ᓴᒧᐃᓕ ᓯᕗᓪᓖᑦ 17:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑍᕕᑎᓗ ᐅᖃᕐᐳᖅ ᓴᐅᓕᒧᑦ, “ᓇᓪᓕᐊ ᐊᖑᑦ ᐆᒻᒪᑎᒥᒍᑦ ᓴᐱᓕᕐᑍᓕᓕ ᑖᓐᓇ ᐱᓪᓗᒍ; ᐱᔩᑦ ᐅᓇᑕᕆᐊᕐᓂᐊᕐᐳᖅ ᑖᑦᓱᒥᖓ ᐱᓕᔅᑍᓂᒥᐅᑕᕐᒥᒃ.”

ᓴᒧᐃᓕ ᓯᕗᓪᓖᑦ 17:32 Iomraidhean Croise

ᐃᓐᖏᕈᑎᑦ 3:6

ᐃᓄᐃᑦ 10,000ᐃᑦ ᑲᑉᐱᐊᒋᓂᐊᓐᖏᓚᒃᑲ, ᐅᕙᓐᓂᒃ ᐊᕙᓗᓯᓯᒪᔪᑦ ᐊᑭᕋᕐᑐᕈᒪᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 35:4

ᓯᕘᕋᔪᓂᒃ ᐆᒻᒪᑎᓖᑦ ᐅᖃᐅᑎᓕᕐᓯᒋᒃ, “ᓴᓐᖏᒃᑎᓕᕆᑦᓯ, ᐃᕐᓯᓇᓯᓗ! ᑕᑯᒋᑦ, ᒎᑎᓯ ᕾᓕᕐᒪᑦ ᐊᑭᓂᐊᕈᑎᔭᕐᑐᕐᓗᓯ, ᒎᑎᐅᑉ ᐊᑭᓂᐊᕈᓯᖓᓄᑦ; ᑎᑭᓐᓂᐊᕐᐳᖅ ᐱᐅᓕᔭᕐᑐᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᒨᓯᓯ ᓯᑕᒪᖏᑦ 13:30

ᑬᓚᐱᐅᑉ ᐃᓄᐃᑦ ᓂᐸᖏᖁᕔᑦ ᒨᓯᓯᐅᑉ ᓵᖓᓂ, ᐅᖃᕐᓗᓂᓗ, “ᐊᑏ ᒫᓐᓇ ᑖᕗᖓ ᐂᓕᕐᑕ ᐱᑖᕆᔭᕐᑐᓕᕐᓗᒍ, ᐊᔪᖏᓐᓇᑦᑕ ᓵᓚᒋᔪᓐᓇᑦᓯᐊᕋᑦᑎᒍ.”

ᒨᓯᓯ ᓯᑕᒪᖏᑦ 14:9

ᑭᓯᐊᓂ ᐊᑕᓂᖅ ᐊᑭᕋᕐᑐᕐᓂᐊᕐᓇᒍ, ᐅᕝᕙᓗ ᐃᓄᐃᑦ ᑖᕙᓃᑦᑐᑦ ᐃᕐᓯᒋᓂᐊᕐᓇᒋᑦ, ᐅᕙᑦᑎᓐᓄᑦ ᓂᕆᔭᒃᓴᑎᑐᑦ ᑍᒤᑐᐃᓐᓇᕐᒪᑕ; ᓴᐴᓗᑕᖏᑦ ᐊᑐᕈᓐᓁᕐᒪᑕ ᐊᑕᓂᐅᑉ ᐃᓚᒋᖕᒪᑎᒍᑦ. ᐃᕐᓯᒋᓂᐊᕐᓇᒋᑦ.”

ᐄᑉᕈᐃᓄᑦ 12:12

ᑍᒤᒻᒪᑦ ᐊᒡᒐᓯ ᓄᑮᕈᑎᓯᒪᔪᑦ ᖁᒻᒧᐊᒃᑎᓕᕐᓯᒋᒃ ᓰᖅᑯᓯᓗ ᓴᓐᖐᓕᓯᒪᔪᑦ ᓴᓐᖏᒃᑎᓴᓕᕐᓯᒋᒃ,

ᔮᓱᐊᑉ ᐊᒡᓚᖏᑦ 14:12

ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 16:18

ᐱᔨᖓᑕ ᐃᓚᖓ ᐃᓅᓱᒃᑐᖅ ᑭᐅᕗᖅ, “ᑕᑯᒋᑦ, ᑕᑯᓯᒪᕗᖓ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᖓᓂᒃ, ᓂᑦᔭᐅᓯᔭᑦᓯᐊᕈᓐᓇᕐᑐᒥᒃ, ᓯᕘᕋᖏᑦᑐᖅ ᐅᓇᑕᕈᓐᓇᕐᓗᓂᓗ, ᓯᓚᑐᔪᒥᒃ ᐅᖃᐅᓯᖃᕈᓐᓇᕐᑐᖅ, ᑕᑯᒥᓇᕐᑐᖅ; ᐊᑕᓂᐅᓪᓗ ᑖᓐᓇ ᓇᔪᕐᐹ.”

ᓴᒧᐃᓕ ᓯᕗᓪᓖᑦ 17:31

ᑍᕕᑎᐅᓪᓗ ᐅᖃᐅᓯᖏᓐᓂᒃ ᑐᓴᕐᑐᑦ, ᐅᖃᕆᐊᕐᑐᕐᐳᑦ ᓴᐅᓕᒧᑦ; ᑖᑦᓱᒪᓗ ᕾᖁᕚ.