ᓴᒧᐃᓕ ᓯᕗᓪᓖᑦ 18:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐱᓕᔅᑍᓂᒥᐅᓪᓕ ᐊᖓᔪᖅᑳᖏᑕ ᐅᓇᑕᕐᑎᖏᑦ ᐅᓇᑕᕆᐊᕐᐳᑦ, ᐅᓇᑕᕆᐊᑐᐊᕐᒪᑕᓕ ᑍᕕᑎ ᓵᓚᖃᕐᓂᕐᓴᐅᖃᑦᑕᓚᐅᕐᐳᖅ ᓴᐅᓕᐅᑉ ᐱᔨᓕᒫᖏᓐᓂᑦ; ᑍᕕᑎᓗ ᐅᐱᒋᔭᐅᓂᕐᒧᑦ ᐱᓪᓚᕆᕈᕐᑎᑕᐅᒻᒪᕆᓚᐅᕐᐳᖅ.

ᓴᒧᐃᓕ ᓯᕗᓪᓖᑦ 18:30 Iomraidhean Croise

ᓴᒧᐃᓕ ᐂᑉᐸᖏᑦ 11:1

ᐊᕐᕌᒍᒥ ᑕᕝᕙᓂ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑦ ᐅᓇᑕᕆᐊᖃᑦᑕᕐᑎᓪᓗᒋᑦ, ᑍᕕᑎᐅᑉ ᔪᐊᐱ ᑎᓕᓚᐅᕐᐹ ᐊᖓᔪᖅᑳᖁᑎᖏᓪᓗ, ᐃᓴᕆᐊᓕᒥᐅᓪᓗ ᐅᓇᑕᕐᑐᒃᓴᖏᑦ; ᐊᒧᓁᑎᒥᐅᓪᓗ ᓵᓚᒋᓚᐅᕐᐰᑦ, ᕌᐸᐅᓪᓗ ᐃᒡᓗᒐᓴᖏᑦ ᑎᒍᓪᓗᒋᑦ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 7:9

ᐃᓚᒌᓐᓇᓚᐅᕐᐸᒋᑦ ᓇᒧᑐᐃᓐᓇᖅ ᐂᑎᓪᓗᑎᑦ, ᐊᑭᕋᓕᒫᑎᓪᓗ ᓵᓚᒋᖃᑦᑕᓚᐅᕐᐸᒃᑲ ᐱᓪᓗᑎᑦ; ᐅᐱᓐᓇᕐᑐᓐᖑᕐᑎᓐᓂᐊᕐᐸᒋᑦ, ᑍᒃᑯᑎᑐᓇᖅ ᐅᐱᓐᓇᕐᑑᓯᒪᔪᑎᑐᑦ ᓄᓇᕐᔪᐊᕐᒥ.

ᐊᑕᓃᑦ ᐂᑉᐸᖏᑦ 1:13

ᓱᓕ ᐊᖓᔪᖅᑳᕐᔪᐊᖅ ᑎᓕᓯᒃᑲᓐᓂᕆᕗᖅ ᐱᖓᔪᒋᓕᕐᑕᖓᓐᓂᒃ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ ᐅᓇᑕᕐᑐᒃᓴᓂᒃ 50ᓂᒃ ᐃᓚᖃᕐᑎᓪᓗᒍ. ᑖᓐᓇᓕ ᐅᓇᑕᕐᑐᕐᓮᑦ ᐊᖓᔪᖅᑳᖓᑦ ᐃᓔᑦᔭᐅᑉ ᓵᖓᓄᑦ ᓰᖁᕐᓗᓂ ᐃᓚᓐᓂᕐᓴᕐᕕᒋᓪᓗᒍ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᐃᓅᓯᕋ ᐅᑯᐊᓗ ᐅᓇᑕᕐᑐᒃᓮᑦ ᐱᔨᒋᔭᕕᑦ ᐃᓅᓯᖏᑦ ᐊᓐᓂᕆᒃᑭᑦ.

ᐃᓐᖏᕈᑎᑦ 116:15

ᐊᑕᓂᐅᑉ ᑕᑯᓐᓇᕐᑕᖓᒍᑦ ᐃᑦᔪᕐᓁᑦᑐᖁᑎᖏᑕ ᑐᖁᓂᖏᑦ ᐊᑭᑐᔪᕐᔪᐊᖑᕗᑦ.

ᐃᓐᖏᕈᑎᑦ 119:99

ᖃᐅᔨᒪᓂᕐᓴᐅᕗᖓ ᐃᓕᓮᔨᒋᓯᒪᔭᓕᒫᓐᓂᑦ, ᐃᓕᓮᑦᔪᑎᒋᓯᒪᔭᑎᑦ ᐃᓱᒪᒃᓴᕐᓯᐅᕈᑎᒋᓯᒪᒐᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:8

ᐊᖑᑦ ᐅᖃᐅᓯᐅᑦᓯᐊᕐᐸᒃᐳᖅ ᐱᐅᔪᓂᒃ ᐃᓱᒪᖃᕐᓂᖓ ᐱᓪᓗᒍ, ᐱᐅᖏᑦᑐᓂᒡᓕ ᐃᓱᒪᖃᕐᑐᖅ ᓇᕐᕈᒋᔭᐅᒐᔪᒃᐳᖅ.

ᑖᓂᐊᓕᐅᑉ ᐊᒡᓚᖏᑦ 1:20

ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᐃᐱᓯᒥᐅᓄᑦ 5:15

ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ.

ᐲᑦᑐᕉᓯ ᓯᕗᓪᓖᑦ 2:4

ᐊᑕᓂᕐᒧᐊᕐᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᕐᑐᒧᑦ ᒎᑎᐅᓪᓕ ᓂᕈᐊᓚᐅᕐᑕᖓᓄᑦ ᑖᑦᓱᒧᖓ ᐱᕕᐊᕐᓇᒻᒪᕆᒃᑐᒧᑦ.

ᐲᑦᑐᕉᓯ ᓯᕗᓪᓖᑦ 2:7

ᐃᓕᑦᓯᓐᓄᓪᓕ ᐅᒃᐱᕐᑐᓄᑦ, ᐅᔭᕋᒃ ᑖᓐᓇ ᐅᐱᒋᔭᐅᕗᖅ. ᐅᒃᐱᕈᒪᓐᖏᑦᑐᓄᓪᓕ, “ᐅᔭᕋᒃ ᐃᒡᓗᓕᐅᕐᑐᓄᑦ ᓇᕐᕈᒋᔭᐅᔪᖅ, ᑐᓐᖓᕕᓪᓚᕆᐅᓪᓗᓂ ᑎᕆᖅᑯᕆᔭᐅᓂᖓ ᐊᑑᑎᖃᕐᓂᕐᐹᖑᓕᕐᐳᖅ.”

ᓴᒧᐃᓕ ᓯᕗᓪᓖᑦ 18:29

ᓴᐅᓕᐅᓪᓕ ᑍᕕᑎ ᑲᑉᐱᐊᒋᒋᐊᓪᓚᓕᓚᐅᕐᐹ. ᐊᑭᕋᕐᑐᕆᐊᓪᓚᓕᕐᓗᓂᐅᒡᓗ ᑲᔪᓯᔪᒥᒃ.

ᓴᒧᐃᓕ ᓯᕗᓪᓖᑦ 18:5

ᑍᕕᑎᓗ ᐂᖃᑦᑕᓚᐅᕐᐳᖅ ᓴᐅᓕᐅᑉ ᑎᓕᓯᑦᔪᑎᒋᔭᖏᓐᓄᑦ ᓇᒧᑐᐃᓐᓇᖅ ᐱᔪᓐᓇᑦᓯᐊᕐᐸᒡᓗᓂ, ᓯᓚᑐᓂᖃᑦᓯᐊᕐᓗᓂᓗ; ᑍᒤᒻᒪᑦ ᓴᐅᓕᐅᑉ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᖁᑎᒥᓄᑦ. ᓴᐅᓕᐅᓪᓗ ᐃᓄᖁᑎᖏᑕ ᐊᖓᔪᖅᑳᖁᑎᖏᑕᓗ ᑕᒪᓐᓇ ᖁᕕᐊᒋᑦᓯᐊᓚᐅᕐᐹᑦ.

ᓴᒧᐃᓕ ᓯᕗᓪᓖᑦ 19:8

ᐅᓇᑕᕐᓂᕐᓗ ᐱᒋᐊᒃᑲᓐᓂᕐᐳᖅ; ᑍᕕᑎᓗ ᐅᓇᑕᕆᐊᕐᐳᖅ ᐱᓕᔅᑍᓂᒥᐅᓂᒃ, ᐅᓄᕐᑐᕐᔪᐊᓂᒡᓗ ᑐᖁᕅᕗᑦ, ᑖᒃᑯᐊᓗ ᕿᒫᕗᑦ ᑖᑦᓱᒥᖓᑦ.

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.

ᓴᒧᐃᓕ ᓯᕗᓪᓖᑦ 26:21

ᑕᕝᕙ ᓴᐅᓕ ᐅᖃᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᑎᓕᕆᑦ, ᐃᕐᓃᒃ ᑍᕕᑏ, ᐋᓐᓂᕋᓱᐊᕐᓂᐊᕈᓐᓃᕐᐸᒋᑦ, ᐃᓅᓯᕋ ᐱᐅᓕᓚᐅᕋᕕᐅᒃ ᐅᓪᓗᒥ; ᑕᑯᒋᑦ, ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᕗᖓ, ᐱᐅᖏᑦᑐᐊᓗᖕᒥᒡᓗ ᐱᓇᓱᐊᕐᓯᒪᓪᓗᖓ.”

ᓴᒧᐃᓕ ᓯᕗᓪᓖᑦ 26:24

ᑕᑯᒋᑦ, ᑍᒫᒃ ᐅᓪᓗᒥ ᐱᐅᓕᖅᑲᐅᒐᒃᑭᑦ, ᑍᒫᒃᑕᐅᖅ ᐊᑕᓂᐅᑉ ᐱᓂᐊᕐᕕᒋᓕᖓ ᐃᓱᐃᓪᓕᐅᕈᑎᒃᑲᓗ ᐲᕐᑎᓪᓗᓂᒋᑦ.”