ᓴᒧᐃᓕ ᓯᕗᓪᓖᑦ 19:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᒻᒥᓂᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᓐᖏᓚᖅ ᑐᖁᑦᓯᔭᕐᑐᕐᑎᓪᓗᒍ ᐱᓕᔅᑍᓂᒥᐅᑕᕐᒥᒃ, ᐊᑕᓂᕐᓗ ᐊᖏᔪᕐᔪᐊᒥᒃ ᐱᐅᓕᒃᓯᓚᐅᕐᐳᖅ ᐃᓴᕆᐊᓕᒥᐅᓂᒃ. ᑕᑯᒐᕕᑦ, ᖁᕕᐊᓱᓚᐅᕐᐳᑎᑦ; ᓱᖕᒪᓪᓕ ᒫᓐᓇ ᐊᔪᕐᑐᓕᔪᒪᕖᑦ ᐊᐅᖕᒥᒃ ᐸᓯᔭᒃᓴᐅᖏᑦᑐᒥᒃ ᑐᖁᑦᓯᔪᒪᓪᓗᑎᑦ ᑍᕕᑎᒥᒃ ᐱᑦᔪᑎᒃᓴᖃᖏᑦᓯᐊᕐᓗᑎᑦ?”

ᓴᒧᐃᓕ ᓯᕗᓪᓖᑦ 19:5 Iomraidhean Croise

ᓴᒧᐃᓕ ᐂᑉᐸᖏᑦ 23:10

ᑖᓐᓇ ᕿᒪᒃᓯᓇᓂ ᐃᓂᒥᓂ ᓂᑯᕕᓚᐅᕐᐳᖅ ᐱᓕᔅᑍᓂᒥᐅᓪᓗ ᑐᖁᕋᓚᐅᕐᐰᑦ ᐊᒡᒐᖏᑦ ᑕᖃᓚᐅᖏᓐᓂᖏᓐᓂ, ᓴᕕᒡᔪᐊᖓ ᓂᐱᓐᖓᓕᓚᐅᕐᐳᖅ ᐊᒡᒐᖓᓄᑦ; ᐊᑕᓂᕐᓗ ᐊᖏᔪᒥᒃ ᓵᓚᒃᓴᕐᑎᑦᓯᓚᐅᕐᐳᖅ ᑍᑦᓱᒪᓂ ᐅᓪᓗᒥ; ᐅᓇᑕᕐᑐᒃᓮᓪᓕ ᐅᑎᓚᐅᕐᐳᑦ ᐃᓕᓯᕆᒧᑦ ᐊᓐᓄᕅᔭᕐᓯᔭᕐᑐᑐᐃᓐᓇᓕᕐᓗᑎᒃ ᑐᖁᖓᔪᓂᒃ.

ᑯᕉᓂᑲ ᓯᕗᓪᓖᑦ 11:14

ᑖᓐᓇᓕ ᕿᒪᒃᓯᓇᓂ ᐃᓂᒥᓂ ᓱᕐᕋᓚᐅᓐᖏᓚᖅ, ᐱᕈᕐᓰᕕᐅᑉ ᕿᑎᖓᓂ ᓴᐳᓐᓂᐊᕐᓗᓂ, ᐱᓕᔅᑍᓂᒥᐅᓪᓗ ᑐᖁᓚᐅᕐᐰᑦ; ᐊᑕᓂᐅᓪᓗ ᐱᐅᓕᓚᐅᐰᑦ ᓵᓚᒃᓴᕕᒡᔪᐊᕐᑎᓪᓗᒋᑦ ᑕᕝᕙᓂ.

ᑯᕉᓂᑲ ᓯᕗᓪᓖᑦ 11:18

ᑖᒃᑯᐊ ᐊᖑᑏᑦ ᐱᖓᓱᑦ ᐊᔪᖏᑦᑐᐊᓗᐃᑦ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑎᒎᕐᓗᑎᒃ, ᐃᒥᕐᑕᕐᕕᖕᒥᑦ ᐃᒥᕐᑕᓚᐅᕐᓯᒪᕗᑦ ᐱᑦᓕᐊᒻᒥᑦ ᐃᑎᕐᑕᕐᕕᐅᑉ ᓴᓂᐊᓃᑦᑐᒥᑦ, ᑐᓂᓪᓗᒍᓗ ᑍᕕᑎᒧᑦ. ᑍᕕᑎᐅᓪᓕ ᐃᒥᕈᒪᓚᐅᓐᖏᓛ; ᑯᕕᓚᐅᕐᐹᓕ ᐊᑕᓂᕐᒧᑦ.

ᐃᓐᖏᕈᑎᑦ 109:5

ᐱᑦᓯᐊᕐᓂᕋ ᐊᑭᓕᕐᑕᐅᕗᖅ ᐱᑦᓯᐊᖏᓐᓂᕐᒧᑦ, ᓇᒡᓕᖕᓂᕋᓗ ᐊᑭᓕᕐᑕᐅᕗᖅ ᐆᒥᓱᖕᓂᕐᒧᑦ.

ᐃᓐᖏᕈᑎᑦ 119:109

ᐃᓅᓯᕋ ᑐᓂᑐᐃᓐᓇᕆᐊᖃᕐᑕᑦᑐᑦ ᑎᒍᒥᐊᖏᓐᓇᕐᐸᕋ, ᐱᖁᔭᑎᓪᓕ ᓱᓕ ᐳᐃᒍᓚᐅᓐᖏᓚᒃᑲ.

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᐃᓐᖏᕈᑎᑦ 94:21

ᑖᒃᑯᐊ ᑲᑎᒪᓕᕐᐳᑦ ᐃᓱᐊᕐᑐᓕᔪᑦ ᐊᑭᕋᕐᑐᕈᒪᓪᓗᒋᑦ, ᐸᓯᔭᒃᓴᐅᖏᑦᑐᓪᓗ ᑐᖁᑕᒃᓴᕈᕐᑎᑉᐰᑦ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 26:15

ᖃᐅᔨᒪᒋᑦᓯᓕ, ᑐᖁᒃᑯᑦᓯᓐᖓ ᐸᓯᔭᒃᓴᑑᓂᐊᕐᐳᓯ ᑐᖁᑦᑎᓯᒪᓂᑦᓯᓐᓂᒃ ᐸᓯᔭᒃᓴᐅᖏᑦᑐᒥᒃ, ᐊᑕᓂᐅᑉ ᐅᖃᖁᓚᐅᕐᒪᖓ ᑕᒪᒃᑯᓂᖓ ᐅᖃᐅᓯᕐᓂᒃ ᑐᓵᑎᓪᓗᓯ.”

ᒫᑎᐅᓯᐅᑉ ᐊᒡᓚᖏᑦ 27:24

ᐰᓛᑑᓯᓕ ᑐᑭᓯᓕᕋᒥ ᐱᕙᓪᓕᐊᑎᑦᓯᖏᓐᓂᕐᒥᓂᒃ, ᐃᓄᒐᓴᒡᔪᐊᑦ ᐱᕋᔭᑐᐃᓐᓇᕆᐊᖃᕐᑑᔮᓕᕐᒪᑕ, ᐃᒥᕐᒥᒃ ᑯᕕᓯᓪᓗᓂ ᐊᒡᒐᓂ ᐅᐊᓴᕐᐰᑦ ᐃᓄᒐᓴᒡᔪᐊᑦ ᓵᖏᓐᓂ, ᐅᖃᕐᓗᓂ, “ᑖᑦᓱᒪ ᑐᖁᑕᐅᓂᖓᓄᑦ ᐸᓯᔭᒃᓴᐅᓐᖏᓚᖓ; ᐃᓕᑦᓯ ᑐᖁᑕᐅᑎᑉᐸᓯ.”

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᔪᐊᓇᓯᐅᑉ ᐊᒡᓚᖏᑦ 15:25

ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᕐᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐱᓕᐱᒥᐅᓄᑦ 2:30

ᐃᓛᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᕐᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 12:3

ᖃᐅᔨᒐᒪᓕ ᓴᐳᑦᔨᓇᓱᐊᕐᓂᐊᖏᓐᓂᑦᓯᓐᓂᒃ, ᐃᓅᓯᕋ ᐊᑦᑕᕐᓇᕐᑐᒦᑎᓚᐅᕐᐸᕋ, ᐃᑳᕐᓗᖓᓗ ᔪᐊᕐᑕᓂᒥᒃ ᐅᓇᑕᕆᐊᓚᐅᕐᐳᖓ ᐊᒧᓁᑎᓂᒃ, ᐊᑕᓂᐅᓪᓗ ᓵᓚᖃᕐᑎᓚᐅᕐᐹᖓ ᑖᒃᑯᓂᖓ; ᓱᖕᒪᓪᓕ ᕾᕕᓯ ᐅᓇᑕᕆᐊᕐᑐᕐᓗᖓ ᒫᓐᓇ?”

ᐃᓗᐊᕐᓮᔩᑦ ᐊᒡᓚᖏᑦ 9:17

ᐊᑖᑕᒪ ᐅᓇᑕᐅᑎᓚᐅᕐᐹᓯ ᐃᒻᒥᓂᒡᓗ ᐊᑦᑕᕐᓇᕐᑐᒃᑰᕐᑎᓚᐅᕐᐳᖅ, ᓴᐳᑎᓪᓗᓯᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ.

ᓴᒧᐃᓕ ᓯᕗᓪᓖᑦ 11:13

ᓴᐅᓕᓕ ᐅᖃᕐᐳᖅ, “ᐅᓪᓗᒥ ᑐᖁᑕᐅᔪᖃᕐᓂᐊᓐᖏᓚᖅ, ᐅᓪᓗᒥ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᖕᒪᒋᑦ.”

ᓴᒧᐃᓕ ᓯᕗᓪᓖᑦ 14:45

ᑕᕝᕙ ᐃᓄᐃᑦ ᐅᖃᕐᐳᑦ ᓴᐅᓕᒧᑦ, “ᔫᓇᑕᓂ ᑐᖁᔪᒃᓴᐅᕚ ᐊᖏᔪᕐᔪᐊᒥᒃ ᓵᓚᖃᕐᓂᕐᒥᒃ ᐱᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ? ᑍᒤᑦᑐᒃᓴᐅᓐᖏᓚᖅ! ᐊᑕᓂᖅ ᐆᒪᖕᒪᑦ, ᑖᑦᓱᒪ ᓵᖓᓂ ᔫᓇᑕᓂᐅᑉ ᓄᔭᖓ ᐊᑕᐅᓯᕐᓘᓐᓃᑦ ᓂᐊᖁᖓᓂᑦ ᑲᑕᖕᓂᐊᓐᖏᓚᖅ ᓄᓇᒧᑦ; ᐅᓪᓗᒥ ᐱᓂᐊᕐᓂᖓ ᒎᑎᐅᑉ ᐃᑲᔪᕐᓂᖓᓂᑦ ᐱᓯᒪᖕᒪᑦ.” ᑕᕝᕙ ᐃᓄᐃᑦ ᓴᐳᑦᔨᓚᐅᕐᐳᑦ ᔫᓇᑕᓂᒥᒃ, ᔫᓇᑕᓂᓗ ᑐᖁᑕᐅᓚᐅᓐᖏᓚᖅ.

ᓴᒧᐃᓕ ᓯᕗᓪᓖᑦ 19:6

ᓴᐅᓕᐅᓪᓗ ᔫᓇᑕᓂᐅᑉ ᐅᖃᐅᓯᖏᑦ ᓈᓚᓚᐅᕐᐰᑦ, ᐊᖏᒻᒪᕆᒃᐳᕐᓗ ᐅᖃᕐᓗᓂ, “ᐊᑕᓂᖅ ᐃᓅᖕᒪᑦ, ᑍᕕᑎ ᑐᖁᑕᐅᔪᒃᓴᐅᓐᖏᓚᖅ.”

ᓴᒧᐃᓕ ᓯᕗᓪᓖᑦ 20:32

ᑕᕝᕙ ᔫᓇᑕᓂ ᑭᐅᕗᖅ ᐊᑖᑕᒥᓄᑦ ᓴᐅᓕᒧᑦ ᐅᖃᕐᓗᓂ, “ᖃᓄᐃᒻᒪᑦ ᑐᖁᔪᒃᓴᐅᕚ? ᓱᓇᒥᒃ ᐱᓇᓱᐊᕐᓯᒪᖕᒪᑦ?”

ᓴᒧᐃᓕ ᓯᕗᓪᓖᑦ 22:14

ᑕᕝᕙ ᐊᕼᐃᒥᓕᒃ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᑍᕕᑎ ᐅᐱᓐᓇᕐᑑᓪᓗᓂ ᐱᔨᒋᕙᑦ, ᐊᖓᔪᖅᑳᕐᔪᐊᕐᒧᓪᓗ ᓂᖓᐅᒋᔭᐅᓪᓗᓂ, ᐊᖓᔪᖅᑳᖑᓪᓗᓂᓗ ᓴᐳᓐᓂᐊᕐᑎᖁᑎᖏᓐᓄᑦ, ᑖᓐᓇ ᐃᓕᖕᓂᒃ ᓈᓚᒃᐳᖅ ᐅᐱᓐᓇᑦᓯᐊᕐᓗᓂᓗ ᐃᒡᓗᖁᑎᖕᓂ.

ᓴᒧᐃᓕ ᓯᕗᓪᓖᑦ 28:21

ᐊᕐᓇᐅᓪᓗ ᓴᐅᓕ ᐅᐸᒃᑲᒥᐅᒃ, ᑕᑯᒐᒥᐅᒡᓗ ᑲᑉᐱᐊᓱᓪᓚᕆᖕᓂᖓᓂᒃ, ᐅᖃᐅᑎᕚ, “ᑕᑯᒋᑦ, ᐊᖓᔪᖅᑳᒃ ᐃᓕᖕᓂᒃ ᓈᓚᒃᓱᖓ ᐱᓇᓱᐊᓚᐅᕐᐳᖓ; ᐃᓅᓯᕋ ᖁᔭᓈᕐᓱᒍ ᐱᓇᓱᐊᕐᑕᐅᖁᔭᕐᓂᒃ ᐱᓇᓱᐊᓚᐅᕐᐳᖓ.