ᓴᒧᐃᓕ ᓯᕗᓪᓖᑦ 19:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓴᐅᓕ ᐅᖃᐅᑦᔭᐅᒐᒥ ᑕᒪᑐᒥᖓ, ᑎᓕᓯᒋᐊᓪᓚᒃᐳᖅ ᑍᑯᖓ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕆᕗᑦ. ᐱᖓᔪᐊᓐᓂᒡᓗ ᓴᐅᓕ ᑎᓕᓯᒋᕗᖅ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕆᕗᑦ.

ᓴᒧᐃᓕ ᓯᕗᓪᓖᑦ 19:21 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:22

ᓯᓔᑦᑐᖅ ᓯᖃᓪᓕᒐᓗᐊᕈᕕᐅᒃ ᓂᐊᖂᔭᒃᓴᑐᑦ ᓯᖃᓪᓕᔭᐅᕙᒃᑐᑐᑦ, ᓯᓔᓐᓂᖓᑕ ᕿᒪᖕᓂᐊᓐᖏᓛ.

ᔨᕆᒤᐊᐅᑉ ᐊᒡᓚᖏᑦ 13:23

ᐃᑎᐅᐱᐊᒥᐅᑕᖅ ᐅᕕᓂᖕᒥᑕ ᑕᕐᓴᖓᓂᒃ ᐊᓯᑦᔩᔪᓐᓇᕐᐹ? ᐅᕝᕙᓘᓐᓃᑦ ᓛᔭᐅᔮᕐᑑᑉ ᑕᕐᓴᓪᓛᒋᔭᓂ ᖁᐱᓴᕈᐊᑦᑐᑦ ᐲᔭᕈᓐᓇᕐᐸᒌᑦ? ᐱᐅᔪᒥᒃ ᐱᓇᓱᐊᓕᕈᓐᓇᖏᓐᓂᕗᓯ ᐱᐅᖏᑦᑐᒥᒃ ᓱᖏᐅᑎᓯᒪᓂᕐᒧᑦ.

ᔪᐃᓕᐅᑉ ᐊᒡᓚᖏᑦ 2:28

“ᓇᓪᓕᐅᑎᔪᒫᕐᐳᖅ ᒪᑐᒪ ᑭᖑᕐᖓᒍᑦ ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ; ᐃᕐᓂᓯ ᐸᓂᓯᓗ ᐅᖃᐅᓯᖃᖃᑦᑕᕈᒫᕐᐳᑦ ᐅᖃᐅᓯᐅᖁᔭᓐᓂᒃ, ᐃᓄᑐᖃᓯ ᓯᓐᓇᒃᑑᒪᖃᑦᑕᕈᒫᕐᐳᑦ, ᐃᓅᓱᒃᑐᓯᓗ ᑕᑯᑎᑦᔪᑎᓂᒃ ᑕᑯᖃᑦᑕᕈᒫᕐᐳᑦ.

ᓴᒧᐃᓕ ᓯᕗᓪᓖᑦ 19:20

ᑕᕝᕙ ᓴᐅᓕ ᑎᓕᓯᕗᖅ ᑎᒍᔭᐅᔭᕐᑐᖁᓪᓗᒍ ᑍᕕᑎ; ᒎᑎᐅᓪᓕ ᐅᖃᕐᑎᖏᓐᓂᒃ ᑕᑯᒐᒥᒃ ᓇᓚᐅᑦᑍᓪᓗᑎᒃ ᕾᒐᓛᕐᑐᓂᒃ, ᓴᒧᐃᓕᓗ ᓇᖏᖃᑕᐅᓪᓗᓂ ᑕᓯᐅᕐᑎᐅᑎᓪᓗᒍ, ᑕᕝᕙ ᒎᑎᐅᑉ ᐊᓂᕐᓂᖓᑕ ᑎᑭᕝᕕᒋᕔᑦ ᓴᐅᓕᐅᑉ ᑎᓕᓯᒪᔭᖏᑦ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕐᐳᑦ.

ᓴᒧᐃᓕ ᓯᕗᓪᓖᑦ 19:22

ᑕᕝᕙ ᐃᒻᒥᓂᒃ ᕌᒪᒧᐊᕆᕗᖅ, ᐃᒥᕐᑕᕐᕕᖕᒧᓪᓗ ᓰᑯᒦᑦᑐᒧᑦ ᐊᖏᔪᒧᑦ ᑎᑭᑉᐳᖅ; ᐊᐱᕆᓪᓗᓂᓗ, “ᓴᒧᐃᓕᒃᑯᒃ ᑍᕕᑎᒃᑯᒃ ᓇᓃᑉᐹᒃ?” ᐅᖃᐅᑦᔭᐅᕗᖅ, “ᑕᑯᒋᑦ, ᓁᐅᑎᒦᑉᐴᒃ ᕌᒪᒥ.”