ᓴᒧᐃᓕ ᓯᕗᓪᓖᑦ 16:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.

ᓴᒧᐃᓕ ᓯᕗᓪᓖᑦ 16:13 Iomraidhean Croise

ᓴᒧᐃᓕ ᐂᑉᐸᖏᑦ 12:7

ᓁᑕᓂ ᐅᖃᕐᐳᖅ ᑍᕕᑎᒧᑦ, “ᐊᖑᑦ ᑖᓐᓇ ᐃᕝᕕᐅᕗᖅ. ᐃᒫᒃ ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓ, ‘ᐊᖓᔪᖅᑳᕐᔪᐊᕈᕐᑎᓚᐅᕐᐸᒋᑦ ᐃᓴᕆᐊᓕᒥᐅᓄᑦ, ᓴᐳᑎᓚᐅᕐᐸᒋᓪᓗ ᓴᐅᓕᒥᑦ;

ᓴᒧᐃᓕ ᐂᑉᐸᖏᑦ 2:4

ᔫᑕᐅᓪᓗ ᐃᓄᖏᑕ ᐅᐸᒃᐹᑦ ᕼᐃᐸᕋᓐᒧᑦ, ᑕᕝᕙᓂᓗ ᑍᕕᑎ ᐅᕐᓱᕐᑎᕐᐹᑦ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᔫᑕᒥᐅᓄᑦ. ᑍᕕᑎᓗ ᐅᖃᐅᑎᕚᑦ “ᔭᐲᓯ-ᒋᓖᑎᒥᐅᑦ ᐃᓗᕕᕐᓯᓚᐅᕐᐳᑦ ᓴᐅᓕᒥᒃ.”

ᓴᒧᐃᓕ ᐂᑉᐸᖏᑦ 23:1

ᑍᕕᑎ ᔨᓯᐅᑉ ᐃᕐᓂᖓ ᑖᓐᓇ ᒎᑎᐅᑉ ᐊᖏᔪᕈᕐᑎᓚᐅᕐᐹ, ᔧᑰᑉ ᒎᑎᖓᑕ ᓂᕈᐊᓚᐅᕐᑕᖓ ᐊᖓᔪᖅᑳᕐᔪᐊᓐᖑᖁᓪᓗᒍ, ᐃᓐᖏᐅᓯᓕᐅᕐᑎᐅᓚᐅᕐᑐᖅ ᐱᐅᔪᐊᓗᖕᓂᒃ ᐃᓴᕆᐊᓕᒥᐅᓄᑦ. ᐅᑯᐊ ᑕᕝᕙ ᑍᕕᑎᐅᑉ ᐅᖃᐅᓯᖏᑦ ᑭᖑᓪᓕᕐᐹᑦ:

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᐊᑕᓃᑦ ᐂᑉᐸᖏᑦ 9:6

ᔨᕼᐆ ᓂᑯᕕᓪᓗᓂ ᐃᒡᓗᒧᑦ ᐃᑎᕐᐳᖅ ᑕᕝᕙ ᑖᑦᓱᒪ ᐊᖑᑎᐅᑉ ᒎᑎᒧᑦ ᐅᖃᕐᑎᒋᔭᐅᔫᑉ ᐅᕐᓱ ᔨᕼᐅᑉ ᓂᐊᖁᖓᓄᑦ ᑯᕕᓪᓗᒍ ᐅᖃᐅᑎᕚ, “ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐅᕐᓱᒧᑦ ᒥᖑᐊᕐᐸᒋᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 11:3

ᑍᒤᒻᒪᑦ ᐃᓴᕆᐊᓕᐅᑉ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕐᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒧᑦ; ᑍᕕᑎᐅᓪᓗ ᐊᖏᖃᑎᒌᒍᑎᓕᐅᖃᑎᒋᕔᑦ ᕼᐃᐸᕋᓐᒥ ᐊᑕᓂᐅᑉ ᓵᖓᓂ, ᑖᒃᑯᐊᓗ ᐅᕐᓱᒧᑦ ᒥᖑᐊᕐᐹᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᓄᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ ᓴᒧᐃᓕᒃᑯᑦ.

ᐃᓐᖏᕈᑎᑦ 89:20

ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.

ᐃᓐᖏᕈᑎᑦ 89:21

ᐊᒡᒐᒃᑲ ᑍᒪᓐᖓᑦ ᑖᑦᓱᒪᓃᑦᑐᒃᓴᐅᕗᑦ; ᐱᔪᓐᓇᕐᓂᕐᒪᓗ ᐱᔪᓐᓇᕐᑎᑕᒃᓴᕆᕚ.

ᒨᓯᓯ ᓯᑕᒪᖏᑦ 11:17

ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

ᒨᓯᓯ ᓯᑕᒪᖏᑦ 27:18

ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ: “ᔮᓱᐊ ᓈᓂᐅᑉ ᐃᕐᓂᖓ ᐱᖃᑎᒋᓗᒍ, ᑖᑦᓱᒪᓂ ᐊᓂᕐᓂᕋ ᐃᓂᖃᕐᒪᑦ, ᐸᑎᒻᒥᓂᐊᕐᐸᑦ;

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 13:22

ᓴᐅᓕ ᐊᖓᔪᖅᑲᐅᕕᖕᒥᑦ ᐲᕐᑎᓐᓇᒥᐅᒃ, ᑍᕕᑎ ᑖᒃᑯᓄᖓ ᐊᖓᔪᖅᑳᕐᔪᐊᓐᖑᕐᑎᓚᐅᕐᐹ; ᐃᒫᒃ ᐅᖃᐅᓯᕆᓪᓗᒍ, ‘ᑍᕕᑎ ᓇᓂᕙᕋ ᔨᓯᐅᑉ ᐃᕐᓂᖓ ᐊᖑᑦ ᓈᒻᒪᒋᔭᕋ ᐊᑐᕐᑕᐅᖁᔭᓐᓂᒃ ᐊᑐᑦᓯᐊᕈᓐᓇᕐᑐᖅ.’

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”

ᐄᑉᕈᐃᓄᑦ 11:32

ᖃᓄᖅ ᓱᓕ ᐅᖃᒃᑲᓐᓂᕆᐊᖃᕐᐳᖔ? ᐱᕕᒃᓴᑭᓗᐊᕐᐳᖓ ᐅᖃᐅᓯᖃᕋᓱᐊᕋᔭᕈᒪ ᒋᑎᐅᓂᒥᒃ, ᐸᕌᒃᒥᒃ, ᓵᒻᓲᓂᒥᒃ, ᔨᑉᑕᒥᒃ, ᑍᕕᑎᒥᒃ ᓴᒧᐃᓕᒥᒡᓗ ᓇᓚᐅᑦᑍᔪᓂᒃᓗ

ᐃᓗᐊᕐᓮᔩᑦ ᐊᒡᓚᖏᑦ 11:29

ᐊᑕᓂᐅᓪᓕ ᐊᓂᕐᓂᖓᑕ ᑎᑭᑉᐹ ᔨᑉᑕ. ᐂᕗᕐᓗ ᒋᓕᐊᑎᒧᑦ ᒫᓇᓯᒧᓪᓗ ᑲᔪᓯᓪᓗᓂ ᒥᔅᐱᒧᑦ ᒋᓕᐊᑎᒦᑦᑐᒧᑦ ᑕᕝᕙᓐᖓᓪᓗ ᑲᔪᓯᓪᓗᓂᓗ ᐊᒧᓁᑎᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 13:25

ᐊᑕᓂᐅᓪᓗ ᐊᓂᕐᓂᖓᑕ ᐱᓇᓱᐊᕐᕕᒋᕙᓪᓕᐊᓚᐅᕐᐹ ᒪᕼᐊᓂ ᑖᓐᒥ ᔫᕋᐅᓪᓗ ᐃᔅᑕᐅᓪᓗ ᐊᑯᓐᓂᖓᓂ.

ᐃᓗᐊᕐᓮᔩᑦ ᐊᒡᓚᖏᑦ 14:6

ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᓛᔭᓗ ᐊᓕᒃᑐᕐᓗᒍ ᓲᕐᓗ ᒎᑦᓯᐅᑉ ᓄᕐᕋᖏᑦ ᐊᓕᒃᑐᕐᑕᐅᕙᖕᒪᑕ; ᓱᓇᒥᒃ ᑎᒍᒥᐊᓚᐅᓐᖏᓚᖅ, ᐊᑖᑕᓂᓕ ᐊᓈᓇᓂᓗ ᐱᓂᐊᕐᓂᕐᒥᓂᒃ ᐅᖃᐅᑎᓚᐅᓐᖏᓛᒃ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᓴᒧᐃᓕ ᓯᕗᓪᓖᑦ 1:19

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐊᑕᓂᕐᒧᓪᓗ ᑐᒃᓯᐊᕐᐳᑦ; ᑭᖑᓂᖓᒍᑦ ᐅᑎᕐᐳᑦ ᐊᖏᕐᕋᒧᑦ ᕌᒪᒧᑦ. ᐃᐅᓪᑳᓇᐅᓪᓗ ᕼᐋᓇ ᓄᓕᐊᓂ ᐱᖃᑎᒋᖕᒪᒍ, ᑐᒃᓯᐊᕐᓂᖓ ᐊᑕᓂᐅᑉ ᐃᖅᑲᐅᒪᓚᐅᕐᐹ.

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 10:6

ᑕᕝᕙ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖓᑕ ᑎᑭᑦᓱᒫᕐᐹᑎᑦ, ᓇᓚᐅᑦᑍᖃᑕᐅᓕᕐᓗᑎᓪᓗ ᑖᒃᑯᓄᖓ, ᐊᓯᑦᔨᕐᑕᐅᔪᒫᕐᐳᑎᓪᓗ.

ᓴᒧᐃᓕ ᓯᕗᓪᓖᑦ 11:6

ᓴᐅᓕᓕ ᑕᒪᑐᒥᖓ ᑐᓴᕋᒥ, ᒎᑎᐅᑉ ᐊᓂᕐᓂᖓᑕ ᓴᓐᖏᔪᕐᔪᐊᒥᒃ ᑎᑭᕝᕕᒋᕚ, ᓂᓐᖓᐅᒪᓂᕐᔪᐊᒧᓪᓗ ᑎᑭᑕᐅᕗᖅ.

ᓴᒧᐃᓕ ᓯᕗᓪᓖᑦ 16:18

ᐱᔨᖓᑕ ᐃᓚᖓ ᐃᓅᓱᒃᑐᖅ ᑭᐅᕗᖅ, “ᑕᑯᒋᑦ, ᑕᑯᓯᒪᕗᖓ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᖓᓂᒃ, ᓂᑦᔭᐅᓯᔭᑦᓯᐊᕈᓐᓇᕐᑐᒥᒃ, ᓯᕘᕋᖏᑦᑐᖅ ᐅᓇᑕᕈᓐᓇᕐᓗᓂᓗ, ᓯᓚᑐᔪᒥᒃ ᐅᖃᐅᓯᖃᕈᓐᓇᕐᑐᖅ, ᑕᑯᒥᓇᕐᑐᖅ; ᐊᑕᓂᐅᓪᓗ ᑖᓐᓇ ᓇᔪᕐᐹ.”

ᓴᒧᐃᓕ ᓯᕗᓪᓖᑦ 18:12

ᓴᐅᓕᐅᑉ ᑍᕕᑎ ᑲᑉᐱᐊᒋᓕᕐᐹ, ᐊᑕᓂᕐᒧᑦ ᓇᔪᕐᑕᐅᓂᖓᓄᑦ ᐃᒻᒥᓂᒡᓗ ᕿᒪᒃᑕᐅᓯᒪᓕᕐᓂᕐᒥᓄᑦ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 2:35

ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ.