ᓴᒧᐃᓕ ᓯᕗᓪᓖᑦ 18:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᕕᑎᓗ ᐂᖃᑦᑕᓚᐅᕐᐳᖅ ᓴᐅᓕᐅᑉ ᑎᓕᓯᑦᔪᑎᒋᔭᖏᓐᓄᑦ ᓇᒧᑐᐃᓐᓇᖅ ᐱᔪᓐᓇᑦᓯᐊᕐᐸᒡᓗᓂ, ᓯᓚᑐᓂᖃᑦᓯᐊᕐᓗᓂᓗ; ᑍᒤᒻᒪᑦ ᓴᐅᓕᐅᑉ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᖁᑎᒥᓄᑦ. ᓴᐅᓕᐅᓪᓗ ᐃᓄᖁᑎᖏᑕ ᐊᖓᔪᖅᑳᖁᑎᖏᑕᓗ ᑕᒪᓐᓇ ᖁᕕᐊᒋᑦᓯᐊᓚᐅᕐᐹᑦ.

ᓴᒧᐃᓕ ᓯᕗᓪᓖᑦ 18:5 Iomraidhean Croise

ᒨᓯᓯ ᓯᕗᓪᓖᑦ 39:23

ᑎᒍᔭᐅᓯᒪᕕᐅᑉ ᐊᖓᔪᖅᑳᖓ ᔫᓯᐱᐅᑉ ᐱᓇᓱᐊᕐᑕᓕᒫᖏᓐᓂᒃ ᐃᒃᐱᒍᓱᒋᐊᖃᖃᑦᑕᓚᐅᓐᖏᓚᑦ, ᐊᑕᓂᐅᑉ ᐃᓚᒋᓚᐅᕐᒪᒍ; ᖃᓄᑐᐃᓐᓇᕐᓗ ᐱᓇᓱᐊᑐᐊᕌᖓᑦ, ᐊᑕᓂᐅᑉ ᐱᕙᓪᓕᐊᑦᓯᐊᕐᑎᖃᑦᑕᓚᐅᕐᐹ.

ᓴᒧᐃᓕ ᐂᑉᐸᖏᑦ 5:10

ᑍᕕᑎᓗ ᓲᖑᓯᕙᓪᓕᐊᑐᐃᓐᓇᓕᓚᐅᕐᐳᖅ, ᐊᑕᓂᐅᑉ ᒎᑎᐅᑉ ᖁᑦᓯᖕᓂᕐᐹᖑᔫᑉ, ᐃᓚᒋᓚᐅᕐᒪᒍ.

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᑯᕉᓂᑲ ᐂᑉᐸᖏᑦ 17:3

ᐊᑕᓂᐅᑉ ᔨᕼᐆᓴᐸᑦ ᐃᓚᒋᕚ, ᐊᑖᑕᖓᑕ ᐱᒋᐊᓕᓵᕐᓂᖓᑐᑦ ᐃᓅᓚᐅᕐᒪᑦ, ᐰᓕᓂᒃ ᒎᑎᓐᖑᐊᓂᒃ ᑕᑎᖃᓚᐅᖏᒻᒪᑦ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 101:2

ᓯᓚᑐᑦᓯᐊᕐᓗᖓ ᓈᒻᒪᓈᑦᓯᐊᕐᓗᖓᓗ ᐃᓅᔪᒪᕗᖓ. ᖃᖓ ᐅᕙᓐᓄᑦ ᕾᓂᐊᕐᐲᑦ? ᐃᓅᔪᒪᕗᖓ ᐆᒻᒪᑎᒃᑯᑦ ᓱᓕᑦᓯᐊᕐᑐᒦᓪᓗᖓ ᐊᖏᕐᕋᓐᓂ;

ᒫᑎᐅᓯᐅᑉ ᐊᒡᓚᖏᑦ 10:16

“ᑕᑯᒋᑦ ᓰᐱᑎᑐᑦ ᑎᓕᕙᑦᓯ ᐊᒪᕈᐃᑦ ᐊᑯᕐᖓᓐᓄᑦ; ᑍᒤᒻᒪᑦ ᖁᒡᓗᒋᐊᑎᑐᑦ ᐅᑦᔨᕐᓱᑎᐊᕆᑦᓯ, ᑑᕕᑎᑐᓪᓗ ᐱᖁᓐᓂᕐᑎᒋᓗᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᑯᓘᓯᐊᒥᐅᓄᑦ 4:5

ᓯᓚᑐᔪᒥᒃ ᐱᓂᐊᕐᓂᖃᕆᑦᓯ ᐅᒃᐱᖏᑦᑐᓄᑦ; ᐱᕕᒃᓴᓯᓗ ᐊᑐᑦᓯᐊᖃᑦᑕᕐᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 1:19

ᐊᑕᓂᐅᑉ ᐃᓚᒋᓚᐅᕐᐰᑦ ᔫᑕᐅᑉ ᑭᖑᕚᖏᑦ. ᓄᓇᑖᕐᓗᑎᒡᓗ ᖃᖅᑲᓕᖕᒥᒃ, ᑭᓯᐊᓂᓕ ᓯᖏᑦᓯᔪᓐᓇᓚᐅᓐᖏᓚᑦ ᐃᓄᖕᓂᒃ ᒪᓂᕋᕐᒦᑦᑐᓂᒃ ᕿᒧᒃᓯᐅᑎᓄᑦ ᑲᓕᒐᖃᓚᐅᕐᒪᑕ ᐊᒃᓴᓗᐊᓕᖕᓂᒃ ᓴᕕᕋᔭᖕᓂᒃ.

ᓴᒧᐃᓕ ᓯᕗᓪᓖᑦ 13:2

ᓴᐅᓕ ᓂᕈᐊᕐᐳᖅ ᐊᖑᑎᓂᒃ 3,000ᓂᒃ ᐃᓴᕆᐊᓕᒥᐅᓂᑦ; 2,000ᓮᑦ ᓇᔫᑎᓚᐅᕐᐳᑦ ᒥᒃᒫᔅᒥ ᖃᖅᑲᒥ ᐱᑎᓕᐅᑉ ᓄᓇᖓᓂ, 1,000ᓮᑦ ᐃᕐᓂᖓᓂ ᔫᓇᑕᓂᒦᑎᓪᓗᒋᑦ ᒋᐱᐊᒥ ᐱᓐᔭᒥᓂᐅᑉ ᓄᓇᖓᓂ; ᐊᓯᖏᓪᓕ ᓴᐅᓕᐅᑉ ᐊᖏᕐᕋᕐᑎᑉᐰᑦ ᐊᖏᕐᕋᖏᓐᓄᑦ.

ᓴᒧᐃᓕ ᓯᕗᓪᓖᑦ 14:52

ᐃᓅᓂᓕᒫᒥᓂ ᓴᐅᓕ ᐊᒃᓱᕈᕐᓗᓂ ᐅᓇᑕᓚᐅᕐᐳᖅ ᐱᓕᔅᑍᓂᒥᐅᓂᒃ; ᐊᖑᒻᒥᒃ ᓴᓐᖏᔪᒥᒃ ᓯᕘᕋᖏᑦᑐᒥᒡᓗ ᑕᑯᑐᐊᕌᖓᒥ ᐅᓇᑕᕐᑎᒥᓄᑦ ᐃᓚᓕᐅᑎᕙᓚᐅᕐᐰᑦ.

ᓴᒧᐃᓕ ᓯᕗᓪᓖᑦ 18:16

ᐃᓴᕆᐊᓕᒥᐅᓕᒫᓪᓕ ᔫᑕᒥᐅᓪᓗ ᐱᓐᓇᕈᓱᓕᓚᐅᕐᐳᑦ ᑍᕕᑎᒥᒃ; ᑕᓯᐅᕐᑎᑦᓯᐊᕙᐅᓂᖓᓄᑦ ᐊᐅᓪᓚᕐᑎᓪᓗᒋᑦ ᐅᑎᕐᑎᓪᓗᒋᓪᓗ.

ᓴᒧᐃᓕ ᓯᕗᓪᓖᑦ 18:30

ᐱᓕᔅᑍᓂᒥᐅᓪᓕ ᐊᖓᔪᖅᑳᖏᑕ ᐅᓇᑕᕐᑎᖏᑦ ᐅᓇᑕᕆᐊᕐᐳᑦ, ᐅᓇᑕᕆᐊᑐᐊᕐᒪᑕᓕ ᑍᕕᑎ ᓵᓚᖃᕐᓂᕐᓴᐅᖃᑦᑕᓚᐅᕐᐳᖅ ᓴᐅᓕᐅᑉ ᐱᔨᓕᒫᖏᓐᓂᑦ; ᑍᕕᑎᓗ ᐅᐱᒋᔭᐅᓂᕐᒧᑦ ᐱᓪᓚᕆᕈᕐᑎᑕᐅᒻᒪᕆᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 18:4

ᔫᓇᑕᓂᐅᑉ ᐅᓕᒡᔪᐊᓂ ᐊᑐᕐᑕᓂ ᐲᕐᐹ ᑐᓂᓪᓗᒍᓗ ᑍᕕᑎᒧᑦ, ᓴᐴᓗᑕᓂᓗ ᓴᒡᕕᖕᒥᐅᑕᓂ, ᓴᕕᒡᔪᐊᓂᓗ, ᐱᑎᒃᓯᓂᓗ, ᕿᑎᕉᑎᓂᓗ.

ᓴᒧᐃᓕ ᓯᕗᓪᓖᑦ 18:6

ᑍᕕᑎ ᐅᑎᓕᕐᑎᓪᓗᒍ ᑐᖁᑦᓯᓚᐅᕐᓗᓂ ᐱᓕᔅᑍᓂᒥᐅᒥᒃ ᐅᓇᑕᕐᑐᒃᓮᓪᓗ ᐃᓚᒋᓪᓗᒋᑦ, ᐊᕐᓁᑦ ᐃᓴᕆᐊᓕᒥᐅᑦ ᓄᓇᖓᓃᑦᑐᑦ ᐸᕐᕆᐊᕐᐳᑦ ᐊᖓᔪᖅᑳᕐᔪᐊᒥᒃ ᓴᐅᓕᒥ, ᖁᕕᐊᓇᕐᑐᓂᒃ ᐃᓐᖏᕐᓗᑎᒃ, ᑖᓂᓯᕐᓗᑎᒡᓗ, ᓂᓪᓕᐊᑎᑦᓯᓪᓗᑎᒡᓗ ᓯᕙᓂᕈᑎᓂᒃ ᑯᑭᑦᑕᐸᐅᑎᓂᒡᓗ.

ᓴᒧᐃᓕ ᓯᕗᓪᓖᑦ 3:19

ᓴᒧᐃᓕᓕ ᐱᕈᕐᐸᓪᓕᐊᓚᐅᕐᐳᖅ, ᐊᑕᓂᐅᓪᓗ ᐃᓚᒋᓚᐅᕐᐹ ᓱᓕᑎᖃᑦᑕᓚᐅᕐᐰᓪᓗ ᓴᒧᐃᓕᐅᑉ ᐅᖃᐅᓯᕆᔭᓕᒫᖏᑦ.