ᓴᒧᐃᓕ ᓯᕗᓪᓖᑦ 14:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐅᓪᓗᒥ ᑖᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ; ᐅᓇᑕᕐᓂᕐᓗ ᑎᑭᐅᑎᓚᐅᕐᐳᖅ ᓄᓇᒧᑦ ᐱᑦᐂᕕᓐᒧᑦ.

ᓴᒧᐃᓕ ᓯᕗᓪᓖᑦ 14:23 Iomraidhean Croise

ᐊᑕᓃᑦ ᐂᑉᐸᖏᑦ 14:27

ᐊᑕᓂᐅᑉ ᐃᓴᕆᐊᓕᒥᐅᑦ ᕿᓚᐅᑉ ᐊᑖᓂ ᓄᖑᑦᓱᒪᓪᓗᒋᑦ ᐅᖃᕐᓯᒪᓚᐅᖏᒻᒪᑦ, ᐱᐅᓕᓚᐅᕐᐰᓪᓕ ᔨᕈᐳᐊᒻᑯᑦ ᔪᐊᓯᐅᑉ ᐃᕐᓂᖓᒍᑦ.

ᑯᕉᓂᑲ ᓯᕗᓪᓖᑦ 11:14

ᑖᓐᓇᓕ ᕿᒪᒃᓯᓇᓂ ᐃᓂᒥᓂ ᓱᕐᕋᓚᐅᓐᖏᓚᖅ, ᐱᕈᕐᓰᕕᐅᑉ ᕿᑎᖓᓂ ᓴᐳᓐᓂᐊᕐᓗᓂ, ᐱᓕᔅᑍᓂᒥᐅᓪᓗ ᑐᖁᓚᐅᕐᐰᑦ; ᐊᑕᓂᐅᓪᓗ ᐱᐅᓕᓚᐅᐰᑦ ᓵᓚᒃᓴᕕᒡᔪᐊᕐᑎᓪᓗᒋᑦ ᑕᕝᕙᓂ.

ᑯᕉᓂᑲ ᐂᑉᐸᖏᑦ 32:22

ᐊᑕᓂᐅᓪᓗ ᕼᐃᓯᑬᐊ ᔨᕉᓴᓕᒥᓗ ᓄᓇᖃᕐᑐᑦ ᐱᐅᓕᕔᑦ ᓯᓇᑯᕆᑉᒥᑦ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᑦ, ᐊᑭᕋᓕᒫᖏᑕᓗ ᐱᔪᓐᓇᕐᓂᖏᓐᓂᑦ; ᐊᕙᑎᒥᐅᑕᖏᓐᓂᓪᓗ ᐅᓇᑕᕐᑕᐅᑎᓚᐅᓐᖏᓔᑦ.

ᒨᓯᓯ ᐂᑉᐸᖏᑦ 14:30

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ ᐄᑦᔨᑉᑎᒥᐅᓂᑦ. ᐃᓴᕆᐊᓕᒥᐅᓪᓗ ᐄᑦᔨᑉᑎᒥᐅᕕᓂᕐᓂᒃ ᑐᖁᖓᓕᕐᑐᓂᒃ ᑕᑯᕗᑦ ᐃᒪᐅᑉ ᓯᓈᓂ.

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᒨᓯᓯ ᑕᓪᓕᒪᖏᑦ 20:4

ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᑖᑦᓱᒪᓗ ᓵᓚᒃᓴᕐᑎᓐᓂᐊᕐᐹᓯ.’

ᔮᓱᐊᑉ ᐊᒡᓚᖏᑦ 7:2

ᔮᓱᐊ ᐊᖑᑎᓂᒃ ᑎᓕᓯᓚᐅᕐᐳᖅ ᔨᕆᑯᒥᑦ ᐂᒧᑦ, ᐃᒡᓗᒐᓴᖕᓄᑦ ᐱᑦᐂᕕᐅᑉ ᖃᒥᒋᔮᓃᑦᑐᓄᑦ, ᐱᑎᓕᐅᑉ ᓯᕿᓐᓂᓕᕐᕕᖓᑕ ᓇᓛᓃᑦᑐᓄᑦ, ᑎᓕᓚᐅᕐᐰᑦ ᐅᖃᐅᑎᓪᓗᒋᑦ, “ᖃᐅᔨᓴᕆᐊᓚᐅᕆᑦᓯ ᓄᓇᖓᓂᒃ.” ᑍᒤᒻᒪᑦ ᑖᒃᑯᐊ ᖃᐅᔨᓴᕆᐊᓕᓚᐅᕐᐳᑦ ᓄᓇᒥᒃ ᐂᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 2:18

ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ.

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”