ᓴᒧᐃᓕ ᓯᕗᓪᓖᑦ 14:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑐᓂᕐᕈᓯᕐᑎᑦᓯᔨ ᑍᑦᓱᒪᓂ ᓴᒡᕕᖕᒥᐅᑕᕐᒥᒃ ᐊᑐᕐᑐᖅ ᐊᕼᐂᔭᐅᓚᐅᕐᐳᖅ, ᐊᕼᐃᑑᑉ ᐃᕐᓂᖓ ᐃᑲᐸᑦ ᖃᑕᓐᖑᑖ, ᑖᓐᓇ ᐊᕼᐃᑐ ᐃᕐᓂᕆᔭᐅᕗᖅ ᐱᓂᕼᐋᔅᒧᑦ, ᐃᓔᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᓯᔨᐅᔪᒧᑦ ᐊᑕᓂᕐᒧᑦ ᓮᓗᐊᒥ, ᐃᓄᐃᓪᓕ ᖃᐅᔨᒪᓚᐅᓐᖏᓚᑦ ᔫᓇᑕᓂᐅᑉ ᐊᐅᓪᓚᕐᓂᖓᓂᒃ.

ᓴᒧᐃᓕ ᓯᕗᓪᓖᑦ 14:3 Iomraidhean Croise

ᓴᒧᐃᓕ ᓯᕗᓪᓖᑦ 1:3

ᐊᕐᕌᒍᑕᒫᓪᓕ ᐃᐅᓪᑳᓇ ᐂᕙᓚᐅᕐᐳᖅ ᕌᒪᒥᑦ ᓮᓗᐊᒧᑦ ᑐᓂᕐᕈᓯᕆᐊᕐᑐᕐᓗᓂ ᑐᒃᓯᐊᕆᐊᕐᓗᓂᓗ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ, ᕼᐅᐱᓂ ᐱᓂᕼᐋᓯᓗ ᐃᓔᑉ ᐃᕐᓂᖏᒃ ᐃᓚᒋᒡᓗᒋᒃ, ᑖᒃᑯᐊᒃ ᑐᓂᕐᕈᓯᕐᑎᑦᓯᔨᐅᔫᒃ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 14:36

ᑕᕝᕙ ᓴᐅᓕ ᐅᖃᕐᐳᖅ, “ᐂᓚᐅᕐᑕ ᐅᓐᓄᒃᑯᑦ ᑕᐅᓄᖓ ᐱᓕᔅᑍᓂᒥᐅᓄᑦ, ᑐᖁᕋᕐᓗᒋᓪᓗ ᐅᓪᓛᑉ ᖃᐅᓂᖓ ᑎᑭᓪᓗᒍ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᖏᓪᓗᒋᑦ.” ᑖᒃᑯᐊ ᑭᐅᕗᑦ, “ᐱᐅᓂᕐᐹᖑᓇᓱᒋᔧᑦ ᐊᑐᓕᕈᒃ.” ᑐᓂᕐᕈᓯᕐᑎᑦᓯᔨᓕ ᐅᖃᕐᐳᖅ, “ᐊᑕᓂᕐᒧᑦ ᖃᐅᔨᒋᐊᓚᐅᕐᑕ ᑕᒫᓂ.”

ᓴᒧᐃᓕ ᓯᕗᓪᓖᑦ 2:18

ᑍᒤᒃᑲᓗᐊᕐᑎᓪᓗᒋᓪᓕ ᓱᕈᓯᖅ ᓴᒧᐃᓕ ᑲᔪᓯᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ, ᓵᓕᑕᕐᒥᒃ ᖃᓪᓗᓈᕐᑕᒥᒃ ᐃᑦᔪᕐᓁᑦᑐᒥᒃ ᐊᑐᕐᓗᓂ.

ᓴᒧᐃᓕ ᓯᕗᓪᓖᑦ 2:28

ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ.

ᓴᒧᐃᓕ ᓯᕗᓪᓖᑦ 22:20

ᐊᕼᐃᒥᓕᐅᓪᓕ ᐃᕐᓂᖏᑕ ᐃᓚᖓᑦ ᐊᕼᐃᑑᑉ ᐃᕐᓂᖓᑕ, ᐊᐰᐊᑕᒥᒃ ᐊᑎᓕᒃ ᕿᒪᒃᓯᕗᖅ, ᑍᕕᑎᒧᐊᕐᓗᓂᓗ ᐃᓚᓕᐅᑎᕗᖅ.

ᓴᒧᐃᓕ ᓯᕗᓪᓖᑦ 4:21

ᑕᕝᕙ ᐃᕐᓂᕐᑖᓂ ᐊᑦᓯᕐᐹ ᐃᑲᐸᑦᒥᒃ, ᐅᖃᕐᓗᓂᓗ, “ᐊᑕᓂᐅᑉ ᐱᓐᓇᕐᓇᕐᓂᖓᑕ ᐃᓴᕆᐊᓕᒥᐅᑦ ᕿᒪᖕᒪᒋᑦ!” ᐱᑦᔪᑎᖃᕐᓗᓂ ᐊᖏᕈᑎᐅᑉ ᐃᒃᓯᕐᕕᖓᑕ ᑎᒍᔭᐅᓂᖓᓂᒃ ᓴᑭᖓᑕᓗ ᐅᐃᖓᑕᓗ ᑐᖁᓂᖏᓐᓂᒃ.

ᓴᒧᐃᓕ ᓯᕗᓪᓖᑦ 4:4

ᑕᕝᕙ ᑎᓕᓯᕗᑦ ᐅᖃᕆᐊᕐᑐᕐᑐᓂᒃ ᓮᓗᐊᒧᑦ, ᐊᑕᓂᐅᓪᓗ ᐊᔪᒐᖃᖏᑦᑑᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᓇᒃᓴᕐᐹᑦ, ᐃᒃᓯᕙᐅᑕᕐᔪᐊᖃᕐᑑᑉ ᓯᕌᐲᑦ ᐃᓴᕈᓖᒃ ᖁᓛᓂ; ᐃᓔᓪᓗ ᐃᕐᓂᖏᒃ ᕼᐅᐱᓂᓗ ᐱᓂᕼᐋᔅᓗ, ᐃᓚᐅᕗᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᑕᕝᕗᓐᖓᕐᑕᐅᑎᓪᓗᒍ.