ᓴᒧᐃᓕ ᓯᕗᓪᓖᑦ 15:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓴᒧᐃᓕᓗ ᐅᖃᕐᐳᖅ ᓴᐅᓕᒧᑦ, “ᐊᑕᓂᐅᑉ ᑎᓕᕚᖓ ᐅᕐᓱᕐᑎᕐᑕᐅᖁᓪᓗᑎᑦ ᐊᖓᔪᖅᑳᕐᔪᐊᖑᓂᐊᕐᓗᑎᑦ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ; ᒫᓐᓇ ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᓈᓚᓕᒃᑭᑦ.

ᓴᒧᐃᓕ ᓯᕗᓪᓖᑦ 15:1 Iomraidhean Croise

ᐊᑕᓃᑦ ᐂᑉᐸᖏᑦ 7:1

ᐃᓔᓴ ᐅᖃᕐᐳᖅ, “ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᓕᕐᓯᐅᒃ ᐃᒫᒃ ᐅᖃᕐᒪᑦ, ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᓂᐊᖂᔭᒃᓴᖅ ᓯᖃᓪᓕᑦᓯᐊᕐᓯᒪᔪᖅ 10ᓂᒃ ᐅᖁᒤᓐᓂᓕᒃ ᑮᓇᐅᔭᒧᑦ ᓯᐅᓪᕕᕆᒧᑦ ᐊᑕᐅᓯᕐᒧᑦ ᓂᐅᕕᐊᖑᔪᓐᓇᓛᓕᕐᐳᖅ; ᓂᐊᖂᔭᒃᓴᕐᓗ ᐹᕐᓕᒥᒃ ᐊᑎᓕᒃ ᑮᓇᐅᔭᒧᑦ ᓯᐅᓪᕕᕆᒧᑦ ᐊᑕᐅᓯᕐᒧᑦ ᓂᐅᕕᐊᖑᔪᓇᓛᓕᕐᐳᖅ ᓴᒥᐊᕆᐊᒥᐅᑦ ᐃᒡᓗᒐᓴᖏᓐᓂ.”

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 12:14

ᐊᑕᓂᖅ ᐃᓕᕋᒋᓂᐊᕈᑦᓯᐅᒃ ᐱᔨᑦᓯᕐᓗᒍᓗ ᓂᐱᐊᓗ ᓈᓚᖕᓂᐊᕈᑦᓯᐅᒃ, ᐊᑭᕋᕐᑐᓕᕐᓂᐊᖏᒃᑯᑦᓯᓗ ᐊᑕᓂᐅᑉ ᐱᖁᔭᖏᓐᓂᒃ, ᐃᓕᑦᓯᓗ ᐊᖓᔪᖅᑳᕐᔪᐊᓯᓗ ᐃᓕᑦᓯᓐᓂᑦ ᐊᐅᓚᑦᓯᔪᖅ ᒪᓖᓐᓇᕐᓂᐊᕈᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᖃᓄᐃᖏᑦᓯᐊᕈᓐᓇᕐᓂᐊᕐᐳᓯ;

ᓴᒧᐃᓕ ᓯᕗᓪᓖᑦ 13:13

ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓯᓔᑦᑐᐊᓗᖕᒥᒃ ᐱᓇᓱᐊᓚᐅᕐᐳᑎᑦ; ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᓈᓚᓚᐅᖏᓐᓇᕕᑦ, ᐃᓕᖕᓄᑦ ᐱᖁᔨᑦᔪᑎᒋᓚᐅᕐᑕᖏᓐᓂᒃ; ᐊᑕᓂᐅᑉ ᐋᖅᑭᒃᓱᕋᔭᓚᐅᕐᐹ ᐊᖓᔪᖅᑲᐅᕖᑦ ᐃᓴᕆᐊᓕᒥᐅᓂᒃ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 9:15

ᐃᑉᐸᒃᓴᖓᓂᐅᑎᓪᓗᒍ ᓴᐅᓕ ᓱᓕ ᑎᑭᓚᐅᕐᑎᓐᓇᒍ, ᐊᑕᓂᐅᑉ ᓴᒧᐃᓕ ᖃᐅᔨᑎᓚᐅᕐᐹ ᐃᒫᒃ:

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”