ᓴᒧᐃᓕ ᓯᕗᓪᓖᑦ 19:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᑯᓐᖓᓗ ᐂᕗᖅ ᓁᐅᑎᒧᑦ ᕌᒪᒦᑦᑐᒧᑦ; ᒎᑎᐅᓪᓗ ᐊᓂᕐᓂᖓᑕ ᑎᑭᕝᕕᒋᓚᐅᕆᕚ, ᑖᓐᓇᓗ ᓇᓚᐅᑦᑍᖃᑕᐅᓕᕆᕗᖅ ᕌᒪᒧᑦ ᑎᑭᓚᐅᖏᓐᓂᕐᒥᓂ.

ᓴᒧᐃᓕ ᓯᕗᓪᓖᑦ 19:23 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:9

ᐃᓅᑉ ᐃᓱᒪᖓᑕ ᐊᑐᕐᓂᐊᕐᑕᖏᓐᓂᒃ ᐋᖅᑭᒃᓲᑎᕚ, ᐊᑕᓂᐅᓪᓕ ᑕᓯᐅᕐᐹ ᐱᓱᖕᓂᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᒨᓯᓯ ᓯᑕᒪᖏᑦ 23:5

ᐊᑕᓂᐅᑉ ᐸᓛᒻ ᐅᖃᐅᓯᒃᓴᖃᕐᑎᑉᐹ ᐅᖃᐅᑎᓪᓗᒍᓗ, “ᐰᓚᒃᒧᑦ ᐅᑎᓕᕆᑦ, ᐃᒫᒡᓗ ᐅᖃᕐᓗᑎᑦ.”

ᒨᓯᓯ ᓯᑕᒪᖏᑦ 24:2

ᐸᓛᒻ ᐊᕙᒻᒧᑦ ᕿᕕᐊᕋᒥ, ᐃᓴᕆᐊᓕᒥᐅᑦ ᑕᖕᒫᕐᓯᒪᔪᑦ ᑕᑯᕔᑦ ᐊᕕᒃᑐᕐᓯᒪᓪᓗᑎᒃ ᑭᖑᕚᖑᖃᑎᒌᑦ ᑲᑎᓐᖓᔪᑦ, ᒎᑎᐅᓪᓗ ᐊᓂᕐᓂᖓᑕ ᑎᑭᑉᐹ.

ᒫᑎᐅᓯᐅᑉ ᐊᒡᓚᖏᑦ 7:22

ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ, ᐊᒥᓱᑦ ᐅᕙᓐᓄᑦ ᐅᖃᕈᒫᕐᐳᑦ, ‘ᐊᑕᓃᖅ, ᐊᑕᓃᖅ! ᐊᑎᕐᓂ ᒎᑎᐅᑉ ᐅᖃᕐᑕᐅᖁᔭᖓᓂᒃ ᐅᖃᓪᓚᖃᑦᑕᓚᐅᕐᐳᒍᑦ, ᐊᑎᕐᓂᓗ ᐊᓂᕐᓂᕐᓗᐃᑦ ᐊᒥᓱᑦ ᐃᓄᖕᓂᑦ ᐊᓂᑎᖃᑦᑕᓚᐅᕐᐸᕗᑦ, ᐅᓄᕐᑐᓂᒡᓗ ᑲᒪᓇᕐᑐᓕᓂᕐᓂᒃ ᓴᖅᑭᑎᑦᓯᖃᑦᑕᓚᐅᕐᐳᒍᑦ!’

ᔪᐊᓇᓯᐅᑉ ᐊᒡᓚᖏᑦ 11:51

ᑕᒪᑐᒥᖓ ᐃᒻᒥᓂᒃ ᐅᖃᓚᐅᓐᖏᓚᖅ; ᐊᕐᕌᒍᒥᓕ ᑕᒪᑐᒪᓂ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᒻᒪᕆᒋᔭᐅᒐᒥ ᒎᑎᐅᑉ ᐅᖃᕐᑕᐅᖁᔭᖓᓂᒃ ᐅᖃᐅᓯᖃᓚᐅᕐᐳᖅ ᔩᓱᓯ ᑐᖁᑕᐅᔪᒃᓴᐅᖕᒪᑦ ᐃᓅᖃᑎᒌᒡᔪᐊᑦ ᐱᓪᓗᒋᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᓴᒧᐃᓕ ᓯᕗᓪᓖᑦ 10:10

ᖃᖅᑲᒧᓪᓗ ᑎᑭᓐᓇᒥᒃ ᒋᐱ-ᐊᒧᑦ, ᓇᓚᐅᑦᑍᔨᓂᑦ ᐅᐸᒃᑕᐅᕗᑦ; ᒎᑎᐅᓪᓗ ᐊᓂᕐᓂᖓᑕ ᐊᖏᔪᕐᔪᐊᒧᑦ ᑎᑭᑉᐹ, ᓇᓚᐅᑦᑍᖃᑕᐅᓕᕐᓗᓂᓗ ᑖᒃᑯᓇᓂ.

ᓴᒧᐃᓕ ᓯᕗᓪᓖᑦ 10:12

ᐊᖑᑏᑦ ᐃᓚᖓ ᑕᕝᕙᓂᒥᐅᖅ ᑭᐅᕗᖅ ᐅᖃᕐᓗᓂ, “ᑭᓇᒦᒃ ᐊᑖᑕᖃᕐᐸ?” ᑍᒤᒻᒪᑦ ᐅᖃᐅᓯᕐᑕᖃᓕᓚᐅᕐᐳᖅ ᐃᒫᒃ, “ᓴᐅᓕ ᓇᓚᐅᑦᑍᔪᓄᑦ ᐃᓚᒋᔭᐅᕚ?”

ᓴᒧᐃᓕ ᓯᕗᓪᓖᑦ 10:6

ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖓᑕ ᑎᑭᑦᓱᒫᕐᐹᑎᑦ, ᓇᓚᐅᑦᑍᖃᑕᐅᓕᕐᓗᑎᓪᓗ ᑖᒃᑯᓄᖓ, ᐊᓯᑦᔨᕐᑕᐅᔪᒫᕐᐳᑎᓪᓗ.

ᓴᒧᐃᓕ ᓯᕗᓪᓖᑦ 18:10

ᖃᐅᑎᓪᓗᒍ ᐊᓂᕐᓂᕐᓗᖕᒧᑦ ᒎᑎᒥᑦ ᐱᔪᒥᑦ ᓴᐅᓕ ᐊᐅᓚᑕᐅᓕᕐᐳᖅ, ᐃᒡᓗᒥᓂᓗ ᐱᓇᓱᐊᓕᕐᐳᖅ ᑐᑭᖃᑦᓯᐊᖏᑦᑐᑎᑐᑦ, ᑍᕕᑎ ᑯᑭᑦᑕᐹᓚᐅᕐᐳᖅ ᕼᐊᕐᐱᒧᑦ ᑍᒤᑉᐸᒃᑲᒥ ᖃᐅᑕᒫᑦ. ᓴᐅᓕᓕ ᑎᒍᒥᐊᓚᐅᕐᐳᖅ ᖃᓗᒋᐊᒥᓂᒃ;

ᓴᒧᐃᓕ ᓯᕗᓪᓖᑦ 19:18

ᑍᕕᑎᓕ ᕿᒪᒃᓯᕗᖅ ᐊᓐᓇᒃᓗᓂᓗ ᑖᒃᑯᓇᓐᖓᑦ, ᓴᒧᐃᓕᒧᐊᕐᐳᕐᓗ ᕌᒪᒦᑦᑐᒧᑦ ᐅᖃᐅᑎᓪᓗᒍᓗ ᓴᐅᓕᐅᑉ ᐱᓂᐊᕐᓂᕆᓚᐅᕐᑕᓕᒫᖏᓐᓂᒃ. ᑕᕝᕙ ᓴᒧᐃᓕᒃᑯᒃ ᐂᕘᒃ ᓁᐅᑎᒧᑦ ᑕᕝᕙᓃᓕᕐᓗᑎᒡᓗ.

ᓴᒧᐃᓕ ᓯᕗᓪᓖᑦ 19:20

ᑕᕝᕙ ᓴᐅᓕ ᑎᓕᓯᕗᖅ ᑎᒍᔭᐅᔭᕐᑐᖁᓪᓗᒍ ᑍᕕᑎ; ᒎᑎᐅᓪᓕ ᐅᖃᕐᑎᖏᓐᓂᒃ ᑕᑯᒐᒥᒃ ᓇᓚᐅᑦᑍᓪᓗᑎᒃ ᕾᒐᓛᕐᑐᓂᒃ, ᓴᒧᐃᓕᓗ ᓇᖏᖃᑕᐅᓪᓗᓂ ᑕᓯᐅᕐᑎᐅᑎᓪᓗᒍ, ᑕᕝᕙ ᒎᑎᐅᑉ ᐊᓂᕐᓂᖓᑕ ᑎᑭᕝᕕᒋᕔᑦ ᓴᐅᓕᐅᑉ ᑎᓕᓯᒪᔭᖏᑦ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕐᐳᑦ.

ᓴᒧᐃᓕ ᓯᕗᓪᓖᑦ 19:22

ᑕᕝᕙ ᐃᒻᒥᓂᒃ ᕌᒪᒧᐊᕆᕗᖅ, ᐃᒥᕐᑕᕐᕕᖕᒧᓪᓗ ᓰᑯᒦᑦᑐᒧᑦ ᐊᖏᔪᒧᑦ ᑎᑭᑉᐳᖅ; ᐊᐱᕆᓪᓗᓂᓗ, “ᓴᒧᐃᓕᒃᑯᒃ ᑍᕕᑎᒃᑯᒃ ᓇᓃᑉᐹᒃ?” ᐅᖃᐅᑦᔭᐅᕗᖅ, “ᑕᑯᒋᑦ, ᓁᐅᑎᒦᑉᐴᒃ ᕌᒪᒥ.”