ᓴᒧᐃᓕ ᓯᕗᓪᓖᑦ 16:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”

ᓴᒧᐃᓕ ᓯᕗᓪᓖᑦ 16:7 Iomraidhean Croise

ᒨᓯᓯ ᓯᕗᓪᓖᑦ 4:5

ᑬᓂᐅᓪᓕ ᑐᓂᕐᕈᑎᒋᔭᖓ ᓈᒻᒪᒋᓐᖏᓛ, ᑬᓂᓗ ᓂᓐᖓᕕᒡᔪᐊᕐᐳᖅ, ᑮᓇᕐᓗᓕᕐᓗᓂᓗ.

ᓴᒧᐃᓕ ᐂᑉᐸᖏᑦ 14:25

ᖃᐅᔨᒪᔭᐅᔪᖃᓚᐅᓐᖏᓚᖅ ᐃᓴᕆᐊᓕᒥᐅᓂ ᐋᑉᓴᓚᐅᑉ ᐃᓂᖁᓇᕐᓂᖓᑐᑦ; ᐱᐅᖏᓐᓂᖃᓚᐅᓐᖏᓚᖅ ᓂᐊᖁᐊᓂᑦ ᐱᒋᐊᕐᓗᒍ ᐃᑎᒐᖏᓐᓄᑦ ᑎᑭᓪᓗᒍ.

ᓴᒧᐃᓕ ᐂᑉᐸᖏᑦ 7:20

ᖃᓄᕐᓗ ᐅᖃᒃᑲᓐᓂᕈᓐᓇᕐᐳᖔ ᐃᓕᖕᓄᑦ? ᐱᔩᑦ ᖃᐅᔨᒪᒐᕕᐅᒃ, ᐊᑕᓃᖅ ᒎᑏ!

ᐊᑕᓃᑦ ᓯᕗᓪᓖᑦ 8:39

ᑕᕝᕙ ᐃᓂᒋᔭᕐᓂᑦ ᕿᓚᖕᒥᑦ ᑐᓴᓕᕆᑦ, ᐃᓱᒪᒋᔪᓐᓁᕐᕕᒋᓗᒋᑦ, ᐱᓇᓱᐊᕐᓗᑎᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐆᒻᒪᒻᒥᐅᑕᖏᓐᓂᒃ ᖃᐅᔨᒪᒐᕕᑦ, ᐱᓂᐊᕐᓂᓕᒫᖏᓐᓂᒡᓗ, ᐃᕝᕕᑐᐊᖅ ᖃᐅᔨᒪᔪᑑᒐᕕᑦ ᐃᓄᐃᑦ ᐆᒻᒪᒻᒥᐅᑕᖏᓐᓂᒃ.

ᑯᕉᓂᑲ ᓯᕗᓪᓖᑦ 17:18

ᖃᓄᒃᑲᓐᓃᖅ ᑍᕕᑎ ᐃᓕᖕᓄᑦ ᐅᖃᕈᓐᓇᕐᐹ ᐱᔩᑦ ᐅᐱᓐᓇᕐᓯᑎᑕᐅᖁᓗᒍ? ᐱᔩᑦ ᖃᐅᔨᒪᒐᕕᐅᒃ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᑯᕉᓂᑲ ᐂᑉᐸᖏᑦ 6:30

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐃᓱᒪᒋᔪᓐᓁᕐᓗᒋᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ ᐆᒻᒪᑎᖏᑦ ᖃᐅᔨᒪᒐᕕᒋᑦ, ᐱᓂᐊᕐᓂᖏᓪᓗ ᒪᓕᒡᓗᒋᑦ (ᐃᕝᕕᑐᐊᖅ ᑭᓯᕕᑦ, ᐆᒻᒪᑎᖏᑦ ᖃᐅᔨᒪᒐᕕᒋᑦ ᐃᓅᑉ ᕿᑐᕐᖓᖏᑦ);

ᔫᐱᐅᑉ ᐊᒡᓚᖏᑦ 10:4

ᐅᕕᓂᖃᕐᑐᑎᑐᑦ ᐃᔨᖃᕆᕖᑦ? ᐃᓅᑉ ᑕᑯᓐᓇᕐᑕᖓᑐᑦ ᑕᑯᓐᓇᕆᕖᑦ?

ᔫᐱᐅᑉ ᐊᒡᓚᖏᑦ 35:5

ᕿᓚᖕᒧᑦ ᑕᑯᓴᓚᐅᕆᑦ, ᑕᑯᒋᑦ ᓄᕗᔭᑦ, ᐃᓕᖕᓂᑦ ᖁᑦᓯᖕᓂᕐᓴᐅᕗᑦ.

ᐃᓐᖏᕈᑎᑦ 139:2

ᖃᐅᔨᒪᕙᕐᒪ ᐃᒃᓯᕙᑎᓪᓗᖓ ᓇᖏᕐᑎᓪᓗᖓᓗ; ᐃᓱᒪᒋᔭᒃᑲ ᖃᐅᔨᒪᕙᑎᑦ ᐅᖓᓯᒋᔭᓐᓂᑦ.

ᐃᓐᖏᕈᑎᑦ 7:9

ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:11

ᑲᑉᐱᐊᓇᕐᑐᕕᒃ ᐊᓯᕈᕐᑕᐅᓇᕐᑐᕐᓗ ᐊᑕᓂᐅᑉ ᓵᖓᓂᑉᐳᑦ, ᐊᖏᓂᕐᓴᒥᒡᓕ ᐃᓄᐃᑦ ᐆᒻᒪᒻᒥᐅᑕᖏᑦ ᐃᔨᕐᓯᒪᔪᓐᓇᓐᖏᓚᑦ ᐊᑕᓂᐅᑉ ᓵᖓᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:2

ᐃᓅᑉ ᐊᖅᑯᑎᒋᔭᖏᑦ ᐃᔨᖏᒃᑕ ᓵᖓᓂ ᐱᐅᖏᑦᑐᕐᑕᖃᓐᖏᓚᑦ, ᐊᑕᓂᐅᓪᓕ ᐊᓂᕐᓃᑦ ᖃᐅᔨᓴᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:12

ᐃᒫᒃ ᐅᖃᕈᕕᑦ, “ᑕᒪᑐᒥᖓ ᖃᐅᔨᒪᖏᑦᓯᐊᓚᐅᕐᑐᒍᑦ,” ᐆᒻᒪᑎᓂᒃ ᖃᐅᔨᓴᕐᑑᑉ ᑕᒪᓐᓇ ᐃᓱᒪᒋᓐᖏᓚᐅᒃ? ᑕᕐᓂᕐᓂᒃ ᑲᒪᔨᐅᑉ ᖃᐅᔨᒪᓐᖏᓚᐅᒃ? ᐱᑎᑦᓯᓂᐊᓐᖏᓚᕐᓘ ᐃᓄᖕᓄᑦ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒌᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:30

ᐱᔪᒥᓇᕐᓂᖅ ᐅᐃᕖᕐᕆᒃᓯᔪᓐᓇᕐᐳᖅ, ᑕᐅᑦᑐᑦᓯᐊᕆᖕᓂᖓᓗ ᑍᒤᑦᓮᓐᓇᕈᓐᓇᓐᖏᓚᖅ, ᐊᕐᓇᕐᓕ ᐊᑕᓂᕐᒥᒃ ᓯᕘᕋᔪᖅ ᑖᓐᓇ ᓂᕐᑐᕐᑕᐅᔭᕆᐊᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 11:20

ᐊᑕᓃᕐᓕ ᖁᑦᓯᖕᓂᕐᐸᐅᔪᑎᑦ, ᓈᒻᒪᓈᕐᑐᒥᒃ ᐃᖅᑲᕐᑐᐃᔪᑎᑦ, ᐃᓄᐃᓪᓗ ᐆᒻᒪᑎᖓᓃᑦᑐᓂᒃ ᐃᓱᒪᖓᓃᑦᑐᓂᒡᓗ ᖃᐅᔨᓴᕈᓐᓇᕐᑐᑎᑦ, ᐊᑭᓂᐊᕐᓂᖅ ᑖᒃᑯᓄᖓ ᐃᓕᖕᓄᑦ ᑐᓂᖔᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 20:12

ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓱᐊᕐᑐᒦᑦᑐᑦ ᑲᐅᔨᒪᑦᓯᐊᕋᕕᒋᑦ, ᐃᓱᒪᒥᐅᑕᓂᒃ ᐆᒻᒪᒻᒥᐅᑕᓂᒡᓗ ᑕᑯᓐᓇᕐᑐᑎᑦ, ᑕᑯᔪᒪᕗᖓ ᐊᑭᓂᐊᕐᕕᖃᕐᓂᕐᓂᒃ ᑖᒃᑯᓄᖓ, ᐃᓕᖅᑯᓯᕆᔭᓕᒫᒃᑲ ᐃᓕᖕᓄᑦ ᑐᓂᓯᒪᒐᒃᑭᑦ.

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᔪᐊᓇᓯᐅᑉ ᐊᒡᓚᖏᑦ 7:24

ᑕᑯᒃᓴᐅᔪᑐᐃᓐᓇᖅ ᒪᓕᒡᓗᒍ ᐃᖅᑲᕐᑐᐃᓂᐊᕋᓯ, ᓈᒻᒪᓈᑦᓯᐊᕐᑐᒥᒡᓕ ᐃᖅᑲᕐᑐᐃᖃᑦᑕᕆᑦᓯ ᐱᓂᐊᕐᓂᓪᓚᕆᖓ ᒪᓕᒡᓗᒍ.”

ᔪᐊᓇᓯᐅᑉ ᐊᒡᓚᖏᑦ 8:15

ᑎᒥᐅᑉ ᐃᓕᖅᑯᓯᖓ ᒪᓕᒡᓗᒍ ᐃᖅᑲᕐᑐᐃᕗᓯ, ᐅᕙᖓᓕ ᐃᖅᑲᕐᑐᐃᓐᖏᓚᖓ ᑭᓇᒥᒡᓘᓐᓃᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:10

ᐃᓚᖏᑦ ᐅᖃᕐᐸᖕᒪᑕ, “ᐸᐅᓗᓯ ᑎᑎᕋᖃᑦᑕᕐᒪᑦ ᐊᑦᑕᕈᓱᓐᖏᓗᐊᕐᓗᓂ ᓲᖑᓗᐊᕐᓗᓂᓗ, ᑎᒥᒥᒍᓪᓕ ᓇᔫᑎᓕᕌᖓᒥ ᓴᓐᖐᑦᑑᕗᖅ, ᐅᖃᐅᓯᖏᓪᓗ ᓱᓇᐅᓇᑎᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:7

ᑕᑯᒃᓴᐅᔪᑐᐃᓐᓇᕐᒥᒃ ᑕᐅᑐᒃᑲᑦᓯ. ᓇᓪᓕᐊᑦ ᖁᓚᖏᒃᑯᓂ ᙭ᔅᑑᓯᒧᑦ ᐱᒋᔭᐅᓂᕐᒥᓂᒃ, ᑖᓐᓇ ᐃᒻᒥᓂᒃ ᐃᖅᑬᑎᓕᕐᓕ ᙭ᔅᑑᓯᒧᑦ ᐱᒋᔭᐅᖕᒥᒐᑦᑕᑦᑕᐅᖅ ᑖᒃᑯᑎᑐᓇᖅ.

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᐲᑦᑐᕉᓯ ᓯᕗᓪᓖᑦ 2:4

ᐊᑕᓂᕐᒧᐊᕐᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᕐᑐᒧᑦ ᒎᑎᐅᓪᓕ ᓂᕈᐊᓚᐅᕐᑕᖓᓄᑦ ᑖᑦᓱᒧᖓ ᐱᕕᐊᕐᓇᒻᒪᕆᒃᑐᒧᑦ.

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 2:3

ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ, ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ; ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ, ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.

ᓴᒧᐃᓕ ᓯᕗᓪᓖᑦ 9:2

ᑭᔅ ᐃᕐᓂᖃᓚᐅᕐᐳᖅ ᓴᐅᓕᒥᒃ ᐊᑎᓕᖕᒥᒃ, ᑕᑯᒥᓇᕐᑑᓪᓗᓂ ᐊᖑᒻᒥᒃ ᐃᓅᓱᒃᑐᒥᒃ. ᓴᐅᓕᐅᑉ ᑕᑯᒥᓇᕐᑑᓂᖓ ᐃᓴᕆᐊᓕᒥᐅᓕᒫᓂᑦ ᑕᑯᒥᓇᕐᓂᕐᓴᕐᑕᖃᓚᐅᓐᖏᓚᖅ; ᓴᐅᓕᓗ ᐃᓴᕆᐊᓕᒥᐅᖑᖃᑎᒥᓂᑦ ᐊᖏᓂᕐᓴᐅᓚᐅᕐᐳᖅ ᐃᑎᒐᓪᓗᐊᒥᒃ.