ᓴᒧᐃᓕ ᓯᕗᓪᓖᑦ 15:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”

ᓴᒧᐃᓕ ᓯᕗᓪᓖᑦ 15:3 Iomraidhean Croise

ᒨᓯᓯ ᓯᕗᓪᓖᑦ 36:12

ᐃᓕᐹᓯᓗ ᐱᔨᒋᓪᓗᓂᐅᒃ ᓄᓕᐊᖃᒃᑲᓐᓂᓚᐅᕆᕗᖅ ᑎᒻᓇᒥᒃ, ᑖᑦᓱᒪᓐᖓᑦ ᐃᕐᓂᕐᑖᓚᐅᕐᐳᖅ ᐊᒪᓕᒃᒥᒃ, ᑖᒃᑯᐊ ᐋᑕᐅᑉ ᐃᕐᖑᑕᖏᑦ ᐄᓴᐅᑉ ᓄᓕᐊᖓᑕ.

ᓴᒧᐃᓕ ᐂᑉᐸᖏᑦ 1:8

ᐊᐱᕆᕚᖓ, ‘ᑭᓇᐅᕖᑦ?’ ᐅᖃᐅᑎᕙᕋᓗ, ‘ᐊᒪᓕᑬᑎᒥᐅᑕᐅᕗᖓ.’

ᒨᓯᓯ ᐂᑉᐸᖏᑦ 17:14

ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᓐᓇ ᓵᓚᖃᕐᓂᕆᔭᓯ ᑎᑎᕋᓚᐅᕈᒃ, ᐃᖅᑲᐅᒪᔭᐅᔪᓐᓇᖁᓪᓗᒍ. ᔮᓱᐊᓗ ᐅᖃᐅᑎᓂᐊᕐᐸᑦ ᐊᒪᓕᒃᒥᐅᑦ ᓄᖑᑦᓯᐊᕐᑕᐅᖁᒐᒃᑭᑦ ᐊᒥᐊᒃᑯᖃᖏᑦᓯᐊᓕᕐᓗᑎᒃ.”

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᓯᑕᒪᖏᑦ 24:20

ᐊᒪᓕᒃᒥᐅᑦ ᕿᕕᐊᕋᒥᒋᑦ, ᒎᑎᒥᑦ ᐅᖃᐅᓯᒃᓴᒥᓂᒃ ᐅᖃᓕᕐᐳᖅ, ᐅᖃᕐᓗᓂ: “ᐊᒫᓚᒃ ᐃᓅᖃᑎᒋᒡᔪᐊᓂᑦ ᓯᕗᓪᓕᕐᐹᖑᓚᐅᕐᐳᖅ, ᑭᖑᓪᓕᕐᐹᖑᓕᕈᒫᕐᐳᕐᓕ ᐊᓯᕈᕐᑕᐅᓂᓂ ᑎᑭᓪᓗᒍ.”

ᒨᓯᓯ ᓯᑕᒪᖏᑦ 31:17

ᑍᒤᒻᒪᑦ ᒫᓐᓇ ᓱᕈᓰᑦ ᐊᖑᑎᑦ ᑐᖁᓕᕐᓯᒋᑦ, ᐊᕐᓁᓪᓗ ᐊᖑᒻᒥᒃ ᐱᖃᑎᖃᓚᐅᕐᓯᒪᔪᓕᒫᑦ.

ᔮᓱᐊᑉ ᐊᒡᓚᖏᑦ 10:39

ᓵᓚᒋᕚᓗ ᐊᖓᔪᖅᑳᕐᔪᐊᖓᓪᓗ ᓄᓇᓖᓪᓗ ᖃᓂᒋᔭᖓᓃᑦᑐᓕᒫᑦ ᑐᖁᕋᕐᐰᑦ; ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᓚᐅᓐᖏᓚᖅ; ᑍᒫᑦᓮᓐᓇᖅ ᕼᐃᐸᕋᓐᒧᑦ ᓕᑉᓇᒧᓪᓗ ᐊᖓᔪᖅᑳᕐᔪᐊᖏᓐᓄᓪᓗ ᑍᒤᓕᐅᓚᐅᕋᒥ, ᑍᒫᑦᓮᓐᓇᖅ ᐱᓇᓱᐊᓚᐅᕐᐳᖅ ᑎᐱᕆᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ.

ᓴᒧᐃᓕ ᓯᕗᓪᓖᑦ 14:48

ᐅᓇᑕᕐᑐᒃᓴᓂᓗ ᑲᑎᑎᓪᓗᓂᒋᑦ ᐊᔪᖏᑦᑐᕐᔪᐊᖑᓪᓗᑎᒃ ᓵᓚᖃᓚᐅᕐᐳᑦ ᐊᒪᓕᑬᒥᐅᓂᒃ, ᐃᓴᕆᐊᓕᒥᐅᓪᓗ ᓴᐳᑎᓚᐅᕐᐰᑦ ᑲᑉᐱᐊᓱᒃᑎᑦᓯᔨᒋᔭᖏᓐᓂᑦ.

ᓴᒧᐃᓕ ᓯᕗᓪᓖᑦ 15:18

ᐊᑕᓂᐅᓪᓗ ᑎᓕᓚᐅᕐᐹᑎᑦ ᐱᔭᒃᓴᖃᖁᓪᓗᑎᑦ ᐅᖃᕐᓗᓂ, ‘ᐊᐅᓪᓚᕆᑦ, ᐊᔪᕐᑐᓕᔪᑦ ᐊᓯᕈᕆᐊᕐᑐᒃᑭᑦ ᓄᖑᑦᓯᐊᕐᓗᒋᑦ, ᐊᒪᓕᑬᒥᐅᑦ ᐅᓇᑕᕐᓂᐊᕐᐸᑎᑦ ᓄᖑᓚᐅᖅᑳᕐᑎᓐᓇᒋᑦ.’

ᓴᒧᐃᓕ ᓯᕗᓪᓖᑦ 15:9

ᓴᐅᓕᐅᓪᓕ ᐃᓚᖏᑕᓗ ᐋᒑᒡ ᑐᖁᓐᖏᓛ, ᓰᐱᓪᓗ ᐱᐅᓂᕐᐹᖏᑦ, ᐃᒻᒧᒃᓯᐅᒊᓪᓗ, ᖁᐃᒃᓯᓴᕐᓯᒪᔪᓪᓗ ᓰᐱᐅᑉ ᓄᕐᕋᖏᑦ, ᐊᓯᖏᓪᓗ ᐱᐅᔫᑏᑦ, ᐊᓯᕈᕈᒪᓚᐅᓐᖏᓔᑦ; ᐊᓯᖏᓪᓕ ᐱᐅᖏᑦᑐᑦ ᐊᑑᑎᒃᓴᖃᖏᑦᑐᓪᓗ ᐊᓯᕈᕐᐰᑦ.

ᓴᒧᐃᓕ ᓯᕗᓪᓖᑦ 22:19

ᓅᐱᒥᓗ, ᐃᒡᓗᒐᓮᑦ ᑐᓂᕐᕈᓯᕐᑎᑦᓯᔨᖏᑦ, ᓴᕕᒡᔪᐊᒧᑦ ᑐᖁᑉᐰᑦ; ᐊᖑᑏᑦ, ᐊᕐᓁᓪᓗ, ᓄᑕᖅᑲᑦ, ᐃᒻᒧᒃᓯᐅᒊᑦ, ᓯᐅᑎᖅᑯᕐᑐᔪᑦ, ᓰᐲᓪᓗ ᑕᒪᕐᒥᒃ ᑐᖁᑕᐅᑎᑉᐰᑦ ᓴᕕᒡᔪᐊᒧᑦ.

ᓴᒧᐃᓕ ᓯᕗᓪᓖᑦ 27:9

ᑍᕕᑎᓗ ᑐᖁᕅᖃᑦᑕᓚᐅᕐᐳᖅ ᐊᖑᑎᓂᒃ ᐊᕐᓇᓂᒡᓗ, ᓰᐱᖁᑎᖏᑦ, ᐆᒪᔪᖁᑎᖏᓪᓗ, ᓯᐅᑎᖅᑯᕐᑐᔪᖁᑎᖏᓪᓗ, ᑳᒥᓕᖁᑎᖏᓪᓗ ᑎᒍᖃᑦᑕᓚᐅᕐᐰᑦ, ᐊᓐᓄᕌᖏᓪᓗ, ᐅᑎᖃᑦᑕᕐᓗᓂᓗ ᐊᑭᔅᒧᑦ.

ᓴᒧᐃᓕ ᓯᕗᓪᓖᑦ 30:17

ᖃᐅᑎᓪᓗᒍ ᖃᐅᒻᒪᓕᕐᑎᓪᓗᒍ ᑍᕕᑎᐅᑉ ᐅᓇᑕᕆᐊᓚᐅᕐᐰᑦ ᐅᓇᑕᓚᐅᕐᐰᓪᓗ ᐅᓐᓄᒧᑦ ᑎᑭᓪᓗᒍ; ᐅᕕᒃᑬᓪᓕ 400 ᕿᒪᒃᓯᓚᐅᕐᐳᑦ ᑳᒥᓕᒃᑎᒍᑦ, ᐊᓯᓕᒫᖏᓪᓕ ᐊᖑᑎᑦ ᑐᖁᑕᐅᓚᐅᕐᐳᑦ.