ᓴᒧᐃᓕ ᓯᕗᓪᓖᑦ 19:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐊᓐᓄᕅᔭᕐᓗᓂᓗ ᓇᓚᐅᑦᑍᖃᑕᐅᓕᕆᕗᖅ ᓴᒧᐃᓕᐅᑉ ᓵᖓᓂ, ᐅᓪᓗᓕᒫᕐᓗ ᐅᓐᓄᐊᓕᒫᕐᓗ ᓇᓚᓚᐅᕐᐳᖅ ᑕᕝᕙᓂ ᐊᓐᓄᕌᖃᕋᓂ. ᑍᒤᒻᒪᑦ ᐅᖃᕐᑐᖃᓕᕐᐳᖅ, “ᓴᐅᓕ ᐊᒡᓛᑦ ᒎᑎᒧᑦ ᐅᖃᕐᑎᐅᖃᑕᐅᓕᕆᕚ?”

ᓴᒧᐃᓕ ᓯᕗᓪᓖᑦ 19:24 Iomraidhean Croise

ᓴᒧᐃᓕ ᐂᑉᐸᖏᑦ 6:14

ᑍᕕᑎᓗ ᑖᓂᓯᓚᐅᕐᐳᖅ ᐊᑕᓂᐅᑉ ᓵᖓᓂ ᐱᔪᓐᓇᕐᓂᓕᒫᒥᓂᒃ ᐊᑐᕐᓗᓂ; ᕿᑎᕈᓯᕐᓯᒪᓪᓗᓂ ᖃᓪᓗᓈᕐᑕᒥᒃ ᓵᑦᑐᒥᒃ ᑖᓐᓇᓗ ᐊᑐᕐᑕᑐᐊᕆᓪᓗᒍ.

ᓴᒧᐃᓕ ᐂᑉᐸᖏᑦ 6:20

ᑭᖑᓂᖓᒍᑦ ᑍᕕᑎ ᐊᖏᕐᕋᒥᓄᐊᕐᐳᖅ ᐃᓚᒥᓄᑦ, ᒤᑲᐅᓪᓕ ᓴᐅᓕᐅᑉ ᐸᓂᖓᑕ ᐸᕐᕆᐊᕐᐹ, ᐅᖃᐅᑎᓪᓗᒍᓗ, “ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐅᐱᓐᓇᕐᑎᑉᐳᖅ ᐅᓪᓗᒥ, ᐃᒻᒥᓂᒃ ᑕᑯᔭᐅᑎᓚᐅᕐᒪᑦ ᐱᔨᒥᓄᑦ ᐊᕐᓇᓄᑦ, ᓯᓔᑦᑐᑎᑐᑦ ᑲᓐᖑᓱᒐᓂ ᐊᓐᓄᕅᔭᓚᐅᕐᐳᖅ ᑕᑯᓐᓇᕐᑎᓪᓗᒋᑦ!”

ᐂᓮᐊᓯᐅᑉ ᐊᒡᓚᖏᑦ 20:2

ᐊᕐᕌᒍᑦ ᐱᖓᓱᑦ ᓯᕗᓂᖓᓂ ᐊᑕᓂᐅᑉ ᐂᓮᐊᓯ ᐂᒨᓯᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᐃᑎᒐᒍᑎᒥᓂᒃ ᐲᕐᓯᖁᓪᓗᒍ ᐊᓐᓄᕅᔭᖁᓪᓗᓂᐅᒡᓗ ᕿᒃᓵᒃᑐᕐᓯᐅᑎᓂᒃ ᐊᑐᕐᑕᖏᓐᓂᒃ, ᐊᑕᓂᖅ ᓈᓚᒡᓗᒍ ᐱᓱᑲᑕᓕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ.

ᒤᑲᐅᑉ ᐊᒡᓚᖏᑦ 1:8

ᑕᒪᓐᓇ ᐱᑦᔪᒋᓗᒍ ᓂᐹᕐᓗᖓ ᕿᐊᔪᒫᕐᐳᖓ, ᐱᓱᒍᒫᕐᐳᖓ ᐊᓐᓄᕌᖃᖏᓪᓗᖓ ᑲᒥᓪᓛᕐᓗᖓᓗ ᐱᓱᒍᒫᕐᐳᖓ ᓂᐹᕐᓗᖓ ᕿᒻᒥᖓᔪᑎᑐᑦ, ᕿᒃᓵᒡᓗᖓᓗ ᑎᖕᒥᐊᕐᔪᐊᑎᑐᑦ ᐋᔅᑐᕆᓯᑎᑐᑦ.

ᒨᓯᓯ ᓯᑕᒪᖏᑦ 24:4

ᒎᑎᒧᑦ ᐅᖃᕐᑎᑕᐅᓂᖓ, ᑐᓵᔫᑉ ᒎᑎᐅᑉ ᓂᐱᖓᓂᒃ, ᑕᐅᑐᒃᑎᑕᐅᔫᓪᓗ ᐊᔪᒐᖃᖏᑦᑐᑉ ᑕᑯᑎᑦᓯᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᐋᐴᓯᑕᓖᑦ ᐱᓂᐊᕐᓂᖏᑦ 9:21

ᑐᓴᕐᑐᓕᒫᑦ ᑲᒪᓂᐊᕐᐳᑦ ᐅᖃᕐᓗᑎᒡᓗ, “ᑖᓐᓇᐅᓐᖏᓛᖅ ᔨᕉᓴᓕᒻᒥ ᑐᖁᑕᐅᑎᑦᓯᖃᑦᑕᓚᐅᕐᑐᖅ ᔩᓱᓯᒧᑦ ᑐᒃᓯᐊᕐᐸᒃᑐᓂᒃ? ᐅᕗᓐᖓᓚᐅᓐᖏᓚᕐᓘ ᑎᒍᓯᔭᕐᑐᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ ᐅᑎᐅᑎᔪᒪᓪᓗᒌᑦ?”

ᓴᒧᐃᓕ ᓯᕗᓪᓖᑦ 10:6

ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖓᑕ ᑎᑭᑦᓱᒫᕐᐹᑎᑦ, ᓇᓚᐅᑦᑍᖃᑕᐅᓕᕐᓗᑎᓪᓗ ᑖᒃᑯᓄᖓ, ᐊᓯᑦᔨᕐᑕᐅᔪᒫᕐᐳᑎᓪᓗ.

ᓴᒧᐃᓕ ᓯᕗᓪᓖᑦ 15:35

ᓴᒧᐃᓕᐅᓪᓗ ᓴᐅᓕ ᑕᑯᒃᑲᓐᓂᓚᐅᕈᓐᓃᕐᐹ ᑐᖁᓚᐅᖅᑳᕐᑎᓐᓇᒍ, ᓴᒧᐃᓕᐅᓪᓕ ᓴᐅᓕ ᕿᒃᓵᒍᑎᒋᓚᐅᕐᐹ. ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᓴᐅᓕᒥᒃ ᐊᖓᔪᖅᑳᕐᔪᐊᕈᕐᑎᑦᓯᓚᐅᕐᓂᕐᒥᓂᒃ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 18:10

ᖃᐅᑎᓪᓗᒍ ᐊᓂᕐᓂᕐᓗᖕᒧᑦ ᒎᑎᒥᑦ ᐱᔪᒥᑦ ᓴᐅᓕ ᐊᐅᓚᑕᐅᓕᕐᐳᖅ, ᐃᒡᓗᒥᓂᓗ ᐱᓇᓱᐊᓕᕐᐳᖅ ᑐᑭᖃᑦᓯᐊᖏᑦᑐᑎᑐᑦ, ᑍᕕᑎ ᑯᑭᑦᑕᐹᓚᐅᕐᐳᖅ ᕼᐊᕐᐱᒧᑦ ᑍᒤᑉᐸᒃᑲᒥ ᖃᐅᑕᒫᑦ. ᓴᐅᓕᓕ ᑎᒍᒥᐊᓚᐅᕐᐳᖅ ᖃᓗᒋᐊᒥᓂᒃ;