓗ ᓵ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓃᑦᑐᒃᓴᐅᕗᖅ, ᓵᓪᓗ ᖄᖓᓂ ᑍᒪᓐᖓᑦ ᓂᐊᖂᔭᕐᑕᖃᕐᑐᒃᓴᐅᕗᖅ ᐅᕙᓐᓄᑦ ᑐᓂᕐᕈᑎᐅᔪᕕᓂᕐᓂᒃ.”

ᒨᓯᓯ ᐱᖓᔪᖏᑦ 15:18

ᐊᖑᓪᓗ ᐊᕐᓇᕐᓗ ᐃᓐᓇᖓᓗᑎᒃ ᐱᖃᑎᒌᒃᐸᑎᒃ ᐅᓱᐊᓗ ᒪᕿᒃᐸᑦ ᑕᒪᕐᒥᒃ ᐅᕕᓂᖕᓂᐊᕆᐊᖃᕐᐳᒃ ᐃᒥᕐᒧᑦ, ᓴᓗᒤᑦᑑᓂᐊᕐᐳᒡᓗ ᑕᒪᕐᒥᒃ ᐅᓐᓄᒃ ᑎᑭᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 7:3

ᑐᓂᕐᕈᓯᕐᑎᑦᓯᔨᓂᒃ ᒎᑎᐅᓪᓗ ᐅᖃᕐᑎᖏᓐᓂᒃ ᐊᐱᕆᔭᕐᑐᓚᐅᕐᒪᑕ ᐊᑕᓂᐅᑉ ᐊᔪᒐᖃᖏᑦᑑᑉ ᑐᒃᓯᐊᕐᕕᒡᔪᐊᖓ ᐱᓪᓗᒍ ᐅᖃᕐᓗᑎᒃ, “ᑕᖅᑮᑦ ᑕᓪᓕᒪᖓᓐᓂ ᓱᓕ ᕿᒃᓵᒍᑎᖃᕆᐊᖃᕐᐱᑖ ᓂᕆᑦᑍᓕᓗᑕᓗ, ᑍᒫᒃ ᐱᕙᒃᑲᑦᑕ ᑍᒪᓐᖓᓂᐊᓗᒃ?”

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:5

ᑍᒤᒻᒪᑦ ᓄᓕᐊᕇᖑᔪᓯ ᐃᓕᑦᓯᓐᓄᑦ ᐱᑦᑍᓕᖃᑦᑕᐅᑎᓂᐊᕋᓯ ᑭᓯᐊᓂ ᐊᖏᖃᑎᒌᒃᑯᑦᓯ ᑍᒤᓕᐅᕈᒪᖏᓪᓗᓯ ᓯᕕᑭᑦᑐᒥᒃ, ᑐᒃᓯᐊᕐᓂᕐᒥᒃ ᐱᕕᒃᓴᖃᖔᕈᒪᓂᕐᒧᑦ; ᑭᖑᓂᖓᒍᓪᓕ ᐅᑎᖃᑦᑕᐅᑎᑦᓯᐊᕐᑐᒃᓴᐅᒋᕗᓯ, ᓵᑖᓇᓯᐅᑉ ᐆᒃᑐᕐᓗᐃᓂᖓᓂᑦ ᐃᓕᑦᓯᓐᓂᒃ ᓴᐳᑎᓯᒪᓂᐊᕋᑦᓯ ᐃᒃᓯᒎᕐᑍᓕᔪᓐᓇᖏᓐᓇᑦᓯ.

ᓴᒧᐃᓕ ᓯᕗᓪᓖᑦ 21:3

ᒫᓐᓇᓕ, ᓱᓇᒥᒃ ᓇᔪᕐᑎᖃᕐᐲᑦ? ᓂᐊᖂᔭᓂᒃ ᕾᑦᓯᓕᕆᑦ ᑕᓪᓕᒪᓂᒃ, ᓱᓇᒥᒡᓘᓐᓃᑦ ᐊᓯᖏᓐᓂᒃ ᐱᓯᒪᔭᕐᓂᒃ.”

ᓴᒧᐃᓕ ᓯᕗᓪᓖᑦ 21:6

ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑍᕕᑎ ᓂᐊᖂᔭᓂᒃ ᐃᑦᔪᕐᓁᑦᑐᓂᒃ ᑐᓂᕚ; ᑖᒃᑯᐊ ᓂᐊᖂᔧᑦ ᐱᓯᒪᔭᑐᐊᕆᒐᒥᒋᑦ ᒎᑎᒧᑦ ᑐᓂᕐᕈᑕᐅᓯᒪᔪᑦ, ᐅᐃᑦᔪᕐᓁᑦᑑᓪᓗ ᓵᖓᓂᑦ ᐊᒡᕔᕐᑎᑕᐅᓯᒪᕗᑦ ᓂᐊᖂᔭᓂᒃ ᓄᑖᓂᒃ ᐆᓇᕐᑐᓂᒃ ᑐᓂᕐᕈᑕᐅᔪᓂᒃ ᑭᖑᕝᕕᕐᑕᐅᔭᕆᐊᖃᕐᒪᑕ.