ᓴᒧᐃᓕ ᓯᕗᓪᓖᑦ 18:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᕝᕙ ᓴᐅᓕ ᐅᖃᕐᐳᖅ ᑍᕕᑎᒧᑦ, “ᐅᓇ ᐸᓂᒐ ᐊᖓᔪᒃᓯᖅ ᒥᕋᑉ; ᐃᓕᖕᓄᑦ ᑐᓂᔭᕋ ᓄᓕᐊᕐᑖᖑᖁᓪᓗᒍ, ᓯᕘᕋᖏᓪᓗᑎᑦ ᐅᓇᑕᕐᓂᐊᕈᕕᑦ, ᐊᑕᓂᐅᑉ ᐅᓇᑕᕐᓂᖓᓂᒃ.” ᓴᐅᓕ ᐃᓱᒪᖃᓚᐅᕋᒥ, “ᐱᔪᓐᓇᕐᓂᓐᓄᑦ ᑖᑦᓱᒥᖓ ᐱᓇᓱᐊᖏᓪᓗᖓ, ᐱᓕᔅᑍᓂᒥᐅᓪᓕ ᐱᔪᓐᓇᕐᓂᖏᑦ ᐱᓇᓱᐊᖔᓕᕐᓕᑦ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 18:17 Iomraidhean Croise

ᓴᒧᐃᓕ ᐂᑉᐸᖏᑦ 11:15

ᐃᒫᒃ ᑎᑎᕋᓚᐅᕐᐳᖅ, “ᔪᕅᐊ ᓯᕗᓪᓕᕐᐸᐅᑎᓪᓗᒍ ᑎᓕᓚᐅᕈᒃ ᐅᓇᑕᕐᕕᐅᓂᕐᐹᒧᑦ, ᕿᒪᒡᓗᒍᓗ ᑐᖁᑕᐅᖁᓪᓗᒍ.”

ᓴᒧᐃᓕ ᐂᑉᐸᖏᑦ 12:9

ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᐅᖃᐅᓯᖓᓂᒃ? ᓱᖕᒪᑦ ᐱᐅᖏᑦᑐᐊᓗᖕᒥᒃ ᐱᓂᐊᓚᐅᕐᐲᑦ? ᔪᕅᐊ ᕼᐃᑍᑎᒥᐅᑕᖅ ᐅᓇᑕᕐᑐᓂ ᑐᖁᑕᐅᑎᓚᐅᕐᐸᑦ; ᐊᒧᓁᑎᒥᐅᓄᑦ ᑐᖁᑕᐅᑎᓚᐅᕐᐸᑦ, ᓄᓕᐊᖓᓗ ᓄᓕᐊᕐᑖᕆᓪᓗᒍ!

ᓴᒧᐃᓕ ᐂᑉᐸᖏᑦ 6:16

ᐃᒃᓯᕐᕕᒃ ᐃᒡᓗᒐᓴᖕᓄᐊᕐᑕᐅᓕᕐᑎᓪᓗᒍ, ᒤᑲᐅᓪ ᓴᐅᓕᐅᑉ ᐸᓂᖓ ᑕᑯᓴᕋᒥ ᐃᒐᓛᒃᑯᑦ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ ᑖᓂᓯᕐᑐᒥᒃ ᕿᒡᒋᕐᑕᕐᑐᒥᒡᓗ ᐊᑕᓂᐅᑉ ᓵᖓᓂ; ᐆᒻᒪᑎᒥᒍᓪᓗ ᖁᕕᐊᒋᔪᓐᓃᓚᐅᕐᐹ.

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᐃᓐᖏᕈᑎᑦ 55:21

ᐅᖃᐅᓯᖏᑦ ᐱᐊᖕᓂᕐᓴᐅᕗᑦ ᐸᑕᒥᑦ, ᐅᓇᑕᕈᒪᓂᕐᓕ ᐆᒻᒪᒥᐅᑕᕆᕚᑦ; ᐅᖃᐅᓯᖏᑦ ᐃᓱᐊᕐᓯᑎᑦᓯᓂᕐᓴᐅᕗᑦ ᐅᕐᓱᒥᑦ, ᑭᓯᐊᓂ ᓴᕕᒡᔪᐊᒥᒃ ᑎᒍᒥᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:24

ᓇᓪᓕᐊᑦ ᐆᒥᓱᒃᑐᖅ, ᐃᔨᕐᓯᒪᑎᑉᐹ ᖃᓂᕐᒥᓄᑦ, ᐅᐃᕕᕆᒃᓯᓂᕐᓗ ᐃᓗᒥᓃᑎᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:25

ᐱᑦᓯᐊᕐᓗᓂ ᐅᖃᕐᐸᑦ, ᐅᒃᐱᕆᓂᐊᕐᓇᒍ, ᐆᒻᒪᑎᒥᒍᑦ ᐃᔨᕐᓯᓯᒪᖕᒪᑦ 7ᓂᒃ ᐊᑭᕋᕐᑐᕐᓂᕐᔪᐊᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:26

ᐆᒥᓱᖕᓂᓂ ᐃᔨᕐᓯᒪᔭᕋᓗᐊᖓ ᐅᐃᕕᕆᒃᓯᓂᕐᒥᒃ, ᐱᐅᖏᑦᑐᐊᓘᓂᓂ ᓴᖅᑭᑎᓐᓂᐊᕐᐹ ᐃᓄᒋᐊᒃᑐᑦ ᓵᖓᓂ.

ᒨᓯᓯ ᓯᑕᒪᖏᑦ 21:14

ᑍᒤᒻᒪᑦ ᐅᓇᑕᕐᓂᑦ ᐅᓂᒃᑲᐅᓯᐅᓂᖏᓐᓂ ᐊᑕᓂᖅ ᐅᖃᕐᓯᒪᕗᖅ: “ᐅᐊᕼᐃᑉ ᓲᐸᒦᑦᑐᖅ, ᑰᑦ ᐋᕐᓄᓂᒦᑦᑐᑦ,

ᒨᓯᓯ ᓯᑕᒪᖏᑦ 32:20

ᒨᓯᓯᐅᑉ ᐅᖃᐅᑎᕔᑦ: “ᑍᒤᓕᐅᕈᑦᓯ, ᐅᓇᑕᕐᓂᕐᒧᓪᓗ ᐸᕐᓇᒡᓗᓯ ᐊᑕᓂᐅᑉ ᓵᖓᓂ,

ᒨᓯᓯ ᓯᑕᒪᖏᑦ 32:27

ᐱᔨᑎᓪᓕ ᐃᑳᖃᑕᐅᓂᐊᕐᐳᑦ, ᐊᖑᑎᓕᒫᑦ ᐅᓇᑕᐅᑎᓂᒃ ᓇᒃᓴᕐᓗᑎᒃ, ᐊᑕᓂᐅᑉ ᓵᖓᓂ ᐅᓇᑕᕐᓂᕐᒧᑦ ᐊᑐᐃᓐᓇᐅᓗᑎᒃ ᐊᖓᔪᖅᑳᑦᑕ ᐅᖃᐅᓯᖏᑦ ᒪᓕᒡᓗᒋᑦ.”

ᒨᓯᓯ ᓯᑕᒪᖏᑦ 32:29

ᒨᓯᓯᐅᓪᓗ ᐅᖃᐅᑎᕔᑦ: “ᒑᑎᐅᑉ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᔪᐊᕐᑕᓂᐅᑉ ᐊᑭᐊᓄᑦ ᐃᑳᖃᑎᒋᒍᑦᓯᒋᒃ, ᐊᖑᑎᓕᒫᑦ ᐅᓇᑕᕐᓂᕐᒧᑦ ᐅᐸᓗᖎᕐᓯᒪᓗᑎᒃ ᐊᑕᓂᐅᑉ ᓵᖓᓂ, ᓄᓇᒥᒃ ᓇᔪᕐᑕᑦᓯᓐᓂᒃ ᓵᓚᖃᕈᑦᓯ, ᑖᒃᑯᐊ ᓄᓇᒥᒃ ᒋᓕᐊᑎᒥᒃ ᓄᓇᖁᑎᑖᕐᑎᑦᓴᕆᐊᖃᕐᐸᓯ.

ᒨᓯᓯ ᑕᓪᓕᒪᖏᑦ 17:7

ᖃᐅᔨᓯᒪᔪᓪᓕ ᓯᕗᓪᓕᕐᐸᐅᓗᑎᒃ ᒥᓗᕆᐊᖅᑳᕐᑐᒃᓴᐅᕗᑦ ᐅᔭᖅᑲᓄᑦ ᑐᖁᖁᓪᓗᒍ, ᑕᕝᕙ ᑭᖑᓂᖓᒍᑦ ᐃᓄᓕᒫᑦ ᒥᓪᓗᓕᕋᔭᕐᐳᑦ ᑖᑦᓱᒥᖓ; ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᑍᒤᑦᑐᖅ ᓄᖅᑲᕐᑎᒃᑲᔭᕐᐸᓯ.

ᓴᒧᐃᓕ ᓯᕗᓪᓖᑦ 14:49

ᓴᐅᓕᐅᓪᓕ ᐃᕐᓂᖏᑦ ᐅᑯᐊᖑᕗᑦ ᔫᓇᑕᓂ, ᐃᔅᕕ, ᒪᓪᑭᓱᐊᓗ; ᐸᓂᖏᒡᓗ ᒪᕐᕉᒃ ᐊᑎᖃᕐᐴᒃ ᐊᖓᔪᒃᓯᖅ ᒥᕋᑉᒥᒃ, ᓄᑲᖓᓗ ᒤᑲᓪᒥᒃ;

ᓴᒧᐃᓕ ᓯᕗᓪᓖᑦ 17:25

ᐃᓴᕆᐊᓕᒥᐅᓪᓗ ᐊᖑᑏᑦ ᐅᖃᕐᐳᑦ, “ᐊᖑᑦ ᑖᓐᓇ ᑕᑯᓚᐅᕐᐱᓯᐅᒃ? ᑖᓐᓇ ᐃᓴᕆᐊᓕᒥᐅᓂᒃ ᒥᑕᐅᑎᖃᕐᐳᖅ; ᐃᒤᓕᖓᕗᖅ ᓇᓪᓕᐊᑦ ᑖᑦᓱᒥᖓ ᑐᖁᑦᓯᔪᖅ, ᐊᖓᔪᖅᑳᕐᔪᐊᑉ ᐊᑭᓕᕈᒫᕐᐹ ᐊᔪᕐᓴᖏᑦᔪᑎᒃᓴᓂᒃ, ᐸᓂᓂᓗ ᑖᑦᓱᒧᖓ ᑐᓂᔪᒫᕐᐹ, ᐊᑖᑕᒃᑯᖏᓪᓗ ᐊᑭᓖᖃᑦᑕᕈᓐᓃᕋᔭᕐᐳᖅ ᑖᒃᓰᕈᑎᓂᒃ ᐃᓴᕆᐊᓕᒥᐅᓂ.”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 17:47

ᐅᑯᐊᓗ ᑲᑎᒪᔪᓕᒫᑦ ᖃᐅᔨᖁᓪᓗᒋᑦ ᐊᑕᓂᖅ ᐱᐅᓕᒃᓯᖏᒻᒪᑦ ᓴᕕᒡᔪᐊᒃᑯᑦ ᖃᓗᒋᐊᒃᑯᓪᓗ; ᐅᓇᑕᕐᓂᖅ ᐊᑕᓂᐅᑉ ᐅᓇᑕᕐᓂᕆᕚ ᑐᓂᓂᐊᕐᐹᑎᓪᓗ ᐱᔪᓐᓇᕐᓂᑦᑎᓐᓄᑦ.”

ᓴᒧᐃᓕ ᓯᕗᓪᓖᑦ 18:21

ᐃᓱᒪᖃᕐᓗᓂ, “ᒤᑲᓪ ᑍᕕᑎᒧᑦ ᑐᓂᓂᐊᕐᐸᕋ; ᑖᓐᓇ ᐊᑐᕐᓗᒍ ᐱᕖᕈᑎᑎᓐᓂᐊᕋᒃᑯ, ᐱᓕᔅᑍᓂᒥᐅᓪᓗ ᐊᖅᑯᑎᒋᓗᒋᑦ ᑐᖁᑕᐅᑎᓐᓂᐊᕋᒃᑯ.” ᑍᒤᒻᒪᑦ ᓴᐅᓕᐅᑉ ᑍᕕᑎ ᐅᖃᐅᑎᓕᕆᕚ, “ᒫᓐᓇ ᓂᖓᐅᑖᕆᔭᒃᓴᕆᓕᕐᐸᒋᑦ.”

ᓴᒧᐃᓕ ᓯᕗᓪᓖᑦ 18:25

ᑕᕝᕙ ᓴᐅᓕᐅᑉ ᐅᖃᐅᑎᕔᑦ, “ᐃᒫᒃ ᑍᕕᑎ ᐅᖃᐅᑎᓯᐅᒃ, ‘ᐊᖓᔪᖅᑳᕐᔪᐊᖅ ᑐᓂᓯᕕᐅᔪᒪᓐᖏᓚᖅ ᐊᑭᓕᐅᑎᒃᓴᓂᒃ ᓄᓕᐊᒃᓴᒧᑦ ᐃᒫᖔᕐᓕ ᐱᓇᓱᐊᖁᔨᕗᖅ ᐱᓕᔅᑍᓂᒥᐅᑦ 100ᐃᑦ ᐅᓕᕝᕙᖏᓐᓂᒃ ᐱᔪᒪᕗᖅ, ᐊᑭᕋᖏᓐᓄᑦ ᐊᑭᓂᐊᕈᑎᒃᓴᐅᖁᓪᓗᒋᑦ.’” ᑍᒫᒃ ᓴᐅᓕ ᐃᓱᒪᖃᓚᐅᕐᐳᖅ ᑍᕕᑎ ᑐᖁᑕᐅᔪᓐᓇᖁᓪᓗᒍ ᐱᓕᔅᑍᓂᒥᐅᓄᑦ.

ᓴᒧᐃᓕ ᓯᕗᓪᓖᑦ 18:27

ᑍᕕᑎ ᒪᑭᑉᐳᖅ ᐊᐅᓪᓚᕐᓗᓂᓗ, ᐃᓄᖁᑎᖏᓪᓗ ᑐᖁᑦᓯᕗᑦ ᐱᓕᔅᑍᓂᒥᐅᓂᒃ 200ᓂᒃ; ᑍᕕᑎᐅᓪᓗ ᑐᖁᑕᖏᑕ ᐅᓕᕝᕙᖏᑦ ᐊᖓᔪᖅᑳᕐᔪᐊᒧᐊᕈᑎᕔᑦ ᐊᑭᓕᐅᑎᒋᓪᓗᓂᒋᑦ, ᓂᖓᐅᒃᓴᕐᑖᕆᔭᐅᔪᓐᓇᖁᓪᓗᒍ. ᓴᐅᓕᐅᓪᓗ ᐸᓂᓂ ᒤᑲᓪ ᑐᓂᕚ ᑲᑎᑎᑕᐅᖁᓪᓗᒍ ᑍᕕᑎᒧᑦ.

ᓴᒧᐃᓕ ᓯᕗᓪᓖᑦ 25:28

ᐃᓱᒪᒋᔪᓐᓁᕐᕕᒋᓐᖓ ᐊᖓᔪᖅᑳᒃ ᐊᔪᕐᑐᓕᓂᓐᓂᒃ; ᐊᑕᓂᐅᑉ ᐊᖓᔪᖅᑳᕋ ᕿᓄᐃᓵᕐᑎᑉᐹ ᐃᒡᓗᒥᐅᖃᑎᖏᓪᓗ, ᐊᖓᔪᖅᑳᕋ ᐅᓇᑕᖃᑦᑕᕐᒪᑦ ᐊᑕᓂᐅᑉ ᐅᓇᑕᕐᓂᖏᓐᓂᒃ; ᐱᐅᖏᑦᑐᒥᒡᓗ ᓇᓂᓯᔪᖃᕐᓂᐊᓐᖏᓚᑦ ᐃᓕᖕᓂ ᐃᓅᓂᓕᒫᕐᓂ.

ᓴᒧᐃᓕ ᓯᕗᓪᓖᑦ 30:26

ᑍᕕᑎᓗ ᐅᑎᕋᒥ ᔨᒡᓛᒡᒧᑦ, ᐱᑖᕆᓚᐅᕐᑕᒥ ᐃᓚᖏᓐᓂᒃ ᑐᓂᓯᓚᐅᕐᐳᖅ ᐱᖃᓐᓇᕆᔭᒥᓄᑦ, ᔫᑕᐅᓪᓗ ᐊᖓᔪᖅᑳᖏᓐᓄᑦ, ᐃᒫᒃ ᐅᖃᐅᓯᕐᑕᖃᕐᑐᒥᒃ, “ᐅᓇ ᐃᓕᖕᓄᑦ ᐂᑦᑑᑎᕗᑦ ᐊᑕᓂᕐᒧᑦ ᐊᑭᕋᕐᑐᕐᑐᓂᑦ ᐱᓚᐅᕐᑕᑦᑎᓐᓂᑦ.”