46 ᑕᕝᕙ ᓴᐅᓕᐅᑉ ᐱᓕᔅᑍᓂᒥᐅᑦ ᒪᓕᒃᓴᕈᓐᓃᕐᐰᑦ; ᐱᓕᔅᑍᓂᒥᐅᓪᓗ ᓄᓇᒥᓄᑦ ᐅᑎᓚᐅᕐᐳᑦ.
ᑕᕝᕙ ᐃᓄᐃᑦ ᐅᖃᕐᐳᑦ ᓴᐅᓕᒧᑦ, “ᔫᓇᑕᓂ ᑐᖁᔪᒃᓴᐅᕚ ᐊᖏᔪᕐᔪᐊᒥᒃ ᓵᓚᖃᕐᓂᕐᒥᒃ ᐱᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ? ᑍᒤᑦᑐᒃᓴᐅᓐᖏᓚᖅ! ᐊᑕᓂᖅ ᐆᒪᖕᒪᑦ, ᑖᑦᓱᒪ ᓵᖓᓂ ᔫᓇᑕᓂᐅᑉ ᓄᔭᖓ ᐊᑕᐅᓯᕐᓘᓐᓃᑦ ᓂᐊᖁᖓᓂᑦ ᑲᑕᖕᓂᐊᓐᖏᓚᖅ ᓄᓇᒧᑦ; ᐅᓪᓗᒥ ᐱᓂᐊᕐᓂᖓ ᒎᑎᐅᑉ ᐃᑲᔪᕐᓂᖓᓂᑦ ᐱᓯᒪᖕᒪᑦ.” ᑕᕝᕙ ᐃᓄᐃᑦ ᓴᐳᑦᔨᓚᐅᕐᐳᑦ ᔫᓇᑕᓂᒥᒃ, ᔫᓇᑕᓂᓗ ᑐᖁᑕᐅᓚᐅᓐᖏᓚᖅ.
ᓴᐅᓕᐅᓪᓕ ᐊᖓᔪᖅᑲᐅᓂᖓ ᐃᓴᕆᐊᓕᒥᐅᓄᑦ ᐱᒋᐊᕐᓯᒪᓕᕐᑎᓪᓗᒍ, ᐅᓇᑕᖃᑦᑕᓚᐅᕐᐳᖅ ᐊᑭᕋᓕᒫᒥᓂᒃ ᓇᓂᑐᐃᓐᓈᕐᑐᓂᒃ ᐊᕙᑎᒥᖕᓂ, ᐃᓅᖃᑎᒌᓂᒃ ᒧᐊᐱᒥᐅᓂᒃ, ᐊᒧᓁᑎᒥᐅᓂᒃ, ᐄᑐᒥᒥᐅᓂᒃ, ᔫᐸᒥᐅᑦ ᐊᖓᔪᖅᑳᕐᔪᐊᖓᓂᒃ, ᐱᓕᔅᑍᓂᒥᐅᓂᒡᓗ; ᓇᓪᓕᐊᓐᓄᑐᐃᓐᓇᖅ ᐱᒋᐊᕌᖓᒥ ᓵᓚᒋᖃᑦᑕᓚᐅᕐᐰᑦ.
ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᕐᐸᓪᓕᐊᓪᓗᑎᒃ; ᑲᑎᕗᑦ ᓄᓇᒥ ᓲᑯᒥ, ᔫᑕᐅᑉ ᓄᓇᖓᓃᑦᑐᒥ; ᑕᖕᒫᕐᐳᓪᓗ ᓲᑰᓪᓗ ᐊᔨᑲᐅᓪᓗ ᐊᑯᓐᓂᖓᓂ, ᐃᐱᔅ-ᑕᒥᒻᒥ.