ᓴᒧᐃᓕ ᓯᕗᓪᓖᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓄᐃᑦ ᓂᕆᑦᓯᐊᕐᐸᓚᐅᕐᑐᑦ ᐃᖅᑲᓁᔭᓕᕐᐳᑦ ᓂᕿᑖᕈᒪᒧᑦ, ᑳᒃᐸᓚᐅᕐᑐᑦ ᑳᒍᓐᓃᕐᐳᑦ. ᕿᑐᕐᖏᓱᐃᑦᑐᖅ ᕿᑐᕐᖓᕐᑖᕐᐳᖅ 7ᓂᒃ, ᕿᑐᕐᖓᖃᕐᑐᓪᓕ ᐅᓄᕐᑐᓂᒃ ᓄᖑᕈᑎᕗᖅ.

ᓴᒧᐃᓕ ᓯᕗᓪᓖᑦ 2:5 Iomraidhean Croise

ᐃᓐᖏᕈᑎᑦ 113:9

ᐊᕐᓇᒥᒃ ᕿᑐᕐᖏᓱᐃᑦᑐᒥᒃ ᐊᖏᕐᕋᕐᑖᑦᑎᑦᓯᔪᖅ, ᖁᕕᐊᓱᒻᒪᕆᒡᓗᓂ ᐊᓈᓇᒋᔭᐅᖁᓪᓗᒍ ᕿᑐᕐᖓᖏᓐᓄᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 34:10

ᓛᔧᑦ ᐃᓐᓇᐅᖏᑦᑐᑦ ᐊᔪᕐᓴᕈᓐᓇᕐᐳᑦ, ᑳᒡᓗᑎᒡᓗ ᐊᑕᓂᕐᒥᒡᓕ ᕿᓂᕐᑐᑦ ᓱᓇᒥᒡᓘᓐᓃᑦ ᐱᐅᔪᒥᒃ ᑭᓐᖒᒪᔭᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 33:9

ᓄᓇ ᕿᒃᓵᓕᕐᐳᖅ ᓴᓐᖐᓕᓪᓗᓂᓗ; ᓕᐸᓇᓂᐅᑉ ᓇᐹᕐᑐᒐᓴᒃᔪᐊᖏᑦ ᓇᓗᓕᕐᓂᕐᒧᑦ ᑐᖁᓕᕗᑦ; ᓵᕋᓂᐅᑉ ᓇᑎᕐᓇᖓ ᓱᓇᖃᔪᐃᑦᑐᑎᑐᑦ ᑍᒤᓕᕐᐳᖅ; ᐹᓴᓂᒥ ᑳᕐᒥᐅᓪᒥᓗ ᓇᐹᕐᑐᐃᑦ ᐅᖃᐅᔭᖏᑦ ᑲᑕᒐᕐᓯᒪᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 54:1

“ᐃᓐᖏᓕᕆᑦ ᕿᑐᕐᖏᓱᐃᑦᑑᒐᕕᑦ, ᕿᑐᕐᖓᕐᑖᓚᐅᕐᓯᒪᖏᑦᑐᑎᑦ ᐃᓐᖏᕐᓯᓗᑎᑦ ᕾᒐᓛᓕᕆᑦ ᖁᕕᐊᓱᖕᓂᕐᒧᑦ, ᐃᕐᓂᓱᖕᓂᐅᑉ ᐋᓐᓂᐊᓇᕐᓂᖓᓂᒃ ᖃᐅᔨᓚᐅᕐᓯᒪᖏᑦᑐᑎᑦ! ᕿᑐᕐᖏᓱᐃᑦᑐᖅ ᑭᖑᕚᖃᕐᓂᕐᓴᐅᓂᐊᕐᒪᑦ ᐅᐃᓕᖕᒥᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 15:9

ᐊᕐᓇᖅ 7ᓂᒃ ᕿᑐᕐᖓᓕᒃ ᓄᑮᕈᑎᓂᐊᕐᐳᖅ ᐊᓂᕐᓇᖏᕐᓗᓂᓗ; ᓯᕿᓂᖅ ᑕᑯᓐᓇᕈᓐᓃᕐᓂᐊᕐᐹ ᓱᓕ ᐅᓪᓘᒐᓗᐊᕐᑎᓪᓗᒍ; ᖁᕕᐊᓇᖏᑦᑐᒦᓐᓂᐊᕐᐳᖅ ᑲᓐᖑᓇᕐᑐᒦᓪᓗᓂᓗ. ᐊᒥᐊᒃᑰᔫᓪᓗ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:53

ᑳᒃᑐᑦ ᓂᕿᒃᓴᖏᓐᓂᒃ ᑐᓂᓯᕕᒋᕔᑦ ᐱᐅᔪᓂᒃ, ᐊᔪᕐᓴᖏᑦᑐᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᑉᐰᑦ.

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᒐᓔᑎᐊᒥᐅᓄᑦ 4:27

ᐊᒡᓔᑦ ᑎᑎᕋᕐᓯᒪᖕᒪᑕ, “ᐊᕐᓈᖅ ᕿᑐᕐᖏᓱᐃᑦᑐᑎᑦ ᖁᕕᐊᓱᒋᑦ; ᕾᒐᓛᕐᓗᑎᑦ ᓂᓪᓕᐊᒋᑦ, ᐃᕐᓂᓱᖕᓂᕐᒧᑦ ᐋᓐᓂᐊᓚᐅᕐᓯᒪᖏᑦᑐᑎᑦ; ᐊᕐᓇᖅ ᑐᓄᑕᐅᓯᒪᔪᕕᓂᖅ ᕿᑐᕐᖏᐅᕐᓂᕐᓴᐅᖕᒪᑦ ᐊᕐᓇᐅᖃᑎᒥᓂᑦ ᐅᐃᒥᓄᑦ ᕿᒪᒃᑕᐅᓚᐅᕐᓯᒪᖏᑦᑐᒥᑦ.”

ᕉᑎᐅᑉ ᐅᓂᒃᑲᐅᓯᓂᖓ 4:15

ᐅᑯᐊᕕᑦ ᓇᒡᓕᒋᒐᒥᑎᑦ, ᐊᒡᓛᑦ ᐃᕐᓂᖃᕋᔭᕈᕕᑦ 7ᓂᒃ ᐃᑲᔪᕐᓂᕐᓴᕆᕚᑎᑦ, ᒫᓐᓇᓕ ᐃᕐᖑᑕᕐᑖᕐᑎᒻᒪᑎᑦ ᐊᖑᑎᑯᓗᖕᒥᒃ, ᐃᓕᖕᓂᒃ ᐋᖅᑭᒃᓯᒃᑲᓐᓂᕐᓂᐊᕐᑐᒥᒃ ᐃᓄᑐᖃᐅᓕᕐᑎᓪᓗᑎᓪᓗ ᐰᕆᔨᒋᓂᐊᕐᑕᕐᓂᒃ.”

ᓴᒧᐃᓕ ᓯᕗᓪᓖᑦ 1:20

ᑕᒪᑐᒪ ᑭᖑᓂᖓᒍᑦ ᕼᐋᓇ ᓄᑕᕋᒃᓴᕐᑖᕐᐳᖅ, ᕿᑐᕐᖓᕐᑖᕐᕕᒃᓴᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ, ᐊᑦᓯᕐᐹᓗ ᓴᒧᐃᓕᒥ, ᐅᖃᕐᓗᓂ, “ᐊᑕᓂᖅ ᕿᓄᕕᒋᓚᐅᕋᒃᑯ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 1:6

ᐱᓃᓇᓗ, ᑖᑦᓱᒧᖓ ᐸᒡᕕᓵᖃᑕᐅᕙᓚᐅᕐᐳᖅ ᑲᓐᖑᓱᒃᑎᓪᓗᒍᓗ, ᐊᑕᓂᕐᒧᑦ ᐃᒡᓕᐊᖓ ᒪᑐᔭᐅᓯᒪᓂᖓ ᐱᑦᔪᑎᒋᓪᓗᒍ.